დაკარი 2011 - როგორც უნდა დასრულებულიყო

ალ ატიია: "ახლა ხალხი გაიგებს, სად მდებარეობს ყატარი და რომ "ფოლკსვაგენს" მსოფლიოში საუკეთესო გუნდი ჰყავს" ბუენოს აირესში დასრულდა 2011 წლის რალი-რეიდი დაკარი. რა თქმა უნდა, იმის ილუზია არავის ჰქონდა, რომ ბოლო ორ ეტაპზე მანქანებისა და მოტოციკლების კლასში ლიდერები - ნასერ ალ-ატიია და მარკ კომა სოლიდურ უპირატესობას გაფლანგავდნენ და საბოლოო გამარჯვებას კონკურენტებს გადაულოცავდნენ, მით უმეტეს, რომ ბოლო ორი ეტაპი არც ისე რთული იყო და შესაბამისად, ტექნიკური პრობლემის წარმოქმნის რისკი მინიმალური გახლდათ.ალ-ატიიას უპირატესობა იმხელა იყო, რომ მას უბრალოდ ფინიშამდე უნდა მიეღწია და ბრძოლაში არ უნდა აყოლოდა კონკურენტებს. ამიტომაც ბოლო ორ ეტაპზე გაილაღა ესპანელმა კარლოს საინსმა, რომელმაც ზედიზედ ორ გამარჯვებას მიაღწია, თუმცა ეს ნაკლები შვება იყო აწ უკვე მოქმედი ჩემპიონისთვის, რადგან კარლოსი არათუ ალ-ატიიას ვერ დაეწია, ჟინიელ დე ვილიერსის მეორე ადგილსაც ვერ შეწვდა და გენერალურ კლასიფიკაციაში მხოლოდ მესამე პოზიციით დაკმაყოფილდა.ალ-ატიიამ კარიერაში პირველად მოიგო დაკარის რალი. ეს აბსოლუტურად დამსახურებული ტიტულია თუ გავითვალისწინებთ იმას, რომ ყატარელი შარშანაც ძალიან ახლოს იყო გამარჯვებასთან. საინსმა კი თავი იმით უნდა ინუგეშოს, რომ მისმა მესამე ადგილმა სრული პოდიუმი მოუტანა "ფოლკსვაგენს" - პირველ სამეულში ამ გუნდის პილოტები არიან და მხოლოდ შემდეგ მოდიან BMW-ს წევრები. ამ გერმანულ გუნდს ამჯერადაც მოეცარა ხელი, თუმცა წლევანდელ რალიზე მის მიერ ნაჩვენები ტემპი იმის თქმის გარანტიას იძლევა, რომ გაისად შეიძლება წარმოიშვას ინტრიგა გუნდურ ბრძოლაში და BMW-მ ღირსეული კონკურენცია გაუწიოს "ფოლკსვაგენს". "ჩვენ ეს გავაკეთეთ. ძალიან ბედნიერი ვარ! - ამბობდა ფინიშის შემდეგ ალ ატიია. - ეტაპის მსვლელობისას მხოლოდ ფინიშის სწორზე ვფიქრობდი. დაკარზე გამარჯვება ძალიან ბევრს ნიშნავს ჩემთვის, ჩემი ახლობლებისა და მთელი ყატარისთვის. ახლა ხალხი დაიმახსოვრებს, სად მდებარეობს ეს ქვეყანა. ეს დიადი გამარჯვებაა. ჩვენ დავამტკიცეთ, რომ მსოფლიოში საუკეთესო გუნდი გვყავს. "ფოლკსვაგენმა" მესამედ მოიგო დაკარი."მიუხედავად იმისა, რომ ბოლო ეტაპი განსაკუთრებულ სირთულეს არ წარმოადგენდა, მოტოციკლთა კლასში ერთი დრამა გათამაშდა. ჩილელმა ლოპეს კონტარდომ ბრწყინვალედ გაიარა ჩილეს ეტაპები და თითქოს საერთო ჩათვლაში მესამე ადგილი გარანტირებული ჰქონდა, მაგრამ ბოლო ეტაპზე მას სერიოზული სირთულეები შეექმნა. მის "აპრილიას" ელექტრონიკასთან დაკავშირებული პრობლემები ჰქონდა, რის გამოც ჩილელი მოტომრბოლი სხვის მოტოციკლზე ჩაბმული მივიდა ფინიშთან. ამან კონტარდოს ბევრი დრო დააკარგვინა და გენერალურ კლასიფიკაციაში მესამე ადგილი პორტუგალიელმა ელდერ როდრიგესმა წაართვა.გამარჯვება კი კარიერაში მესამედ მარკ კომამ მოიპოვა, რომელმაც ფრანგ სირილ დეპრეს 15 წუთით აჯობა. შაბათს კომა არ რისკავდა: მან მხოლოდ მეხუთე დრო აჩვენა გამარჯვებულ ფრანც ვერჰოვენთან ორწუთიანი ჩამორჩენით, რამაც მის პოზიციებს ვერანაირი საფრთხე ვერ შეუქმნა. მანქანები XII ეტაპი1. საინსი (ესპანეთი, "ფოლკსვაგენი") - 5:37.18; 2. დე ვილიერსი (ს. აფრიკა, "ფოლკსვაგენი") - +2.43; 3. ალ ატიია (კატარი, "ფოლკსვაგენი") - +6:11. 4. პეტერანსელი (საფრანგეთი, BMW) - +6.55; 5. ჰოლოვჩიკი (პოლონეთი, BMW) - +13.51... XIII ეტაპი1. საინსი (ესპანეთი, "ფოლკსვაგენი") - 1:16.08; 2. ალ ატიია (კატარი, "ფოლკსვაგენი") - +0.38; 3. ჰოლოვჩიკი (პოლონეთი, BMW) - +1.25; 4. დე ვილიერსი (ს. აფრიკა, "ფოლკსვაგენი") - +1.58; 5. მილერი (აშშ, "ფოლკსვაგენი") - +2.02... საერთო ჩათვლა1. ალ ატიია (კატარი, "ფოლკსვაგენი") - 45:16.16; 2. დე ვილიერსი (ს. აფრიკა, "ფოლკსვაგენი") - +49.41; 3. საინსი (ესპანეთი, "ფოლკსვაგენი") - +1:20.38; 4. პეტერანსელი (საფრანგეთი, BMW) - +1:43.48; 5. ჰოლოვჩიკი (პოლონეთი, BMW) - +4:11.21... მოტოციკლები XII ეტაპი14:33.13; 2+2.11; 36.19; 47.44; 5. დუკლო (საფრანგეთი, Aprilia) - +10.03... 1. კომა (ესპანეთი, KTM) - 6:42.42; 2. დეპრე (საფრანგეთი, KTM) - +0.37; 3. როდრიგესი (პორტუგალია, "იამაჰა") - +7.21; 4. ლოპეს კონტარდო (ჩილე, Aprilia) - +10.03; 5. კოდი (აშშ, "ჰონდა") - +15.45...XIII ეტაპი1. ვერჰუვენი (ბელგია, BMW) - 1:25.07; 2. როდრიგესი (პორტუგალია, "იამაჰა") - +0.05; 3. აზევედო (ბრაზილია, KTM) - +0.19; 4. დეპრე (საფრანგეთი, KTM) - +0.44; 5. კომა (ესპანეთი, KTM) - +2.16...საერთო ჩათვლა1. კომა (ესპანეთი, KTM) - 51:25.00; 2. დეპრე (საფრანგეთი, KTM) - +15.04; 3. როდრიგესი (პორტუგალია, "იამაჰა") - +1:40.20; 4. ლოპეს კონტარდო (ჩილე, Aprilia) - +2:09.45; 5. პედრედო გარსია (ესპანეთი, KTM) - +3:07.03... .

„ვისოლის“ მრბოლელები NASCAR Euro Series-იდან ჩემპიონისა და ვიცე-ჩემპიონის ტიტულებით დაბრუნდნენ

პირველი ქართული გუნდი Nascar-ის სერიაში - დათა ქაჯაიამ დეტალებზე ისაუბრა

ავტოსპორტი: ფერნანდო ალონსოს 305 ათასი გამოვარდნისთვის

ორბმა ზედიზედ მე-4 გამარჯვება ახალციხესთან მოიპოვა

U18. საქართველოს ნაკრები ფინალში ესპანეთთან ისევ დამარცხდა

[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან

"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე

[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა