<p>ქუთაისის დარბაზში ვითარება კალათბურთელებისა და ფედერაციის ხელმძღვანელების ჩარევის შედეგად განიმუხტა <br> საქართველოს საკალათბურთო სუპერლიგის XIII ტურის შეხვედრაში "ქუთაისმა" "ბათუმს" უმასპინძლა. ლიდერთა დაპირისპირება საინტერესო და კარგი საცქერი გამოდგა, მაგრამ შეხვედრამ ინციდენტის გარეშე არ ჩაიარა.</p><p>"ქუთაისმა", რომელიც 9 ქულით იგებდა, უპირატესობა ბოლო წამებზე გაფლანგა. მატჩის დამთავრებამდე 24 წამი იყო დარჩენილი, როცა ლეჟავამ ორქულიანით ანგარიში გაათანაბრა - 73:73. ქუთაისელებმა შეტევა კარგად ვერ განავითარეს, შემდეგ კი უკანასკნელ წამზე დაჯარიმდნენ. მიქელაძემ პირველი საჯარიმო ზუსტად ისროლა, მეორე კი შეგნებულად გააფუჭა და დროც ამოიწურა.</p><p>მატჩის ბოლო წამებზე განვითარებული მოვლენებით უკმაყოფილო გულშემატკივრები მსაჯებს შემოსწყრნენ. ფანებს ვალში არც ზაზა მაჩალაძე დაურჩა და დაძაბული ვითარება მატჩის შემდეგაც შენარჩუნდა. ვითარება კალათბურთელებისა და ფედერაციის ხელმძღვანელების ჩარევის შედეგად განიმუხტა.</p><p>მანამდე კი ძალიან საინტერესო თამაში იყო. სტუმრებმა შეხვედრა რიხიანად დაიწყეს, ნიკა რამიშვილმა ზედიზედ სამი სამქულიანი ჩააგდო და ზღვისპირელები 9:0 დააწინაურა.</p><p>რიჩარდ მათიაშვილისა და გოგა ცეკვავას კარგი თამაშის წყალობით ქუთაისელებმა ცოტა ხანში წინ გასვლა მოახერხეს - 13:11. შეხვედრა ქულა-ქულაში გაგრძელდა. სამწამიან ზონაში კარგი იყო რიჩარდ მათიაშვილი, რომელმაც პირველ პერიოდში 12 ქულა ჩააგდო. კარგად ჩაერთო თამაშში ამერიკელი ბრიტონი, თუმცა, მათი გარჯის მიუხედავად, "ქუთაისმა" უპირატესობის შენარჩუნება ვერ შეძლო, ბათუმელები უფრო გუნდურად მოქმედებდნენ და პერიმეტრიდანაც კარგად ისროდნენ. ბოლო წამზე მაისურაძის მიერ ჩაგდებული სამიანის შემდეგ სტუმრებმა პირველი მეოთხედი 8 ქულით მოიგეს - 21:29</p><p>მასპინძლებმა მეორე პერიოდი უფრო ენერგიულად დაიწყეს. კარგად ათამაშდა გიგი ბარბაქაძე, რომელმაც გუნდს საჭირო ქულები მოუპოვა, ბრიტონმა კი ეფექტური სლემ დანქით ანგარიში გაათანაბრა - 33:33.</p><p>რამიშვილმა კიდევ ერთი სამქულიანით ცოტა ხნით კი შეაჩერა ქუთაისელთა აღმაფრენა, მაგრამ მასპინძლებს ტემპი არ დაუგდიათ და ძირითადად, მათიაშვილის შედეგიანი თამაშის წყალობით დიდ შესვენებაზე 3-ქულიანი უპირატესობით გავიდნენ - 43:40. მესამე მეოთხედის საწყისი წუთები ორივე გუნდმა მძიმედ ჩაატარა.</p><p>შეხვედრა ქულა-ქულაში გაგრძელდა. ძირითადად, წინ "ბათუმი" იყო, მაგრამ ბოლოს ისევ "ქუთაისმა" იძალა. მათმა ამერიკელმა ლეგიონერმა ბრიტონმა მასპინძლები წინ გაიყვანა, მაგრამ რამიშვილმა ბოლო წამზე სამქულიანით გაათანაბრა ანგარიში - 57:57.</p><p>გადამწყვეტი მეოთხედი ქუთაისელთა აქტიურობით დაიწყეს. თუ იქამდე რიონისპირელებს 9-დან მხოლოდ 1 სამქულიანი ჰქონდათ ჩაგდებული, ეს კომპონენტი გააუმჯობესეს, ცეკვავამ და ფაშაევმა შორიდან კარგად ისროლეს და საკუთარი გუნდი წინ გაიყვანეს.</p><p>მასპინძლები მალე 9 ქულითაც დაწინაურდნენ - 71:62, მაგრამ დავით უსტიაშვილის შეგირდები ბრძოლას განაგრძობდნენ. დაცვაში მათი ეფექტური თამაშის შედეგად, სხვაობა თანდათან შემცირდა. ბოლო წამები ძალიან დაძაბული და ემოციებით დატვირთული გამოდგა, ბათუმმა მცირეოდენი სასწაული მოახდინა და მასპინძლებს ბოლო წამებზე საოცარი თამაში შემოუტრიალა.</p><p>გამარჯვებულთა რიგებში 18 ქულითა და 9 მოხსნით აკაკი დვალიშვილი გახლდათ. 17 ქულა ჩააგდო რამიშვილმა. ქუთაისელთაგან ორმაგი დუბლი გაიფორმეს ცეკვავამ და ბექაურმა. ყველაზე მეტი ქულა (20) კი საკუთარ გუნდს მათიაშვილმა შესძინა.</p><p><span style="color: #3366ff;"><strong>სუპერლიგა. XIII ტური</strong></span></p><p><em><strong>ქუთაისი-ბათუმი 73:74</strong></em></p><p>21:29, 22:11, 14:17, 16:17</p><p>ქუთაისი: ფაშაევი (7ქ, 8პ.), ცეკვავა (13ქ.10პ.), ბოისა (2ქ), ბექაური (10ქ.15მ.), მათიაშვილი (20ქ.), ქადარია, ბრიტონი (12ქ.), დ.ბარბაქაძე, გ.ბარბაქაძე (9ქ.)</p><p>მწვრთნელი:კ.ტუღუში</p><p>ბათუმი: ლეჟავა(3ქ.6პ.), სტეფანიშინი (8ქ.9მ.6პ.), რამიშვილი (17ქ.), ხრისტოვი (8ქ.6მ.), თენიეშვილი, მიქელაძე (8ქ.7პ.), რევაზაშვილი (6ქ), მაისურაძე (6ქ)</p><p>მწვრთნელი: დ.უსტიაშვილი</p><p>მსაჯები: ზ.მაჩალაძე, მ.კუპატაძე,დ.ბერეკაშვილი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
[ინტერვიუ აკაკი დვალიშვილთან] ქართული სამზარეულო - ენერგიის წყარო
კალათბურთის გარიგებული მატჩების საქმეზე ბრალდებულებთან საპროცესო შეთანხმება ფორმდება
საკალათბურთო სუპერლიგის პლეი აუტი საინტერესოდ დაიწყო
აკაკი დვალიშვილის გუნდი "ნოვოსიბირსკი" რუსეთის სუპერლიგის ერთპიროვნული ლიდერია
სუპერლიგა. ფინალი. V მატჩი: გამარჯვების დღე ქუთაისში [VIDEO+PHOTO]
მიხეილ გიორგაძე მწვრთნელების და მსაჯების დაკავებაზე - ყოველთვის შეურიგებელნი ვიქნებით ასეთ ფაქტებთან მიმართებაში
საქართველოს კალათბურთელთა "ბ" ნაკრები ჩინურ კლუბ "ლიონინგთან" დამარცხდა
ანატოლი ბოისა: მე პირადად თავდებში ვუდგებოდი ზაზა მაჩალაძეს, რომ არსად მიიმალებოდა
კოტე ტუღუში: ქუთაისში ჩემპიონობისთვის ჩამოვედი
კალათბურთის გარიგებული მატჩების საქმეზე მსჯავრდებულებმა საპატიმრო დატოვეს
საქართველოს "ბ" ნაკრებმა ჩინელი არმიელები მეორედაც დაამარცხა
გარიგებული მატჩების საქმეზე დაკავებულმა მწვრთნელებმა და მსაჯმა დღევანდელ პროცესზე, შესაძლოა, დანაშაული აღიარონ
დუდუ დადიანის მემორიალი: ილიას ზუროსის თვალწინ
საქართველოს კალათბურთელთა B ნაკრები პოლონეთის B ნაკრებთან 36 ქულის სხვაობით დამარცხდა
"უნდა მიგვეცა საშუალება, გამოესწორებინათ შეცდომა, თავისუფლებაზე და არა ციხეში ყოფნის დროს"
აკაკი დვალიშვილის ბენეფისი - "ქუთაისმა" "ტიტებს" სძლია და ნახევარფინალშია
სუპერლიგა. ფინალი: "ქუთაისი" სერიაში დაწინაურდა
სუპერლიგა. X ტური: ორი მატჩის ერთი სცენარისტი