<p>ანა ივანოვიჩი ნაადრევად დაგვემშვიდობა <br> ქალთა ტურნირის პირველი დღე გაცილებით მდიდარი იყო სენსაციებით და მოულოდნელი შედეგებით. საკმარისია აღინიშნოს, რომ WTA-ის რეიტინგის საუკეთესო ათეულის სამი წარმომადგენელი გამოეთიშა ბრძოლას.</p><p>სერბმა ანა ივანოვიჩმა პირველივე წრეში უხერხული მეტოქე მიიღო სლოვაკი დომინიკა ციბულკოვას სახით. მართალია, ეს ჩოგბურთელი, ახლა, TOP50-ის მიღმაა, მაგრამ ოთხიდან ორ მატჩში ჰყავდა დამარცხებული ივანოვიჩი. ციბულკოვამ 2015 წლის სეზონის სტარტზე ხუთი თვე გამოტოვა ტრავმის გამო და ნელ-ნელა იბრუნებს ფორმას. მაგალითად, გასულ კვირას, ნიუ ჰევენის ტურნირზე მეოთხედფინალამდე მიაღწია და იქ ბრძოლაში წააგო ლუსი საფაროვასთან.</p><p>პირველ ორ სეტში ჩოგბურთელები ერთმანეთს "ქამბექების" ხელოვნებაში შეეჯიბრნენ - თავიდან ციბულკოვამ მოიგო პარტია 0:2-დან, შემდეგ ივანოვიჩმა გამოაჩინა ხასიათი 1:3 ჩამორჩენისას. თითქოს სერბმა შეძლო თამაშში გარდატეხის შეტანა, მაგრამ გადამწყვეტი ბრეიკი სლოვაკს დარჩა და მან მეორე წრეში გააღწია - 6:3, 3:6, 6:3.</p><p>ივანოვიჩის გარდა, წააგეს TOP10-ის წევრებმა - კაროლინა პლიშკოვამ და კარლა სუარეს-ნავარომ. ესპანელის მარცხში გასაკვირი არაფერია. კარლამ ზედიზედ მეშვიდე მატჩი წააგო და WTA-ის ანტირეკორდი დაამყარა პირველი ათეულის მოთამაშეებისთვის. საინტერესოა, რომ მან "აჯობა" ეჟენი ბუშარს, რომელიც ამ "რეკორდს" ამავე სეზონში ფლობდა. სუარეს-ნავარო ორ სეტში დამარცხდა მსოფლიოს 77-ე ნომერთან დენისა ალერტოვასთან - 1:6, 6:7(5).</p><p>პლიშკოვას ასეთი სერია არ აქვს, თუმცა ჩეხს ივნისის შემდეგ არ მოუგია TOP15-ის წარმომადგენლისთვის. კაროლინას ამ სეზონში WTA-ის ტურნირებზე ოთხი ფინალი და ერთი ტიტული აქვს, მაგრამ "დიდი სლემის" ჩემპიონატებზე მესამე რაუნდზე შორს ვერ გავიდა. სხვათა შორის, ჩეხი ნიუ იორკში US Open Series-ის გამარჯვებულის რანგში ჩავიდა, მაგრამ ამან ვერ უშველა ჩვენი ყოფილი თანამემამულის - ანა ტატიშვილის წინააღმდეგ.</p><p>გაამერიკელებულმა ქართველმა გაანადგურა ჩეხი - 6:2, 6:1. 51 წუთში, ტატიშვილმა ხუთჯერ აიღო მეტოქის მოწოდება, 15 "ვინერსი" შეასრულა და ძალიან ცოტა - 10 უნებლიე შეცდომა დაუშვა. საინტერესოა, რომ აქამდე, ანას არც ერთი მოგება არ ჰქონდა რეიტინგის TOP20-ის მოთამაშეებთან - 20 შეხვედრა და 20 მარცხი.</p><p>* * *</p><p>ქალთა ტურნირზე საყოველთაო ყურადღება, რა თქმა უნდა, სერენა უილიამსისკენ არის მიპყრობილი, რომელიც კალენდარულ "დიდ სლემს" უმიზნებს. მსოფლიო რეიტინგის ლიდერს პირველ შეხვედრაში იოლი გასეირნება გამოუვიდა - მხოლოდ 30 წუთი დაჰყო კორტზე რუსი ვიტალია დიატჩენკოს წინააღმდეგ.</p><p>სერენამ ზედიზედ რვა გეიმის აღებით დაიწყო მატჩი და 6:0, 2:0-ზე მისმა მეტოქემ ტრავმის გამო შეწყვიტა თამაში. აღსანიშნავია, რომ ამ რვა გეიმში ამერიკელმა მხოლოდ ხუთი გათამაშება წააგო.</p><p>დიატჩენკოს დამარცხებით, უმცროსმა უილიამსმა რამდენიმე საკუთარი რეკორდის გაუმჯობესება შეძლო:</p><p>- აშშ-ის ღია პირველობაზე სერენას მოგებათა სერია 22 მატჩს შეადგენს;</p><p>- "დიდი სლემის" ტურნირებზე უილიამსის მოგებათა სერია 29 მატჩამდე ავიდა;</p><p>- ხოლო აშშ-ის საჰარდო ტურნირებზე მსოფლიოს პირველი ჩოგანი 45 მატჩია არ აგებს;</p><p>- და კიდევ. "დიდი სლემის" ტურნირების პირველ რაუნდებში სერენას 60 მოგება და ერთი წაგება აქვს. ერთადერთი მარცხი 2012 წლის როლან გაროსზე იყო ფრანგი ვირჟინ რაზანოსგან.</p><p>* * *</p><p>მას შემდეგ, რაც მარია შარაპოვამ უარი თქვა აშშ-ის ჩემპიონატში თამაშზე, ხოლო გუშინ რამდენიმე სენსაცია მოხდა, სერენას ყველაზე სახიფათო მეტოქედ ფინალამდე შვეიცარიელი ბელინდა ბენჩიჩი ჩანს, რომელმაც ცოტა ხნის წინ, ტორონტოს ტურნირზე მოუგო უილიამსს.</p><p>18 წლის ჩოგბურთელმა ამერიკის ღია პირველობაზეც შესანიშნავი სტარტი აიღო - 57 წუთში გაანადგურა ბულგარელი სესილ კარატანჩევა - 6:1, 6:2.</p><p>ბენჩიჩი შარშან, აშშ-ის ღიაზე მეოთხედფინალამდე მივიდა, წელს კი ფაქტობრივად WTA-ის ვარსკვლავის რანგში გვევლინება. ამ სეზონში სერენას გარდა, მან ბუშარის, ვოზნიაცკის, ლისიცკის, ივანოვიჩის, ჰალეპის, კერბერისა და პენეტას დამარცხება მოასწრო.</p><p><strong>ქალები</p><p>I წრე</p><p></strong>სერენა უილიამსი (აშშ, 1)-ვიტალია დიატჩენკო (რუს) 6:0, 2:0 უარი; კიკი ბერტენსი (ჰოლ)-მირიანა ლუჩიჩი (ხორ) 3:6, 6:4, 6:2; ბეტანი მატეკი (აშშ)-კატერინა კოზლოვა (უკრ) 6:4, 6:3; კოკო ვანდევეგე (აშშ)-სლოუნ სტივენსი (აშშ, 29) 6:4, 6:3; მედისონ კისი (აშშ, 27)-კლარა კუკალოვა (ჩეხ) 6:2, 6:4; ტერეზა შმიტკოვა (ჩეხ)-ანდრეა მიტუ (რუმ) 7:6(4), 6:2; მაგდა ლინეტი (პოლ)-ურსულა რადვანსკა (პოლ) 7:6(3), 6:1; აგნიეშკა რადვანსკა (პოლ, 15)-კატერინა სინიაკოვა (ჩეხ) 6:2, 6:3; ბელინდა ბენჩიჩი (შვეიც, 12)-სესილ კარატანჩევა (ბულ) 6:1, 6:2; მისაკი დოი (იაპ)-დანიელა ჰანტუხოვა (სლოვაკ) 6:3, 6:3; ირინა ფალკონი (აშშ)-სამანტა კროუფორდი (აშშ) 6:4, 6:2;</p><p>ვინუს უილიამსი (აშშ, 23)-მონიკა პუიგი (პ-რიკ) 6:4, 6:7(7), 6:3; ანასტასია პავლიუჩენკოვა (რუს, 31)-მაგდალენა რიბარიკოვა (სლოვაკ) 6:4, 7:5; ანეტ კონტავეიტი (ესტ)-კეისი დელაკუა (ავსტრა) 7:5, 6:2; მედისონ ბრენგლი (აშშ)-სასაი ჟენგი (ჩინ) 6:2, 5:7, 7:5; ანა ტატიშვილი (აშშ)-კაროლინა პლიშკოვა (ჩეხ, 8) 6:2, 6:1; დარია კასატკინა (რუს)-დარია გავრილოვა (ავსტრა) 6:2, 4:6, 7:5; ანა კონიუხი (ხორ)-ტატიანა მარია (გერ) 6:4, 6:4; ბოიანა იოვანოვსკი (სერ)-ლარა არუაბარენა (ესპ) 6:2, 6:2; კრისტინა მლადენოვიჩი (საფ)-სვეტლანა კუზნეცოვა (რუს, 30) 6:3, 7:5;</p><p>ელინა სვიტოლინა (უკრ, 17)-ელიზავეტა კულიჩკოვა (რუს) 6:1, 6:4; კაია კანეპი (ესტ)-ანა-ლენა ფრიდსემი (გერ) 6:1, 6:1; ლორენ დევისი (აშშ)-ჰიზერ უოტსონი (ბრიტ) 7:6(3), 7:6(0); ეკატერინა მაკაროვა (რუს, 13)-ტელიანა პერეირა (ბრა) 6:3, 6:3; დენისა ალერტოვა (ჩეხ)-კარლა სუარეს ნავარო (ესპ, 10) 6:1, 7:6(5); რობერტა ვინჩი (იტა)-ვანია კინგი (აშშ) 6:4, 6:4; მარიანა დუკე-მარინო (კოლ)-სოფია კენინი (აშშ) 6:3, 6:1; ოსეან დოდენი (საფ)-ელენა იანკოვიჩი (სერ, 21) 2:6, 7:5, 6:3; ეჟენი ბუშარი (კან, 25)-ელისონ რისკე (აშშ) 6:4, 6:3; პოლონა ჰერცოგი (სლოვენ)-ზარინა დიასი (ყაზ) 6:2, 7:5; ჯესიკა პეგულა(აშშ)-ელისონ ვან უიტვანკი (ბელ) 7:5, 6:3; დომინიკა ციბულკოვა (სლოვაკ)-ანა ივანოვიჩი (სერ, 7) 6:3, 3:6, 6:3.</p><p><strong>ყოველდღიური სპორტული გაზეთი "ლელო"</strong></p>
ოფიციალურად: როჯერ ფედერერი მილიარდერი გახდა
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
თრილერი ცინცინატიზე - საბალენკამ რადუკანუ დაამარცხა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ანა ივანოვიჩმა საჩოგბურთო კარიერა დაასრულა
ანა ივანოვიჩი: უნდა დავეხმარო მათ, ვისაც ჩემსავით არ გაუმართლა
"ამას არასდროს დავივიწყებთ" - სერენა როჯერს დაემშვიდობა
თაღლითი თავს ბუშარის ძმად ასაღებდა და 2 თვე ჩოგბურთელის ხარჯზე ცხოვრობდა
მშობიარობის შემდეგ ანა ივანოვიჩი შესანიშნავ ფორმაშია [PHOTO]
ანა ივანოვიჩი და ბასტიან შვაინშტაიგერი მშობლები გახდნენ
US OPEN. საკვალიფიკაციო: ეკატერინე გორგოძემ სასწაული თამაში შემოატრიალა [VIDEO]
ულამაზესი ეჟენი ბუშარი Sports Illustrated-ისთვის გაშიშვლდა [PHOTO]
23 სლემი, 4 ოლიმპიადა - ისტორიაში საუკეთესო ქალმა ჩოგბურთელმა კარიერა დაასრულა
ცნობილია, როდის ითამაშებს ეკატერინე გორგოძე US OPEN-ის შესარჩევი ეტაპის მეორე მატჩს
ანა ივანოვიჩმა სეზონი დაასრულა
457 დღე სექსის გარეშე - ულამაზესი ჩოგბურთელის, ეჟენი ბუშარის პოსტს დიდი გამოხმაურება მოჰყვა
დაკარგული ნიჭი და არაპროფესიონალიზმი - ვინ არის ეკატერინე გორგოძის ულამაზესი მეტოქე ეჟენი ბუშარი
"ჯერ კარიერა არ დამისრულებია, ბევრს ვვარჯიშობ" - სერენა უილიამსი დაბრუნებას აანონსებს
"აქ ვარ იმისთვის, რათა გითხრათ, რომ მივდივარ" - ლეგენდარულმა სერენა უილიამსმა კარიერა დაასრულა
როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
შვაინშტაიგერი და ივანოვიჩი პირველ შვილს ელოდებიან