<p>საფრანგეთის სარაგბო ჩემპიონატის ელიტურ, მეორე და ფედერალ 1 დივიზიონებში მორიგი ტურის შეხევდრები გაიმართა</p><p><br> საფრანგეთის სარაგბო ჩემპიონატის ელიტურ, მეორე და ფედერალ 1 დივიზიონებში მორიგი ტურის შეხევდრები გაიმართა. საგულისხმოა, რომ ყველა მათგანში, ქართველ მორაგბეთა გუნდები წარმატებით ასპარეზობენ.</p><p>ელიტურ, მეორე დივიზიონში, სადაც "ქართულ გუნდებს" სატურნირო ცხრილის მეორე და მესამე საფეხურები უკავიათ, მე-18 ტურის შეხვედრები გაიმართა. გურამ კავთიძის "ლიონმა" სტუმრად ითამაშა "დაქსთან" და უმძიმეს ბრძოლაში დაამარცხა 36:29. კავთიძე განაცხადში არ იყო.</p><p>"ლიონს" ამ გამარჯვების შემდეგ 62 ქულა დაუგროვდა და მეორე ადგილზეა. მას ერთი ქულით უსწრებს "ალბი", რომელმაც შინ დაამრცხა მამუკა მაგრაქველიძისა და ირაკლი მირცხულავას "ტარბი" - 45:18. მაგრაქველიძე თამაშში 53-ე წუთიდან ჩაერთო და 74-ე წუთზე არბიტრმა გაასინბინა. მირცხულავას არ უთამაშია.</p><p>"ლიონს" შვიდი ქულით ჩამორჩება და მესამეა გიორგი მენაბდიშვილის "გრენობლი". "ალპელებმა" სტუმრად დაამარცხეს "კარკასონი" - 22:18. მენაბდიშვილი განაცხადში არ იყო.</p><p><strong>II დივიზიონი </strong></p><p><strong>XVIII ტური </strong></p><p>ოში-მონ დე მარსანი 24:15, პო-კოლომიე 60:12, კარკასონი-გრენობლი 18:22, ექსი-ორიაკი 31:12, ალბი-ტარბი 45:18, დაქსი-ლიონი 29:36, ბორდო-ოიონაქსი 35:17, სენტ ეტიენი-ნარბონი (გადაიდო).</p><p><em>სატურნირო მდგომარეობა</em></p><p>1. ალბი - 63 ქულა, 2. ლიონი - 62, 3. გრენობლი - 55, 4. ბორდო - 51, 5. კარკასონი - 46, 6. მონ დე მარსანი - 45, 7. ოში - 44, 8. ოიონაქსი - 42, 9. ტარბი - 41, 10. ორიაკი - 41, 11. პო - 39, 12. ნარბონი - 38, 13. დაქსი - 31, 14. ექსი - 30, 15. კოლომიე - 28, 16. სენტ ეტიენი - 12.</p><p>ფედერალ 1 დივიზიონის ოთხი ჯგუფიდან სამში ისევ ქართველ მორაგებთა გუნდები ლიდერობენ. A ჯგუფში სატურნირო ცხრილს დამაჯერებლად უდგას სათავეში შალვა სუთიაშვილის, სანდრო ესაკიას, დავით აშვეთიასა და არჩილ კობაურის "მასი", რომელმაც მე-14 ტურში სტუმრად დაამარცხა ავთანდილ კოპალიანის "ორლეანი" - 25:16.</p><p>სუთიაშვილი თამაშში 67-ე წუთიდან ჩაერთო, კოპალიანი მოედანზე ორი წუთის მერე გამოჩნდა, კობაურს, ესაკიასა და აშვეთიას არ უთამაშიათ.</p><p>"მასის" შვიდი ქულით ჩამორჩება და მეორე ადგილზეა დევი დათუნაშვილისა და ელიზბარ ყუფარაძის "მონლუსონი", რომელმაც შინ დაამარცხა დიმა ხოჭოლავას "სერჟ პონტუაზი" - 37:24.</p><p>თემურ გელანტიას "სტრასბურის" საშინაო შეხვედრა ირაკლი მაჩხანელის, შოთა მელიქიძისა და ბესო უდესიანის "მაკონთან" დიდთოვლობის გამო გადაიდო.</p><p><strong>A ჯგუფი</strong></p><p>სურესნე-ანესი 12:8, დიჟონი-ბურგ ან ბრესი 6:6, მონლუსონი-სერჟ პონტუაზი 37:24, ბობინი-ნევერი 13:11, ორლეანი-მასი 16:25, სტრასბური-მაკონი (გადაიდო).</p><p><em>სატურნირო მდგომარეობა</em></p><p>1. მასი - 53 ქულა, 2. მონლუსონი - 46, 3. ბობინი - 44, 4. დიჟონი - 38, 5. ბურგ ან ბრესი -35, 6. ორლეანი - 33, 7. ნევერი - 31, 8. მაკონი - 26, 9. ანესი - 16, 10. სტრასბური - 12, 11. სურესნე - 10, 12. სერჟ პონტუაზი - 9.</p><p>B ჯგუფში, A ჯგუფის მსგავსად, სატურნირო ცხრილის პირველი ორი საფეხური ქართველ მორაგბეთა გუნდებს უკავიათ. გათამაშების ლიდერ ლაშა მალაღურაძისა და გიორგი მჭედლიშვილის "ბეზიემ" დავით კაჭარავას "ნიცას" უმასპინძლა და 39:6 მოუგო.</p><p>მალაღურაძე და კაჭარავა თამაშში მეორე ტაიმიდან ჩაერთნენ, მჭედლიშვილი განაცხადში არ იყო.</p><p>ლანგედოკელებს ამ მოგების შემდეგ 46 ქულა დაუგროვდა და მეორეადგილოსან, გიორგი ნემსაძის "მონტობანს" ხუთი ქულით უსწრებს. მონტობანელებმა მე-14 ტურში სტუმრად ფრედ ითამაშეს "გრასთან" - 18:18.</p><p>გია ლაბაძისა და რეზო ბელქანიას "ლა სეინმა" შინ დაამარცხა ირაკლი გიორგაძის "ლავორი" - 24:15. მასპინძლებმა ზედიზედ ორ გამარჯვებას მიაღწიეს და სატურნირო მდგომარეობა ოდნავ გამოისწორეს.</p><p>დიმა ბაილსაისა და ნიკოლოზ მაღალდაძის "ობენა" საკუთარ მოედნზე დამარცხდა მესამეადგილოსან "ბლანიაკთან" - 15:20 და 27 ქულით ახლა მე-10 ადგილზეა.</p><p><strong>B ჯგუფი </strong></p><p>ბეზიე-ნიცა 39:6, ლა სეინი-ლავორი 24:15, გროლე-ვალანსი 18:19, ობენა-ბლანიაკი 15:20, შატორენარი-რომანი 41:10, გრასი-მონტობანი 18:18.</p><p><em>სატურნირო მდგომარეობა</em></p><p>1. ბეზიე - 46 ქულა, 2. მონტობანი - 41, 3. ბლანიაკი - 39, 4. ვალანსი - 34, 5. ლავორი - 33, 6. ნიცა - 32, 7. რომანი - 31, 8. ლა სეინი - 30, 9. შატორენარი - 30, 10. ობენა - 27, 11. გროლე - 22, 12. გრასი - 11.</p><p><p> </p> <p>C ჯგუფის ლიდერმა თედო ზიბზიბაძის, ალექსანდრე მარგველაშვილის, დავით დადუნაშვილისა და ირაკლი ნინიძის "პერიგომ" სტუმრად გაანადგურა "ტური" - 41:6. პერიგოელებმა 62 ქულა დააგროვეს და ხუთი ქულით უსწრებენ უახლოეს მდევარ "ლიმოჟს".</p></p><p>ვახტანგ მაისურაძის "სენ ნაზერმა" შინ დაამარცხა "მარმანდი" - 16:7. მაისურაძემ სრულად ითამაშა. სენ ნაზერელებს ახლა 35 ქულა აქვთ და მე-6 ადგილზე არიან.</p><p>შოთა საყვარელიძისა და ირაკლი გუნდიშვილის "ნიორი", რომელიც სატურნირო ცხრილში ბოლოსწინა ადგილზეა, სტუმრად დამარცხდა "რიბერაკთან" - 20:29.</p><p><p><strong>C ჯგუფი</strong></p> პაი დუ მედოკი-ლიმოჟი 10:51, ტური-პერიგო 6:41, რიბერაკი-ნიორი 29:20, სენ ჟუნიენი-სენ მედარი 26:33, სენ ნაზერი-მარმანდი 16:7, ლანჟონი-ვანი 9:12.</p><p><em>სატურნირო მდგომარეობა</em></p><p>1. პერიგო - 62 ქულა, 2. ლიმოჟი - 57, 3. ვანი - 51, 4. ლანჟონი - 41, 5. მარმანდი - 38, 6. სენ ნაზერი - 35, 7. სენ მედარი - 32, 8. სენ ჟუნიენი - 29, 9. რიბერაკი - 23, 10. პაი დუ მედოკი - 14, 11. ნიორი - 9, 12. ტური - 8.</p><p>D ჯგუფში ქართველ მორაგბეთა გუნდებიდან პლეი ოფში გასვლის შანსი მხოლოდ დავით ბოლღაშვილისა და სოსო ნიკოლაენკოს "ლილს" აქვს. ლილელებმა მე-14 ტურში სტუმრად დაამარცხეს კარლენ ასეიშვილის "ორტეზი" - 29:25 და 47 ქულით მეორე ადგილზე არიან.</p><p>მერაბ კვირიკაშვილის, დავით ბალანჩივაძის, რეზო გიგაურის, ლევან დათუნაშვილისა და ბექა ურჯუკაშვილის "ფიჟაკი" სტუმრად დამარცხდა "კაორთან" - 13:25. ჩვენებურთა გუნდს 29 ქულა აქვს და მე-10 ადგილზეა.</p><p><strong>D ჯგუფი </strong></p><p>კასტანე-ლანამეზანი 18:15, ორტეზი-ლილი 25:29, ოლორონი-სენ ჟან დე ლუზი 28:12, ლურდი-ტურნეფოი 41:17, კაორი-ფიჟაკი 25:13, ტიროსი-მოლეონი 28:0.</p><p><em>სატურნირო მდგომარეობა</em></p><p>1. ტიროსი - 63 ქულა, 2. ლილი - 47, 3. კასტანე - 47, 4. სენ ჟან დე ლუზი - 43, 5. ლანამეზანი - 43, 6. ოლორონი - 40, 7. მოლეონი - 33, 8. ლურდი - 31, 9. მორლაა - 29, 10. ფიჟაკი - 29, 11. ტურნეფოი - 27, 12. კაორი - 23, 13. ორტეზი - 20.</p><p>.</p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია