"ბრილიანტის ლიგა": მაღალი შედეგები და ფავორიტების კრახი

ასაფა პაუელის ასი მეტრი "ბრილიანტის ლიგის" კომერციული სერიის მორიგი ეტაპი პარიზში გაიმართა. ახლოვდება მსოფლიოს ჩემპიონატი და შედეგებიც, შესაბამისად, მაღლა იწევს. საფრანგეთის დედაქალაქში სეზონის ცხრა საუკეთესო შედეგი დაფიქსირდა და რამდენიმე კონტინენტალური თუ ეროვნული რეკორდი დამყარდა. ასევე ვიხილეთ ეტაპის მთავარი ვარსკვლავების - რენე ლავილენის, მუთაზ ბარშიმისა და ვალერი ადამსის ჩავარდნა.მიუხედავად იმისა, რომ პარიზში არ ჩავიდა უსაინ ბოლტი, "სტად დე ფრანსის" სარბენ ბილიკზე საინტერესო მოვლენები მრავლად იყო. რად ღირს თუნდაც ფენომენალური 100 მეტრი ორგზის ოლიმპიური ჩემპიონის, იამაიკელი შელი-ენ ფრეიზერ-პრაისის შესრულებით. მან ისტორიაში მეექვსე დრო აჩვენა და მხოლოდ ოთხი მეასედი დააკლდა თავის პირად რეკორდამდე.ერთბაშად ორმა სპორტსმენმა შეძლო 110 მეტრზე თარჯრბენში 13 წამიდან გამოსვლა. ორლანდო ორტეგა გაუსწორდა მსოფლიოს მოქმედ ჩემპიონს დევიდ ოლივერს, თან ამ დისციპლინის ისტორიაში 10 უსწრაფეს სპორტსმენთა სიაში ჩაეწერა.სეზონის კიდევ სამი რეკორდი კენიელებმა განაახლეს - იუნის ჯეპკოეჩ სუმმა (800 მ), სილას კიპლაგატმა (1500 მ) და ჯარიუს კიპჩოგე ბირეჩმა (3000 მ სტიპლჩეზი). ფრანგებს კი შეუძლიათ იამაყონ ჯიმი ვიკოთი - ადგილობრივმა სპრინტერმა 100 მეტრი 9.86 წამში გაირბინა, რაც არა მხოლოდ საფრანგეთის რეკორდი, არამედ ევროპის რეკორდის გამეორებაა.სამ წელზე მეტია სამხტომის სექტორში არ აგებს კატრინ იბარგუენი. პარიზში კოლუმბიელი 15 მეტრამდე ვერ გადახტა, მაგრამ ესეც საკმარისი აღმოჩნდა გამარჯვებისთვის.ხტომებში ყველა ელოდა გამარჯვებებს რენო ლავილენისგან და მუთაზ ბარშიმისგან, მაგრამ ფრანგმა კრახი განიცადა კონსტანტინოს ფილიპიდისთან ბრძოლაში, ყატარელმა ბარშიმმა კი პირველობა დაუთმო დანიილ ციპლაკოვს. რეკორდის გარეშე არ ჩაუვლია ქალებს შორის სიმაღლეზე ხტომაში შეჯიბრს - ბერძენმა ნიკოლეტა კირიაკოპულუმ ერთი სანტიმეტრით გააუმჯობესა ჯენიფერ სურის სეზონის საუკეთესო შედეგი და სათავეში ჩაუდგა "ბრილიანტის ლიგის" ჩათვლას.კაცები100 მ. 1. ასაფა პაუელი (იამ) - 9,81; 400 მ. 1. ვეიდ ვან ნიკერკი (ს. აფრ) - 43,96; 1500 მ. 1. სილას კიპლაგატი (კენ) - 3:30,12; 110 მ/თარჯრბენი. 1. ორლანდო ორტეგა (კუბ) - 12,94; 3000 მ/სტიპლჩეზი. 1. ჯარიუს კიპჩოგე ბირეჩი (კენ) - 7:58,83; სიგრძეზე ხტომა. 1. მაიკლ ჰარტფილდი (აშშ) - 8,19 მ. სიმაღლეზე ხტომა. 1. დენის ციპლაკოვი (რუს) - 2,32 მ. ბადროს ტყორცნა. 1. პეტრ მალახოვსკი (პოლ) - 65,57 მ. ჭოკით ხტომა. 1. კონსტადინოს ფილიპიდისი (საბ) - 5,91 მ.ქალები100 მ. 1. შელი-ენ ფრეიზერ-პრაისი (იამ) - 10,74; 800 მ. 1. იუნის ჯეპკოეჩ სუმი (კენ) - 1:56,99; 5000 მ. 1. გენზებე დიბაბა (ეთი) - 14:15,41; 400 მ/თარჯრბენი. 1. ზუზანა გეინოვა (ჩეხ) - 53,76; სამხტომი. 1. კატრინ იბარგუენი (კოლ) - 14,87 მ; ჭოკით ხტომა. 1. ნიკოლეტა კირიაკოპულუ (საბ) - 4,83; ბირთვის კვრა. 1. კრისტინა შვანიცი (გერ) - 20,31; შუბის ტყორცნა. 1. ბარბორა შპეტაკოვა (ჩეხ) - 64,42 მ.ყოველდღიური სპორტული გაზეთი "ლელო"

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა