მწვრთნელიც არგენტინელი

იტალიურ სპორტულ პრესაში გავრცელებული ცნობით, ამიერიდან "კატანიას" მთავარი მწვრთნელი დიეგო სიმეონე იქნება საინტერესო ინფორმაცია გავრცელდა გუშინ იტალიურ სპორტულ პრესაში, რომლის მიხედვითაც ამიერიდან "კატანიას" მთავარი მწვრთნელი დიეგო სიმეონე იქნება. დიახ, სიცილიური კლუბის მესვეურებმა მარკო ჯამპაოლო თანამდებობიდან გაათავისუფლეს და მის ნაცვლად გუნდის მთავარ მწვრთნელად არგენტინელი სპეციალისტი დანიშნეს. შეგახსენებთ, რომ სიმეონე წლების განმავლობაში ასპარეზობდა სერია A-ში და აპენინის ნახევარკუნძულზე დიდი ავტორიტეტითაც სარგებლობს. ერთი ხანობა მოკრძალებულ "პიზაში" თამაშობდა, შემდეგ კი "ლაციოსა" და "ინტერში" გაითქვა სახელი.კარიერის დასრულების შემდეგ, სამწვრთნელო საქმიანობას მიჰყო ხელი და პირველი გამოცდილება სამშობლოში მიიღო. აქამდე ოთხ გუნდს ედგა სათავეში: "რასინგს", "ესტუდიანტესს", "რივერ პლეიტს" და "სან ლორენსოს". არგენტინაში საკმაოდ ნაყოფიერად იმუშავა და ნათელი იყო, რომ ადრე თუ გვიან ევროპაში გააგრძელებდა სამწვრთნელო საქმიანობას. მარკო ჯამპაოლოს თავკაცობით "კატანიამ" ბოლო შვიდი თამაშიდან ვერც ერთი ვერ მოიგო და რადგან, სიცილიელებს სიმეონესთან შეთანხმება ჰქონდათ მიღწეული - საკითხი ძალიან მალე, ერთ დღეში გადაწყდა. ჯერჯერობით არ ხმაურდება ხელშეკრულების დეტალები, თუმცა გამოჟონილი ინფორმაციის თანახმად, საუბარია წელიწადნახევრიან თანამშრომლობაზე. ანუ, კონტრაქტს მომდევნო სეზონის ბოლომდე ექნება ვადა და თუ ამ პერიოდით მხარეები კმაყოფილნი დარჩნენ, ხელშეკრულება გაგრძელდება.აქვე ვთქვათ იმის შესახებ, რომ "კატანია" ყველაზე არგენტინული გუნდია იტალიაში. ძირითად შემადგენლობაში ხშირად 7-8 არგენტინელ ფეხბურთელს უწევს ასპარეზობა, რასაც მთავარი მწვრთნელიც დაემატება. სიმეონემ სწორედ ამაზე გაამახვილა ყურადღება: "სიმართლე გითხრათ, ევროპაში ჩამოსვლას არ ვჩქარობდი, მაგრამ "კატანიაში" იმდენი არგენტინელი ფეხბურთელი ირიცხება, რომ თავს ისე ვიგრძნობ, როგორც სამშობლოში. ამასთან, იტალიაში წლების განმავლობაში ვთამაშობდი და ეს გარემო ჩემთვის ისედაც არ არის უცხო. კლუბის მესვეურებმა ნდობა გამომიცხადეს და შევეცდები, რომ მათი იმედები ბოლომდე გავამართლო. ვიცი, რომ კატანიაში ძალიან უყვართ ფეხბურთი და გუნდს მთელი ქალაქი გულშემატკივრობს. ამას ჩემთვის უდიდესი მნიშვნელობა აქვს, რადგან ფეხბურთელმა პირველ რიგში ქომაგისთვის უნდა ითამაშოს. ჩემი საფეხბურთო ფილოსოფია? - მოდით ასეთ თემებზე მოგვიანებით ვისაუბროთ, საამისო დრო ნამდვილად გვექნება"

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

ტოტიმ დაადასტურა - ლეგენდარული იტალიელი "რომას" უბრუნდება

[VIDEO] დე ლაურენტისის ვაჟი პოლიციამ იხსნა - ლუიჯის საკუთარი კლუბის გულშემატკივრები განურისხდნენ

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა