<p>"ბერნაბეუ" ერთ-ერთი ყველაზე საშიში ალაგია მსოფლიოში "რეალის" ფეხბურთელებისათვის. იქ არავის ინდობენ, სისუსტეს არავის პატიობენ...</p><p><br> <strong> ფლორენტინო პერესი</strong> ესპანეთში ერთ-ერთი ყველაზე გავლენიანი და მდიდარი ადამიანია. "ფორბსის" თანახმად, მისი ქონება 1,8 მილიარდს შეადგენს. ამავე დროს ის "სანტანდერ ბანკის" თავმჯდომარეა.</p><p>პერესის ბიზნესის მასშტაბები ძალიან დიდია. "გრუპო ასი" უდიდესი სამშენებლო ფირმაა. პერესი მისი ხელმძღვანელია. მთელი მსოფლიოს მასშტაბით ამ ფირმაში დასაქმებულია 200 000 თანამშრომელი.</p><p>პერესი მსოფლიოს ყველა კუთხეში აშენებს - მეტროსადგურს ნიუ იორკში თუ ქარის ფერმებს ბრაზილიაში. მისთვის მილიონიანი კონტრაქტების გაფორმება ჩვეულებრივზე ჩვეულებრივი ამბავია.</p><p>ერთია დიდი ბიზნესების თემა, მეორე კი მსოფლიოს ყველაზე პოპულარული კლუბი, მადრიდის "რეალი". კლუბს მთლიანობაში 91 730 წევრი ჰყავს. ასეთი გრანდის ხელმძღვანელი როცა ხარ, საზოგადოებრივ აზრს ანგარიში უნდა გაუწიო. პერესი ამას ხშირად არ აკეთებს.</p><p>გადაწყვეტილება, რომელიც პერესმა აუცილებლად უნდა მიიღოს - ბოლოს და ბოლოს, უნდა გაირკვეს, გაყიდის თუ არა კლუბი მსოფლიოს საუკეთესო ფეხბურთელს, <strong>კრიშტიანო რონალდოს</strong>.</p><p>ერთი შეხედვით, ეს კითხვა დღის წესრიგში საერთოდ არ უნდა იდგეს. საშუალოდ, მას ერთ შეხვედრაში გოლზე მეტი გაქვს. გარდა ამისა, "რეალისათვის" ტრიუმფალურ ჩემპიონთა ლიგაში კრიშტიანომ 17 გოლი შეაგდო. ეს ყველაფერი მოჰყვა იმ ტრანსფერს, რომელიც პერესმა 6 წლის წინ განახორციელა "მანჩესტერიდან". პირობითად, პერესმა.</p><p>"რეალმა" ჯერ კიდევ მაშინ დაიწყო ნადირობა რონალდოზე, როცა კლუბის პრეზიდენტი <strong>რამონ კალდერონი</strong> გახლდათ. ისინი შეთანხმდნენ, რომ პორტუგალიელი "რეალში" 2008 წელს გადავიდოდა. კონტრაქტზე ხელის მოწერამდე "იუნაიტედის" ბოსმა,<strong> სერ ალექს ფერგიუსონმა</strong> სთხოვა რონალდოს, რომ ერთი წლით დარჩენილიყო "ოლდ ტრაფორდზე".</p><p>"რეალი" კოლუმბიაში ატარებდა ამხანაგურ მატჩს, როცა საინფორმაციო საშუალებებმა ამ გარიგების გადადების შესახებ გამოაცხადეს. რა თქმა უნდა ეს ინფორმაცია ყველაზე მეტად კალდერონს ემცხეთა.</p><p>მოგვიანებით კალდერონმა ის ეპიზოდი ასე გაიხსენა.</p><p>"დილით მადრიდიდან დამირეკეს და მითხრეს, რომ რონალდომ ერთი წლით გააგრძელა კონტრაქტი "იუნაიტედთან". "ეს შეუძლებელია," - აღმომხდა მე.</p><p>გავიდა 15-20 წუთი და რონალდომ დამირეკა. "ბატონო პრეზიდენტო, ძალიან ვწუხვარ. ასეთი გადაწყვეტილება მივიღე, რადგან კლუბში ბედნიერი ვარ და ფერგიუსონი მამასავითაა ჩემთვის. მე ახლა ვერ დავტოვებ მას და ფანებს, მაგრამ მომავალ წელს აუცილებლად წამოვალ "რეალში".