მკვდრეთით აღმდგარი რეკორდსმენი - რუნიმ ტიერი ანრი ჩამოიტოვა

გაიღვიძა "მანჩესტერის" ვარსკვლავმა, იქნებ "მანჩესტერმაც" გაიღვიძოს ინგლისში უკვე ხუმრობენ, უეინ რუნი მკვდრეთით აღდგაო და ამ ხუმრობაში სიმართლის მოზრდილი მარცვალი არის. რუნი ბოლო დროს საკუთარი თავის აჩრდილიღა იყო და მინდორზე მხოლოდ მოვალეობის გრძნობის გამო გადიოდა - ასე ჩანდა შორიდან.ინგლისელთა ჯილა ყველამ გამოიტირა, ცალკე ცუდი სათამაშო ფორმის, ცალკე ასაკისა და ცალკე "მანჩესტერის" საშინელი თამაშის გამო. და რუნი მოულოდნელად აფეთქდა. ის აფეთქდა მაშინ, როცა ამას საერთოდ არავინ ელოდა.აფეთქდა საშობაო სიგიჟეების შემდეგ, როცა ყველა გამოფიტული და უფანტაზიოა პრემიერლიგაში. იქნებ ეს შეგნებულად დადგმული წარმოდგენაა? იქნებ რუნი თავის დროსა და შანსს ელოდებოდა? იქნებ მან შეგნებულად გათვალა ყველაფერი, რათა სწორედ ასეთი სცენარით განვითარებულიყო მოვლენები, როგორითაც ვითარდება?ყოველ შემთხვევაში, ჩვენს გმირს ვეღარ ვცნობთ. უეინმა ჯერ "ნიუკასლის" კარი ამოავსო, მერე კი "ლივერპულს" გამარჯვების გოლი გაუტანა. ეს რუნის დღეებია პრემიერლიგაში. მერე რა, რომ საშინელი "იუნაიტედი" უეინის გარჯას ადგილ-ადგილ წყალში ყრის ხოლმე.ასე იყო "ნიუკასლთან" შეხვედრაში. ის მატჩი "მანჩესტერს" აუცილებლად უნდა მოეგო. იმ შეხვედრაში რუნიმ დიდებულად ითამაშა, მაგრამ არაერთხელ დაწინაურებული "იუნაიტედი", ტრადიციულად, მოდუნდა, უდარდელობის მანტიაში გაეხვია და შესაბამისი შედეგიც მიიღო.საერთოდ, "იუნაიტედი" სულ სხვა თემაა. როგორც წესი, დიდი მწვრთნელების ეპოქების დასასრული ყოველთვის მძიმე გამოდის ხოლმე, მაგრამ ამას მაინც ვერავინ წარმოიდგენდა. წავიდა სერ ალექსი და, თითქოს, ოლდტრაფორდული თრილერიც მორჩა. ის, რისთვისაც "მანჩესტერი" მსოფლიოში მილიონობით ადამიანს უყვარდა, აღარ არის - ლაღი, შემტევი, გოლუხვი ფეხბურთი..."ლივერპულთან" მატჩი ავიღოთ - "იუნაიტედმა" ერთხელ დაარტყა კარში და მატჩი მოიგო. რა თქმა უნდა, როცა "ენფილდზე" თვით "ლივერპულს" ამარცხებ, იმ სამ ქულას, დიდი ალბათობით, კბილი არ გაესინჯება, მაგრამ საქმე როცა "მანჩესტერს" ეხება, თამასა ყოველთვის ძალიან მაღლაა აწეული.რუნი კი მართლაც მაგრად გრძნობს თავს "ლივერპულთან" გატანილი გოლით. მან პრემიერლიგის ერთი რეკორდი დაამხო. საქმე ეხება ერთი კონკრეტული გუნდის მაისურით გატანილ გოლებს. აქამდე ეს რეკორდი ლონდონის "არსენალის" ლეგენდას, ტიერი ანრის ეკუთვნოდა.რაც მთავარია, უეინი ამაზე გამჩერებელ კაცს არ ჰგავს. მას "მეორე სუნთქვა" გაეხსნა და ეს სუნთქვა იმის წინაპირობაა, რომ პრემიერლიგის დასრულებამდე ის კიდევ ბევრ გოლს გაიტანს.რუნის კვალიფიკაცია ეჭვქვეშ არასოდეს დადგება. სხვა დროს და სხვა მწვრთნელის ხელში უეინს იქნებ უფრო ადრეც გამოეღვიძა, მაგრამ ყველამ ვიცით, რომ სჯობს გვიან, ვიდრე არასდროს.ადრე გამოღვიძება შემთხვევით როდი ვახსენეთ. ასეთ შემთხვევაში შესაძლოა "იუნაიტედი" ისევ ჩემპიონთა ლიგაზე ყოფილიყო. ასეთ შემთხვევაში პრემიერლიგის ლიდერებთან ჩამორჩენა შედარებით ნაკლები იქნებოდა, თუმცა უსაშველო იგი არც ახლაა.თავად რუნიმ კი შემდეგი თქვა დავიწყებული გოლაობის შემდეგ: "ჩეთვის ყოველთვის წინა პლანზე დგას გუნდური წარმატება და არა ინდივიდუალური სტატისტიკა. მოხარული ვარ, რომ მოვიგეთ. "ენფილდზე" განსაკუთრებული საღამო იყო".უეინმა მოზომილი კომენტარი გააკეთა, მაგრამ ჩვენ ხომ ვიცით, რომ მას "ლივერპულის" კარში გატანილი გოლი განსაკუთრებულად გაუხარდა. საქმე ისაა, რომ უეინი ოდინდელი ევერტონელია და ჩვენ კარგად ვიცით, როგორი დამოკიდებულებაა ამ ორ გუნდს შორის. თავად რუნისაც არასოდეს დაუმალავს, რომ "ლივერპულს" ვერ იტანს და იქნებ ეს აგრესია მომდევნო კომენტარებისთვისაც შემოინახოს.სხვა საქმეა, რომ "ლივერპულის" დამარცხება, დიდი ალბათობით, მაინც ეპიზოდური მოვლენა იყო "მანჩესტერის" ყოველდღიურ, არცთუ კარგ ყოფაში. ლუი ვან გაალმა შეგირდები საკუთარ ნახევარზე ჩაკეტა. იურგენ კლოპმა შეგირდებს ფეხბურთი ათამაშა.გამუდმებული პრესინგისა და მოძრაობისგან "ლივერპული" დაიღალა. "იუნაიტედის" კონტრშეტევა და გოლი. თამაში მორჩა. ვან გაალმა მოიგო და თითქოს, ის ხელშეუხებელია, მაგრამ ჰოლანდიელი აუცილებლად უნდა "გასამართლდეს", თუნდაც "იუნაიტედის" უკეთესი მომავლისათვის.ჩვენ არ გვინდა "მანჩესტერი", რომელიც მხოლოდ ერთხელ გადადის მოწინააღმდეგის ნახევარზე. ჩვენ არ გვინდა "მანჩესტერი", რომელიც მეტოქის კარში ერთადერთხელ ურტყამს. საერთოდ, განსაკუთრებით გრანდებთან შეხვედრებში "იუნაიტედი" კონტრშეტევებზე მოთამაშე გუნდად იქცა. არადა, ყველას კარგად გვახსოვს, რა და როგორ იყო უახლოეს წარსულში.რუნის გამოღვიძება კი მაინც განსაკუთრებული ამბავია. ამბობენ, "იუნაიტედს" კარგზე კარგი შემადგენლობა ჰყავსო. გააჩნია, როგორ შეხედავ. გუნდს არ ჰყავს რუნის გარდა არც ერთი მეგავარსკვლავი და იმ "მეგასაც" ეძინა.ვნახოთ, იქნებ უეინის გამოღვიძებამ "იუნაიტედიც" წამოაყენოს ფეხზე. აქ მხოლოდ "ლივერპულის" დამარცხებას და ეპიზოდურ წარმატებას არ ვგულისხმობთ. თამაშის ხარისხი ისეთია, რომ წინასწარვე იცი - სტაბილურობა და ვან გაალის გუნდი ვერ იმეგობრებენ. ეს გამორიცხულია.ვნახოთ. ჯერ რუნიმ გაიღვიძა. როდის გაიღვიძებს "იუნაიტედი"?ყოველდღიური სპორტული გაზეთი "ლელო"

Lasha

ძაან მაგარი ჟურნალისტის ძაან მაგარი სტატია.
kriss

მაგარი სტატიაა რუნიიიიიიიიიიიი!!!!!!!

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

35 წლის ასაკში ოსკარმა საფეხბურთო კარიერა დაასრულა

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEO] გულიაშვილის დუბლს პიკეს გუნდმა ექვსი გოლით უპასუხა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

"ის ჩემთვის მსოფლიოში საუკეთესოა" - რონალდინიო

პეპ გვარდიოლამ "ლივერპულთან" პირადი რეკორდი დაამყარა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

სიაში "მანჩესტერ იუნაიტედის" ორი ფეხბურთელია - ვინ გამოიმუშავებს პრემიერლიგაში ყველაზე მეტს?

"ყველაზე საშინელი მწვრთნელია ვინც კი მყოლია და ამის გამეორებით არ დავიღლები" - ანხელ დი მარია

"მანჩესტერ იუნაიტედი" სანდრო ტონალის ტრანსფერზე მუშაობს

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

"მესი რონალდოს სწორედ ამიტომ მირჩევნია" - უეინ რუნი

“ჩემს ცოლს უთხრა, შენ ქმარს ძლიერი სპერმა აქვსო” - რუნიმ ვან გაალთან გატარებული პერიოდი გაიხსენა

ვან გაალი: მესი შეიძლება ჩვენთან ყველაზე სუსტი რგოლი გახდეს - ბრაზილია მხოლოდ კონტრშეტევის გუნდია

"რუნი გვაკრიტიკებს? წინა წელს სად იყო?" - "ლივერპულის" კაპიტანმა ინგლისელს უპასუხა

ტონალის გრანდების რიგი უდგას - დაბრუნება იტალიაში თუ პრემიერ ლიგის სხვა კლუბში გადასვლა

"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა

ბრუნო და "მანჩესტერი" სრულდება? - პორტუგალიელი "იუნაიტედის" დატივებას სერიოზულად განიხილავს

გერმანიის ნაკრები შესაძლოა ვან გაალმა გაწვრთნას

"მე და დეპაი ერთმანეთს ტუჩებში ვკოცნით" - ვან გაალმა დი მარიას უპასუხა

"პრემიერლიგის სეზონის საუკეთესო ტრანსფერია" - უეინ რუნიმ "სანდერლენდის" ფეხბურთელი გამოარჩია

"ეკვადორის ნაკრები ნიდერლანდებთან გამარჯვებას იმსახურებდა" - ლუი ვან გაალი

"არსენალის" შემდეგ ხვიჩა კიდევ ერთი ინგლისური გრანდის მთავარი სამიზნეა - ისინი კვარაცხელიას წარმომადგენლებს მალე დაუკავშირდებიან

ენრიკემ "მანჩესტერ იუნაიტედს" პასუხი შეუთვალა - პსჟ-ის მწვრთნელმა თავის მომავალზე გადაწყვეტილება მიიღო

ვან გაალი: არგენტინის მსოფლიო ჩემპიონობა დაგეგმილი იყო