უიმბლდონი: გადამწყვეტი მატჩების დროა

მერვედფინალისტები ცნობილია გუშინ, უიმბლდონზე ტრადიციული დასვენების დღე იყო, წინა ორი დღის განმავლობაში კი ჩოგბურთელებმა სრულად გაიარეს 1/16 ფინალის პროგრამა...ბადის ქვედა ნაწილის ფავორიტები - როჯერ ფედერერი და ენდი მარეი, რომლებიც მანამდე იოლად იგებდნენ თავიანთ მატჩებს, მესამე წრეში გარკვეულ სირთულეებს წააწყდნენ, კერძოდ, თითო პარტია დაუთმეს თავიანთ მეტოქეებს - ავსტრალიელ სემ გროტსა და იტალიელ ანდრეას სეპის.მარეიმ პირველი ორი სეტი კომფორტული უპირატესობით მოიგო - 6:2, 6:2, მაგრამ მესამე პარტიაში 2:1-ზე სეპიმ სამედიცინო ტაიმ-აუტი აიღო. ამის შემდეგ იტალიელმა ზედიზედ ოთხი გეიმი აიღო და კიდევ ერთი ბრეიკი შეასრულა მეოთხე სეტის სტარტზე. ახლა უკვე ენდიმ მიმართა ექიმის სამედიცინო დახმარებას, რადგან მხარს იტკიებდა. და ამის შემდეგ, მან უპრობლემოდ მიიყვანა საქმე გამარჯვებამდე - 6:2, 6:2, 1:6, 6:1.თავის მხრივ, ფედერერი არა მხოლოდ ბრწყინვალედ უმკლავდებოდა გროტის მოწოდებას, რომელიც ერთ-ერთი ყველაზე მძლავრია ტურში, არამედ თავადაც შესანიშნავად აწვდიდა. მთელი მატჩის განმავლობაში გროტს ერთი ბრეიკ-პოინტის შანსიც არ ჰქონია, ხოლო ტურნირზე თავისი პირველი სეტი როჯერმა მხოლოდ ტაი-ბრეიკზე წააგო. თუმცა შვეიცარიელისთვის ყველაფერი მშვიდობიანად დასრულდა - 6:4, 6:4, 6:7(5), 6:2. შთამბეჭდავია ფედერერის სტატისტიკა - 56 "ვინერსი" და მხოლოდ რვა უნებლიე შეცდომა. ახლა, მას ელის შეხვედრა ესპანელ რობერტო ბაუტისტა-აგუტთან.საჩოგბურთო მარათონი გაიმართა ჟო-ვილფრიდ ცონგასა და ივო კარლოვიჩს შორის. მატჩი შეიძლებოდა ხუთი სეტი გაგრძელებულიყო, მაგრამ ხორვატმა მეოთხე პარტიაში ორი სეტბოლი მოიგერია და მოიგო - 7:6(3), 4:6, 7:6(2), 7:6(9). აღსანიშნავია, რომ კარლოვიჩს მთელი მატჩის განმავლობაში ერთი ბრეიკიც არ შეუსრულებია. ივო უიმბლდონის ახალი რეკორდსმენი გახდა - მან ზედიზედ მესამე მატჩში შეძლო მინიმუმ 40 ეისის (ამჯერად, 41) შესრულება.რაფაელ ნადალის ძლევის შემდეგ ვერ შეძლო წარმატების განვრცობა დასტინ ბრაუნმა - მან ვიქტორ ტროიცკისთან წააგო. ეს უკანასკნელი დაახლოებით ერთი წელია, რაც პროფესიულ ტურში დაბრუნდა დასანანი დისკვალიფიკაციის შემდეგ და ბრწყინვალედ თამაშობს ბალახის სეზონში - შტუტგარტში ფინალამდე მივიდა, "ქუინზე ქლაბზე" - ნახევარფინალამდე, ახლა კი უიმბლდონის მერვედფინალში ვხედავთ.ბრაუნთან მატჩში სერბი შესანიშნავად აწვდიდა - 24 ეისი შეასრულა, რომელთა დიდი ნაწილი გადამწყვეტ მომენტებზე მოდის. საბოლოოდ, მან 6:4, 7:6(3), 4:6, 6:3 გაიმარჯვა და შემდეგ მატჩში კანადელ ვასეკ პოსპიშილს შეხვდება.* * *რაც შეეხება ბადის ზედა ნაწილს. აქ უნდა აღვნიშნოთ ორი შარშანდელი ნახევარფინალისტის წაგება. ავსტრალიელმა ნიკ კირგიოსმა გასულ წელს გაითქვა სახელი, როცა რაფაელ ნადალი გამოთიშა ბრძოლას და მეოთხედფინალში გავიდა, მაგრამ იქ მილოშ რაონიჩთან დამარცხდა.ამჯერად, კირგიოსმა რევანშის აღება შეძლო. მატჩს ექსცესების გარეშე არ ჩაუვლია, თუმცა ეს დამახასიათებელია ავსტრალიელის შეხვედრებისთვის. რაღაც მომენტში მან ისე ძლიერად დაახეთქა ჩოგანი კორტზე, რომ ასხლეტით ტრიბუნისკენ გაფრინდა. ნიკმა გაფრთხილება მიიღო და ჯარიმის გადახდაც მოუწევს, მაგრამ მთავარი მისთვის ის არის, რომ მერვედფინალში გავიდა, სადაც რიშარ გასკეს შეხვდება. ფრანგმა ასევე შარშანდელი ნახევარფინალისტი გრიგორ დიმიტროვი დაამარცხა, თანაც ისე, რომ ერთი სეტი არ დაუთმო მას. ამ უიმბლდონის შემდეგ ბულგარელი მინიმუმ მე-15 ადგილამდე დაქვეითდება რეიტინგში.დამაჯერებლად გავიდა მერვედფინალში ნოვაკ ჯოკოვიჩი. სერბმა სამ სეტში დაამარცხა ბერნარდ ტომიჩი - 6:3, 6:3, 6:3. ვერ ვიტყვით, რომ ავსტრალიელი ცუდად თამაშობდა, მაგრამ ნოვაკი უნაკლოდ მოქმედებდა. მსოფლიოს პირველი ჩოგანი შემდეგ წრეში კევინ ანდერსონს შეხვდება. მერვედფინალშია სტენ ვავრინკა, რომელმაც როლან გაროსის ფინალში დაამარცხა ჯოკოვიჩი. შვეიცარიელი სამ სეტში გაუსწორდა ფერნანდო ვერდასკოს.ამ უიმბლდონზე ჯერჯერობის ყველაზე გრძელი მატჩი ორი დღე გაიწელა და ჯამში 4 საათი და 31 წუთი გაგრძელდა. მარინ ჩილიჩისა და ჯონ ისნერის შეხვედრა სიბნელის გამო მაშინ შეწყდა, როცა მეხუთე სეტში ანგარიში 10:10 იყო. რეკორდის მოყვარულებმა დაიწყეს ფიქრი იმაზე - შეძლებდნენ თუ არა ამერიკელი და ხორვატი უიმბლდონის ისტორიაში ყველაზე ხანგრძლივ მატჩამდე მიახლოებას, რომელიც ისნერმა და მაუმ ითამაშეს. მაგრამ მსგავსი არაფერი მომხდარა.მეორე დღეს ჩოგბურთელებმა მხოლოდ 15 წუთი დაჰყვეს მოედანზე. ჩილიჩმა იოლად აიღო თავისი გეიმი, რის შემდეგად ბრეიკი შეასრულა. მართალია, ისნერმა რამდენიმე მატჩბოლი მოიგერია, მაგრამ ბოლოს ორმაგი შეცდომა დაუშვა. ჩილიჩმა მოიგო - 7:6(4), 6:7(6), 6:4, 6:7(4), 12:10 და კარიერაში მესამედ გავიდა უიმბლდონის მერვედფინალში.კაცები1/16 ფინალინოვაკ ჯოკოვიჩი (სერ, 1)-ბერნარდ ტომიჩი (ავსტრა, 27) 6:3, 6:3, 6:3; კევინ ანდერსონი (ს. აფრ, 14)-ლეონარდო მაიერი (არგ, 24) 6:4, 7:6(6), 6:3; მარინ ჩილიჩი (ხორ, 9)-ჯონ ისნერი (აშშ, 17) 7:6(4), 6:7(6), 6:4, 6:7(4), 12:10; დენის კუდლა (აშშ)-სანტიაგო ხირალდო (კოლ) 6:2, 6:7(3), 2:6, 6:1, 6:3; სტენ ვავრინკა (შვეიც, 4)-ფერნანდო ვერდასკო (ესპ) 6:4, 6:3, 6:4; დავიდ გოფენი (ბელ, 16)-მარკოს ბაღდატისი (კვიპ) 6:3, 6:4, 6:2; რიშარ გასკე (საფ, 21)-გრიგორ დიმიტროვი (ბულ, 11) 6:3, 6:4, 6:4; ნიკ კირგიოსი (ავსტრა, 26)-მილოშ რაონიჩი (კან, 7) 5:7, 7:5, 7:6(3), 6:3; ვაშეკ პოსპიშილი (კან)-ჯეიმს უორდი (ბრიტ) 6:4, 3:6, 2:6, 6:3, 8:6; ვიქტორ ტროიცკი (სერ, 22)-დასტინ ბრაუნი (გერ) 6:4, 7:6(3), 4:6, 6:3; ივო კარლოვიჩი (ხორ, 23)-ჟო-ვილფრიდ ცონგა (საფ, 13) 7:6(3), 4:6, 7:6(2), 7:6(9); ენდი მარეი (ბრიტ, 3)-ანდრეა სეპი (იტა, 25) 6:2, 6:2, 1:6, 6:1; ტომაშ ბერდიხი (ჩეხ, 6)-პაბლო ანდუხარი (ესპ) 4:6, 6:0, 6:3, 7:6(3); ჟილ სიმონი (საფ, 12)-გაელ მონფილსი (საფ, 18) 3:6, 6:3, 7:6(6), 2:6, 6:2; რობერტო ბაუტისტა აგუტი (ესპ, 20)-ნიკოლოზ ბასილაშვილი (საქ) 7:6(4), 6:0, 6:1; როჯერ ფედერერი (შვეიც, 2)-სამუელ გროტი (ავსტრა) 6:4, 6:4, 6:7(5), 6:2.1/8 ფინალიჯოკოვიჩი (1)-ანდერსონი (14); ჩილიჩი (9)-კუდლა; ვავრინკა (4)-გოფენი (16); გასკე (21)-კირგიოსი (26); პოსპიშილი-ტროიცკი (22); კარლოვიჩი (23)-მარეი (3); ბერდიხი (6)-სიმონი (12); ბაუტისტა აგუტი (20)-ფედერერი (2).ყოველდღიური სპორტული გაზეთი "ლელო"

მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა

უცნაურია - მუსეტიმ ზედიზედ მეხუთე ფინალი წააგო

ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს

არისაბალაგა შეიძლება ფაბრეგასის გუნდში გადაბარგდეს

დუდუ დადიანის მემორიალზე ნახევარფინალისტები დაწყვილდნენ

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

Le Parisien-ი კვარაცხელიას ტრავმის შესახებ ინფორმაციას ავრცელებს

U17 | საქართველო 3:0 ლიეტუვა

წიტაიშვილი და აბუაშვილი შეცვლაზე და "მეცის" ფრე "ჰავრთან"

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

იური ტაბატაძე შეცვალეს - "კადისი" "სეუტასთან" ფრეს დასჯერდა

ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა

გოგლიჩიძე ისევ არ ათამაშეს - "უდინეზე" დამარცხდა

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"

ფრე ქუთაისში... და "თელავის" მოგება "გაგრასთან"

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ

ენდი მარეი კორტს მომდევნო თვეში დაუბრუნდება

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

Dailymail: ენდი მარეი ბალახის სეზონისთვის დაბრუნდება

"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ

ახალგაზრდა ძიუდოისტებმა მსოფლიო ჩემპიონატზე, გუნდურ შეჯიბრებაში ბრინჯაოს მედლები მოიპოვეს - 20 ოქტომბრის დაიჯესტი

"28-ე ჩოგბურთელს სათამაშო პრაქტიკის გარეშე მოვუგე, არსად მივდივარ!" - მარეი ბასილაშვილთან მატჩის შემდეგ

თითქმის ერთწლიანი პაუზის შემდეგ ენდი მარეი კორტს უბრუნდება

საჩოგბურთო ბალახის სეზონი: ფედერერი კვლავ პირველია, მარეი 1 წლის შემდეგ დღეს დაბრუნდება

ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა

"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა

ოფიციალურად: როჯერ ფედერერი მილიარდერი გახდა