ლეონარდომ ''ინტერს'' ბედნიერება დაუბრუნა

იტალიაში ვერ აუხსნიათ, როგორ მოახერხა რაფაელ ბენიტესმა ასეთი ფეხბურთელებით დაკომპლექტებული გუნდის ღრმა კრიზისში ჩაგდება სერია A-ს მიმდინარე გათამაშებაში მოვლენები ელვისებური სისწრაფით იცვლება - ჯერ კიდევ ერთი თვის წინ, “ინტერი” ლამის ჩამოწერილი იყო სასკუდეტო მარათონიდან, თუმცა დღეს “მილანის” მთავარ კონკურენტად ითვლება. მეტიც, ბევრი მიიჩნევს, რომ სწორედ “ნერაძურია” სკუდეტოს მოპოვების უმთავრესი პრეტენდენტი და სულ მალე, სატურნირო ცხრილში პირველ პოზიციაზეც გადავა. შეგახსენებთ, რომ ამ დროისთვის “ინტერი” მეექვსეა და თუ მსოფლიოს საკლუბო მუნდიალზე ასპარეზობის გამო გადადებული ორივე მატჩი მოიგო, მეორე ადგილზე გადავა. ამასთან, ჩემპიონატის ლიდერს მაქსიმალურად, სამი ქულის დისტანციაზე მიუახლოვდება. “ნერაძურის” ასეთი აღმასვლა ლეონარდოსთან ასოცირდება, მწვრთნელთან, რომელმაც ახალი ენერგია ჩაბერა გასული სეზონის ტრიუმფატორს და ისე აათამაშა, როგორც ამ გუნდის გულშემატკივრებს გაეხარდებათ.იტალიაში ბევრს დღემდე ვერ აუხსნია, თუ როგორ მოახერხა რაფაელ ბენიტესმა და ასეთი ფეხბურთელებით დაკომპლექტებული გუნდი ღრმა კრიზისში ჩაფლო. გასაგებია, რომ ტრავმის გამო არაერთი ფეხბურთელი აკლდა, გასაგებია, რომ მისთვის სერია A სრულიად უცხო ხილი იყო, მაგრამ იტალიელ ექსპერტთა ნაწილის აზრით, ესპანელი სპეციალისტის წარუმატებელ მუშაობას გამართლება არ მოეძებნება. თუმცა, არსებობს მეორე მოსაზრებაც, რომლის მიხედვითაც რაფას ადგილზე ნებისმიერი სხვა მწვრთნელი რომ ყოფილიყო, ისიც განწირული იყო წარუმატებლობისთვის.შეგვიძლია გასული ზაფხული გავიხსენოთ, ანუ ის პერიოდი, როდესაც “ინტერი” უთავოდ გახლდათ და მასიმო მორატი ჟოზე მოურინიოს შემცვლელის ძიებაში იყო. მაშინ არაერთი სპეციალისტის გვარმა გაიჟღერა, რომელთა შორის რამდენიმეს კანდიდატურა აქტიურად განიხილებოდა. ერთ-ერთი მათგანი სინიშა მიხაილოვიჩი გახლდათ, რომელიც წლების განმავლობაში ასპარეზობდა მილანურ გრანდში და შემდეგ რობერტო მანჩინის თანაშემწედაც იმუშავა. მოკლედ, სერბი შინაური გახლდათ “ინტერის” ბანაკში, თუმცა მორატის წინადადება არ მიიღო და საბოლოოდ, ფლორენციის “ფიორენტინა” ჩაიბარა. მაშინ სინიშამ საკმაოდ საინტერესო კომენტარი გააკეთა, რომელიც შეგვიძლია გავიხსენოთ კიდეც: “ძალიან სასიამოვნოა, რომ “ინტერის” მთავარი მწვრთნელობის ერთ-ერთი ყველაზე რეალური კანდიდატი ვარ, მაგრამ სიმართლე გითხრათ, დარწმუნებული არ ვარ, რომ მილანური გრანდის თავკაცობა მსურს. დიდი ხანია, რაც “ნერაძურის” გულშემატკივარი ვარ და მინდა სწორად გამიგოთ - უბრალოდ, ვფიქრობ, რომ “ინტერის” მთავარი მწვრთნელობა დღეს დიდ რისკთან არის დაკავშირებული. ამ გუნდმა ყველაფერი მოიგო, რისი მოგებაც შეიძლებოდა და ანალოგიურის გამეორება ურთულესი იქნება. შესაძლოა, ფეხბურთელებში ფსიქოლოგიურმა პრობლემებმა იჩინოს თავი, მოტივაციის ნაკლებობას ვგულისხმობ და ასეთ დროს, ძნელია რამეს გახდე. ამასთან, სულ რომ ყველაფერი მოვაგებინო “ინტერს”, ამას მაინც ჟოზე მოურინიოს წარმატებად მონათლავენ, რომელმაც აწყობილი და გამარჯვებული გუნდი დატოვა.”