<p>17 იანვარს, ახალ სპორტის სასახლეში ბიზნესის ჩემპიონთა ლიგის 2016 წლის პირველი სათამაშო დღე გაიმართა. სეზონი სუპერლიგის VI ტურის შეხვედრებით განახლდა <br> 17 იანვარს, ახალ სპორტის სასახლეში ბიზნესის ჩემპიონთა ლიგის 2016 წლის პირველი სათამაშო დღე გაიმართა. სეზონი სუპერლიგის VI ტურის შეხვედრებით განახლდა.</p><p>სუპერლიგა A იმთავითვე დაძაბული შეხვედრით განახლდა, რომელშიც ერთმანეთს გათამაშების ერთ-ერთი ფავორიტი მფკ ტატიშვილი და სატურნირო ცხრილის აუტსაიდერი, ბათუმის "დინამო" დაუპირისპირდნენ. მიუხედავად "მედიკოსების" დიდი უპირატესობისა, მინიმალური ანგარიშით 1-0 იმარჯვეს და ამ ერთადერთი გოლის გატანაც შეხვედრის მეორე ნახევარში მოახერხეს.</p><p>ტატიშვილის მსგავსად დაუმარცხებლად განაგრძობს ასპარეზობას მოქმედი ჩემპიონი სკ პსპ, რომლის მეტოქეც შსს-ს ძლიერი გუნდი იყო. სატრანსფერო პერიოდში საკმაოდ მომძლავრებულმა "ფარმაცევტებმა" დამაჯერებლად, 4-0დაამარცხეს მეტოქე.</p><p>წარმატებულ ასპარეზობას განაგრძობსსკ ევექსი-ჯვაროსნები. ამჯერად მათი მეტოქე თბილისის სატრანსპორტო კომპანიის საფეხბურთო გუნდი გახლდათ. ჯვაროსნებმა პირველ ნახევარში სამ ბურთიანი უპირატესობის მოპოვება მახერხეს, თუმცა მეორე ტაიმში მეტოქის აქტიურობის შედეგად სხვაობა ანგარიშში მინიმუმამდე დავიდა, თუმცაჯვაროსნებმა საბოლოოდ სამი ქულის აღება მაინც შეძლეს - 4-3. ამ გამარჯვებით ისინი სატურნირო ცხრილს ერთპიროვნულად ჩაუდგენენ სათავეში.</p><p>საკმაოდ საინტერესოდ წარიმართა ვეტერანებისა და მცხეთის "გრანდ გრუპ ჯორჯიას" დაპირისპირებაც. ვეტერანები შეხვედრის განმავლობაში ორჯერ იგებდნენ, თუმცა მცხეთელებმა, რომლებიც ასევე საკმაოდ გადახალისებული შემადგენლობით შეხვდნენ ახალ წელს, ორჯერვე მოახერხეს გათანაბრება. გოლის გატანის შანსი ორივე გუნდს მრავლად ქონდა, თუმცა საბოლოოდ ლოგიკური ფრე 2-2.</p><p>რაც შეეხება ამ ტურის კიდევ ერთ დაპირისპირებას, მფკ ნატახტარი და სახელმწიფო დაცვის სპეციალური სამსახურის გუნდი, თავიანთ შეხვედრას 21 თებერვალს გამართავენ.</p><p>სეზონის განახლებას საინტერესო სიახლეც ახლდა თან, რომელიც განსაკუთრებით აზარტული თამაშების მოყვარულებს დააინტერესებთ - 17 იანვრიდან, აზარტული თამაშების ლიდერმა კომანიამ "ევროპაბეთმა" სუპერლიგა A-ს თამაშებზე ფსონების მიღება დაიწყო. შესაბამისად ორ კვირაში ერთხელ, ევროპაბეთის მომხმარებლებს საშუალება ექნებათ საკუთარი სპორტული ინტუიცია და იღბალი ბიზნესის ჩემპიონთა ლიგაშიც გამოსცადონ.</p><p><span style="color: #ff0000;"><strong>17.01.2016. სუპერლიგა A. VI ტური</strong></span></p><p><strong>დინამო (ბთ) - მფკ ტატიშვილი 0-1</p><p>შსს - FC PSP 0-4</p><p>სკ ევექსი-ჯვაროსნები - FC TTC 4-3</p><p>ვეტერანები - გრანდ გრუპი (მცხ) 2-2</strong></p><p><span style="text-decoration: underline;">ბომბარდირები:</span> დავით მუჯირი (ვეტერანები), დიტო ანდღულაძე (ჯვაროსნები) - 8, კახაბერ გოგოხია (მფკ ნატახტარი), იასონ ხუნდაძე (ტტც), შალვა ფირცხალავა (სდსს), ლადო ასათიანი (გრანდ გრუპი) - 5</p><p><img src="pictures/artimages/image17/5bda75f3f9d149ee412d99c289b8d032.jpg" border="0" alt="Sportall.Ge" title="SBM LEAGUE 2015/16: "ევროპაბეთი" სუპერლიგა A-ს თამაშებზე ფსონებს მიიღებს" /></p><p>საინტერესოდ წარიმართასუპერლიგა B-სVI ტურის შეხვედრებიც.</p><p>წარმატებულ ასპარეზობას განაგრძობს აუტსაიდერად შერაცხული UNICREDIT.GE-ს გუნდი, რომელმაც წინა ტურში სატურნირო ცხრილის ლიდერთან შეძლო ქულის მოპოვება, ამჯერად კი აჭარის სომეხთა კავშირის გუნდ "ახპიურს" სძლია 3-5.</p><p>უაღრესად დაძაბული და საინტერესო გამოდგა საქართველოს უნივერსიტეტისა და დანაშაულის პრევენციის ცენტრის გუნდების დაპირისპირება. მიუხედავად სტუდენტთა მიერ მოპოვებული ორ ბურთიანი უპირატესობისა, მათმა მეტოქემ მეორე ნახევარში მაინც შეძლო სიტუაციის სათავისოდ შემოტრიალება და დამსახურებულადაც იმარჯვა 4-2.</p><p>დაძაბულ ორთაბრძოლაში წარიმართა ევროკრედიტისა და კასპის "გენერლის" დაპირისპირება, რომელმაც ნაჩვენები წითელი და ყვითელი ბარათებით უდაოდ "სარეკორდო" მაჩვენებელს უწია - 8 ყვითელი და 2 წითელი ბარათი მსაჯებმა გუნდებს "თანაბრად გადაუნაწილეს". უშუალოდ შეხვედრა ევროკრედიტის გამარჯვებით4-3 დასრულდა.</p><p>დამაჯერებლად იმარჯვა გათამაშების ერთპიროვნულმა ლიდერმა vivus.ge-მ, რომლემაც "ჯორჯიან მანგანეზ ჭიათურის" არც თუ სუსტ გუნდს 5-0 სძლია.</p><p>იმარჯვა კიდევ ერთმა ფავორიტმა:ზესტაფონის "ფერომ" პალერმო დაამარცხა 3-1.</p><p><span style="color: #ff0000;"><strong>17.01.2016. სუპერლიგა B. VI ტური</strong></span></p><p><strong>ახპიური(ბთ) - UNICREDIT.GE 3-5</p><p>UG - CFCP 2-4</p><p>ევროკრედიტი - მფკ გენერალი (კასპი)4-3</p><p>VIVUS.GE - GM ჭიათურა 5-0</p><p>პალერმო - სკ ფერო (ზეს)1-3</strong></p><p><span style="text-decoration: underline;">ბომბარდირები:</span> დავით ხუჯაძე (სკ ფერო) - 14, გიორგი ჩივაძე (CFCP) - 10, ზურაბ ჯინჭარაძე (ევროკრედიტი) - 7</p><p><img src="pictures/artimages/image17/dedb155147e67a6f7e64a8dfa6c0dfb7.jpg" border="0" alt="Sportall.Ge" title="SBM LEAGUE 2015/16: "ევროპაბეთი" სუპერლიგა A-ს თამაშებზე ფსონებს მიიღებს" /></p><p>წლის პირველ სათამაშო დღეს, დეკემბრის თვის საუკეთესო ფეხბურთელიც გამოვლინდა. ეს წოდება "ვეტერანების" უდაო ლიდერს დავით მუჯირს ერგო, რომელმაც გასულ თვეში საკუთარი გუნდის მიერ მოგებულ ორ შეხვედრაში უდიდესი წვლილი შეიტანა. მუმუ,სპა და ფიტენს ცენტრის ერთ თვიანი ვაუჩერით ჩემპიონატის პარტნიორმა, დ. ტატიშვილის სამედიცინო ცენტრმა დააჯილდოვა.</p><p>რაც შეეხება გასული V ტურის საუკეთესო ფეხბურთელს, იგი ბათუმის "დინამოს" შემტევი დავით ნინიძე გახდა, რომელსაც Apple City-ს სპეციალური საჩუქარი გადაეცემა.</p><p>ბიზნესის ჩემპიონთა ლიგის გენერალური პარტნიორია "ვითიბი ბანკი". ჩემპიონატის ტექნიკური პარტნიორია, ესპანური სპორტული ბრენდი JOMA.</p><p>ღონისძიების პარტნიორები და მხარდამჭერები არიან: სამაუწყებლო კომპანია "რუსთავი 2", იურიდიული ჯგუფი "ერისთავი და პარტნიორები", სასტუმრო "ჰოლიდეი ინი", "წყალი მარგებელი", Apple City, ვერცხლის ნაკეთობები "შემოინახე მემკვიდრეობა", "ტატიშვილის სამედიცინო ცენტრი" და მუსიკალური მაღაზია "GURU music".</p><p>მედია პარტნიორები: რადიოები, "იმედი", "კომერსანტი", "JAKO FM", ვებ პორტალები, geosports.ge, sportall.ge, worldsport.ge, goal.ge, 90wuti.ge და გაზეთი "ლელო".</p><p><strong>სპორტული სააგენტო SBM-ის პრესსამსახური</strong></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
SBM LEAGUE 2015/16: ჩემპიონები და სეზონის ტრიუმფატორი ცნობილია
SBM LEAGUE 2015/16: სუპერლიგის თასს ახალი მფლობელი ეყოლება
SBM LEAGUE 2015/16: ოქროს ლიგის ფინალისტები ცნობილია
SBM LEAGUE 2015/16: სეზონის დასასრული ოთხი ფინალით!
SBM LEAGUE 2015/16: მფკ "ტატიშვილი" სუპერლიგის თასის მფლობელია!
SBM LEAGUE 2015/16: 1/2-ფინალების დაძაბული სტარტი