- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ირაკლი უზნაძე: მასტერსის ტურნირს მოსამზადებელ ეტაპად განვიხილავთ
<p>საქართველოს ვაჟ ძიუდოისტთა ნაკრების მთავარი მწვრთნელი წინამდებარე თუ უკვე ჩატარებულ შეჯიბრებებზე საუბრობს <br> ძიუდოისტთა ნაკრები უკვე მაროკოშია, სადაც შაბათ-კვირას მასტერსის სერიის ტურნირში გამოვა. აფრიკაში ამირან პაპინაშვილი (60), ლაშა შავდათუაშვილი, ნუგზარ ტატალაშვილი (ორივე - 73), ავთანდილ ჭრიკიშვილი (81), ვალერი ლიპარტელიანი, ბექა ღვინიაშვილი (ორივე - 90), ლევან მატიაშვილი და ადამ ოქრუაშვილი (+100) იჭიდავებენ.</p><p>უშანგი მარგიანი (81) გუნდს ტრავმის გამო ჩამოსცილდა, სხვებმა კი მასტერსზე მოსახვედრად საჭირო ქულები ვერ დააგროვეს. იქ წასვლამდე ნაკრების მთავარ მწვრთნელ ირაკლი უზნაძეს წინამდებარე თუ უკვე ჩატარებულ შეჯიბრებებზე ვესაუბრეთ.</p><p><strong>- როგორია თქვენი მოსამზადებელი გეგმა ევროპული თამაშებისთვის?</p><p></strong>- მოგეხსენებათ, ევროპის ჩემპიონატის გაუქმებამ გეგმები აგვირია. ევროპული თამაშებისთვის მოსამზადებლად ერთთვიანი შეკრება კორეაში გავიარეთ, სადაც 3 სპორტსმენი დარჩა და მწვრთნელ დავით ასუმბანის მეთვალყურეობით ახლაც აგრძელებენ ვარჯიშს - ავთანდილ ჭრიკიშვილი, ვალერი ლიპარტელიანი და ბექა ღვინიაშვილი. ვიასპარეზეთ ზაგრებისა და ბაქოს ტურნირებში, რამაც გამოავლინა გუნდის როგორც დადებითი, ასევე - უარყოფითი მხარეები.</p><p>ხორვატიაში დადებითი იყო ლაშა შავდათუაშვილის კარგი ჭიდაობა, დანარჩენებზე კი რა გითხრათ.</p><p>ბაქოში სასიამოვნო გახლდათ ახალგაზრდების - ჩხვიმიანის, მარგიანის, მატიაშვილის დადებითი ასპარეზობა... ახლა დაგვრჩა ერთ-ერთი სერიოზული შეჯიბრება - მასტერსის ტურნირი. მას არ განვიხილავთ გადამწყვეტ შეჯიბრებად და მისთვის საგანგებოდ არ ვემზადებით, რომ მთავარი შედეგი იყოს.</p><p>ჩვენთვის ეს ევროპული თამაშებისთვის მოსამზადებელი ეტაპია, ბოლო სტარტი, სადაც ევროპულ თამაშებზე დაყენებული ყველა ლიდერი იასპარეზებს, ტრავმირებული მარგიანის გარდა. მასტერსის შემდეგ დასკვნითი შეკრება გვექნება - 16-დღიანი, რომელსაც ყვარელში გავივლით დაახლოებით 35 სპორტსმენით. 23 ივნისს ბაქოში გავემგზავრებით.</p><p><strong>- ზაგრებში ნანახით შეიძლება თუ არა იმის თქმა, რომ შავდათუაშვილმა დაამთავრა ახალ წონაში ადაპტაცია?</p><p></strong>- ის ძალიან მიზანმიმართული სპორტსმენია და მართლაც შეიძლება ითქვას, რომ ადაპტაცია დაასრულა. უკვე წონაც შეივსო, მოღონიერდა და ფიზიკური ძალაც მოემატა. მისი წონა 75 კილომდე ავიდა და უმნიშვნელოდ იკლებს, რაც ძალიან კარგია. ზაგრებში მართლაც კარგი ჭიდაობა აჩვენა და კარგ მეტოქეებსაც მოუგო.</p><p>ტექნიკურად გამართულად, დამაჯერებლად იჭიდავა, თუმცა, იმედია, ევროპულ თამაშებამდე კიდევ მოუმატებს. რაც შეეხება ბაქოს "დიდ მუზარადს", იქ არც ვუპირებდით წაყვანას, მაგრამ მასტერსისთვის საჭირო ქულების გამო ვაჭიდავეთ. 3-4 სპორტსმენი ინარჩუნებდა მისი გასწრების შანსს, თუმცა პირველივე წრეში გამოჩნდა, რომ ისინი ამას ვერ შეძლებდნენ. ამიტომ მოტივაციაც ნაკლები ჰქონდა და გადაღლასაც მოვერიდეთ.</p><p><strong>- საკმაო საფიქრალს გვიჩენს ქვედა წონების კიდევ ერთი ლიდერი ამირან პაპინაშვილი...</p><p></strong>- მოგეხსენებათ, მან შემოდგომაზე ოპერაცია გაიკეთა. მერე იაპონიის შეკრებაზე კი ჩაერთო, მაგრამ იქ კანოს ტურნირზე არ ვაჭიდავეთ, რადგან მაინც არ იყო საამისოდ საჭირო ფორმაში. მჩატე წონებში გამოტოვებული პერიოდის აღდგენა უფრო რთულია და ამან გამოიწვია, რომ წლის დასაწყისში ფორმაში არ იყო, თუმცა ნელ-ნელა, ეტაპობრივად უმატებს.</p><p>იმედია, ბაქოს თამაშებისა და მსოფლიოს ჩემპიონატისთვის ფორმაში იქნება. თუ ფორმაში არ ხარ, ვერც ფსიქოლოგიურად განეწყობი სათანადოდ. ვფიქრობ, ესაა მისი წაგებების მიზეზი, თორემ კარგად ვარჯიშობს და უმატებს. რომის ტურნირის შემდეგ აშკარად უკეთეს ფორმაშია.</p><p><strong>- ამასობაში კი ლუხუმ ჩხვიმიანი ძლიერ კონკურენტად ექცა, რომელმაც ბევრად მოუმატა...</p><p></strong>- ჩხვიმიანი, ძირითადად, შემართების ხარჯზე ჭიდაობდა, რასაც წლეულს ტაქტიკური მოქმედებებიც მივაყოლეთ და მთელი წლის განმავლობაში სტაბილურად, დამაჯერებლად იჭიდავა. უშიშარი ხასიათი არა მარტო მისი, არამედ მთლიანად ნაკრების დადებითი თვისებაა, ჩხვიმიანი კი ბოლომდე ჭიდაობა და რამდენიმე პაექრობა ასე ბოლო წამებზეც მოიგო. სუნთქვაც კარგი აქვს, მაგრამ ტექნიკური არსენალი უნდა გაამრავალფეროვნოს. თუმცა შარშანდელთან შედარებით, მომატებული აქაც აქვს.</p><p><strong>- ისე მოხდა, რომ ჭრიკიშვილმა წააგო ბოლო სამი ტურნირი, სადაც იჭიდავა. მასზე რას იტყვით და ხომ არაა საშიში კორეაში მიღებული ტრავმა?</p><p></strong>- ჩავარდნა სპორტის შემადგენელი ნაწილია და ყველა შეჯიბრებაზე ჩემპიონი ვერ გახდები. მთავარია, ფორმის პიკს იქ მიაღწიო, სადაც საჭიროა. მსოფლიოს პირველობის შემდეგ ჭრიკიშვილი დავასვენეთ და აქედან გამომდინარე, ოპტიმალურ ფორმაში არ იყო. ამ ეტაპზე საგანგაშო არაფერია, შემართებით ემზადება და ვიმედოვნებთ, სეზონის მთავარ შეჯიბრებებზე იმ შედეგს აჩვენებს, რასაც მისგან ველოდებით. კორეაში მიღებული ტრავმა კი საშიში არაა. ტკივილები მაინც აქვს, მაგრამ იქაურმა ექიმებმა საშიში ვერაფერი დაინახეს. ჩვეულებრივად ვარჯიშობს.</p><p><strong>- იჭიდავებს თუ არა ის კვლავაც ტექნიკურად, შემტევ სტილში?