<p>ასოციაციის მატჩების სტატისტიკა და საინტერესო ფაქტები <br> 31 ოქტომბერის მატჩების ერთ-ერთი მთავარი ინტრიგა იყო ლებრონ ჯეიმსის დაპირისპირება ყოფილი გუნდის "მაიამის" წინააღმდეგ.</p><p>თუმცა მოედანზე განსაკუთრებული დაძაბულობა არ ყოფილა. "მაიამის" სამწვრთნელო შტაბმა რატომღაც ლებრონს მეურვედ დებიუტანტი ჯასტის უინსლოუ მიუჩინა. საბოლოოდ, "კლივლენდის" ლიდერმა 29 ქულა დააგროვა, 19 წლის ბიჭს კი მატჩის ბოლოს სარგებლიანობის კოეფიციენტი "-16" ჰქონდა.</p><p>თუმცა ფლორიდელთა წაგება მხოლოდ უინსლოუს ბრალი არ ყოფილა. ჩავარდა "ჰიტის" მთელი სათადარიგოთა სკამი, რომელმაც მხოლოდ 19 ქულა დააგროვა.</p><p>მთავარი მოქმედი პირი კი გახდა "კლივლენდის" ფორვარდი კევინ ლავი. მესამე მეოთხედის ბოლოს მას უკვე 22 ქულა ჰქონდა. როგორც ჩანს, ის მზად არის შეტევაში თავისი როლის გაზრდისთვის.</p><p>* * *</p><p>ამ დღეს გველოდა დასავლეთი კონფერენციის ფინალის გამეორება. და თუ ადრე ეგონათ, რომ "ჰიუსტონი" მზად არის "გოლდენ სტეიტთან" სერიოზული კონკურენციისთვის, აღნიშნულმა შეხვედრამ ამაში ყველა დააეჭვა.</p><p>გულშემატკივრები ცდილობდნენ ჯეიმს ჰარდენის გამხნევებას, რომელმაც ამასწინ განაცხადა, რომ სწორედ ის არის გასული სეზონის ნამდვილი MVP. მაგრამ "მეომრებმა" ყველაფერი თავის ადგილას დააყენეს - მეორე ტაიმის სტარტიდან გაქცევის შემდეგ, "როკეტსმა" გონს მოსვლა ვეღარ შეძლო. მოედანზე საუკეთესო სტივენ კარი იყო, რომელმაც 25 ქულა დააგროვა და ამას 7 მოხსნა და 6 შედეგიანი პასი დაუმატა.</p><p>ჰარდენმა კი 16 ქულა დააგროვა. 18 ტყორცნიდან მხოლოდ ოთხი გამოიყენა და ცხრიდან ერთი სამქულიანი ჩააგდო. ტეხასელთა ლიდერმა უკვე ზედიზედ მეორე მატჩი ჩააგდო და სროლების გამოყენების საშინელი პროცენტი დააფიქსირა.</p><p>* * *</p><p>"ორლანდომ" და "ოკლაჰომა-სიტიმ" არანორმალური მატჩი ჩაატარეს, რომელშიც ყველაფერი იყო: დაძაბული სიუჟეტი, გიჟური ტყორცნები და ორი ოვერტაიმი. დურანტმა და უესტბრუკმა აჩვენეს, რომ ჯერაც უძლიერესი დუეტი აქვთ NBA-ში. მათ ერთად 91 ქულა დააგროვეს. "თანდერის" ლიდერებს მეორე მხარეს კარგად დაუდგნენ ვიქტორ ოლადიპო და ტობიას ჰარისი.</p><p>ოლადიპომ ყველაფერი გააკეთა თავისიანების მოსაგებად. მან ამ სეზონის პირველი სამმაგი დუბლი დააფიქსირა, გარდა ამისა, ძირითადი დროის დასრულებამდე ოთხი წამით ადრე სამი ქულით გაიყვანა წინ თავისი გუნდი. მაგრამ იქვე უესტბრუკმა მოედნის ცენტრიდან არანორმალური ჩაგდებით უპასუხა.</p><p>* * *</p><p>"დეტროიტმა" ბოლო შვიდ წელიწადში საუკეთესო სტარტი აჩვენა - ჩემპიონატი ზედიზედ სამი მოგებით დაიწყო. ამ გუნდის ცენტრი ანდრე დრამონდი ყველას ანადგურებს ფარქვეშ. "ჩიკაგოსთან" მატჩში მან კარიერაში მეხუთედ დაასრულა თამაში "20+20" ორმაგი დუბლით. მას ამაში შეუწყო ხელი ჟოაკიმ ნოას ტრავმამ, რომლის გარეშეც "ხარებში" არავის შეუძლია ფარქვეშ დაცვა.</p><p>ჩააგდო შეხვედრა "ჩიკაგოს" გამთამაშებელმა დერიკ როუზმა. მან 13-დან მხოლოდ ოთხი ტყორცნა მოათავსა კალათში, რვა ქულა დააგროვა და ხუთი შეცდომა დაუშვა. მცველი პირველი 19 წუთის განმავლობაში ვერ ახერხებდა ქულის აღებას. როგორც ჩანს, ჯერ ადრეა ყოფილი MVP-ის სრულად აღდგენაზე ლაპარაკი.</p><p>* * *</p><p>ამასობაში, "ლეიკერსის" ლიდერმა კობი ბრაიანტმა მორიგი რეკორდი დაამყარა. მან გაუსწრო თავის ყოფილ თანაგუნდელს შაკილ ო'ნილს თამაშიდან გამოყენებული ტყორცნების რაოდენობით. ახლა, კალიფორნიელ ვეტერანს 11 331 ზუსტი სროლა აქვს და ყველა დროის სიაში მეხუთე ადგილზეა. პირველზეა მაიკლ ჯორდანი (12 192).</p><p>თუმცა "საკრამენტომ" არ შეიმჩნია "ლეიკერსის" მთავარი ვარსკვლავის მიღწევა. "კინგზმა" პრაქტიკულად პირველ მეოთხედში გაარკვია მატჩის ბედი. მოულოდნელი რენესანსი ჰქონდა რაჟონ რონდოს - 21 ქულა და 8 პასი.</p><p>* * *</p><p>2015 წლის დრაფტის პირველმა ნომერმა კარლ-ენტონი თაუნზმა დიდი წვლილი შეიტანა "მინესოტას " გამარჯვებაში "დენვერზე". დებიუტანტმა 28 ქულა და 14 მოხსნა დააგროვა. ცენტრი პირველი ახალბედაა NBA-ის ისტორიაში, რომელმაც სადებიუტო სეზონი ორ სასტარტო მატჩში ორი ორმაგი დუბლით დაიწყო.</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">ციფრები</span></strong></div></p> - ზედიზედ სამი ორმაგი დუბლით დაიწყო რეგულარული "დეტროიტის" ცენტრმა ანდრე დრამონდმა. "პისტონზის" ბოლო მოთამაშე, ვინც ეს შეძლო, ლეგენდარული ბენ უოლასი იყო 2005 წელს. მაშინ მან სეზონის საუკეთესო დამცველის პრიზი მიიღო.</p><p>- "ბრუკლინი" ზედიზედ მეცამეტედ დამარცხდა სტუმრად "სან ანტონიოსთან".</p><p>- "საკრამენტოს" კალათბურთელებმა 80 ქულა დააგროვეს სამწამიანი ზონიდან "ლეიკერსის" წინააღმდეგ.</p><p>- 91 ქულა დააგროვეს კევინ დურანტმა და რასელ უესტბრუკმა "ორლანდოსთან" მატჩში. ბოლო წყვილი, რომელსაც ერთ მატჩში ასეთი შედეგიანობა ჰქონდა, მაიკლ ჯორდანი და სკოტი პიპენი იყვნენ 1996 წელს.</p><p>- დურანტმა 190-ე მატჩი ჩაატარა კარიერაში, რომელშიც მინიმუმ 30 ქულა მიითვალა. ის ლიდერობს ამ მაჩვენებლით 2009-10 წლების სეზონის შემდეგ.</p><p>- 540-ე ერთობლივი გამარჯვება მოიპოვეს ტიმ დანკანმა, მანუ ჯინობილიმ და ტონი პარკერმა. ამ მაჩვენებლით ისინი გაუთანაბრდნენ "ბოსტონის" ლეგენდარულ ტრიოს ლარი ბერდის, კევინ მაკჰეილისა და რობერტ პერიშის შემადგენლობით.</p><p><span style="text-decoration: underline;">30 ოქტომბერი</p><p></span><strong><em>კლივლენდი-მაიამი 102:92</p><p></em></strong>29:23, 18:19, 29:25, 26:25</p><p>კ: ჯეიმსი (29), ლავი (23+14 მოხსნა), ტომპსონი (13).</p><p>მ: უეიდი (25), ბოში (16), უაიტსაიდი (11), დრაგიჩი (11).</p><p>ორლანდო-ოკლაჰომა 136:139 (2ო)</p><p>35:31, 32:22, 26:22, 24:42, 9:9, 10:13</p><p>ორლ: ჰარისი (30), ვუჩევიჩი (26), ფურნიე (22), ოლადიპო (21+13 მოხსნა+10 პასი).</p><p>ოკლ: უესტბრუკი (48+11 მოხსნა), დურანტი (43+12 მოხსნა), ოგასტინი (12).</p><p><strong><em>ფილადელფია-იუტა 71:99</p><p></em></strong>19:28, 14:22, 20:24, 18:25</p><p>ფ: სტაუსკასი (12), გრანტი (12), ოკაფორი (10).</p><p>ი: ფეივორსი (20+12 მოხსნა), ჰუდი (17), ბერქსი (15).</p><p><strong><em>ბოსტონი-ტორონტო 103:113</p><p></em></strong>26:26, 28:28, 21:30, 28:29</p><p>ბ: ტომასი (25), ბრედლი (13), ჯონსონი (11).</p><p>ტ: დეროზანი (23), კეროლი (21), როსი (21).</p><p><strong><em>დეტროიტი-ჩიკაგო 98:94</p><p></em></strong>23:19, 12:20, 29:25, 19:19, 15:11</p><p>დ: მორისი (26), ჯექსონი (22), დრამონდი (20).</p><p>ჩ: ბატლერი (23+11 მოხსნა), მიროტიჩი (22), პ. გასოლი (16+12 მოხსნა).</p><p><strong><em>ატლანტა-შარლოტი 97:94</p><p></em></strong>29:22, 24:30, 23:17, 21:25</p><p>ა: ბეიზმორი (19), მილსეპი (18), ჰორფორდი (18).</p><p>შ: ბატუმი (13+11 მოხსნა), მ. უილიამსი (13 +12 მოხსნა).</p><p><strong><em>მილუოკი-ვაშინგტონი 113:118</p><p></em></strong>33:22, 32:39, 27:21, 21:36</p><p>მ: ანტენტოკუნმპო (27), მონრო (22), მიდლტონი (18).</p><p>ვ: ბილი (26), სეშენსი (23), უოლი (19+10 პასი).</p><p><strong><em>სან ანტონიო-ბრუკლინი 102:75</p><p></em></strong>25:21, 17:26, 34:17, 26:11</p><p>ს-ა: ლეონარდი (16+10 მოხსნა), დანკანი (15), ჯინობილი (12).</p><p>ბ: ბ. ლოპესი (17), ჯეკი (12), ჰოლის-ჯეფერსონი (10).</p><p><strong><em>დენვერი-მინესოტა 78:95</p><p></em></strong>16:26, 23:23, 24:30, 15:16</p><p>დ: მუდიაი (15), ბარტონი (14), გალინარი (10).</p><p>მ: თაუნსი (28+14 მოხსნა), უიგინსი (18), მარტინი (14).</p><p><strong><em>ჰიუსტონი-გ. სტეიტი 92:112</p><p></em></strong>29:30, 15:27, 21:24, 27:31</p><p>ჰ: ჰარელი (17), ჰარდენი (16), არიზა (11).</p><p>გ-ს: კარი (25), სპეიტსი (14), ბარნსი (12).</p><p><strong><em>საკრამენტო-ლეიკერსი 132:114</p><p></em></strong>40:24, 34:26, 28:33, 30:31</p><p>ს: კაზინსი (21+11 მოხსნა), რონდო (21+8 პასი), გეი (19).</p><p>ლ: კლარკსონი (22), ნ. იანგი (17), ბრაიანტი (13).</p><p><strong><em>ფინიქსი-პორტლენდი 110:92</p><p></em></strong>27:23, 28:26, 28:20, 27:23</p><p>ფ: ბლედსოუ (22), ბ. ნაითი (18), უორენი (17), ტ. ჩენდლერი (15+13 მოხსნა).</p><p>პ: ლილარდი (24), ამინუ (16+10 მოხსნა), მაკალუმი (16), პლამლი (15).</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
[PHOTO] არდა გიულერის ემოციები ესპანეთთან განადგურების შემდეგ
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რეგულარული: ჰარდენი "ხიპიშობს", "დალასმა" "მილუოკის" 18-მატჩიანი მოგებათა სერია შეწყვიტა [VIDEO]
ჯა მორანტი - გვერდით, ლეგენდებთან?
"ფინიქსმა" "კლიპერსი" დაამარცხა და სერიაში ანგარიში გაათანაბრა [VIDEO]
ლუკას წარმოუდგენელი სტატისტიკა - სლოვენიელმა ვარსკვლავმა ირვინგისა და დურანტის კომბინირებული 76 ქულა გადაფარა [VIDEO]
ჯეიმსი VS დურანტი - "ლეიკერსის" 22 ქულიანი ქამბექი "ფინიქს სანზთან" [VIDEO]
კევინ დურანტი კარიერას "ჰიუსტონ როკეტსში" გააგრძელებს
გიჟური გაცვლები NBA-ში - დურანტი "ფინიქსში", ვესტბრუკი "იუტაში"
NBA. რეგულარული: ჰარდენსა და უესტბრუკს ვერ აჩერებენ [VIDEO]
"მილუოკიმ" "ბრუკლინიც" დაამარცხა - სანდრო მოედანზე არ გამოჩენილა [VIDEO]
NBA. რეგულარული: ბითაძის 8 წუთი, ჰარდენის 59 ქულა და სტეფ კარის მძიმე ტრავმა [VIDEO]
NBA. რეგულარული: დონჩიჩის მორიგი მიღწევა, მხსნელი ლებრონი და უიღბლო უესტრბუკი [VIDEO]
NBA. რეგულარული: ლოს-ანჯელესში "კლიპერსმა" იმარჯვა, "უორიორსი" "ჰიუსტონს" მოერია [VIDEO]