''წითელი ეშმაკები'' ერთმანეთს დაერევიან

სერხიო ტორესი ყურადღების ცენტრში მოხვდა ამ დღეებში, როდესაც ფერნანდო ტორესის თემამ ინგლისში ბევრი სხვა თემა "ჩაყლაპა", თავი სერხიო ტორესმა წამოჰყო. იცით ვინ არის სერხიო რაულ ტორესი? ეს გახლავთ კონფერენსლიგის გუნდ „ქროული თაუნის“ 27 წლის არგენტინელი ნახევარმცველი, რომელიც ფეხბურთის ასოციაციის თასის მეხუთე ეტაპზე ანუ მერვედფინალში „მანჩესტერ იუნაიტედს“ შეხვდება. შეგახსენებთ, რომ კონფერენსლიგა პრემიერლიგის დაბლა მეოთხე გახლავთ, ეგრეთ წოდებულ „ნონ ლიგის“ კატეგორიას განეკუთვნება, საიდანაც მსოფლიოს უძველესი საფეხბურთო შეჯიბრების მერვედფინალში ჩვიდმეტი წელიწადია არავინ მოხვედრილა. როდესაც შეიტყო, რომ შემდეგ რაუნდში არც მეტი, არც ნაკლები „იუნაიტედთან“ უწევს შეხვედრა, ტორესმა ისევე, როგოც „ქროულის“ ფანებმა, სიხარული ვერ დამალა:„კენჭისყრის წინ ისეთი აღელვებული ვიყავი, რომ ჩემს მეგობარ გოგონა ლინას ვთხოვე ქუჩაში სასეირნოდ გამომყოლოდა. თავიდან წილისყრის ტელევიზორში ნახვას არ ვაპირებდი, მაგრამ, როდესაც საქმე საქმეზე მიდგა, „სონის“ მაღაზიაში შევედი და ვთხოვე ITV-ზე გადაერთოთ. გამყიდველმა ეჭვის თვალით შემხედა, მაგრამ ავუხსენი, „ქროულიში“ ვთამაშობ და მეტოქის გამოცხადებას ველოდები-მეთქი. და როდესაც კალათიდან „მანჩესტერ იუნაიტედი“ ამოგვივიდა, მაღაზიაში ემოციისგან ყველამ ხტუნაობა დაიწყო.“ბუნებრივია „ქროული თაუნი“ „მანჩესტერ იუნაიტედთან“ შეხვედრით სპორტული ჟინის და საფეხბურთო თავგადასავლის გარდა ფულსაც მიიღებს, დაახლოებით მილიონ ფუნტს. კლუბის შეფმა ალან უილიამსმა თქვა:„ეს ერთი თამაში ჩვენს გუნდს რამდენიმე წლით ყველა საკითხს მოუგვარებს. როდესაც გაირკვა, რომ ჩვენ „იუნაიტედს“ უნდა ვეთამაშოთ, ოფისში ისეთი ღრიალი ატყდა, შენობას ლამის ჭერი აეხადა.“სასეიროა, რომ „ქროული თაუნს“ ისევე როგორც „მანჩესტერ იუნაიტედს“ მეტსახელად „წითელ ეშმაკებს“ ეძახიან. ამ გუნდმა მერვედფინალს მეორე ლიგის „თორგუეისთან“ 1:0 გამარჯვებით მიაღწია და მარტო ამის გამო მიიღებს ასოციაციისგან 90 ათას ფუნტს. „მანჩესტერ იუნაიტედთან“ თამაში 19 ან 20 თებერვალს გაიმართება და ამ შეხვედრის შემოსავალს გუნდები თანაბრად გაიყოფენ. სარფს ისიც გაზრდის, რომ „ქროული თაუნს“, ინგლისში, ყველა დროის ყველაზე დიდი „გოლიათთა მკვლელის“ სახელი აქვს გავარდნილი და ამიტომ შეხვედრას ტელევიზიით გადასცემენ. მწვრთნელმა, სტივ ევანსმა, რომლის ხელმძღვანელობითაც გუნდმა გათამაშებიდან ჯერ „სვინდონი“ დაიფრინა, მერე „დერბი“ და ახლა „თორგუეი“ იხუმრა, რომ „მანჩესტერ იუნაიტედთან“ შეხვედრა მისი მთავარი ოცნება სულაც არ იყო:„გულაცრუებული დავრჩი. მინდოდა შინ „ლეიტონ ორიენტთან“ გვეთამაშა. ასე ხომ შეიძლება მეოთხედფინალშიც გავსულიყავით... სერიოზულად კი, შინ, შვილებთან ერთად, სიხარულისგან მეც ჭერამდე ვხტოდი. ბედნიერი ვარ ყველა დროის უდიადესი მწვრთნელის გასწვრივ რომ უნდა დავდგე მოედნის კიდესთან. ალბათ, ასეთი შანსი ცხოვრებაში აღარ მომეცემა. ამ ერთი კენჭისყრის წყალობით მსოფლიოში მილიარდობით ადამიანმა გაიგო, რომ არსებობს გუნდი, რომელსაც „ქროული თაუნი“ ჰქვია. ახლა, ჩემს ყველა ფეხბურთელს ამ შეხვედრაში მონაწილეობა მოუნდება, ამისათვის კი ჩვენთან, კონფერენსში უნდა მოიკლან თავი და რაც შეიძლება კარგ ფორმაში შევიდნენ. ასე თუ არ მოიქცევიან, „ოლდ ტრეფორდზე“ ტრიბუნაზე ჯდომა მოუწევთ. ამბობენ იქიდანაც კარგი ხედი იშლებაო.“კენჭისყრის შედეგს „მანჩესტერ იუნაიტედის“ ვეტერანი ვარსკვლავი რიო ფერდინანდიც გამოეხმაურა: „ჩვენ „ქროული თაუნი შეგვხვდა - აი, ეს არის ფეხბურთის ასოციაციის თასის ხიბლი, რასაც მსოფლიოში არაფერი შეედრება.“დანარჩენი გუნდები კი ასე დაწყვილდნენ: „ვესტ ჰემი“ „ბარნლის“ შეხვდება, „მანჩესტერ სიტისა“ და „ნოთს ქაუნთის“ შორის გამარჯვებული „ასტონ ვილას“ უმასპინძლებს, „სტოკი“ „ბრაიტონს“ ელის, „ბირმინგემი“ „შეფილდ უენსდის“, „არსენალი“ იქვე, ლონდონში „ლეიტონ ორიენტთან“ გადაირბენს, „ევერტონი“ „გუდისონ პარკზე“ „რედინგისა“ და „ჩელსის“ გამარჯვებულს, ხოლო „ფულჰემი“ „ბოლტონსა“ და „უიგანს“ შორის გამარჯვებულს დაელოდება. .

"რუნი გვაკრიტიკებს? წინა წელს სად იყო?" - "ლივერპულის" კაპიტანმა ინგლისელს უპასუხა

ერიკ ტენ ჰაგი შესაძლოა, პრემიერ ლიგას დაუბრუნდეს

"რეალს" "ტოტენჰემის" მცველის დამატება სურს

"ბორჯღალოსნები" | რაგბი ევროპამ 2026 წლის ჩემპიონატის კალენდარი დაამტკიცა

გიორგი ყრუაშვილი ევროპა ლიგის მატჩს განსჯის

"იუვენტუსი" "სპორტინგის" კაპიტანის დამატებას კვლავ გეგმავს

[VIDEO] მამუკელაშვილის სეზონის საუკეთესო მატჩი ყოფილ გუნდთან - "ტორონტომ" "მილუოკი" დაამარცხა

"იბერია 1999"-მა ბათუმში მოიგო

ფიბა ევროპის თასზე სეზონის პირველი გამარჯვება "ქუთაისმა" ჩეხეთში, "ბრნოსთან" მოიპოვა

ქოჩორაშვილის გარეშე - "სპორტინგი" სტუმრად "იუვენტუსს" ფრედ ეთამაშა

[VIDEO] ცენტრალური მცველისგან ასეთი რამ გინახავთ? - ვან დე ვენის საოცარი გოლი ჩემპიონთა ლიგაზე

[VIDEO] გიორგი მამარდაშვილმა ჯუდ ბელინგემს არ გაატანინა

"არსენალი" შეუჩერებელია - "ნაპოლი" "აინტრახტთან" ფრეს დასჯერდა

დიდი მატჩები იწყება - "ლივერპულის" და პსჟ-ს შემადგენლობები ცნობილია

"ბორჯღალოსნები" | უკეთესი ადგილის დასაკავებლად მსოფლიო თასის კენჭისყრისთვის

დავით კაჭარავა: საქართველოს უახლოეს ისტორიაში ასეთი მასშტაბური ძვრები ქართულ სპორტში ჯერ არ ყოფილა

მსოფლიო ჩემპიონატის საკვალიფიკაციო ეტაპზე ქალთა ნაკრების მეტოქეები ცნობილია

ევროპის ჩემპიონატზე გადელიამ ოქროს მედალი მოიპოვა, ასანიძემ - ბრინჯაო

გიორგი მამარდაშვილი „არქის“ ყველაზე მასშტაბური პროექტის, „გრანდ ავენიუს” ინვესტორი გახდა

ვართანოვი პოლონეთში, თვაური – ბულგარეთში | ფიბა ევროპის თასის მატჩებზე

"VAR-ი სანაგვე ურნაში უნდა გადავაგდოთ" - რიო ფერდინანდი

"არ მინდა თავმდაბალი ვიყო, მე მესიზე უკეთესი ვარ" - კრიშტიანო რონალდო

ენდრიკი, რომელსაც "რეალში" არ ათამაშებენ, ფრანგულ გუნდში გადაბრგდება