</p><p></strong>- საჭიდაო ტაქტიკას მეტოქის ფაქტორიდან გამომდინარე ვარჩევთ. მისგან უპირველესად ხომ ის გვინდა, შედეგი დადოს. თან ოფიციალურ შეჯიბრებებზე ვამჯობინებთ, სანახაობაზე მეტად შედეგზე იყოს ორიენტირებული, რასაც ევროპისა და მსოფლიოს ბოლო ორ-ორ შეჯიბრებაზე წარმატებით აკეთებს.</p><p><strong>- მარგიანის ჭიდაობაში რა შეცვალეთ, წლეულს რომ ასე მომატებულია?</p><p></strong>- ის წინა წლებშიც კარგად ჭიდაობდა, მაგრამ ასეთი დონე არ უჩვენებია. ტექნიკურად აშკარად მოუმატა, ილეთებს აკეთებს და თან ზუსტად საჭირო დროს... კარგადაც ვარჯიშობს, ფიზიკურადაც კარგადაა მომზადებული, ხასიათიც კარგი აქვს და, იმედია, კიდევ მოუმატებს.</p><p><strong>- 90 კილოგრამში მასტერსისგან რას ელოდებით?</p><p></strong>- როგორც გითხარით, შედეგი არაა მთავარი და უფრო ევროთამაშებისთვის სარეპეტიციოდ განვიხილავთ. ამ წონის ორივე ლიდერი - ლიპარტელიანიც და ღვინიაშვილიც საკმაოდ კარგ ფორმაშია. ლიპარტელიანი წონის ლიდერია და არაერთხელ იტყვის თავის სიტყვას; ღვინიაშვილი კი მზარდი სპორტსმენია, ვისაც ჭიდაობის საინტერესო სტილი აქვს. იმედია, ეს კონკურენცია ორივეს წაადგება.</p><p><strong>- მძიმე წონაში ლიდერებად კი ვრჩებით, მაგრამ ადამ ოქრუაშვილმა ვერაფრით დაძლია კრიზისი, ლევან მატიაშვილი კი ცოტა არათანაბრად ჭიდაობს...</p><p></strong>- მატიაშვილს რაც შეეხება, არაა აუცილებელი, ყველა ტურნირზე შედეგი აჩვენო. რეიტინგიდან გამომდინარე, დღეს აუცილებელია ყველგან ჭიდაობა, რომ არ ჩამორჩე, თორემ იმიტომ არ დავდივართ, რომ ყველგან ოპტიმალურ ფორმაში ვიყოთ და ყველგან შედეგი ვაჩვენოთ. ის ბაქოში ფორმაში ახლა რომ ყოფილიყო, მაშინ ვერ იქნებოდა ევროთამაშებზე. არადა, გათვლას იმ შეჯიბრებაზე ვაკეთებთ. მან თბილისში უფრო მაღალი დონის ჭიდაობა თუ აჩვენა, მაშინ ევროპის ჩემპიონატისთვის ვემზადებოდით და პიკზე გადიოდა, ახლა კი მზადების სხვა ეტაპზე იყო. მისი თითქოს არასტაბილურობის მიზეზიც ესაა.</p><p>ოქრუაშვილისგან ნამდვილად უკეთეს ჭიდაობას ველოდით. მას 10 კილო დაკლებული ჰქონდა, მაგრამ ჯერ კიდევ ბევრი უნდა დაიკლოს. მისი წონაც ესაა, თორემ კორეაში კარგად ვარჯიშობდა.</p><p><strong>- 66-სა და 100 კილოგრამებში კვლავ რჩება საკადრო პრობლემები. რატომ ვერ მოხერხდა მათი აღმოფხვრა და ახალი თაობა რატომ ვერ უწევს ლიდერებს სათანადო კონკურენციას?</p><p></strong>- 66-ში ყველა კანდიდატმა თითო მედალი მაინც დადო. ამ წონაში მაინც ვაჟა მარგველაშვილს ვეყრდნობით, რომელიც ლიცენზიის მოპოვების კარგ შანსს ინარჩუნებს, 100-ში კი კანდიდატებად ალექსანდრე მსხალაძე და ალექსანდრე ზაალიშვილი რჩებიან, რომელმაც რამდენჯერმე კარგად წარმოაჩინა თავი. ვფიქრობ, ახალგაზრდებს ჯერ დრო, გამოცდილება და უფრო მეტი ვარჯიში სჭირდებათ ლიდერებში დასამკვიდრებლად.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ევროპის საკლუბო ჩემპიონატზე "გოლდენ გორის" შემადგენლობა ცნობილია
აბუ-დაბის გრანდ სლემზე საქართველოს ნაკრების ძიუდოისტთა შემადგენლობა ცნობილია
"ზურაბ ზვიადაურს საპროცესო შეთანხმება გაუფორმდა და საპატიმროს მარტის ბოლოს დატოვებს" - რას აცხადებს ადვოკატი
ტერ შტეგენი შეიძლება თურქულ კლუბში გადავიდეს
ევროპის საკლუბო ჩემპიონატზე "გოლდენ გორის" შემადგენლობა ცნობილია
ბერნარდო სილვამ შესაძლოა, "მანჩესტერ სიტი" დატოვოს
[VIDEO] აგვისტოს შემდეგ პირველად - ნეიმარმა ბრაზილიის ჩემპიონატში გაიტანა
[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა
ჰაკიმი აფრიკის საუკეთესო ფეხბურთელად დაასახელეს
საქართველოს ნაკრებმა ფიფას რეიტინგში რეგრესი განიცადა
რუსი მეკარე ნორვეგიის ნაკრებში თამაშს აპირებს
გოგლიჩიძე "ბოლონიასთან", ალბათ, ვერ ითამაშებს
"კოშმარი საქართველოსთან დასრულდა - ეს ტრიუმფია" - ბულგარული მედია
As: საზონოვის იანვარში დამატება მადრიდული გუნდისთვის აუცილებელია
"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა
"დომინოს ეფექტი" სანიოლისთვის - სად გაქრა გამარჯვებულის მენტალიტეტი?!
"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ
რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო
კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს
"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე
"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ
"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ
"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ
საქართველოს ძიუდოისტთა ეროვნულ ნაკრებს ახალი მთავარი მწვრთნელი ჰყავს
"საჭიდაო არენა ხომ დაინგრა, ალბათ, მთელი დარბაზი მზად იყო, ნაკუწებად ვექციე"
საქართველოს ვაჟ ძიუდოისტთა ნაკრები მზადების დასკვნით ეტაპზე გადადის
საქართველოს ვაჟ ძიუდოისტთა ნაკრები რაბათში მასტერსის ტურნირში იჭიდავებს
ძიუდოში მსოფლიოს ჩემპიონატის წინ: იაპონიამ ჭორები გაამართლა
ვარლამ ლიპარტელიანი: თუ ვინმე ამას უარყოფს, მატყუარა მიწოდეთ!
საქართველოს ძიუდოისტთა ნაკრების გეგმები კვლავ შეიცვალა
ქართველი ძიუდოისტები მომზადების დასკვნით ეტაპზე გადადიან
თბილისის გრან პრის წინ: ვარსკვლავები დაგვიძვირდა
ირაკლი უზნაძე თურქეთის ძიუდოისტთა ნაკრების მთავარ მწვრთნელად დაინიშნა
საქართველოს ძიუდოისტთა ნაკრები: ირაკლი ცირეკიძე ირაკლი უზნაძის ნაცვლად?
საქართველოს ვაჟ ძიუდოისტთა ნაკრების შემადგენლობა "ევროპის ღია თასისთვის" ცნობილია