<p>ჩემპიონთა ლიგა. 1/2-ფინალი. I მატჩი <br> გადაჭედილ "კამპ ნოუზე" "ბარსელონამ" ნამდვილი სპექტაკლი დადგა, მეტოქეს სამი უპასუხო გოლი გაუტანა და უდიდესი ნაბიჯი გადადგა ფინალისკენ.</p><p>ბუნებრივია, მიუნხენის "ბაიერნსაც" უნდა დავუფასოთ გარჯა, რომელიც 77-ე წუთამდე მოწოდების სიმაღლეზე იყო და მიუხედავად იმისა, რომ კარში ზუსტად ერთხელაც არ დაურტყამს, გვაჩვენა, რომ უმაღლესი კლასის გუნდია.</p><p>დიახ, შეიძლება სამი ბურთის სხვაობით წააგო, კარშიც კი არ დაარტყა, მაგრამ აჩვენო, რომ დიდი გუნდი ხარ და "ბაიერნმა" სწორედ ამის დემონსტრირება მოახდინა. თუმცა, "კამპ ნოუზე" ნამდვილი შოუ, საფეხბურთო დღესასწაული მაინც "ბარსელონამ" დადგა, მთავარი გმირი კი თვით ლიონელ მესი გახლდათ, ლეგენდარული არგენტინელი, რომლის გაჩერება, უბრალოდ, შეუძლებელია...</p><p>მატჩის 77-ე წუთი მიმდინარეობდა, როდესაც მესიმ ბურთი საჯარიმოს მისადგომებთან მიიღო, ერთი ახედა კარს - ადგილიდან, მოწყვეტით დაურტყა მანუელ ნოიერს და ახლო კუთხეში გაუტანა, 1:0.</p><p>ამ ეპიზოდიდან სამი წუთი არ იყო გასული, როდესაც მესიმ ბურთი მარჯვენა ფლანგზე მიიღო, მეტოქის საჯარიმოში შეიჭრა, გზად ჟერომ ბოატენგი ჩამოიცილა და ტექნიკური დარტყმით მეკარეს ბურთი თავზე გადაუგდო, 2:0.</p><p>თუმცა, ის, რაც მესიმ ბოატენგს დამართა, ცალკე სალაპარაკო თემაა - არგენტინელმა გააბითურა, გააქრო, მასხრად აიგდო გერმანელი მცველი და ისე შეასრულა დუბლი. მესიმ მესამე გოლშიც ლომის წილი დაიდო, როდესაც ნეიმარი მეკარეს პირისპირ შეჰყარა და ამ უკანასკნელსაც ბურთის კარში შეგორება აღარ გასჭირვებია, 3:0 ესპანელთა სრული ტრიუმფი და კიდევ ერთხელ აღვნიშნოთ, დიდი ნაბიჯი ფინალისკენ.</p><p>არადა, მეორე ტაიმის პირველი ნახევარი "ბაიერნმა" შესანიშნავად ჩაატარა, ბურთზე კონტროლი დააწესა და ტემპი დააგდო, რასაც მასპინძელთა აღელვება და ბევრი წუნი მოჰყვა. ნათელი იყო, რომ პეპ გვარდიოლამ შეგირდებს სწორედ ბურთის გაგორება დაავალა და ისინიც პირნათლად ასრულებდნენ მწვრთნელის დავალებას. თამაში სტუმართა კარნახით და მათივე სცენარით მიმდინარეობდა, მაგრამ ყველაფერი თავდაყირა მესის ერთმა გასროლამ დააყენა...</p><p>მომენტები ესპანელებს პირველ ტაიმშიც ჰქონდათ, როდესაც ერთიმეორის მიყოლებით სცოდავდნენ ლუის სუარესი, დანი ალვეში და ნეიმარი. "ბაიერნი" კონტრშეტევებზე იჩხვლიტებოდა და მიუხედავად იმისა, რომ კარში არ დაურტყამთ, მათი შეტევების უმრავლესობა მწვავე იყო. ერთ ეპიზოდში რობერტ ლევანდოვსკი ვალდებული იყო, რომ გაეხსნა ანგარიში, მაგრამ თომას მიულერის ბრწყინვალე გადაცემის შემდეგ, კარიდან 5 მეტრში მდგარმა ბურთს ფეხი ააცილა.</p><p>მოკლედ, გატანის შანსი მიუნხენელებსაც ჰქონდათ და ლევანდოვსკის რომ შეეგდო, "ბაიერნის" მდგომარეობა ასე მძიმე არ იქნებოდა.</p><p>მოკლედ, ყველანაირი თანმიმდევრობა დავარღვიეთ - ჯერ მატჩის დასკვნით ნაწილში გატანილ გოლებზე ვთქვით, შემდეგ მეორე ტაიმის პირველ ნახევარზე და ბოლოს, პირველ ტაიმზე, მაგრამ ეს იყო მატჩი, რომლის დალაგებულად და თანმიმდევრულად გადმოცემა არაა აუცილებელი - ეს იყო თამაში, რომელმაც კიდევ ერთხელ გვიჩვენა, თუ რატომ არის ფეხბურთი მსოფლიოს ყველაზე პოპულარული სახეობა. ეს იყო მატჩი, რომელმაც გვანახა, თუ რატომ ეთაყვანება ამ მართლაც საოცარ თამაშს მილიონობით ადამიანი; ეს იყო მატჩი, რომელიც გენიალურმა ლეო მესიმ მოიგო...</p><p><span style="color: #008000;"></p><p><strong>მატჩისშემდგომი კომენტარები:</strong></span></p><p><a href="/fexburti/evroturnirebi/chempiontha-liga/78419-lionel-mesi-davinakhe-rom-boatengi-modioda-chemsken-da.html" target="_blank">ლიონელ მესი: დავინახე, რომ ბოატენგი მოდიოდა ჩემკენ და...</a></p><p><a href="/fexburti/evroturnirebi/chempiontha-liga/78426-luis-enrike-roca-mesi-gyavs-ckhovreba-advilia.html" target="_blank">ლუის ენრიკე: როცა მესი გყავს, ცხოვრება ადვილია</a></p><p><a href="/fexburti/evroturnirebi/chempiontha-liga/78421-zherom-boatengi-ra-thqma-unda-satsyenia.html" target="_blank">ჟერომ ბოატენგი: რა თქმა უნდა, საწყენია</a><a href="/fexburti/evroturnirebi/chempiontha-liga/78422-thomas-miuleri-chven-qbaierniq-varth-chven-ar-vnebdebith.html" target="_blank"></p><p>თომას მიულერი: ჩვენ "ბაიერნი" ვართ, ჩვენ არ ვნებდებით...</a></p><p><a href="/fexburti/evroturnirebi/chempiontha-liga/78420-khosep-gvardiola-qbarselonaq-es-leoa.html" target="_blank">ხოსეპ გვარდიოლა: "ბარსელონა" - ეს ლეოა</a></p><p><span style="color: #3366ff;"><strong>ჩემპიონთა ლიგა. 1/2-ფინალი. I მატჩი</strong></span></p><p><strong><em>ბარსელონა-ბაიერნი 3:0</p><p></em></strong>გოლები: 1:0 მესი (77), 2:0 მესი (80), 3:0 ნეიმარი (90)</p><p><span style="text-decoration: underline;">ბარსელონა (4-3-3):</span> ტერ შტეგენი - დანი ალვეში, პიკე, მასკერანო (89. ბარტრა), ალბა - რაკიტიჩი (82. ჩავი), ბუსკეტსი, ინიესტა (87. რ. ალკანტარა) - ნეიმარი, მესი, სუარესი</p><p><span style="text-decoration: underline;">ბაიერნი (3-4-2-1):</span> ნოიერი - ბენატია, ბოატენგი, რაფინია - ტ. ალკანტარა, ლამი, ჩაბი ალონსო, ბერნატი - შვაინშტაიგერი, მიულერი (79. გიოტცე) - ლევანდოვსკი</p><p><span style="text-decoration: underline;">გაფრთხილება:</span> დანი ალვეში, პიკე, ნეიმარი - ბენატია, ჩაბი ალონსო, ბერნატი</p><p><span style="text-decoration: underline;">კუთხური:</span> 2-3; ჯარიმა: 15-14; თამაშგარე: 3-2; კარში დარტყმა: 15-5 (8-0); ბურთის ფლობა: 48%-52%</p><p><span style="text-decoration: underline;">მაყურებელი:</span> 99 000</p><p><strong>ყოველდღიური სპორტული გაზეთი "ლელო"</strong></p>
Zaza
ეს თამაში რომ ამ ანგარიშით არ დამთავრებულიყო,ძალიან დიდი ცოდვა იქნებოდა.თუმცა,ნოლით-ნოლზეც ვიტყოდი,რომ ჩემს ცხოვრებაში საუკეთესო საფეხბურთო მატჩს ვუყურე.ბედნიერი ვარ,რომ იმ ეპოქაში ვცხოვრობ,რომელშიც მესი თამაშობს.
svansky
ღმერთის მიერ ადამიანისათვის ბოძებულ ნიჭთაგან ერთ-ერთი ყველაზე ლამაზი ნიჭი ბურთის ფეხით თამაშის ნიჭია.
Tengiz
იძახდა ქეცბაია რა გინდათ ხალხო მესები არ მყავსო :) საწყალი ბოატენგი, თუ კარგათ გახსოვთ მონსტრად ჩანდა დინამოს სტადიონზე ჩვენს ნაკრებთან და ამან მსოფლიოს დასაცინად აქცია 2 წამში :)
mamulo
ამ თამაშმა გვიჩვენა თუ რატომ არა დადის მაყურებელი სტადიონზე საქართველოში.
mamulo
ეს იყო მატჩი რომელმაც დაგვანახა,თუ როგორ ჭაობშია და რა დონეზეა ქართული ფეხბურთი და რომ ქართულ ჭაობსჰი ჩაყრილი ფული უაზრობაა.აქ ყველაფერი ბავშვთა ფეხბურთიდაანა დასაწყები.ჩვენი უმაღლესი ლიგა კი გასაუქმებელია,უმაქნის გუნდებზე დასახარჯი ფული კი უნდა მოხმარდეს ბავშთა ფეხბურთის განვითარებას.
nikola
მართალია ბავარიას არ ყავდა რამოდენიმე ფეხბურთელი,ეს ვერანაირად ვერ დააკნინებს ბარსელონას გამარჯვებას და მესის კარგ თამაშს....
elo
მაგრაგ ვისიამოვნე,ძლივს დადებითი ემოციით დავიძინე.მესიმ მსოფლიო ჩემპიონატის ჯავრი იყარა გერმანიაზე.
kaxa
Kargi statiaa.messis gamaognebeli tamashi aginishna rac bevrs zalian,zalian uchirs.
del piero 10
მესსსსსსსსსსიიიიიიიიიიიიიიიიიიი გენია
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
ოსიმენის დუბლი - "გალათასარაიმ" და "ატლეტიკმა" გაიმარჯვეს
კატასტროფულმა ზაბარნიმ უნიკალური ანტირეკორდი გაიმეორა
ოფიციალურად - სპალეტი "იუვენტუსის" მწვრთნელია
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
[VIDEO] "გინდა, ვიჩხუბოთ?!... გასახდელში გავიდეთ!" - იამალისა და ვინისიუსის კონფლიქტის დეტალები
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
"ყველა მწვრთნელს ვახშამზე დავპატიჟებ" - გვარდიოლას პრემიერ ლიგაში 250 გამარჯვება დაუგროვდა
გვარდიოლამ მისთვის ყველა დროის საუკეთესო მწვრთნელი და ყველაზე მნიშვნელოვანი ტურნირი დაასახელა
[VIDEO] "მე?! წადი შენი! მორჩა, გუნდს ვტოვებ" - ალონსოს თავს ვინისიუსის რისხვა დაატყდა
"როგორ შევაჩერე იამალი? ალონსოს უფრო მაგარი დრიბლინგი აქვს, ვიდრე მას" - კარერასმა ლამინს დასცინა
"გაგიმართლათ, რომ ჯერ მხოლოდ 18 წლისაა, ბარსელონაში გნახავთ" - იამალის მამამ "რეალის" ფანებს მიმართა
პსჟ-ის ახალი ვიცე-კაპიტანი ჰყავს - ის თავად გუნდის ფეხბურთელებმა აირჩიეს
"თუ ის წავა, "ბარსელონაში" დავბრუნდები" - მესის კატალონიური გრანდის მაისურით კვლავ ვიხილავთ?
უპატივცემულობა - დონარუმას განცხადება, საუბარი გვარდიოლასთან და ლუის ენრიკეს კომენტარი
"კეინის "ტოტენჰემში" დაბრუნება?" - "დეზების" მწვრთნელი ამ აზრს მიესალმება
მესი: ჯერ არვიცი ვითამაშებ თუ არა მუნდიალზე, გადაწყვეტილებას ამის შემდეგ მივიღებ
ხოსეპ გვარდიოლამ "სიტიში" თავის მომავალზე ისაუბრა
[VIDEO] მუსიალას საშინელი ტრავმა და დონარუმას ცრემლები
[VIDEO] ბოლდუინის პირველი სასტარტო "ბაიერნში" - გერმანულმა გუნდმა "მილანი" დაამარცხა
[VIDEO] "გინდა, ვიჩხუბოთ?!... გასახდელში გავიდეთ!" - იამალისა და ვინისიუსის კონფლიქტის დეტალები
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
შენგელიას 11 ქულა და "ბარსას" მე-4 გამარჯვება ევროლიგაზე
კონტე, ნეიმარი და დე ბრუინი — გადაწყვეტილება, რომელმაც ნაპოლის მომავალი განსაზღვრა
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი
[PHOTO] დააღწევს თავს გაჭირვებას - უცნობმა ადამიანმა ნეიმარს მილიარდი დოლარი უანდერძა
რას უპირებს ენრიკე ზაბარნის საშინელი მატჩის შემდეგ - კომენტარი ქალთა გუნდის ყოფილმა მცველმაც გააკეთა
"მას შემდეგ, რაც პსჟ-ს მწვრთნელი ვარ, ყველაზე მეტად მათ წინააღმდეგ გაგვიჭირდა" - ლუის ენრიკემ მეტოქე გამოარჩია
პედრი თბილისში ვერ ჩამოვა
მესიმ "ინტერ მაიამისთან" კონტრაქტი გაახანგრძლივა
"ამისთვის ფიზიკური მონაცემებია აუცილებელი" - ანჩელოტიმ ნეიმარის ფლანგზე თამაში გამორიცხა
მისი აგენტი "ბარსელონას" თავად დაუკავშირდა - ნიკო უილიამსი "ბლაუგრანას" უახლოვდება
ლუის ენრიკემ "კვარას" ნაკრებში გამოძახებაზე კომენტარი გააკეთა
[VIDEO] მესი გაჩერებას არ აპირებს - არგენტინელმა "ნეშვილს" დუბლი შეუსრულა
"ახლა მუშაობა ყველაზე მეტად მინდა" - გვარდიოლამ "სიტიდან" წასვლა გამორიცხა
"კარიერის გაგრძელების მხოლოდ 1 ვარიანტი აქვს" - Diario Sport-ი ნეიმარზე წერს
"ლივერპული", "ბაიერნი" და მადრიდის "რეალი" "კრისტალ პალასის" მცველისთვის იბრძვიან
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
ჰარი კეინმა ბუნდესლიგის ყველა დროის რეკორდი დაამყარა
ჰანსი ფლიკს დღეს "რეალთან" მატჩში გვარდიოლას რეკორდის გამეორება შეუძლია