"დნიპროს" ქართველთა სადარდებელი - სად ვითამაშებთ?

ბექა გოცირიძეს და ჯაბა კანკავას დნეპროპეტროვსკიდან სამშობლოში დაბრუნება ძალიანაც სურთ, მაგრამ არ უშვებენ მძიმე მდგომარეობაში აღმოჩნდნენ დნეპროპეტროვსკის "დნიპროს" ქართველი ფეხბურთელები. ისინი კლუბმა ტრანსფერზე დააყენა და ახალ კლუბებს ეძებენ.ბექა გოცირიძე: "დინამო"? არ მიშვებენ, თორემ, სიამოვნებით!უკრაინელებმა ბექა გოცირიძე არც შეკრებაზე წაიყვანეს და ჯერჯერობით არც სხვა კლუბში უშვებენ. ბოლო წლების ერთ-ერთი ყველაზე საინტერესო მოთამაშე ამ ყველაფერს ძალიან განიცდის და ამბობს, რომ ფორმის აღსადგენად საქართველოში სიამოვნებით დაბრუნდებოდა და არც სასიკეთო ცვლილების იმედს კარგავს.ბექას გუშინ დნეპროპეტროვსკში შევეხმიანეთ."ახლა დუბლშემადგენლობასთან ერთად ვემზადები. ფსიქოლოგიურად ძნელია ამასთან შეგუება. ჯერ იყო ავარია, შემდეგ - გაცდენილი წელი, ახლა კი გაურკვეველი ვითარება. ან დუბლებში რა მინდა... თბილისის "დინამოში" თამაში მსურდა, მიწვევდნენ კიდეც. მეც იმედი გამიჩნდა, რომ საქართველოში დაბრუნებული ფორმას აღვიდგენდი და, იქნებ, ნაკრების მწვრთნელებისთვის თავი შემეხსენებინა. მჯერა, ადრე თუ გვიან ასეც მოხდება", - ამბობს გოცირიძე.იყო ინფორმაცია, თითქოს თბილისის "დინამოს" ბექას საფასურად დნეპროპეტროვსკელებმა მილიონი ევრო მოსთხოვეს, იმდენივე, რამდენადაც თავად იყიდეს "ზესტაფონიდან"."არ ვიცი, "დნიპრომ" მილიონი ევრო მოითხოვა თუ რამდენი. მხოლოდ ის მითხრეს, რომ ლაპარაკი განათხოვრებაზე იყო. მკითხეს, თუ წახვალო და, სიამოვნებით-მეთქი. მერე არ ვიცი, მოლაპარაკება რატომ ჩაიშალა, ფაქტია, რომ არ გამიშვეს. კიდევ რომ იყოს "დინამოში" წასვლის შანსი, სიამოვნებით დავთანხმდებოდი. სამწუხაროდ, "დნიპრომ" არც საქართველოში გამანათხოვრა და არც სხვა კლუბში. არადა, სხვა კლუბებიც მიწვევდნენ, თუმცა "დნიპროს" ხელმძღვანელობა არაფერს მეუბნება. არა მგონია, ჩემთვის ცუდი უნდოდეთ, მაგრამ არც დუბლებში ვარჯიში მსურს და გაურკვევლობაც ძნელი ასატანია. ამის მიუხედავად, უიმედოდ არ ვარ."არსენალის მწვრთნელი კანკავას ტრანსფერზე - დრო გვაჩვენებსსაქართველოს ნაკრების ნახევარმცველი ჯაბა კანკავაც "დნიპროს" დუბლებში ვარჯიშობს. სხვათა შორის, კიევის "არსენალის" მთავარ მწვრთნელ იური ბაკალოვს პრესკონფერენციაზე ჯაბა კანკავას შესაძლო გადასვლაზე ჰკითხეს, რაზეც მან კონკრეტული პასუხი არ გასცა, მაგრამ მიანიშნა, რომ ტრანსფერი გამორიცხული არ არის - ამას დრო გვიჩვენებსო.გუშინ ჯაბა კანკავასაც დავუკავშირდით.- "დნიპრომ" ტრანსფერზე დაგაყენა.- მწვრთნელმა სამ კაცს გვითხრა, ახალი გუნდები მოძებნეთო. ახლა დუბლებში ვვარჯიშობ და წინადადებას ველოდები, უიმედო არც მე ვარ.- სად, რომელ გუნდში მიდიხარ?- კონკრეტული წინადადება ჯერ არც ერთი კლუბიდან არ მაქვს და გაურკვევლად ვარ.- მართალია, რომ თბილისის "დინამოს" შენი დაბრუნება სურდა?- სერიოზული მოლაპარაკება არ ყოფილა.- საქართველოში დროებით დაბრუნებას გამორიცხავ?- სხვა ვარიანტი თუ არ იქნება, რატომაც არა?!- რაც მთავარია, ჯანმრთელად ხარ და ვარჯიშობ?- თავს უკეთ ვგრძნობ და ვარჯიშებზე ჩვეულებრივად ვიტვირთები.ყოველდღიური სპორტული გაზეთი "ლელო".

just_fan

აი ასე იღუპებიან უკრაინაში ქართველები,ორივე მაგარი ნიჭიერი ბიჭია და უფუჭებენ კარიერას
დავითი

რა ვერ გაიგეთ, არ ღირს წასვლა უცხოეთში და ასე თავის გატანჯვა. ხომ ხედავთ ნაკრების თავკაცი ადგილობრივებსაც ენდობა. ეცადეთ ნაკრებით გაიკეთოთ კარიერა და ეროვნული ნაკრები გაიხადოთ ტრამპლინად და არა უცხოური კლუბი, სადაც არავის არ არადრებს თქვენი კარიერა. აქ რაც მეტი ძლიერი ფეხბურთელი იქნება მით უკეთ მოხერხდება შიდა ჩემპიონატის და ქართული კლუბების გაძლიერებისთვის ბრძოლა

[VIDEO] გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

ლუის ენრიკე: კვარაცხელია სრულიად განსხვავებული ფეხბურთელია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა