<p>მადრიდის "ატლეტიკოს" კოლუმბიელი ახალწვეულის ავანჩავანი <br> მადრიდის "ატლეტიკომ" ჯექსონ მარტინესი წარადგინა. კოლუმბიელი ფორვარდი დიეგო სიმეონეს გაწვრთნილი გუნდის შემადგენლობაში მეთერთმეტე ნომრით ითამაშებს.</p><p>დღევანდელ ფეხბურთში ნომერს ყურადღება აღარ ექცევა, თუმცა ყოველთვის ასე როდია. მარტინესისათვის მეთერთმეტე ნომრის გადაცემა არგენტინელი მწვრთნელის მხრიდან კოლუმბიელი ფორვარდისათვის დიდი ავანსია. მართალია, "ატლეტიკოს" ჰყავს ოდინდელი ლეგენდა, ფერნანდო ტორესი, მაგრამ ჯექსონი მომავალ სეზონში კლუბის უპირველესი ფორვარდი უნდა იყოს.</p><p>სახუმარო საქმე ნამდვილად არ არის - მადრიდელებმა კოლუმბიელში 35 მილიონი ევრო გადაუხადეს "პორტუს". ამ თანხას გამართლება გოლებით სჭირდება. ჯექსონს ამის გაკეთება ნამდვილად შეუძლია.</p><p>"მე დავიბადე იმისათვის, რომ გავიტანო" - ეს სიტყვები მარტინესმა 2012 წელს თქვა, როცა "პორტუში" ჩაირიცხა. ახლა უკვე თამამად შეგვიძლია ვთქვათ, რომ მარტინესი სიტყვის კაცია - მან პირნათლად მოიხადა ვალი გუნდის წინაშე, რომელმაც ის ევროპას გააცნო.</p><p>დამაფიქრებელია, როცა 28 წლის ფეხბურთელში 35 მილიონ ევროს იხდიან. ეს კრიტიკული ასაკი არ არის, მაგრამ ჯექსონი არც ბავშვია. არადა, მსოფლიოს წამყვან კლუბებს ურჩევნიათ, მილიონები ახალგაზრდა მოთამაშეებში დააბანდონ.</p><p>სიმეონეს ლოგიკა ასეთია - მარტინესს ჯერაც არ უთამაშია ევროპულ ტოპ-ლიგაში და მას შეუძლია, ბევრი გაიტანოს. ესპანური პრიმერა კოლუმბიელისათვის ახალი და დიდი გამოწვევა უნდა იყოს.</p><p>ძალიან მოინდომებ, როცა ხშირად ეთამაშები "რეალს", "ბარსელონასა" თუ "სევილიას". პრიმერა მსოფლიოს ერთ-ერთი უძლიერესი ლიგაა და იქ ცალი ფეხით საქმის კეთება გამორიცხულია.</p><p>ჩვენი წერილის გმირი აუცილებლად მოინდომებს. თან ძალიან. ის პორტუგალიის ჩემპიონატისათვის გადაიზარდა. ჯექსონი ყოველ შეხვედრაში შედევრებს დგამდა. ახლა მან შედევრები სხვაგან უნდა დადგას.</p><p>ყველაფერი ცხოვრებაში არის ჯერჯერობითი. ჯექსონ მარტინესის კარიერაში დასრულდა ხანა, როცა მას წყვილად გაჰქონდა გოლები "რიუ ავესა" თუ "მარიტიმუს" კარში. ახლა "რეალს" და "ბარსელონას" უნდა გაუტანოს.</p><p>ჯექსონს მობეზრდა პორტუგალიური ტიტულები და საუკეთესოობა. თუ არ ჩავთვლით ჩემპიონთა ლიგას, პორტუგალიის ჩემპიონატში მოასპარეზე ფეხბურთელი წელიწადში სულ რამდენიმე სერიოზულ მატჩს თამაშობს.</p><p>ჩემპიონთა ლიგაზე ჯექსონ მარტინესი არასოდეს ყოფილა რიგითი, თუმცა შევთანხმდეთ - თუ სასწაული არ მოხდა, დღევანდელ პირობებში "პორტუ" ვერაფრით მოიგებს ჩემპიონთა ლიგას. ვერც სხვა, მეორეხარისხოვანი გრანდი.</p><p>"ატლეტიკოს" კი სულ ცოტა ხნის წინ წამები დააკლდა ამ ტრიუფამდე და დიეგო სიმეონეს ბრწყინვალე გუნდს ვერც ეს რამდენიმე წამი შეაჩერებდა, რომ არა სერხიო რამოსის მართლაც დიდებული ნახტომი.</p><p>ჩემპიონთა ლიგა ისეთი რამაა, წინასწარ ვერაფერს განსაზღვრავ, მაგრამ "ატლეტიკოს" კიდევ შეუძლია ამ სასწაულის განმეორება, შეუძლია თუნდაც მარიო მანჯუკიჩისა და არდა თურანის გარეშე.</p><p>ჯექსონმა მადრიდულ კლუბში უნდა შეცვალოს მარიო მანჯუკიჩი - "იუვენტუსში" წასული ხორვატი მეგოლე. ბალკანელმა მხოლოდ ერთი სეზონი გაატარა "ვისენტე კალდერონზე". მან გაიტანა გოლები, თუმცა ვერ იქცა გუნდის ლიდერად და ვერც გადამწყვეტ შეხვედრებში იჩაუქა.</p><p>სიმეონე მიხვდა, რომ მას სხვანაირი შემტევი სჭირდება. მანჯუკიჩი ძალიან კარგი ფორვარდია, მაგრამ მას მრავალფეროვნება აკლია. მარიო ძალიან სახიფათოა საჯარიმო მოედანში და შესანიშნავად იგებს მაღალ ბურთებს, მაგრამ მას აკლია "რაღაც" და ეს "რაღაც" აქვს ჯექსონ მარტინესს.</p><p>მაინც, რა არის ეს "რაღაც"? ჯექსონ მარტინესი ფორვარდთა იმ კატეგორიას მიეკუთვნება, რომლებიც შეტევის მთელ დიაპაზონზე მოქმედებენ და არ არის შემოფარგლული მხოლოდ საჯარიმო მოედანს შიგნით მოქმედებით.</p><p>ეს დღევანდელ ფეხბურთში ძალიან დიდი პლუსია. მით უმეტეს, "ატლეტიკოსათვის". დიეგო სიმეონეს უყვარს უსწრაფესი კონტრშეტევები. ამ კონტრშეტევებში მთელი გუნდი მონაწილეობს.</p><p>სიმეონეს დოგმასავით აქვს: მისი გუნდის ყველა ფეხბურთელმა, არ აქვს მნიშვნელობა, მცველი იქნება, ნახევარმცველი თუ თავდამსხმელი, ბურთი კარგად უნდა იცოდეს. მარტინესი ძალიან ტექნიკურია. მისი ფინტების ცქერა ერთ რამედ ღირს და ის ბურთს ეფერება.</p><p>ვინ იცის, მარტინესის მიერ გატანილი როგორი გოლი არ გვინახავს. მათ შორის - ისეთებიც, თვალსა და გულს რომ ახარებს. გოლები, რომელთა გამოც გვიყვარს ფეხბურთი.</p><p>სხვა ფაქტორების გარდა, ჯექსონ მარტინესი და დიეგო სიმეონე კიდევ ერთი რამით უნდა შეეწყონ ერთმანეთს. ზოგადად, ფეხბურთსა და ცხოვრებაში წაგება არავის უყვარს, მაგრამ ამ დუეტს - განსაკუთრებით.</p><p>ახლა ძალიან რთულია იმის წინასწარმეტყველება, რამდენ გოლს გაიტანს კოლუმბიელი ფორვარდი "ათლეტების" მაისურით, მაგრამ ის კი უნდა ვივარაუდოთ, რომ სეზონში მათი რაოდენობა ოცს აუცილებლად ასცდება.</p><p>რა თქმა უნდა, ჯექსონ მარტინესი ვარსკვლავია, მაგრამ ის ჯერ მაინც არ არის სუპერვარსკვლავი. "ატლეტიკო" მას ამ შანსს აძლევს. კოლუმბიელმა ეს შანსი უნდა გამოიყენოს.</p><p>კოლუმბიის ეროვნულ ნაკრებში ახლა ბევრი კარგი ფორვარდია. რაღა შორს წავიდეთ, იქ არის რადამელ ფალკაო. რადამელი ბოლო ხანს ფორმიდან ამოვარდა, მაგრამ ის მაინც მაგარია და აგერ, ჟოზე მოურინიომაც მიიყვანა "ჩელსიში".</p><p>არაერთი დიდებული მატჩისა და სუპერგოლის მიუხედავად, ჯექსონ მარტინესი ჯერაც არ არის კოლუმბიის ნაკრების პირველი თავდამსხმელი. ის ძალიან ბევრს თამაშობს და 37 შეხვედრაში 10 სანაკრებო გოლიც მოუგროვდა, მაგრამ ფაქტია, რომ მეტი შეუძლია.</p><p>ესპანურ პრიმერაში ბომბარდირთა მარაქაში გარევით ჯექსონ მარტინესი კიდევ უფრო ხმაურიან სანაკრებო განაცხადს გააკეთებს. ვინძლო, ის თავისი ქვეყნის უპირველესი გუნდის მთავარ ფორვარდადაც კი იქცეს.</p><p>კოლუმბიას კი მართლაც ჩინებული ნაკრები ჰყავს. ეს გუნდი ძალიან კარგი იყო ბრაზილიურ მუნდიალზე და იქნებ, მთლად სამართლიანადაც არ ჩამოშორებულა საჩემპიონო მარულას, თუმცა მომავალ მსოფლიოს ჩემპიონატამდე დარჩენილ სამ წელიწადში გუნდი უფრო დაღვინდება და მოწინააღმდეგეებისათვის საშიში გახდება.</p><p>კოლუმბიის ნაკრებს და ჯექსონ მარტინესს მომავალი აქვთ. მთავარია, ორივემ ირწმუნოს, რომ ბევრი შეუძლია. რწმენას ფეხბურთში უდიდესი მნიშვნელობა აქვს. თუ არ ირწმუნე, ვერც ვერაფერს მიაღწევ.</p><p>მწვრთნელი კი ჩვენს გმირს ისეთი შეხვდა, უკეთესს ვერ ინატრებს - დიეგო სიმეონეს სჩვევია, ფეხბურთელიდან მაქსიმუმს გამოადნობს. ყველასთან ასეა და რაღა კოლუმბიელი უნდა იყოს გამონაკლისი?!</p><p>დანარჩენს კი დრო გვიჩვენებს. ჯექსონ მარტინესი არსად უნდა დაიკარგოს. როგორც კოლუმბიელი ჟურნალისტები უწოდებენ, კაცი გოლის სურნელით...</p><p><strong>ყოველდღიური სპორტული გაზეთი "ლელო"</strong></p>
gia
მაგარია ჯექსონი
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
"თუ სიმეონეს გუნდი თამაშობს, ტელევიზორს სხვა არხზე ვრთავ" - არგენტინის ნაკრების ყოფილი მწვრთნელი
კლუბი, ალკოჰოლი, თამბაქო - "ატლეტიკოს" ექსფორვარდის გულწრფელი აღიარება
[VIDEO] 5 ყვითელი და 1 წითელი ბარათი - "მადრიდულ დერბიში" "ატლეტიკომ" "რეალი" დაამარცხა
გაბრაზებული მოურინიო დერბის წაგების შემდეგ პრესკონფერენციაზე ფოტოებით მივიდა - მას სიმეონემ უპასუხა
ვინ სად გადავიდა? - ბოლო სატრანსფერო დღის გარიგებები
არაგონესის მაჩვენებელს გაუთანაბრდა - სიმეონე 1 მოგების შემდეგ, ლა ლიგაში ყველა დროის რეკორდსმენი გახდება
48 მლნ ევრო მცველში - მადრიდის "რეალმა" მესამე ტრანსფერი განახორციელა
[VIDEO] "მადლობა ყველაფრისთვის, რაც ჩვენთვის გააკეთე და აკეთებ... მიყვარხარ" - სიმეონემ გრიზმანს პრესკონფერენციაზე ემოციურად მიმართა
ლონდონის "ჩელსი" და მადრიდის "ატლეტიკო" ფორვარდებს გაცვლიან?
[VIDEO] "ბარსელონამ" "ატლეტიკოს" თამაში შემოუტრიალა
"ყველა ვარიანტში, "ოქროს ბურთი" მას უნდა გადასცენ" - სიმეონეს თავისი ფავორიტი ჰყავს
"ჩელსიმ" "ატლეტიკოს" დიეგო კოშტას ტრანსფერზე უარი უთხრა
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
[VIDEO] "ბარსელონა" შეუჩერებელია, "არსენალმა" ისევ გაიმარჯვა, "ბაიერნი" "ვიკინგთან" ფრეს დასჯერდა
[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა
[VIDEO] "ბარსელონამ" "ასტონ ვილა" დაამარცხა, "ბაიერნმა" "ატლეტიკო" - "მანჩესტერ იუნაიტედმა" "რომას" თამაში შემოუტრიალა
ზამთრის უკანასკნელი ტრანსფერი, მაგრამ რეკორდული
პსჟ-ს, შესაძლოა, ტრანსფერების განხორციელება აეკრძალოს
მადრიდის "ატლეტიკომ" ლონდონის "ტოტენჰემი" უარით გაისტუმრა
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
"ის ჩემი გუნდის საუკეთესო ფეხბურთელია" - სიმეონემ ალვარესის მომავალზე ისაუბრა
"ნაპოლი" ჯექსონ მარტინესს უმიზნებს