- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სამი შეჯიბრების პოზიტიური შედეგი
<p>საქართველოს სამბისტთა ეროვნულმა ნაკრებმა წლევანდელი სეზონი საშეჯიბრო პრაქტიკის თვალსაზრისით უპრეცედენტოდ კარგად დაიწყო. ადრე არასოდეს ყოფილა, რომ სამბისტებს ევროპის ჩემპიონატისთვის სამზადისში უცხოეთის სამ შეჯიბრებაში მიეღოთ მონაწილეობა და თანაც რამდენიმე გუნდით. თებერვალში მათ ყაზახეთსა (ალმაათი) და ბელარუსში (მინსკი) იასპარეზეს პრეზიდენტის თასებზე. მარტში კი რუსეთში (მოსკოვი) სამბოს ფუძემდებლის არკადი ხარლამპიევის მსოფლიო თასზე მიიღეს მონაწილეობა. ყაზახეთში დავით ლორიაშვილი (100) და ბექა ბერძენიშვილი (+100) ოქროს მედლის მფლობელები გახდნენ; ზვიად ოდოშაშვილმა (62), კახა მამულაშვილმა (74) და დავით კარბელაშვილმა (90) ვერცხლის მედლები მოიპოვეს, ხოლო ბრინჯაოს მედლები შმაგი ლაგაზაურს (62), ბესო ბერულავას (74), ლევან ნახუცრიშვილს (74), ზაურ გაგნიძეს (82), პაატა ღვინიაშვილს (90) და გიორგი ზაქარიაძეს (100) ერგოთ.</p><p>ბელარუსში ფინალისტი იყო ბექა ბერძენიშვილი (+100), ხოლო ირაკლი კუპატაძე (57) მესამე ადგილზე გავიდა.</p><p>რუსეთში მსოფლიოს თასის გამარჯვებული დავით ლორიაშვილი (100) გახდა, ვერცხლის მედალი იკმარა ბექა ბერძენიშვილმა (+100), კვარცხლბეკის მესამე საფეხურზე დადგნენ გენადი ჩირგაძე (57), შმაგი ლაგაზაური (62) და ლევან წიკლაური (82). რუსეთის დედაქალაქში გოგონებმაც იასპარეზეს - ვერცხლის მედლები მოიპოვეს შორენა შარაძემ (60) და ნინო ოძელაშვილმა (72).</p><p>სამბისტთა ეროვნული გუნდი ამჟამად ბორჯომში გადის შეკრებას. გუნდის მთავარ მწვრთნელს ჯონდო მუზაშვილს სწორედ იქ დავუკავშირდით, წლევანდელი სამი შეჯიბრების შეფასება ვთხოვეთ და მოახლოებული ევროპის ჩემპიონატისათვის სამზადისზეც ვკითხეთ.</p><p>- ევროპის ჩემპიონატის წინ ადრე არასოდეს გვიასპარეზია უცხოეთში სამ შეჯიბრებაში. წლეულს ამ მხრივ სასიამოვნო გამონაკლისი იყო. რა თქმა უნდა, ხელშეწყობა კარგად წაგვადგება სამომავლოდ. თანაც ამ შეჯიბრებებზე მეორე ნომრებიც გამოვცადეთ. მათთვის საერთაშორისო გამოცდილების მიღება ძვირფასია. მოსკოვსა და ყაზახეთში ძირითადი შემადგენლობებით გამოვედით და შედეგით კმაყოფილი დავრჩი, ბელარუსში კი უმეტესწილად სათადარიგოები გვყავდა და ამიტომაც ვიკმარეთ მხოლოდ ორი მედალი. ცხადია, მოსკოვში მსოფლიოს თასი იყო განსაკუთრებით საკმაოდ წარმომადგენლობითი შეჯიბრება. იქ თითოეულ წონაში მხოლოდ ერთი მონაწილის გამოყვანა შეეძლოთ გუნდებს, მაგრამ ყველა გუნდი მოსკოვში ლიდერებით ჩავიდა. ყაზახეთსა და ბელარუსში ამ თვალსაზრისით შეზღუდვა არ ყოფილა და ჩვენც ბევრი სამბისტი გამოვცადეთ. მინსკში ძირითადი შემადგენლობიდან მხოლოდ ბერძენიშვილი წავიყვანე. მისთვის პრაქტიკა აუცილებელია.</p><p>- როგორც ვიცით, ბექა დიდი ხანი არაა, რაც ჭიდაობს...</p><p>- იგი 17 წლის ასაკში მოვიდა არათუ სამბოში, ზოგადად ჭიდაობაში, მაგრამ სულ რამდენიმე წელიწადში, როგორც შიდა, ისე საერთაშორისო არენაზე შესანიშნავი შედეგები აჩვენა. ახლაც, სამივე შეჯიბრებაში ფინალში გავიდა. სამომავლოდაც გვეიმედება მისი და ამიტომ ვცდილობთ საშეჯიბრო პრაქტიკის მიღების შანსი არ მოვაკლოთ. ესოდენ გვიან დამწყები მოჭიდავისთვის ძნელია სათანადო ტექნიკის სწრაფად ათვისება. თუმცა ბექას განვითარების ტემპით კმაყოფილი ვარ. იგი ფიზიკურად ძლიერი სპორტსმენია და სწორედ ძალის ხარჯზე აბალანსებს ჯერჯერობით არსებულ ტექნიკურ ხარვეზებს. ბერძენიშვილი ერთადერთი სპორტსმენია, რომელიც უცებ გამოჩნდა ბოლო პერიოდში, ნაკრების სხვა წევრებს დიდი ხანია ვიცნობთ და ვაკვირდებით.</p><p>- შარშანდელი მსოფლიოს ჩემპიონობის შემდეგ ისევ კარგ ფორმაში ჩანს დავით ლორიაშვილი...</p><p>- დიახ, მან ალმაათსა და მოსკოვში დამაჯერებლად გაიმარჯვა. ლორიაშვილი უკვე ყველა შეჯიბრებაში ოქროს მედლის კანდიდატად ითვლება. მას ბევრი შეუძლია, რაც ადრეც ეტყობოდა, მაგრამ შესაბამისი წარმატებები აკლდა. ჩვენ უბრალოდ სწორი მიმართულება მივეცით მის პოტენციალს. ამასთან, ლორიაშვილი სტაბილური გახდა.</p><p>- წლევანდელ შეჯიბრებაში არ ჩანდა მსოფლიოს კიდევ ერთი მოქმედი ჩემპიონი ვახტანგ ჩიდრაშვილი, ლევან ნახუცრიშვილმა კი მხოლოდ ყაზახეთში იჭიდავა.</p><p>- ისე, საყურადღებოა, რომ მათთან ერთად კიდევ მეტი მედლების მოპოვების შანსი გვქონდა ამ შეჯიბრებებში. მათ დასვენებისთვის მეტი დრო მიეცათ. ნახუცრიშვილს ყაზახეთში წონა არ დავაკლებინეთ და 74 კგ-ში გამოვიდა, თუმცა ბრინჯაოს მედალი მაინც აიღო. ჩიდრაშვილი მინსკის ტურნირის წინადღეებში დაქორწინდა და დასვენების უფლება მივეცით. ახლა აქტიურად ვარჯიშობს გუნდთან ერთად. მოსკოვში ვაჭიდავეთ ჩირგაძეც, თუმცა, მასაც არ დავაკლებინეთ და ზედა წონაში ბრინჯაო მოიგო.</p><p>- სასიამოვნო იყო გამოცდილი ლევან წიკლაურის გამოჩენაც, რომელსაც ტრავმის გამო დიდი დრო გაუცდა...</p><p>- დიახ, მისასალმებელია ლევანის დაბრუნება სამბოს არენაზე. მოსკოვში მან ბრინჯაოს მედალი მოიპოვა. წიკლაური პროფესიონალია, იცის, როგორ უნდა შევიდეს ფორმაში, მონდომებაც არ აკლია და იმედია, სამომავლოდ წარმატებებიც არ დააყოვნებს.</p><p>- გვიამბეთ შეკრების თაობაზე, რომელსაც ევროპის ჩემპიონატისთვის სამზადისში გადიხართ.</p><p>- პირველი შეკრება, ფიზიკური, ბაკურიანში გვქონდა. ამჟამად ბორჯომში ვართ და მიმდინარე თვის ბოლოს დავასრულებთ შერეულ (ფიზიკური და ხალიჩა) ვარჯიშებს. მაისის დასაწყისშივე, ანუ უშუალოდ ევროპის ჩემპიონატის დაწყების წინ უკვე ტრადიციულად, გორში გავივლით საწვრთნელი შეკრების დასკვნით ეტაპს. 14 მაისს კი გავემგზავრებით ხორვატიაში ევროპის ჩემპიონატზე.</p><p>უნდა აღვნიშნო, რომ ფედერაციის გადაწყვეტილებით წლეულს გოგონების გუნდიც ჩვენი ხელმძღვანელობით გამოვა შეჯიბრებებში. მოსკოვში იჭიდავეს და ორი ვერცხლის მედლის მოპოვება შეძლეს შორენა შარაძემ (60 კგ) და ნინო ოძელაშვილმა (72). უკვე გადაწყვეტილი გვაქვს, რომ ევროპის ჩემპიონატზე საქართველოს ქალთა ნაკრები ოთხი სპორტსმენით გავა. ესენი არიან - ნინო ოძელაშვილი, შორენა შარაძე, ირინა ლეონიძე და თეა სუხიტაშვილი.</p><p>ვასილ ბალახაძე</p><p>*</p><p><br></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
"რუსეთის მხარდამჭერი ყველა ქვეყანა გარიცხეთ" - შევჩენკოს მოწოდება ოლიმპიურ თამაშებზე
თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა
"კორინთიანსმა" "მილანს" ბრაზილიის ნაკრების მეკარე არ მიჰყიდა
დემბელე უკმაყოფილოა - ლუის ენრიკე ფრთხილობს
20 წ. | ორი ტესტი მოქმედ ჩემპიონ სამხრეთ აფრიკასთან
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
"ფერადკანიან ბავშვებს ასწავლიან, რომ ბო*ივით მორჩილი მონები იყვნენ - იან რაიტმა ჯუდ ბელინგემი დაიცვა
"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი
"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა
"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?
[VIDEO] რონალდოს ლამაზი საგოლე პასი და ფელიქსის ბრწყინვალე გოლი
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ჯვაროსნები". სიკვდილის ჯგუფი თუ უკეთესი ვარიანტი? - თებერვალში ერთა ლიგის წილისყრაა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
[PHOTO] ნახეთ, როგორ მკერდსავსე გოგონას ჰყვარობს "ჩელსის" ვარსკვლავი
ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!