<p>დაბრუნდება კრიშტიანო რონალდო "მანჩესტერ იუნაიტედში"? <br> <span style="text-decoration: underline;">13:01 </span>ლუის ვან გაალმა მისტერ X-ზე ჩამოაგდო სიტყვა, რომელიც მალე "მანჩესტერ იუნაიტედში" აღმოჩნდება და მასზე ჯერ გაზეთებს არ დაუწერიათ. Mirror-ის მონაცემებით, ეს უცნობი შეიძლება გახდეს ფერნანდო ლორენტე "იუვენტუსიდან".</p><p><span style="text-decoration: underline;">13:03</span> ვოიცეხ შჩესნი "რომაში" გადადის, - იტყობინება Daily Mail-ი. "არსენალში" ორი სხვა მეკარეა, რომლებიც შეებრძოლებიან ერთმანეთს ძირითადში ადგილისთვის. "არსენალი" - ჩემი ოჯახია. მჯერა, რომ რომაულ კლუბში თამაში დამაჯერებლობას დამიბრუნებს და ისევ მივიქცევ არსენ ვენგერის ყურადღებას", - ამბობს პოლონელი.</p><p><span style="text-decoration: underline;">13:16 </span>"მანჩესტერ იუნაიტედის" აღზრდილი რის ჯეიმსი "უიგანში" გადავიდა და სამი წელი ინგლისის მესამე დივიზიონში ითამაშებს.</p><p><span style="text-decoration: underline;">13:34 </span>Liverpool Echo წერს, რომ "ლივერპული" ცდილობს ჩაბი ალონსოს დაბრუნებას. ანალოგიურ ინფორმაციას ესპანელი ფეხბურთელის კომენტარს ურთავს Metro. "ჩემი კონტრაქტი "ბაიერნთან"? ვნახოთ, რა იქნება. ჯერ ამის განსახილველი დრო არ მოსულა", - განაცხადა ესპანელმა.</p><p><span style="text-decoration: underline;">13:53 </span>Le 10 sport-ის ინფორმაციით, "არსენალი" სოლიდურ თანხას სთავაზობს "იუვენტუსს" ჯორჯო კიელინიში. ლაპარაკია 25 მილიონ ევროზე. დაიწერა იტალიელის მომავალ ხელფასზეც: 12 მილიონი ევრო წელიწადში.</p><p><span style="text-decoration: underline;">14:08</span> იგივე Metro წერს, რომ კრიშტიანო რონალდო აგვისტოში "მანჩესტერ იუნაიტედში" გადავა. ამ დღეებში პორტუგალიელმა უკმაყოფილება გამოთქვა ბენიტესის ვარჯიშების გამო, გუშინ კი გაბრაზდა, როცა ორმხრივ შეხვედრაში ოფსაიდის გამო გოლი არ ჩაუთვალეს. ინგლისელები წერენ, რომ, შესაძლოა, სწორედ ეს იყოს ვან გაალის მიერ ნახსენები სიურპრიზი, რომელიც მის გუნდს 95 მილიონი დაუჯდება.</p><p><span style="text-decoration: underline;">14:26</span> გაუგებარი სიტუაციაა ზლატან იბრაჰიმოვიჩთან დაკავშირებით. შვედი ჯერ მიდიოდა, შემდეგ რჩებოდა, ახლა კი თავად ვერ აუხსნია ვერაფერი: "ჩემი მომავალი აგენტ მინო რაიოლას ხელშია. მეტი არაფრის დამატება არ შემიძლია", - მოჰყავს იბრას სიტყვები Gazzetta dello Sport-ს.</p><p><span style="text-decoration: underline;">14:43 </span>კენეტ ომერუო "ჩელსიდან" სტამბოლის "ქასიმფაშაში" გადავიდა ერთწლიანი იჯარით. ეს უკვე მეცამეტე იჯარაა "ჩელსიდან" ამ ზაფხულს.</p><p><span style="text-decoration: underline;">15:00</span> "ვოლფსბურგმა" "ციურიხიდან" შეიძინა ფრანსისკო როდრიგესი. ჩილელი შვეიცარიული პასპორტით 20 წლისაა, გასულ სეზონში 28 მატჩი ჩაატარა და ორი გოლი გაიტანა. "მგლებთან" კონტრაქტი სამწლიანია, ტრანსფერის თანხა - 900 ათასი ევრო. ამ ტრანსფერის შემდეგ ფრანსისკო "ვოლფსბურგში" თავის ძმას - რიკარდოს შეუერთდება.</p><p><span style="text-decoration: underline;">15:35</span> Corriere dello Sport-მა მოიყვანა თანხის ოდენობა, რომლითაც "ჩელსიმ" უნდა აჯობოს პსჟ-ს ვიტსელისთვის ბრძოლაში: გაზეთის ინფორმაციით, ლონდონელები ბელგიელში 48 მილიონ ევროს იხდიან.</p><p><span style="text-decoration: underline;">15:45 </span>"ფიორენტინას" ჩილელი ნახევარმცველი დავიდ პისარო სამშობლოში დაბრუნდა და კონტრაქტი გააფორმა "სანტიაგო უონდერერსთან", რომელშიც 1995-97 წლებში თამაშობდა. ხელშეკრულება ერთწლიანია.</p><p><span style="text-decoration: underline;">15:57</span> დავიდ საპატა "ნაპოლიდან" ორწლიანი იჯარით ითამაშებს "უდინეზეში", - წერს კლუბის ოფიციალური ვებგვერდი.</p><p><span style="text-decoration: underline;">16:05</span> "უოტფორდმა" გაიფორმა ურუგვაელი მცველი მიგელ ბრიტოსი. კონტრაქტი სამწლიანია, "ნაპოლიმ" კი ფეხბურთელში 3.5 მილიონი ევრო მიიღო.</p><p><span style="text-decoration: underline;">16:28</span> არგენტინელი ნახევარმცველი მანუელ ლანსინი, რომელიც "რივერ პლეიტში", "ფლუმინენსესა" და "ალ-ჯაზირაში" თამაშობდა, იჯარით ერთი წლით გადავიდა "ვესტ ჰემში". ამის შესახებ კლუბის ვებგვერდმა დაწერა. ფეხბურთელის გამოსასყიდი თანხაა - 6 მილიონი ევრო.</p><p><span style="text-decoration: underline;">16:54</span> Gazzetta dello Sport-მა დაწერა, რომ არგენტინელმა მეკარემ, სერხიო რომერომ ხელი მოაწერა "მანჩესტერ იუნაიტედთან" კონტრაქტს. რომერო სამ წელს გაატარებს ინგლისში. კლუბს ეს ინფორმაცია ჯერ არ დაუდასტურებია.</p><p><span style="text-decoration: underline;">17:31 </span>"გრანადას" ნახევარმცველი მანუელ იტურა "უდინეზეში" გადავიდა, - ეს ინფორმაცია კლუბის ოფიციალურმა ვებგვერდმა გაავრცელა. ტრანსფერის თანხამ 4 მილიონი ევრო შეადგინა.</p><p><span style="text-decoration: underline;">17:46</span> Birmingham Mail-ი წერს, რომ "ვესტ ჰემი" დაინტერესებულია "დორტმუნდიდან" ადრიან რამოსის შეძენით. თუ ჭორებს დავუჯერებთ, ლონდონელებს 29 წლის ფორვარდში ექვსი მილიონი ევროს გადახდა მოუწევთ.</p><p><span style="text-decoration: underline;">17:49</span> Bleacher Report: "ბარსელონა" მოელაპარაკა "იუვენტუსს" პოლ პოგბას ტრანსფერზე. გარიგების თანხა დაახლოებით 80 მილიონ ევროს უტოლდება.</p><p><span style="text-decoration: underline;">18:09</span> "პორტუს" კიდევ ერთი მოთამაშე შეიძლება წავიდეს თურქეთში. ამჯერად, ადრიან ლოპესი "ფენერბაჰჩეს" ინტერესთა სფეროში მოექცა. თავის დროზე, პორტუგალიელებმა 11 მილიონი ევრო გადაუხადეს "ატლეტიკოს" ლოპესში.</p><p><span style="text-decoration: underline;">18:23</span> კუარეშმა ოფიციალურად "ბეშიქთაშშია". "პორტუმ" 1.2 მილიონი ევრო მიიღო.</p><p><span style="text-decoration: underline;">18:28</span> "ატლეტიკომ" გამოაცხადა, რომ მარიო სუარესი "ფიორენტინაში" გადადის. მარიო "ატლეტიკოში" ხუთი წელი თამაშობდა. მოიგო პრიმერა, თასი და სუპერთასი, ევროპის ლიგა და ორჯერ ევროპის სუპერთასი. ფეხბურთელის სატრანსფერო თანხა 10 მილიონი ევროა.</p><p><span style="text-decoration: underline;">18:31</span> Sky წერს, რომ რიკი ლამბერტმა მოლაპარაკებები დაიწყო "ვესტ ბრომვიჩთან". ფეხბურთელის ფასი 3 მილიონი ევროა.</p><p><span style="text-decoration: underline;">18:42</span> რობერტო ფირმინო "ლივერპულში" ოფიციალურად წარადგინეს. მან მე-11 ნომერი აიღო.</p><p><span style="text-decoration: underline;">19:02</span> მარკო ასენსიო დატოვებს "რეალს", თუმცა უცნობია - დიდი ხნით თუ სამუდამოდ. ეს გაირკვევა რაფა ბენიტესთან პირადი საუბრის შემდეგ, - წერს AS. გასულ კვირას, ასენსიომ მოიგო 19-წლამდელთა ევროპის ჩემპიონატი და საუკეთესო ფეხბურთელი გახდა ესპანეთის ნაკრებში. ის კლუბში პირველ აგვისტოს დაბრუნდება და ბენიტესი მას საქმეში ნახავს. "მალიორკას" აღზრდილზე პრეტენზიას აცხადებენ - "ესპანიოლი", "ვილიარეალი", "ბეტისი" და "მალაგა".</p><p><span style="text-decoration: underline;">19:05</span> სერია A-ს დებიუტანტმა "კარპიმ" "ჩელსისთან" გარიგების შესახებ გამოაცხადა. იტალიაში ერთი წელი იჯარით თამაშებს მცველი უოლასი. ესეც "ჩელსის" მე-14 იჯარა.</p><p><span style="text-decoration: underline;">19:17</span> ოფიციალურად გამოცხადდა, რომ ესპანელი ხოსე ხურადო "უოტფორდის" ფეხბურთელი გახდა. მან ინგლისურ კლუბთან სამწლიანი კონტრაქტი გააფორმა.</p><p><span style="text-decoration: underline;">19:26 </span>Marca წერს, რომ "რეალი" დაინტერესდა "ვოლფსბურგის" მცველით, რიკარდო როდრიგესით. მადრიდელები ეძებენ ფაბიო კოენტრაუს შემცვლელს, რომელიც ხშირად ტრავმიანობს და ამის გამო მისი გაშვება უნდათ. როდრიგესის გარდა, "რეალის" სიაში არიან: ალექს სანდრო, დავიდ ალაბა, რაჰმან ბაბა.</p><p><span style="text-decoration: underline;">19:28 </span>Mirror-ი იტყობინება, რომ "ვესტ ჰემი" შეუდგა მოლაპარაკებებს ესტებან კამბიასოსთან, რომელმაც "ლესტერი" თავისუფალი აგენტის სტატუსით დატოვა.</p><p><span style="text-decoration: underline;">20:03 </span>"მანჩესტერ იუნაიტედის" შემდეგ ფერნანდო ლორენტეთი "ბარსელონა" დაინტერესდა, - წერს AS-ი.</p><p><span style="text-decoration: underline;">20:06</span> Barca Blaugranes-ი წერს, რომ "რომამ" და "ბარსელონამ" მოილაპარაკეს ადრიანოს თაობაზე. ვებგვერდის ცნობით, "ჯალოროსი" 8 მილიონს გადაიხდის, თავად ადრიანო კი ოთხწლიან კონტრაქტს გააფორმებს.</p><p><span style="text-decoration: underline;">20:12</span> "ფრაიბურგის" მცველი საშა რიტერი "შალკეში" გადავიდა. ფეხბურთელმა უკვე გაიარა ახალ კლუბში სამედიცინო შემოწმება.</p><p><span style="text-decoration: underline;">20:20</span> "ლიონის" მთავარმა მწვრთნელმა უბერ ფურნიემ 2017 წლის ზაფხულამდე გააფორმა კონტრაქტი კლუბთან. ფურნიეს მთავარი დამსახურება - ჩემპიონთა ლიგაზე გასვლაა.</p><p><span style="text-decoration: underline;">20:53</span> AS-ის ინფორმაციით, "რეალი" 19 წლის ჩინელ ლინ ლიანმინს ყიდულობს. ფეხბურთელი "სამეფო კლუბს" 300 ათასი ევრო უჯდება.</p><p><strong>ყოველდღიური სპორტული გაზეთი "ლელო"</strong></p>
კონტემ განმარტა, რატომ დატოვა "ინტერი" საჩემპიონო სეზონის შემდეგ
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
"MLS-ი არასერიოზული ლიგაა, აქ ფეხბურთელებს პროფესიონალიზმი აკლიათ" - მიულერმა ამერიკელები გაანაწყენა
კონტემ განმარტა, რატომ დატოვა "ინტერი" საჩემპიონო სეზონის შემდეგ
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
იტალია. ტრანსფერები: კალჩოს ახალი ვარსკვლავები
"მსგავსი გიგანტების მენტალიტეტის გაგება უჭირთ" - ხაბიბმა რონალდოს შესახებ ემოციური პოსტი გამოაქვეყნა
დრიბლინგი: დერბი კი არა, დერბინო!
ვინ სად გადავიდა? - ბოლო სატრანსფერო დღის გარიგებები
რობერტო ფირმინო 32 წლის ასაკში პასტორი გახდა
48 მლნ ევრო მცველში - მადრიდის "რეალმა" მესამე ტრანსფერი განახორციელა
"ინტერის" ახალი ბოსი ფეხბურთთან "თქვენობითაა"
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"ბარსელონამ" რობერტო ფირმინოს უარი უთხრა
"მილანი": ადრიანო გალიანის სატრანსფერო გეგმები
მარიო სუარესი მეგობარ გოგონასთან ერთად მაიამიში ისვენებს [VIDEO+PHOTO]
მასიმო მორატის ეპოქის დასარული
ფირმინო კარიერას "ალ აჰლიში" გააგრძელებს
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
"შეუზღუდავი ფინანსები აქვთ, სასიამოვნო იყო მათთან საუბარი" - კამბიასომ "სიტისთან" მოლაპარაკებები გაიხსენა
ესტებან კამბიასო: რონალდო და ლეო მესი მოტივაციას სძენენ ერთმანეთს
ესტებან კამბიასომ კარიერა დაასრულა
რობერტო ფირმინო კარიერას ლა ლიგაში გააგრძელებს
"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი
პსჟ-ს, შესაძლოა, ტრანსფერების განხორციელება აეკრძალოს
მადრიდის "ატლეტიკო" ილქაი გიუნდოგანს ელაპარაკება
ტრანსფერ ONLINE: რანოკია "სამპდორიაში" ითამაშებს
"მადლობა! შენი გაკეთებული საქმე სამუდამოდ დარჩება!" - რონალდოს ნაკრებიდან წასვლას პორტუგალიის პრემიერ-მინისტრი ეხმაურება
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
ფირმინო შესაძლოა, პრემიერლიგას დაუბრუნდეს
"ალ აჰლი" მაჰრეზის თაობაზე "სიტის" დაუკავშირდა - არაბები ალჟირელს სარფიან ხელშეკრულებას სთავაზობენ
მადრიდის "ატლეტიკო": ბრწყინვალე სეზონის მოლოდინში
"რეალი" დუმს - რონალდოს სანაკრებო კარიერის დასრულებას მისი ყოფილი კლუბები გამოეხმაურნენ