</p><p>მე ვუთხარი, რომ ეს მისი ნება იყო და შევთანხმდით, რომ ტრანსფერი მომავალ წელს უსათუოდ შედგებოდა.</p><p>"რეალის" პრეზიდენტის პოსტზე ფლორენტინო პერესი მოვიდა. შეთანხმებას რონალდოსთან რატიფიცირებაღა აკლდა, მაგრამ პერესი სხვანაირად ფიქრობდა.</p><p>"მან თქვა, რომ რონალდო არ არის ის ფეხბურთელი, რომელიც "რეალს" მოერგება. მას ერჩივნა, რომ 2-3 ფეხბურთელი ეყიდა იმ ფულით, რომელიც "რეალს" რონალდოში უნდა გადაეხადა. არადა, იმ შემთხვევაში, თუ "სამეფო კლუბი" პირს გატეხდა, ის 30 მილიონ ევროს გადაიხდიდა."</p><p>კალდერონის თქმით, პერესის პოზიციამ რონალდო ძალიან გააბრაზა. გაბრაზდა მისი აგენტი, <strong>ჟორჟე მენდეში</strong>. მან თქვა, რომ მზად იყო, ყველანაირი კავშირი გაეწყვიტა "რეალთან" და არც საჯარიმო თანხა მოეთხოვა.</p><p>კალდერონმა განაცხადა, რომ პერესს პოზიცია მადრიდელთა მაშინდელმა გენერალურმა მენეჯერმა, <strong>ხორხე ვალდანომ</strong> შეაცვლევინა. საბოლოოდ, რონალდო "რეალში" აღმოჩნდა, მაგრამ პირველ წლებში ის მადრიდში ბედნიერი არ იყო.</p><p>2012 წლის სექტემბერში ფეხბურთელის მილიონობით ფანი მსოფლიოში შეშფოთდა. "მოწყენილი ვარ", - ასეთი იყო ფეხბურთელის მესიჯი.</p><p>AS-ის რედაქტორის მოადგილემ, <strong>ხუანმა ტრუებამ</strong> დაწერა, რომ ფლორენტინო პერესი არ გაჰყვა რონალდოს მონაკოში, საუკეთესო ფეხბურთელის დაჯილდოვების ცერემონიალზე. ჯილდო <strong>ანდრეს ინიესტამ</strong> მოიგო, ვისაც "ბარსელონას" პრეზიდენტი <strong>სანდრო როსელი</strong> ახლდა თან.</p><p>როგორც ჩანს, რონალდო დღემდე პერესის გერად გრძნობს თავს. ეს შეგრძნება კიდევ უფრო მძაფრდება მაშინ, როცა "რეალის" პრეზიდენტი შვილებს ეძახის<strong> ქარიმ ბენზემასა</strong> და <strong>ხამეს როდრიგესს -</strong> იმ "გალაქტიკოებს", მისი პირველკაცობის დროს რომ მოვიდნენ გუნდში.</p><p>პერესს უყვარს მის მიერ მოყვანილი ფეხბურთელები. მან დიდი შრომა ჩადო ბენზემას გადაბირებაში. მერე გაყიდა <strong>გონსალო იგუაინი</strong>, ვინც ფრანგის კონკურენტი იყო. გზა გაუხსნა <strong>გარეთ ბეილს</strong>.</p><p>"ელ პაისის" ჟურნალისტი <strong>დიეგო ტორესი</strong> წერს, რომ პერესს არ უყვარს რონალდო. ის შეეცდება გაყიდოს პორტუგალიელი, სანამ ოპტიმალურ საფეხბურთო ასაკშია. ამით "რეალში" სხვა მასშტაბებს შეიძენს გარეთ ბეილი. პერესი ამას უცებ ვერ გააკეთებს. ხალხი აჯანყდება. ამიტომ საჭიროა კიდევ ერთი სუპერტრანსფერი.</p><p>"პერესს არ უყვარს რონალდო. მან შექმნა ბეილი, მან გადაიხადა მასში 100 მილიონი. პერესს უნდა, რომ უელსელმა მსოფლიოს საუკეთესო ფეხბურთელისათვის სარგო ჯილდო მოიგოს." - წერს ჟურნალისტი.</p><p>პერესი, რონალდო და აგენტი მენდეში ამ დროისათვის არანაირ ინტერვიუებს არ იძლევიან პორტუგალიელი ვარსკვლავის მომავალზე "რეალში".</p><p>მიუხედავად პერესის სურვილებისა, გამორიცხულია, უელსელმა პორტუგალიელი შეცვალოს. ბეილი მეორე სეზონია, მადრიდშია. მას ჯერ ბოლომდე არ გაუვლია ადაპტაცია კლუბში და არც ესპანური ენა იცის. "რეალში" ბრიტანელს ერთადერთი მეგობარი ჰყავს - ყოფილი თანაგუნდელი "ტოტენჰემში", <strong>ლუკა მოდრიჩი</strong>...</p><p>მინდორზეც ასე ჩანს, რომ კრიშტიანო "რეალს" უკეთ ერგება, ვიდრე უელსელი.</p><p>"პერესს უნდა, რომ ბეილისაგან მიიღოს ახალი კრიშტიანო. ეს ურთულესი საქმეა. მითუმეტეს იმ პირობებში, როცა გუნდში რონალდოა, თუმცა ერთ დღესაც პორტუგალიელი შეწყვეტს გოლების გატანას", - წერს ტორესი.</p><p>"ბერნაბეუ" ერთ-ერთი ყველაზე საშიში ალაგია მსოფლიოში "რეალის" ფეხბურთელებისათვის. იქ არავის ინდობენ, სისუსტეს არავის პატიობენ.</p><p>"მადრიდის "რეალი" სპეციფიკური კლუბია. მისი ქომაგები და წარმატება - ეს კლუბის ფილოსოფიაა. "რეალის" ქომაგთა 75 პროცენტი არ დაბადებულა მადრიდში. სხვა სიტუაციაა "ბარსელონას", "დეპორტივოსა" თუ "სევილიას" შემთხვევაში. ეს გუნდები რეგიონის მასშტაბებს იცავენ.</p><p>"ჩვენ ისე მივდივართ სტადიონზე, როგორც ოპერაში. თუ ისინი კარგად ვერ მღერიან, შენ გამოხატავ უკმაყოფილებას და აქნევ თეთრ ცხვირსახოცს. ხანდახან ფეხბურთელებს არ ესმით ჩვენი ასეთი საქციელი და გვეკითხებიან, რატომ არ ვუჭერთ მათ მხარს", - ამბობს კალდერონი.</p><p>კრიშტიანომ ეს გამოცდილება უკვე მიიღო. მარტში ცუდ ფორმაში მყოფ ვარსკვლავს "ლევანტესთან" საშინაო მატჩში ქომაგმა უსტვინა. იმ დროს გამოკითხულთა 32 პროცენტს სჯეროდა, რომ რონალდო "რეალიდან" წავიდოდა. არადა, 25 სალიგო მატჩში კრიშტიანოს 31 ბურთი გაეტანა. სიძულვილის მიზეზი რთულად ასახსნელია.</p><p>როგორც ჩანს, "რეალის" ქომაგების ნერვებზე კრიშტიანოს ნარცისიზმი თამაშობს. ასე განსაჯეთ, ტრადიციული "მადრიდისტებისათვის" მიუღებელია ისიც კი, თუ როგორ აღნიშნავს რონალდო მეტოქის კარში გატანილ გოლებს.</p><p>არის ეგოიზმის მომენტიც.</p><p>"თუ "რეალი" იგებს, მაგრამ რონალდოს ვერ გააქვს გოლი, ის უკმაყოფილოა. ის ძალიან ამბიციურია და ხშირად 10 წლის ბიჭს წააგავს. მას მთელი ნამცხვარი თავისთვის უნდა და ვერ ხვდება, რომ ეს ნამცხვარი 10 ნაწილად უნდა გაიყოს", - წერს ჟურნალისტი ტრუება.</p><p>"რეალის" ქომაგებს განსაკუთრებით უყვართ <strong>ისკო</strong> და <strong>სეხიო რამოსი</strong>. ეს ორი მოთამაშე გუნდურობის იდეალია და ამასთან, ისინი ბრძოლისუნარიანობით გამოირჩევიან. ისინი თითქოს გუნდის ლეგენდის, <strong>ალფრედო დი სტეფანოს</strong> სულს აცოცხლებენ "ბერნაბეუზე".</p><p>ტრუებასავე თქმით, რონალდო არ არის ცუდი პიროვნება. ის არის ეგოცენტრიკი, მაგრამ ამავე დროს, მეგობრული ადამიანია. მას არ ჰყავს მტრები. რონალდო მოდელიცაა. მას არ აქვს იმხელა გავლენა გასახდელში, რამხელაც <strong>იკერ კასილასს</strong> და სერხიო რამოსს აქვთ, ან <strong>რაულს </strong>ჰქონდა.</p><p>მთავარი საკითხავი მაინც ისაა, რამდენ ხანს შეინარჩუნებს "რეალი" რონალდოს. ნუთუ, გაყიდის პერესი ბატს ოქროს კვერცხებით? ნუთუ, ასე დააბრმავებს მას ბიზნესმიზნები და პირადი ეგოიზმი?</p><p>კრიშტიანოს მსურველმა 1 მილიარდი უნდა გადაიხადოს - ასე წერია მის კონტრაქტში. ამის მიუხედავად, "პარი სენ-ჟერმენი" და "მანჩესტერი" ამ ბრძოლაში ჩაბმულნი არიან.</p><p>"ის მსოფლიოში მეორეა. "იუნაიტედს" ის ძალიან უნდა. ჯერ ერთი, კლუბს ახალი წარმატებებისკენ გაუძღვება და მეორეც - კლუბის შეფობა მილიონობით ფანის გულს მოიგებს", - ამბობს მანჩესტერელი რედაქტორი, <strong>ენდი მიტენი</strong>.</p><p>"იუნაიტედი" 2013 წლიდან ცდილობს კრიშტიანოს დაბრუნებას. ჯერ ფლორენტინო ვერ რისკავს. როგორი საქმეა, გაყიდო ფეხბურთელი, ვისაც სეზონში 50 გოლზე მეტი გაიტანა?!</p><p><strong>მაიკლ რობინსონმა</strong> "ლივერპულთან" ერთად თასების თასი მოიგო ახლა კი ესპანეთის ტელევიზიაში საფებურთო შოუ მიჰყავს.</p><p>"თუ რონალდოს გაყიდის "რეალი", ეს იქნება უმადურობა." - თქვა მან. მისივე თქმით, პერესი აგროვებს ვარსკვლავებს, არ ყიდის ბრილიანტებს.</p><p>"ვფიქრობ, ის საკმაოდ ბედნიერია მადრიდში, მაგრამ ამბობს, რომ არ არის ცვლილებების წინააღმდეგი, საყურადღებო ფაქტია", - ეს "რეალის" ყოფილი პრეზიდენტის, კალდერონის სიტყვებია.</p><p>რონალდო ახლა 30 წლისაა და დიდებულ ფორმაშია. მინდორზე ის ყველაფერს დიდებულად აკეთებს და მისი ერთადერთი საწუხარი პერმანენტულად მტკივანი მუხლია. ამ მუხლმა არ ჩაატარებინა მას მაღალ დონეზე შარშანდელი მუნდიალი.</p><p>კრიშტიანომ არცთუ დიდი ხნის წინ თქვა, რომ კარიერის დასრულება "რეალში" უნდა.</p><p>"ის ახლა დაღლილია. მის თამაშში დიდ როლს თამაშობს ფიზიკური მომზადება. ის არ ჰგავს<strong> მესის</strong>, ის უფრო მანქანასავითაა. ასაკი მას კვალს დაატყობს", - ასეთია <strong>მიგელ ანხელ ლინარესის </strong>აზრი, ვინც საგანგებო წიგნი მიუძღვნა "რეალ"-"ბარსელონას" მუდმივ შუღლს.</p><p>რონალდო არ არის "რეალის" ხატი. არ არის დი სტეფანო,<strong> ბუტრაგენიო </strong>და რაული. ფეხბურთი კი დღითიდღე ემსგავსება ბიზნესს.</p><p>ამ ზაფხულს არა, მაგრამ ერთი წლის მერე "რეალმა" შეიძლება უთხრას კრიშტიანოს: "ადიოს!"</p><p><strong>ყოველდღიური სპორტული გაზეთი "ლელო"</strong></p>
beqa
ვერ ვიტან რონალდოს მარა ძალიან დიდი ფეხბურთელია, და აუცილებლად უნდა ვთქვა რომ ძალიან კარგი სტატია იყო რისთვისაც დიდი მადლობა ავტორს, იმედია ბევრ სტატიას დაწერთ
sake
დღეს ფეხბურთი პირველ რიგში ბიზნესია.ბიზნესი კი ბიზნესია ამიტომ სულაც არ არის გამორიცხული,რომ რონალდო ამ ზაფხულს გაიყიდოს,მითუმეტეს ის ეხლა ფეხბურთელისთვის კრიტიკულ ასაკშია.
gri
რონალდო უკვე არის რეალის ლეგენდა..მას ტავისუფლად სეუზლია კიდევ 3-წელი მახალ დონეზე ტამასი
ლა
ანჩელოტის გამშვებს რა უნდა ელაპარაკო
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"აყურებინეთ ბავშვებს ფეხბურთი" - ბეილმა მასწავლებლებს მოუწოდა
BMV - "რეალის" შეტევას ახალი ზედმეტსახელი აქვს
ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ
ადვოკატი - ბენზემაზე: ნუთუ ის ერთადერთია, რომელიც 1795 წელს დაწერილ სიმღერას ("მარსელიეზას") არ მღერის?
ბეილი: ჩემპიონთა ლიგის ფინალი 5:0 დასრულდება
ბენზემამ "რეალი" დატოვა და საუდის არაბეთში გაემგზავრება
ოფიციალურად: "რეალმა" მთავარ მწვრთნელად ხაბი ალონსოს დანიშვნა გამოაცხადა
შმეიხელმა დაასახელა ფეხბურთელი, რომლისაც ფერგიუსონს ეშინოდა
"რეალმა" ბენზემას კონტრაქტი უკანასკნელად გაუგრძელა
რეკორდი გაიმეორა - რონალდო მორიგ მიღწევას უმიზნებს
"მესი რონალდოს სწორედ ამიტომ მირჩევნია" - უეინ რუნი
"ჩელსიმ" ბენზემას დამატება არ მოისურვა
ალონსომ პერესს 3 ტრანსფერი მოსთხოვა - რა პოზიციებს გააძლიერებს "რეალი"?
"ბარსელონას" და მსოფლიოს ვაფრთხილებ" - ბეილის განცხადება
ბენზემა ზღაპრული შეთავაზების სანაცვლოდ საუდის არაბეთში გადაბარგებას აპირებს
"რეალი" შოკშია - სალიბა "არსენალთან" 5-წლიან კონტრაქტს გააფორმებს
მსოფლიოს 2022 წლის ჩემპიონატის ყველაზე ცუდი ფეხბურთელებისგან შემდგარი თერთმეტეული დასახელდა, სადაც ბეილი და კვარაცხელიას თანაგუნდელიც მოხვდნენ
რონალდო: ფერგიუსონი ჩემი საფეხბურთო მამაა
გარეთ ბეილმა 33 წლის ასაკში საფეხბურთო კარიერა დაასრულა
ფერგიუსონის ყოფილ ასისტენტთან ერთად - ტენ ჰაგმა სამწვრთნელო შტაბი დააკომპლექტა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
[VIDEO] "ასე როგორ შეიძლება?" - რონალდო ამ ქმედების გამო მკაცრად გააკრიტიკეს
გამორჩეული სპორტსმენები, რომლებიც ელისაბედ მეორემ დააჯილდოვა
კრიშტიანო რონალდომ ჯორჯიანა როდრიგესს 6 მილიონი ევროს ღირებულების ბეჭედი აჩუქა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
ახალი წარმატებული გუნდის ჩამოყალიბების სჯერა - ანჩელოტის "რეალიდან" წასვლა არ უნდა
"სინამდვილეში, რონალდინიოს ყიდვას ვაპირებდით, ფერგიუსონი სრულიად განადგურებული იყო..." - ფერდინანდმა გაიხსენა, როგორ შედგა კრიშტიანოს ტრანსფერი "მანჩესტერ იუნაიტედში"
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ის ყველაზე მამაცი ფეხბურთელი იყო, ვინც კი მინახავს" - სერ ალექს ფერგიუსონი
"სანამ "რეალში" გადავიდოდი, "სიტიმ" და პსჟ-მ დიდი ფული შემომთავაზეს, პერესმა კი ასეთი რამ მითხრა..." - ხამეს როდრიგესმა "ბლანკოსში" გადასვლის ისტორია გაიხსენა
მილიონი ევრო ყველა ფეხბურთელს - პერესის პირობა "რეალის" მოთამაშეებს
მორიგი ტრანსფერი ალონსოს თხოვნით - "რეალი" კიდევ ერთ მცველს იფორმებს
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
საფრანგეთში ბენზემასთვის მოქალაქეობის და "ოქროს ბურთის" ჩამორთმევა მოითხოვეს