- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დელ პიერომ დელ ნერი გააოცა!
<p><p>იუვეს მწვრთნელი დიეგოს ცოტას კიდევ დააკვირდება</p> <br> <p>როგორი იქნება ლუიჯი დელ ნერის „იუვენტუსი“? ეს არის კითხვა, რომელიც „ბებერი ქალბატონის“ გასულ სეზონში გაწამებულ ფანებს აწუხებს და რომელსაც ზუსტი პასუხი მანამდე არ გაეცემა, სანამ ახალი სეზონი არ დაიწყება. იქამდე კი, მხოლოდ ვარაუდებითა და იმ განცხადებებით თუ შემოვიფარგლებით, რაც აქამდე გაკეთდა ან სეზონის დაწყებამდე კიდევ გაკეთდება.</p><p>ახალი ის არის, რომ „იუვენტუსის“ ახალმა მწვრთნელმა ჩვენს იტალიელ კოლეგებთან რამდენიმე საინტერესო საკითხზე მაქსიმალურად ამომწურავად ისაუბრა და ჩვენც გადავწყვიტეთ, დელ ნერის განცხადებები გაგაცნოთ. ტურინული კლუბის დამრიგებელი ერთ რამეში უკვე დარწმუნდა: დიეგო და ალესანდრო დელ პიერო მოედანზე ერთად ვერ „მოძოვენ“. დელ ნერი ფაქტობრივად გამორიცხავს იმას, რომ ალექსმა და ბრაზილიელმა ძირითად შემადგენლობაში ერთად ითამაშონ, რადგან ორივე ერთნაირი ყაიდის ფეხბურთელია. ამასთან, დელ ნერიმ იტალიელ ჟურნალისტებს განუცხადა, დღესდღეობიტ დელ პიერო გაცილებით უკეთ გამოიყურება, ვიდრე დიეგოო, რაც ალბათ იმას უნდა ნიშნავდეს, რომ დელ ნერი თანახმაა, ბრაზილიელ გამთამაშებელს შეელიოს, რაც, პრინციპში, მოსალოდნელიც იყო - ლუიჯის ტიპური ფლეიმეიკერები არ უყვარს.</p><p>ზოგადად, დელ ნერი კლასიკურ 4-4-2-ს ანიჭებს უპირატესობას, რაც იმას ნიშნავს, რომ მისი ფორმაციის „იუვენტუსში“ დიეგოს ადგილი არ არის. მისგან განსხვავებით, დელ პიეროს მეორე ფორვარდის როლის შესრულება გაცილებით უკეთესად შეუძლია. პრინციპში, ალექსი მთელი კარიერის განმავლობაში მეორე თავდამსხმელი უფრო იყო, ვიდრე ტიპური გამთამაშებელი.</p><p>დიეგო „იუვენტუსში“ ერთი წლის წინ გადავიდა და შარშან ტურინელებმა „ვერდერს“ მის სანაცვლოდ 25 მილიონი ევრო გადაუხადეს. დიეგო „იუვენტუსისთვის“ ახალი მამოძრავებელი ძალა უნდა გამდარიყო. ბევრი იმასაც ამბობდა, ბრაზილიელი „იუვესთვის“ ახალი ზინედინ ზიდანი უნდა იყოსო. „იუვეს“ ექს-მწვრთნელმა ჩირო ფერარამ სპეციალურად დიეგოსთვის ტაქტიკური სქემაც კი შეცვალა და გუნდს ხან 4-2-3-1 განლაგებით ათამაშებდა, ხანაც 4-3-1-2-ით, მაგრამ ბრაზილიელმა „იუვენტუსში“, რომელსაც ისედაც კრიზისი ჰქონდა, თავისი თავი და ადგილი ვერ იპოვა. პირდაპირ ვთქვათ: დიეგომ „ბიანკონერის“ ქომაგებს იმედები გაუცრუა. ახლა კი, გუნდს დელ ნერი წვრთნის, რომლის საყვარელი სქემა კლასიკური 4-4-2-ია და ეს სპეციალისტი უპირატესობას ფლანგებიდან იერიშებს ანიჭებს. თანაც, დელ ნერი ზუსტად ის მწვრთნელია, ვინც თავის დროზე, დიეგო „პორტუდან“ (ამავე მიზეზით) „ვერდერში“ გაუშვა.</p> <p><strong>დიეგო მეორე ფორვარდად?</strong></p> <p>ამიტომაცაა, რომ იტალიელი მიმომხილველები დიეგოს წასვლაში დარწმუნებულები არიან. ზოგი გაზეთი წერს, რომ ტურინელებმა 25 წლის ბრაზილიელი ტრანსფერზე დააყენეს, ზოგიც იტყობინება, რომ დელ ნერი დიეგოს შენარჩუნებაზე ფიქრობს და უნდა, რომ ის მეორე თავდამსხმელად ათამაშოს. გუშინწინ, „იუვემ“ ამხანაგური მატჩი გამართა „ალ ნასრთან“, რომელიც ტურინელებმა 5:0 მოიგეს. დელ ნერიმ გუნდი, რა თქმა უნდა, 4-4-2 სქემით ათამაშა, ძირითად შემადგენლობაში დელ პიერო და კარვალიო ამაური გაამწესა, დიეგო კი თამაშში მეორე ტაიმში სწორედ მეორე ფორვარდად (დელ პიეროს ნაცვლად) ჩართო, რაც იმას ნიშნავს, რომ დელ ნერი ბრაზილიელს ამ როლისთვის მართლაც აკვირდება. აქვე იმასაც გეტყვით, რომ ხუთიდან სამი გოლი დავიდ ტრეზეგემ (ამაურის ნაცვლად შევიდა) გაიტანა, ერთი გოლი ამაურიმ მიითვალა, ერთი კი პასკუატომ.</p><p>„არ მინდა ვთქვა, რომ დელ პიეროსა და დიეგოს შორის განსაკუთრებული კონკურენცია მსურს. კარგ ფორმაში მყოფი დელ პიერო „იუვენტუსში“ ყოველთვის შეუცვლელი და უალტერნატივო ფიგურაა. უბრალოდ, ვფიქრობ, რომ ეს ორი ფეხბურთელი მოედანზე ერთად ვერ ითამაშებენ, - თქვა დელ ნერიმ მატჩისშემდგომ პრესკონფერენციაზე, - მინდა ისიც აღვნიშნო, რომ დელ პიერომ სასიამოვნოდ გამაოცა. ალექსი უდიდესი მონდომებით ვარჯიშობს და თუ ასე გააგრძელებს, ყოველთვის სასტარტო შემადგენლობაში ითამაშებს ხოლმე.“</p> <p><strong>დელ ნერის ტრეზეგე სჭირდება</strong></p> <p>ამასთან, 59 წლის დელ ნერი შეგირდებისგან მაქსიმალურ თავდადებას ითხოვს, რათა აღარასოდეს განმეორდეს ის, რაც „იუვენტუსს“ გასულ სეზონში დაემართა.</p><p>„გუნდი აბსოლუტურად ყველა ასპექტში უნდა გაძლიერდეს. თუ მოვინდომებთ, „იუვეს“ მომავალ სეზონში კარგი შედეგები ექნება, თუ არა და, იქვე დავრჩებით, სადაც ახლა ვართ, - თქვა დელ ნერიმ და იქვე, დავიდ ტრეზეგეს საკითხსაც შეეხო, - ტრეზეგეს შესაძლებლობებში ეჭვი არასდროს შემპარვია. მიხარია, რომ დავიდი ძალიან კარგად შრომობს და ყველაფერს აკეთებს იმისათვის, რომ ძველებურად ათამაშდეს. დღესაც დამტკიცა, რომ საგოლე მანქანაა. მის გასხვისებაზე აქამდეც არ ვფიქრობდი და ახლა ხომ მით უმეტეს არ ვფიქრობ. ტრეზეგე მჭირდება!“</p><p>შეგახსენებთ, რომ ბოლო დღეებში გავრცელებული ცნობების თანახმად, ტრეზეგეს „ნაპოლიში“ ეპატიჟებიან. ჟურნალისტებმა, დელ ნერის, რა თქმა უნდა, ედინ ჯეკოზე და დიეგო ფორლანზეც ჰკითხეს. როგორც იცით, „იუვენტუსის“ შეფები ორივე ფორვარდს უმიზნებენ. ტურინელთა თავკაცმა ჯეკო და ფორლანი შეაქო და დიპლომატიურად თქვა, სანამ ტრანსფერი არ გადაწყდება, ასეთ საკითხებზე წინასწარ საუბარი არ მიყვარსო.</p><p>დაბოლოს: „იუვენტუსის“ ფეხბურთელები ახალი სეზონისთვის დაინომრნენ. ბევრ სიურპრიზს არ ველოდით და არც მომხდარა, საინტერესოს ის არის, რომ ახალგაზრდა სებასტიან ჯოვინკო მომავალ სეზონში 20-ის ნაცვლად, 14-ნომარიანი მაისურით ითამაშებს, ძვირფასმა შენაძენმა, ცენტრალურმა მცველმა ლეონარდო ბონუჩიმ მე-19 ნომერი აიღო. კიდე ერთი ახალწვეული, სიმონე პეპე კი „იუვეში“ 23-ე ნომერი იქნება.</p><p><strong>„ბებერი ქალბატონის“ შემადგენლობა დღეისათვის ასე გამოიყურება:</p><p></strong>1. ბუფონი, 2. მოტა, 3. კიელინი, 4. ფელიპე მელო, 5. სისოკო, 6. გროსო, 7. სალიჰამიჯიჩი, 8. მარკიზიო, 9. იაკუინტა, 10. დელ პიერო, 11. ამაური, 13. მანინგერი, 14. ჯოვინკო, 15. ძებინა, 16. კამორანეზი, 17. ტრეზეგე, 18. პოულსენი, 19. ბონუჩი, 20. ლანძაფამე, 21. გრიგერა, 23. პეპე, 24. პასკუატო, 25. მარტინესი, 27. ეკდალი, 28. დიეგო, 29. დე ჩელიე, 30. ტიაგო, 31. კოსტანტინო, 32. სტორარი, 33. ლეგროტალიე, 34. ალჩიბიადე, 39. მარონე.</p></p>
კონტეს "ნაპოლიდან" უშვებენ? - დღევანდელი შეხვედრის შემდეგ ბევრი რამ გადაწყდება
იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა
[VIDEO] "ნაპოლის" მესამე უგოლო მატჩი და მარცხი "ბოლონიასთან"
კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში
საქართველო 10:1 ესტონეთი
"ბორჯღალოსნები" | ნამატით კანადასთან
"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება
მეორე ვადით - "ბენფიკას" პრეზიდენტად კვლავ რუი კოშტა აირჩიეს
"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა
იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა
"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ
ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია
[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა
[VIDEO] ლუკა გაგნიძის მეორე საგოლე პასი ესპანეთში
საქართველო 5:0 ესტონეთი
ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
კიტეიშვილის მაღალი შეფასებები და "შტურმის" ფრე "ზალცბურგთან"
"ლიონთან" მატჩში პსჟ-ს შემადგენლობა ცნობილია
წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა
პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
[VIDEO] "ნაპოლის" მესამე უგოლო მატჩი და მარცხი "ბოლონიასთან"