<p>ბესიკ ჩიმაკაძე: საქართველოში დონე მაღალია, მაგრამ ისინი ინფრასტრუქტურით გვჯობნიან <br> ზამთრის პირველი ტრანსფერი საქართველოში მარტვილის "მერანმა" განახორციელა. როგორც ვწერდით, უმაღლესი ლიგის ბოლოადგილოსანმა სომხური "ულისედან" 27 წლის ფორვარდი <strong>ბესიკ ჩიმაკაძე</strong> დაიბევა. ჩიმაკაძეს ჩვენი ქომაგი კარგად იცნობს. მას უთამაშია "ამერში", "ვიტ ჯორჯიაში", "ბათუმში", რუსთავის "მეტალურგსა" და იმავე მარტვილის "მერანში", საიდანაც სომხეთს მიაშურა.</p><p>ჩიმაკაძე ერთადერთი არ არის ჩვენებურთაგან, ვინც "ულისე" დატოვა. მის კვალს მიჰყვნენ გამოცდილი მცველი დავით ლომაია, რომელმაც კარიერის საუკეთესო წლები "ვიტ ჯორჯიაში" გაატარა და უკანახაზელი გიორგი კაჭკაჭიშვილი, ვინც ქომაგს "ზესტაფონიდან" უნდა ახსოვდეს.</p><p>"ლელო" ბესიკ ჩიმაკაძეს დაუკავშირდა და ინტერვიუ სთხოვა...</p><p><strong>- რა გახდა "ულისედან" თქვენი წამოსვლის მიზეზი?</strong></p><p>- საქმე ისაა, რომ "ულისე" ფინანსურ კრიზისში აღმოჩნდა. მხოლოდ ერთი თვის ხელფასი ავიღეთ და მერე დაიწყო გაჭირვება. გუნდი ყველა ლეგიონერმა დატოვა და ქართველებიც წამოვედით.</p><p><strong>- თქვენ გარდა, ქართველებიდან კიდევ ორი ფეხბურთელი თამაშობდა "ულისეში"...</strong></p><p>- დიახ, დავით ლომაია და გიორგი კაჭკაჭიშვილიც იქ იყვნენ, ოღონდ, ახლა არ ვიცი, სად გააგრძელებენ კარიერას.</p><p><strong>- რომელი ქვეყნებიდან ჰყავდა "ულისეს" ლეგიონერები?</strong></p><p>- რუსეთიდან, აფრიკის ქვეყნებიდან და სერბეთიდან.</p><p><strong>- რას იტყვით სომხეთის ჩემპიონატზე? როგორია იქაური დონე?</strong></p><p>- საფეხბურთო თვალსაზრისით, საქართველოში დონე შედარებით მაღალია. ინფრასტრუქტურული თვალსაზრისით კი ისინი ულაპარაკოდ გვჯობნიან. ერთი თვე ვითამაშე სულ "ულისეში" და რაც ვნახე ის იყო, რომ სომხეთში ხელოვნურ მოედანზე არავინ თამაშობს.</p><p><strong>- ფინანსური თვალსაზრისით რა მდგომარეობაა?</strong></p><p>- თბილისის "დინამოსა" და "დილას" თუ არ ჩავთვლით, ფინანსური თვალსაზრისით სომხეთში ჩვენზე უკეთესი მდგომარეობაა. ძალიან ბევრ გუნდში ხელფასი 2-3 ათასი დოლარია.</p><p><strong>- სომხები 8-გუნდიან პირველობას ატარებენ. ალბათ, იმიტომ, რომ მეტის რესურსი არ აქვთ და რაც კარგი ფეხბურთელები ჰყავთ, გადანაწილებულნი არიან სხვადასხვა გუნდში...</strong></p><p>- თქვენს ნათქვამს ერთს დავამატებდი: ჩამოჰყავთ ლეგიონერები და მათ ხარჯზე ხდება დონის შედარებით აწევა. იქაურ ჩემპიონატში ძალიან ბევრი ლეგიონერია.</p><p><strong>- მაინც, რამ განაპირობა თქვენი დაბრუნება "მერანში"?</strong></p><p>- კლუბის ხელმძღვანელობა დამიკავშირდა და უმაღლეს ლიგაში დარჩენისთვის ბრძოლაში დახმარება მთხოვა. მე ადრეც ვთამაშობდი "მერანში", აქაურობა ჩემთვის ნაცნობია. იმედი მაქვს, "მერანი" შეძლებს დასახული მიზნის მიღწევას და უმაღლეს ლიგაში ადგილის შენარჩუნებას.</p><p><strong>- გუნდში ძველი ნაცნობები თუ დაგხვდნენ?</strong></p><p>- როგორც იცით, "მერანში" შემადგენლობა ძალიან გაახალგაზრდავდა. აქედან გამომდინარე, ცოტაა ძველი ნაცნობი.</p><p><strong>- უმაღლეს ლიგაში ადგილის შენარჩუნება, წესით, იოლი არ უნდა იყოს...</strong></p><p>- რა თქმა უნდა, იოლი არ იქნება, მაგრამ ბოლომდე ვიბრძოლებთ. რამდენადაც ვიცი, "მერანი" რამდენიმე გამოცდილი ფეხბურთელის დამატებას აპირებს.</p><p><strong>- თავის დროზე თქვენზე დიდ იმედებს ამყარებდნენ. მაინც, რამ შეგიშალათ ხელი, ამ დროისთვის უფრო მაღალ დონეზე რომ გეთამაშათ?</strong></p><p>- პირველ რიგში, ტრავმებზე ვიტყოდი. თავის დროზე, "ამერში" შესანიშნავ ფორმაში ვიყავი და ფეხი მოვიტეხე. მერე "ვიტ ჯორჯიაში" მივედი და ისევ ფეხი მომტყდა. ზოგჯერ ისეთ გუნდში მივდიოდი, ბოლომდე ვერ ვავლენდი თავს. მაგალითად, "ულისე" ავიღოთ - მხოლოდ ერთი თვე ვითამაშე და რაზეა ლაპარაკი?! ვფიქრობ, ჯერაც არ არის გვიან. კიდევ შემიძლია, მოვუმატო.</p><p><strong>- რა არის თქვენი კოზირი მინდორზე?</strong></p><p>- საგოლე ალღო. ფორვარდი სწორედ ამით ფასობს.</p><p><strong>- როგორ ფიქრობთ, არიან საქართველოს ჩემპიონატში თვითმყოფადი თავდამსხმელები?</strong></p><p>- არიან. ჩვენში რამდენიმე ასეთი შემტევია. ჩამოთვლა არ მინდა, ვინმე შეიძლება გამომრჩეს.</p><p><strong>- როგორ ფიქრობთ, რა გზით უნდა ეშველოს საქართველოს ჩემპიონატს?</strong></p><p>- მოედნები უნდა გაკეთდეს და ფინანსურად უკეთესი უნდა იყოს მდგომარეობა, რომ ყველა გაქცევაზე არ ფიქრობდეს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ვარლამ კილასონია: გვენდობიან და ამიტომაც არიან ჩვენთან...
პრო ლიგა 2. "რუსთავი": გამოცდილი ახალწვეულები
ბესიკ ჩიმაკაძე "რუსთავისთვის" გაიტანს
"ზუგდიდი": პირველი ახალწვეული ბესიკ ჩიმაკაძეა, უკრაინელები დაიწუნეს
სათასო ისტორიები: ეს ჯერ არ მომხდარა - ქვედალიგელთა აღლუმი!
"ზუგდიდი": დავით მახარაძე მწვრთნელად და უკრაინელები დაკვირვების ქვეშ