ლე მანის 24 საათი: დებიუტი მოგებით

ლეგენდარული რბოლის მორიგი 24 საათი გასულ უქმეებზე 83-ედ გაიმართა ლეგენდარული "ლე მანის 24-საათიანი" რბოლა, რომელზეც დამაჯერებელი გამარჯვება მოიპოვა "პორშეს" გუნდმა.მაგრამ მოულოდნელობა იყო ის, რომ რბოლა მოიგო გერმანული ავტოსაჯინიბოს მესამე, დამატებითმა ეკიპაჟმა, რომელიც არ გამოდის WEC-ის ავტოსერიაში და მხოლოდ მეორე რბოლას ატარებდა ამ კონკრეტული მანქანით.გამარჯვებულთა ეკიპაჟში იყო ფორმულა 1-ის პილოტი ნიკო ჰიულკენბერგი - სწორედ გერმანელმა გაიარა რბოლის საფინალო მონაკვეთი. კიდევ უფრო გასაკვირი იყო ის, რომ ეს მანქანა ჯერ კიდევ შუაღამის დადგომამდე ჩაუდგა სათავეში რბოლას და დისტანციის დიდი ნაწილი ლიდერობდა.ნიკო ჰიულკენბერგი გახდა ფორმულა 1-ის პირველი მოქმედი პილოტი ბოლო 24 წლის განმავლობაში, ვინც ლე მანზე გამარჯვება შეძლო. წინა ჯერზე, 1991 წელს, "მაზდას" მანქანით ჯონი ჰერბერტმა და ბერტრან გაშომ გაიმარჯვეს. გარდა ამისა, ჰიულკენბერგი, თავის თანაგუნდელ ირლ ბამბერთან ერთად პირველი დებიუტანტი გამარჯვებული გახდა 1998 წლის შემდეგ."სიმართლე გითხრათ, ახლა, უბრალოდ, სიტყვები არ მყოფნის! ლე მანის მოგება პირველი ცდიდან - ეს დაუჯერებელია.სიხარულსა და შვებას ვგრძნობ. მიხარია გუნდის გამო. "პორშე" დაბრუნდა ლე მანზე და მეორე ცდიდან მოიპოვა გამარჯვება - მინდა ყველა მივულოცო.ვერ ვიფიქრებდი, რომ შევძლებდი სადებიუტო რბოლაში გამარჯვებას. "აუდის" მანქანები ძალიან კონკურენტუნარიანები იყვნენ. მაქსიმალური მონდომება დაგვჭირდა მათ გასასწრებად. ყველაფერი სწორად გავაკეთეთ, არც ერთი შეცდომა არ დავუშვით, თან მანქანამაც იდეალურად იმუშავა, ყოველგვარი პრობლემის გარეშე - სწორედ ეს გახდა წარმატების საიდუმლო", - განაცხადა ჰიულკენბერგმა.მეორე ადგილიც "პორშეს" ეკიპაჟმა მოიპოვა, რომელშიც ტიმო ბერნჰარდი, მარკ უებერი და ბრენდონ ჰარტლი გამოდიოდნენ - მათ ლიდერთან ერთი წრე წააგეს. მესამე და მეოთხე ადგილები "აუდის" მანქანებმა მოიპოვეს. "ტოიოტას" მანქანებიდან საუკეთესო - მეექვსე ადგილზე აღმოჩნდა.ტექნიკური შედეგები1. ჰიულკენბერგი/ბამბერი/ტენდი (Porsche) - 395 წრე; 2. ბერნჰარდი/უებერი/ჰარტლი (Porsche) - 1 წრე; 3. ფასლერი/ლოტერერი/ტრელიუიე (Audi) - 2 წრე; 4. დი გრასი/დიუვალი/ჯერვისი (Audi) - 3 წრე; 5. დიუმა/იანი/ლიბი (Porsche) - 4 წრე; 6. ვიურცი/სარაზენი/კონვეი (Toyota) - 8 წრე.ყოველდღიური სპორტული გაზეთი "ლელო"

პირველი ქართული გუნდი Nascar-ის სერიაში - დათა ქაჯაიამ დეტალებზე ისაუბრა

ავტოსპორტი: ფერნანდო ალონსოს 305 ათასი გამოვარდნისთვის

ფერნანდო ალონსომ ინდი 500 ვერ დაასრულა

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

თვაური და ვართანოვი ევროსეზონს თურქეთში გახსნიან

"სავარაუდოდ, ცვლილებები იქნება" - ფაბრიციო რომანომ ალისონ ბეკერის მომავალზე ისაუბრა

მსოფლიოს ჩემპიონატის მესამე საჭიდაო დღეს ტატამზე 3 ქართველი გამოვა

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აღარ გვიკვირს - და-ძმა აბეები მსოფლიო ჩემპიონები არიან!

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

"ეს მატჩი ჩემს სამწვრთნელო კარიერაში ყველაზე მნიშვნელოვანი იყო" - სერ ალექს ფერგიუსონი

ვაჟა მარგველაშვილი მსოფლიო ჩემპიონატს პირველი წრიდან გამოეთიშა

"ალეგრის იმდენად არ სურდა ჯარიმა რონალდოს დაერტყა, ასეთი რამ მოიფიქრა" - პიანიჩმა საინტერესო ისტორია გაიხსენა

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

მატჩის დღე! ლოგიკის დროით, საქართველოს გამარჯვების დროა