<p><p>"სამპდორია"-"რომას" მატჩის შემდეგ ფრანჩესკო ტოტისა და "რომას" დამრიგებელ კლაუდიო რანიერის შორის შავმა კატამ გაირბინა</p> <br> <p>ფრანჩესკო ტოტისა და კლაუდიო რანიერის შორის შავმა კატამ გაირბინა. კონფლიქტი "სამპდორია"-"რომას" მატჩის მსვლელობისას მოხდა, როდესაც მწვრთნელმა კაპიტანი მხოლოდ 90-ე წუთზე ჩართო თამაშში და ბუნებრივია, ამან წახდენილ საქმეს ვეღარ უშველა. "ჯალოროსიმ" წააგო, ტოტის კი ისე მოექცნენ, როგორც დებიუტანტ, ახალბედა ფეხბურთელს, რაც "რომას" ცოცხალმა ლეგენდამ ვერ აიტანა. ფრანჩესკო გასახდელშივე ეკამათა მწვრთნელს და როგორც იტალიელი ჟურნალისტები იუწყებიან, დავა ავტობუსშიც გაგრძელდა.</p> <p> </p> <p>ამ ამბავს აპენინებზე დიდი გამოხმაურება მოჰყვა და ვისაც არ ეზარებოდა, ყველამ გააკეთა კომენტარი - მაგალითად, "ჯალოროსის" ყოფილმა ფეხბურთელმა ვინსენ კანდელამ რანიერი დაადანაშაულა და დასძინა, მწვრთნელმა პატივი უნდა სცეს ტოტის, რომელმაც მთელი საფეხბურთო კარიერა ერთ გუნდს შესწირაო. თავად ფეხბურთელი ერიდებოდა ჟურნალისტებთან გამოჩენას, თუმცა იტალიაში პრესისგან დამალვას დიდხანს ვერავინ ახერხებს - მოვუსმინოთ "ჯალოროსის" სათადარიგოთა სკამზე გადასროლილ კაპიტანს:</p><p>"რანიერისთან ნამდვილად მომივიდა შელაპარაკება და ამის უარყოფა სისულელე იქნებოდა. არ მივეკუთვნები იმ ფეხბურთელთა კატეგორიას, რომლებიც ხშირად აკრიტიკებენ მწვრთნელის გადაწყვეტილებას, თუმცა ამ შემთხვევაში სხვა გამოსავალი უბრალოდ არ მქონდა. ერთია, როდესაც სათადარიგოთა სკამზე გაგამწესებენ და მეორე, როდესაც 90-ე წუთზე ჩაგრთავენ თამაშში. მითხარით, რა უნდა მომესწრო ბოლო სამ წუთში და როგორ უნდა გადამერჩინა წაგებული თამაში? - ნამდვილად არ მსურს, რომ გუნდში არსებული ატმოსფერო გავაფუჭო, მაგრამ წყენასაც ვერ დავმალავ.</p> <p> </p> <p>შევდივარ თუ არა საწვრთნელ ბაზაზე, ცუდ გუნებაზე ვდგები და ეს განწყობა ვარჯიშის ბოლომდე თან მსდევს. გამოვდივარ ბაზიდან და ხასიათი მიუმჯობესდება. ამას ყველა მამჩნევს და საპირისპირო რომ ვამტკიცო, მაინც არავინ დამიჯერებს. რა იქნება მომავალში? - ვერაფერს გეტყვით. ჩემი გული "რომას" ეკუთვნის, მაგრამ წარსული დამსახურების გამო აქ გაჩერების სურვილი არ მაქვს. თუ მწვრთნელი ჩემს საჭიროებას ვერ ხედავს, იძულებული გავხდები, სხვაგან წასვლაზე ვიფიქრო. კიდევ ერთხელ ვამბობ, რომ ეს ჩემი სურვილი არ არის, მაგრამ ჯერჯერობით არც კარიერის დასრულება მსურს და არც სათადარიგოთა სკამზე ყურყუტი."</p><p>ასეთი სევდიანი ტოტი იშვიათად გვინახავს და მისი კომენტარიც ისეთია, აშკარად გულშემატკივრებზე თამაშობს. მისი "რომადან" შესაძლო წასვლით შეშინებულმა ტიფოზებმა რანიერის უნდა შეუტიონ და აგრძნობინონ მწვრთნელს, ვინ არის "ჯალოროსიში" მთავარი - აი, ეს არის ალბათ ტოტის მიზანი და ტაქტიკაც შესაბამისი აქვს არჩეული. ვნახოთ, რა შედეგს გამოიღებს ფრანჩესკოს ტაქტიკა - გულშემატკივრები ჯერჯერობით დუმილს ამჯობინებენ.</p> <p> </p> <p> </p> <p>.</p></p>
roma
შეიძლება ვირი ავიდეს ხეზე,მწყერი შეჯდეს ხეზე,მაგრამ ტოტი რომადან არ წავა და აქ დაასრულებს კარიერას!!!!!!! რანიერიმ კი ისწავლა მგონი ჭკუა..თუ არადა მის თავს დააბრალოს!
ika
ამბების ინფორმაციებს ყოველდგე ვეცნობი და ვხვდები რო იტალიის თემაზე ვერ იწერება კაი სტატიები... რა თამაშობს, რის თამაშობს... კაცი ტყუილად სკამზე დასვეს და თუ გაეცნობით იტალიურ პრესას ნახავთ, რომ ყველა გამოცდილი სპეციალისტი და რომას გულშემატკივრები რანიერის ამტყუნებენ... ამას რატო არ წერთ?
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა