<p><p>ნაგოიას ბაშოს მე-6 დღე ყველაზე უიღბლო გამოდგა ქართველი სუმოისტებისათვის - სამივემ წააგო.</p> <br> <p>ნაგოიას ბაშოს მე-6 დღე ყველაზე უიღბლო გამოდგა ქართველი სუმოისტებისათვის - სამივემ წააგო. ყველაზე ცუდად საქმე ქართველ კომუსუბის ტოჩინოშინს (ლევან გორგაძე) აქვს, რომელსაც 1-5 ბალანსი გაუხდა და ტიტულის დაკარგვის რეალური საფრთხის წინაშეა. დარჩენილი ცხრა ორთაბრძოლიდან ტოჩინოშინმა 7 მაინც უნდა მოიგოს, თუკი ისევ რიგითი მაეგაშირობა არ სურს. დაგვეთანხმებით, ურთულესი მისიაა, მით უფრო რომ ჩვენებური დოჰიოზე აშკარად არ ბრწყინავს. გუშინ კომუსუბიმ ესტონელ ბარუტოსთან კვლავ წააგო, ბალტიელი ოძეკი მისთვის ერთ-ერთ ყველაზე უხერხულ მეტოქედ ჩამოყალიბდა. ბარუტომ ცაციათი უვატენაგეს ილეთით დააგდო ქართველი ფალავანი. დღეს ორი კომუსუბის რკენაა, ქართველი ტოჩინოშინი მონღოლი ჰაკუბას წინააღმდეგ, ორივე პირველად ასპარეზობს ამ რანგში, ორივეს ცუდად აქვს სამე (თითო მოგება). წესით, ლევანმა უნდა იმარჯვოს, რადგან აქამდე ჰაკუბა ხუთი ცდიდან ხუთჯერ დაამარცხა.</p><p>კოკაი (ლევან ცაგურია) ლიდერთა შორის იყო, მაგრამ ორი ყოფილი კომუსუბის ორთაბრძოლა შიმოტორიმ მოიგო მავაშში ხელის ჩაჭიდებით. "შავი ზღვის" დღევანდელი მეტოქე გამოცდილი ვაკანოსატოა, რომელთანაც კოკაის დიდი დაპირისპირება აქვს, აქამდე ისინი 18-ჯერ დაუპირისპირდნენ ერთმანეთს და მეტოქეებმა 9-9-ჯერ იმარჯვეს.</p><p>გაგამარუს (თეიმურაზ ჯუღელი) მეტოქე ტამაასუკა იყო, რომელსაც ნაგოაიაში გულშემატკივართა მხარდაჭერა გარანტირებული აქვს, ეს სუმოისტი ამ ქალაქიდანაა წარმოშობით. ქართველმა მძიმეწონოსანმა დოჰიოს კიდემდე მიიყვანა მეტოქე, მაგრამ, აგერ უკვე მერამდენედ, ბოლო მომენტში გვერდში დარტყმა გამოეპარა. გაგამარუს 2-4 ბალანსი აქვს. მართალია, უარყოფითი ბალანსის შემთხვევაშიც კი ქართველს დაქვეითება ნაკლებად დაემუქრება, მაგრამ დებიუტანტი მაინც ფრთხილად უნდა იყოს და მაქსიმალურად დააგროვოს მოგებები. გაგამარუს მეტოქე მე-9 მაეგაშირა კაკიძოეა, რომელსაც, ბუნებრივია, არასოდეს შეხვედრია.</p><p>ესეც 38 - დიდმა ჩემპიონმა ჰაკუჰომ ზედიზედ 38-ე ორთაბრძოლა მოიგო, მან ოშიდაშით თანამემამულე ჰაკუბა განდევნა დოჰიოდან. ასე უიღბლოდ დასრულდა ჰაკუბას პირველი დაპირისპირება იოკოძუნასთან. ბაშოს 4 რიკიში ლიდერობს 6-6 მოგებით, ჰაკუჰო, ბულგარელი ოძეკი კოტოოშუ და ორი რიგითი მაეგაშირა, კაკურიუ და ჰომაშო.</p><p><strong>ივლისის ბაშო. 11-25 ივლისი. ნაგოია (იაპონია)</p><p>VI დღე: </strong>ჰაკუჰო-ჰაკუბა (ოშიდაში), არანი-ჰამურაფუჯი (ჰიკიოტოში), კოტოოშუ-კიოკუტენჰო (იორიკირი), კაიო-ამინიშიკი (ჰატაკიკომი), ბარუტო-ტოჩინოშინი (უვატენაგე), ტოჩიოძანი-კოტოშოგიკუ (ცუკიოტოში), კისენოსატო-ასასეკირიუ (იორიკირი), კაკიძოე-ტოკიტენკუ (იორიტაოში), ტოკუსეგავა-კიტატაიკი (იორიკირი), კაკურიუ-მოკონამი (შიტატენაგე), ვაკანოსატო-იოშიკაძე (იორიკირი), შიმოტორი-კოკაი (იორიკირი), ჰომაშო-ტოსაიუტაკა (იორიტაოში), ტაკამისაკარი-ჰოკუტორიკი (ოკურიდაში), ტაკეკაძე-ბუშუიამა (კატასუკაში), ტამაასუკა-გაგამარუ (ცუკიოტოში), კიმურაიამა-შოტენრო (ოშიდაში), საგაცუკასა-ტამავაში (ოშიდაში).</p><p><strong>სატურნირო მდგომარეობა:</p><p>6-0:</strong> ჰაკუჰო (იოკოძუნა), კოტოოშუ (ოძეკი), კაკურიუ (მაეგაშირა 6), ჰომაშო (მ 13).</p><p><strong>5-1:</strong> კაიო (ოძეკი), კისენოსატო (სეკივაკე)... 4-2: კოკაი (მ 12)... 2-4: გაგამარუ (მ 12)... 1-5: ტოჩინოშინი (კომუსუბი).</p><p><strong>VII დღე</p><p>ქართველთა</strong> <strong>მეტოქეები</strong>: ტოჩინოშინი-ჰაკუბა, გაგამარუ-კაკიძოე, კოკაი-ვაკანოსატო.</p> <p>ფოტოზე: <em>ქართულ-ესტონური დუელი</em></p></p>
"ბიჭების გამო მაინც დარჩი, შენთან ერთად ვარჯიში მათთვის დიდი გამოცდილებააო" - ტოჩინოშინის ინტერვიუ კვირის პალიტრასთან
ტოჩინოშინმა საიუბილეო, მე-100 ბაშო ნაადრევად შეწყვიტა
ტოჩინოშინმა ტაკარაფუჯი მარტივად დაამარცხა [VIDEO]
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