ამ კომენტარიდან რამდენიმე დღეში, მიხაილოვიჩმა “ფიორენტინას” წინადადება მიიღო და იმ გუნდს ჩაუდგა სათავეში, სადაც გამარჯვებებს არიან მონატრებულნი. ამასთან, ფლორენცია საფეხბურთო ქალაქია და თუ იგივე იტალიის ნაკრების მთავარ მწვრთნელს დავუჯერებთ, იქ მუშაობა ერთი სიამოვნებაა. რაფაელ ბენიტესს ამდენი არ უფიქრია, მან მიიღო გამოწვევა და მწარედაც შეცდა - მან უბრალოდ კარგი ნიადაგი შეუმზადა ლეონარდოს იმისთვის, რომ ბრაზილიელს ჩაძირული გემი ნაპირზე ამოეყვანა. “ინტერს” უბრალოდ სჭირდებოდა ჩავარდნა, პრესის კრიტიკა, ექსპერტებისგან ჩამოწერა და ეს ყველაფერი იმისთვის, რომ გუნდის თითოეულ ფეხბურთელს კვლავ მოწყურებოდა გამარჯვება და გაჩენილიყო ახალი მოტივაცია - რა თქმა უნდა, ახალ მწვრთნელთან ერთად.საინტერესო მოსაზრებას აფიქსირებს იტალიელ მწვრთნელთა ასოციაციის პრეზიდენტი რენცო ოლივიერი: “სიმართლე გითხრათ, წარმოდგენა არ მაქვს, რისთვის ჩამოვიდა იტალიაში რაფაელ ბენიტესი. მან ის გუნდი ჩაიბარა, რომელსაც მხოლოდ დაშლიდი, თორემ ახალს ნამდვილად ვერაფერს შესძენდი. ვფიქრობ, მასიმო მორატის ახალბედა სპეციალისტზე უნდა გაეკეთებინა არჩევანი, რომელიც თავისთავად დიდი ენთუზიაზმით მოეკიდებოდა საქმეს და იქნებ რამე გამოსვლოდა კიდეც. რატომ მოიხიბლა მოურინიოს აწყობილი მექანიზმის შენარჩუნების იდეით ამხელა გამოცდილების სპეციალისტი, ჩემთვის დღემდე გაუგებარია და ალბათ ვერც ვერასდროს გავიგებ.” გავიხსენოთ რამდენიმე დღის წინ გამართული ფიფას გალადაჯილდოვება და ის ფაქტი, რომ წლის საუკეთესო მწვრთნელად არა ვისენტე დელ ბოსკე, არამედ ჟოზე მოურინიო აღიარეს. არა იმიტომ, რომ მსოფლიოს ჩემპიონატმა ის წონა დაკარგა, რაც აქამდე ჰქონდა - უბრალოდ, ამ შემთხვევაშიც აწყობილი გუნდის შენარჩუნების ფაქტორმა გადაწონა. შეიძლება თამამად ითქვას, რომ დელ ბოსკე ყველაზე ნაკლებად დაფასებული მსოფლიოს ჩემპიონი მწვრთნელია და სწორედ იმიტომ, რომ მან აწყობილი გუნდი ჩაიბარა. ბენიტესის მაგალითი გვიჩვენებს, რომ გუნდის მწვერვალზე შენარჩუნება იოლი საქმე არ არის, მაგრამ ამის დამფასებელი ჯერ საფეხბურთო სამყაროში არავინ გამოჩენილა.ბოლოს, მოურინიოს მოვუსმინოთ, რომელიც დადებითად აფასებს ლეონარდოს მუშაობას “ინტერის” მთავარი მწვრთნელის პოსტზე: “ლეონარდომ “ინტერს” ბედნიერება დაუბრუნა და სწორედ ეს არის მთავარი. ფეხბურთელებს უხარიათ, როდესაც მოედანზე გადიან და ეს რიგითი გულშემატკივრისთვისაც თვალშისაცემია. დუგლას მაიკონიდან დაწყებული, დიეგო მილიტოთი დამთავრებული, თითქოს ყველამ გაიხსენა თამაში და ახალი მოტივაციით აივსო - ეს უდავოდ ახალი მთავარი მწვრთნელის ფაქტორმა განაპირობა, მასიმო მორატიმ კი მართლაც ბრძნული გადაწყვეტილება მიიღო.” .

გატუზო თავის სტიქიაშია - ზოგს წაუთაქა, ზოგს სილა გააწნა

"მილანი" ადლის საუდის არაბეთში გაასხვისებს

40 წლის რაულ ალბიოლი სერია A-ში დაბრუნდა

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!