- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსები ავსტრალიიდან მიდიან
<p><p>პირველმა ოთხმა დღემ ხმაურიანი სენსაციის გარეშე ჩაიარა, თუმცა გუშინ რამდენიმე მოულოდნელი შედეგი დაფიქსირდა</p> <br> <p>ავსტრალიის ღია პირველობაზე მეორე წრე დასრულდა. პირველმა ოთხმა დღემ ისე ჩაიარა, რომ ხმაურიანი სენსაცია არ ყოფილა, თუმცა გუშინ რამდენიმე საინტერესო და მოულოდნელი შედეგი დაფიქსირდა.</p><p>უიღბლო დღე ჰქონდათ არგენტინელ ვარსკვლავებს. დავიდ ნალბანდიანმა, რომელმაც ორი დღის წინ მარათონული მატჩი მოუგო ავსტრალიელ ლეიტონ ჰიუიტს, გუშინ მხოლოდ ერთი გეიმის აღება შეძლო. მსოფლიოს რეიტინგის პირველი ასეულის ყველაზე ახალგაზრდა წარმომადგენელმა, ლიტველმა რიჩარდას ბერანკისმა ბრწყინვალე მატჩი ჩაატარა, მაგრამ არგენტინელის მარცხის ძირითადი მიზეზი არა პროგრესის გზაზე მდგარი ბალტიისპირელის შესანიშნავი თამაში, არამედ ნალბანდიანის საშინელი ფიზიკური ფორმა იყო. დავიდი უბრალოდ მზად არ აღმოჩნდა მეორე წრის მატჩისთვის და მესამე სეტში ისედაც წაგებული მატჩი შეწყვიტა - 1:6, 0:6, 0:2.</p> <p> </p> <p>"ლეიტონთან მატჩმა უდიდესი ენერგია მოითხოვა. დღეს მთლიანად გამოფიტული ვიყავი. რთული იყო კონცენტრაცია. კორტზე ექიმს ვუხმე და მან მითხრა, რომ სახიფათო იყო თამაშის გაგრძელება.</p><p>ამიტომაც შევწყვიტე მატჩი. როგორც აღმოჩნდა, ბერანკისი კარგი მოთამაშე ყოფილა. სამწუხაროდ, ვერ შევძელი მის წინააღმდეგ სრული ძალით თამაში. მაგრამ დარწმუნებული ვარ, ის მომავალში დიდ პროგრესს მიაღწევს", - განაცხადა არგენტინელმა.</p><p>გუშინდელი დღის პროგრამას ცენტრალური მატჩი ხურავდა - კვიპროსელი მარკოს ბაღდატისი არგენტინელი ხუან დელ პოტროს წინააღმდეგ. ორივე ჩოგბურთელი დღეს შორს არის ოპტიმალური სპორტული ფორმისგან. დელ პოტრო საერთოდ ახლა ბრუნდება ჩოგბურთში შარშანდელი გამოტოვებული სეზონის შემდეგ. გუშინდელ მატჩში ბრძოლა თითქმის არ ყოფილა. აშკარა იყო, რომ ამერიკის ღია პირველობის 2009 წლის ჩემპიონს სათამაშო პრაქტიკაც აკლდა და ფიზიკური ფორმის მხრივაც მოიკოჭლებდა. ამ ფონზე ბაღდატისი უფრო სტაბილურად გამოიყურებოდა. მეორე სეტში არგენტინელს ბრეიკ-პოინტზე ჩოგანი ხელიდან გაუვარდა, რის შემდეგაც ექიმს მიმართა მაჯის არეში ტკივილის გამო. ბაღდატისმა მესამე სეტის წაგების შემდეგ ასევე ექიმი იხმო დასახმარებლად. თუმცა მცირე პრობლემას კვიპროსელისთვის გამარჯვების მოპოვებაში ხელი არ შეუშლია - 6:1, 6:3, 4:6, 6:3.</p><p>მამაკაცებს შორის ლიდერებმა დამაჯერებლად გაიარეს მეორე წრის ბარიერი. არანაირი პრობლემა არ ჰქონიათ რაფაელ ნადალს, ენდი მიურეისა და რობინ სიოდერლინგს. სხვათა შორის, სკანდინავიელი პირველად გავიდა ასე შორს ავსტრალიის ღია პირველობაზე.</p> <p></p><p>შესამჩნევად შეთხელდა მეორე წრის შემდეგ რუსების წარმომადგენლობა ქალების ბადეში. ყველაზე მოულოდნელი იყო ალისა კლეიბანოვას წაგება 2008 წელს იუნორთა როლან გაროსის ჩემპიონ სიმონა ჰალეპთან. ეს ის გოგონაა, რომელმაც წარმატებული კარიერის გამო მკერდის დასაპატარავებელი ოპერაცია ჩაიტარა. რუმინელმა სწორი ტაქტიკა აირჩია - ინიციატივა მეტოქეს დაუთმო და მის შეცდომებს დაელოდა. შეცდომები კი კლეიბანოვამ ძალიან ბევრი დაუშვა. რუსმა მხოლოდ მეორე სეტის ბოლოს დაალაგა თამაში, როცა მატჩზე ჩაწოდების საშუალება არ მისცა რუმინელს, მაგრამ ტაი-ბრეიკზე ისევ უმატა შეცდომებს და შემოკლებული გეიმი 2:7 დათმო.</p><p>კლეიბანოვას გზას გაუდგა ანა ჩაკვეტაძე, რომელმაც ჩეხ პეტრა კვიტოვას ორი სეტი ჩააბარა - 3:6, 4:6. ბოლოს კი ბრძოლას გამოეთიშა მარია კირილენკო. პირველ წრეში რომინა ოპრანდისთან ურთულესი მატჩის მოგების შემდეგ, რუსს გაუჭირდა ჩეხი ივეტ ბენეშოვასთვის წინააღმდეგობის გაწევა, მით უმეტეს, რომ კირილენკოს მეტოქემ აგრესიული და რაც მთავარია, თითქმის უშეცდომო თამაში აჩვენა. თუ პირველ პარტიაში მარია ასე თუ ისე იბრძოდა, მეორეში მხოლოდ ერთი გეიმის აღება შეძლო - 1:6, 3:6.</p><p>რაც შეეხებათ ლიდერებს, კიმ კლაისტერსი მშვიდად გავიდა 1/16 ფინალში, სამაგიეროდ, ელენა იანკოვიჩმა შეწყვიტა წინსვლა, თუმცა სერბის წარუმატებელი თამაში უკვე აღარავის უკვირს. არადა, ელენასთვის ყველაფერი კარგად იწყებოდა - პირველ სეტში 5:2 დაწინაურდა, მაგრამ ამის შემდეგ ინიციატივა მთლიანად ჩინელი შუაი პენგის მხარეს გადავიდა. ჩინეთის ყოფილ პირველ ნომერს ორი სეტი ეყო მსოფლიოს ყოფილი პირველი ჩოგანის დასამარცხებლად.</p> <p> </p> <p>"ვიგებდი და ყველაფერი ჩემს კონტროლქვეშ იყო. ძალიან კარგად ვთამაშობდი. მაგრამ შემდეგ რამდენიმე შეცდომა დავუშვი, მეტოქემ კი პირიქით, თამაშს მოუმატა. ამას მოჰყვა ტაი-ბრეიკზე ყველაზე მნიშვნელოვან მომენტებში შეცდომები. ჩემთვის ეს ცუდი დღე იყო, მაგრამ კარგია, რომ ჯანმრთელი ვარ. ეს დღეს ჩემთვის ყველაზე მნიშვნელოვანია. რეალურად შემიძლია კონკურენციის გაწევა. უნდა გავაგრძელო მუშაობა ძველი ფორმის დასაბრუნებლად", - ასეთი კომენტარი გააკეთა იანკოვიჩმა.</p> <p></p><p><strong>II წრე</strong></p><p><em>კაცები</em></p><p>რაფაელ ნადალი (ესპ, 1)-რაიან სვიტინგი (აშშ) 6:2, 6:1, 6:1; ბერნარდ ტომიჩი (ავსტრა)-ფელისიანო ლოპესი (ესპ, 31) 7:6(4), 7:6(3), 6:3; ჯონ ისნერი (აშშ, 20)-რადეკ შტეპანეკი (ჩეხ) 4:6, 6:4, 6:2, 6:1; მარინ ჩილიჩი (ხორ, 15)-სანტიაგო ხირალდო (კოლ) 6:3, 7:6(1), 6:1; მიხაილ იუჟნი (რუს, 10)-ბლაჟ კავჩიჩი (სლოვენ) 6:3, 6:1, 5:7, 4:6, 6:1; მილოშ რაონიჩი (კან)-მიკაელ ლოდრა (საფ, 22) 7:6(3), 6:3, 7:6(4); რიჩარდ ბერანკისი (ლიტ)-დავიდ ნალბანდიანი (არგ, 27) 6:1, 6:0, 2:0 უარი; დავიდ ფერერი (ესპ, 7)-მაიკლ რასელი (აშშ) 6:0, 6:1, 7:5; რობინ სიოდერლინგი (შვედ, 4)-ჟილ მიულერი (ლუქ) 6:3, 7:6(1), 6:1; იან ჰერნიხი (ჩეხ)-ტომაშ ბელუჩი (ბრა, 30) 6:2, 6:7(11), 6:4, 6:7(3), 8:6; ალექსანდრ დოლგოპოლოვი (უკრ)-ბენჯამინ ბეკერი (გერ) 6:3, 6:0, 3:6, 7:6(3); ჟო ვილფრიდ ცონგა (საფ, 13)-ანდრეას სეპი (იტა) 6:3, 7:6(1), 7:6(5); იურგენ მელცერი (ავსტრია, 11)-პერე რიბა (ესპ) 6:2, 6:4, 6:2; მარკოს ბაღდატისი (კვიპ, 21)-ხუან მარტინ დელ პოტრო (არგ) 6:1, 6:3, 4:6, 6:3; გილერმო გარსია-ლოპესი (ესპ, 32)-ედუარდო შვანკი (არგ) 6:4, 7:6(8), 6:1; ენდი მიურეი (ბრიტ, 5)-ილია მარჩენკო (უკრ) 6:1, 6:3, 6:3.</p> <p><em>ქალები</em></p><p>შუაი პენგი (ჩინ)-ელენა იანკოვიჩი (სერ, 7) 7:6(3), 6:3; აიუმი მორიტა (იაპ)-კაროლინ გარსია (საფ) 6:4, 6:4; სიმონა ჰალეპი (რუმ)-ალისა კლეიბანოვა (რუს, 24) 6:4, 7:6(2); აგნიეშკა რადვანსკა (პოლ, 12)-პეტრა მარტიჩი (ხორ) 6:3, 6:4; ნადია პეტროვა (რუს, 13)-ალისია მოლიკი (ავსტრა) 6:4, 6:1; ეკატერნა მაკაროვა (რუს)-ლესია ცურენკო (უკრ) 7:6(6), 6:1; ალიზ კორნე (საფ)-მარია ხოსე მარტინეს სანჩესი (ესპ, 26) 7:5, 6:1; კიმ კლაისტერსი (ბელ, 3)-კარლა სუარეს ნავარო (ესპ) 6:1, 6:3; სამანტა სტოსური (ავსტრა, 5)-ვერა დუშევინა (რუს) 6:3, 6:2; პეტრა კვიტოვა (ჩეხ, 25)-ანა ჩაკვეტაძე (რუს) 6:3, 6:4; ფლავია პენეტა (იტა, 22)-ლურდეს დომინგეს ლინო (ესპ) 6:2, 6:2; შაარ პეერი (ისრ, 10)-სორანა კირსტეა (რუმ) 6:3, 6:2; ანასტასია პავლიუჩენკოვა (რუს, 16)-კრისტინა ბაროისი (გერ) 6:2, 6:2; ივეტა ბენეშოვა (ჩეხ)-მარია კირილენკო (რუს, 18) 6:3, 6:1; ლუსი საფაროვა (ჩეხ, 31)-კლარა ზაკოპალოვა (ჩეხ) 6:3, 6:7(2), 7:5; ვერა ზვონარევა (რუს, 2)-ბოიანა იოვანოვსკი (სერ) 2:6, 6:3, 6:1.</p> <p></p><p>.</p></p>
მერვე მატჩიდან მეშვიდე წაგება სეზონში - ბასილაშვილი ცუდ ფორმაშია
მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო
[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა