<p>ვნახავთ შემტევი ფეხბურთის ფოიერვერკებს "ბორუსიების" დუელში? <br> დღეს ზამთრის ძილიდან საფეხბურთო გერმანიაც იღვიძებს - ხომ იცით, ბუნდესლიგას ზამთარში ყველაზე დიდხანს "სძინავს" ხოლმე. მეორე წრე რამდენიმე საინტერესო მატჩით იწყება, სტარტი კი დღესაა: "ჰამბურგი" "ბაიერნს" მასპინძლობს.</p><p>შაბათს "ჰანოვერში" ახალი მთავარი მწვრთნელის, თომას შააფის დებიუტი "დარმშტადტთან" მატჩში შედგება. საინტერესოა, გააგრძელებს თუ არა ბერლინის "ჰერტა" გერმანიის და ზოგადად, მთელი საფეხბურთო ევროპის გაოცებას. შაბათს საღამოს კი ტურის ტოპ-შეხვედრაა: "ბორუსიების" დუელი მიონხენგლადბახში.</p><p>ეს სეზონი სწორედ "ჰამბურგისა" და "ბაიერნის" დუელით დაიწყო და, შესაბამისად, მეორე წრეც ამ მატჩით იწყება. ამჯერად მასპინძელი "ჰამბურგია", თუმცა რეკორდმაისტერი და გერმანიის ჩემპიონატის გამოკვეთილი ლიდერი მაინც უპირობო ფავორიტია.</p><p>მართალია, "ჰამბურგმა" პირველი წრე კარგად ჩაატარა (ყოველ შემთხვევაში, შარშანდელზე გაცილებით უკეთ), მაგრამ ჩრდილოელებს ზამთრის პაუზის დროს ჩატარებულ ტესტ-მატჩებში დასუსტება ეტყობოდათ. ამასთან, ჰამბურგელებს რამდენიმე ფეხბურთელი ტრავმირებული ჰყავთ. ამასთან, იანვარში "ჰამბურგის" შეფებმა გუნდი ჯერ კიდევ ვერ გააძლიერეს - კლუბმა მხოლოდ რამდენიმე მოთამაშე გაასხვისა. ამრიგად, მეორე წრის სასტარტო მატჩი ბავარიულ გიგანტთან "ჰამბურგს" ლოგიკურად კარგს არაფერს უქადის.</p><p>რაც შეეხება "ბაიერნს": გამოჯანმრთელდნენ დავიდ ალაბა, დუგლას კოშტა და არიენ რობენი, რაც იმას ნიშნავს, რომ ხოსეპ გვარდიოლას არჩევანი გაეზარდა. აქვე ისიც გავიხსენოთ, რომ პეპი მიუნხენში თავის ბოლო წრეს იწყებს - როგორც იცით, ზაფხულში გვარდიოლა "ბაიერნიდან" წავა და მას იტალიელი კარლო ანჩელოტი შეცვლის.</p><p><p><div style="text-align: center;"><strong><span style="color: #ff0000;">რას უნდა ველოდოთ "ჰერტასგან"?</span></strong></div></p> ბერლინის "ჰერტა" მიმდინარე სეზონის ერთ-ერთი უმთავრესი აღმოჩენაა - დედაქალაქელებმა, ყველასათვის მოულოდნელად, მესამე ადგილზე გამოიზამთრეს და, რაც უნდა პარადოქსულად ჟღერდეს, ჩემპიონთა ლიგის საგზურის მოპოვების ამბიცია გაუჩნდათ. შესაბამისად, მთელ საფეხბურთო გერმანიას აინტერესებს, როგორ ჩაატარებს "ჰერტა" მეორე წრეს, რომელიც ბერლინელებისთვის ხვალ, "აუგსბურგთან" საშინაო მატჩით იწყება.</p><p>"ჩვენ არავითარ შემთხვევაში არ უნდა ვიფიქროთ ხშირად იმაზე, რომ მესამე ადგილზე ვართ. "ჰერტასგან" ამას არავინ ელოდა და ახლა ყველა ჩვენ წაფორხილებას ელის. იმისათვის, რომ ყველაფერი ისე გაგრძელდეს, როგორც პირველ წრეში იყო, კიდევ უფრო მეტად უნდა მოვინდომოთ", - ეს ბერლინელთა თავდამსხმელის, ვედად იბიშევიჩის სიტყვებია. აღსანიშნავია, რომ "ჰერტამ" "ბაიერნიდან" ახალგაზრდა კურტი დაიმატა.</p><p>რამდენიმე ახალწვეული "აუგსბურგსაც" ჰყავს: მაგალითად, აჯეტი (ბაზელიდან) და გუველეუვი (ალკმაარი). გუნდში დაბრუნდა ჯურჯიჩიც, რომელიც "მალმიოში" იყო განათხოვრებული.</p><p><p><div style="text-align: center;"><strong><span style="color: #ff0000;">გამოიყვანს შააფი "ჰანოვერს" კრიზისიდან?</span></strong></div></p> "ჰანოვერმა" პირველი წრე მე-17 ადგილზე დაასრულა და რა გასაკვირია, რომ ახალი მწვრთნელი ჰყავს: "წითლები" თომას შააფმა ჩაიბარა და 54 წლის სპეციალისტს გუნდის გადარჩენა დაევალა.</p><p>მაგრამ ჰყავს კი შააფს ისეთი ფეხბურთელები, რომლებიც მის დავალებებს კარგად შეასრულებენ? საკითხავი სწორედ ესაა. ფაქტია, რომ "ჰანოვერს" პირველ წრეში ყველაზე მეტად თავდასხმაში უჭირდა და შააფმა ამიტომაც გადაიბირა პორტუგალიელი თავდამსხმელი უგო ალმეიდა (ანჟიდან), რომელიც თომასს თავის დროზე ბრემენის "ვერდერშიც" ჰყავდა. თუმცა შააფს მხოლოდ უგო ალმეიდა არ შეუძენია - "ჰანოვერში" მივიდნენ სალაი ("ჰოფენჰაიმიდან", იჯარა) და ვოლფიც ("მიუნხენ 1860"-დან).</p><p>საინტერესოა, რომელ მათგანს გაამწესებს თომასი ძირითად შემადგენლობაში "დარმშტადტთან". ამ გუნდის პროგრამა-მინიმუმი და მაქსიმუმიც ელიტაში დარჩენაა.</p><p>პირველ წრეში ეს მისია წარმატებით შესრულდა და დარმშტადტელები იმედოვნებენ, რომ მეორე წრეშიც ასე განაგრძობენ და არ გაიზიარებენ იმ დებიუტანტების ბედს, რომლებიც პირველი ბუნდესლიგიდან იქ ასვლისთანავე ვარდებოდნენ - ვგულისხმობთ "პადერბორნს" (14/15), "ბრაუნშვაიგს" (13/14) და "ფორტუნას" (12/13).</p><p>მწვრთნელი დირკ შუსტერი ამბობს, ყველაფერი ჩვენზეა დამოკიდებულიო. ბევრი რამ იმაზეცაა დამოკიდებული, მალე გამოჯანმრთლდება თუ არა თავდამსხმელი ვაგნერი.</p><p><p><div style="text-align: center;"><strong><span style="color: #ff0000;">ცეცხლი "ბორუსია პარკზე"?</span></strong></div></p> შაბათის საღამოს მატჩი კი ისეთია, ავ თვალს რომ არ დაენახვება: მიონხენგლადბახის "ბორუსია" დორტმუნდის "ბორუსიას" მასპინძლობს. ეს ისეთი წყვილია, "ბორუსია პარკზე", წესით, შემტევი ფეხბურთის ფოიერვერკები უნდა ვნახოთ.</p><p>"გლადბახმა" პირველ წრეში არაერთხელ დაამტკიცა, რომ ამ გუნდის ძლიერი მხარე პრესინგი და სწრაფი შეტევებია. სამაგიეროდ, მიონხენგლადბახელებს დაცვაში არ ულხინთ.</p><p>საინტერესოა, მოხვდებიან თუ არა პირდაპირ ძირითადში ახალწვეულები ჰინტერეგერი ("ზალცბურგიდან", იჯარა) და ჰოფმანი ("დორტმუნდიდან"). "გლადბახს" ამ მნიშვნელოვან მატჩში მთავარი ნახევარმცველი ჯაკა (დისკვალიფიკაცია) აკლია.</p><p>დორტმუნდის "ბორუსიას" თავის რიგებში ბუნდესლიგის საუკეთესო თავდამსხმელი ჰყავს - პიერ-ემერიკ ობამეიანგი, რომელმაც პირველ წრეში 18 გოლის გატანა შეძლო. თომას ტუხელის გუნდის მიზანი მეორე ადგილის შენარჩუნება და, თუ მოხერხდა, "ბაიერნთან" ჩამორჩენის შემცირება და ჩემპიონობისთვის გაბრძოლებაა.</p><p><strong><span style="color: #3366ff;">XVIII ტური</span></strong></p><p><span style="text-decoration: underline;">პარასკევი. 22 იანვარი</p><p></span><strong>ჰამბურგი-ბაიერნი 23:30</p><p></strong>დისკვალიფიკაცია: არავინ</p><p>ტრავმა: სპაჰიჩი, ეკდალი - ულრაიხი, ბენატია, ხუან ბერნატი, რაფინია, გიოტცე, რიბერი</p><p>ურთიერთშეხვედრები</p><p>სულ 101 მატჩი: +19=22-60 (100-229)</p><p>ბოლო 6 მატჩი</p><p>+2=2-2 +5=0-1</p><p><span style="text-decoration: underline;">შაბათი. 23 იანვარი</p><p></span><strong>კიოლნი-შტუტგარტი 18:30</p><p></strong>დისკვალიფიკაცია: - სუნიჩი</p><p>ტრავმა: - გინჩეკი, ჰარნიკი</p><p>ურთიერთშეხვედრები</p><p>სულ 85 მატჩი: +35=24-26 (140-139)</p><p>ბოლო 6 მატჩი</p><p>+2=3-1 +1=2-3</p><p><strong>ჰანოვერი-დარმშტადტი 18:30</p><p></strong>დისკვალიფიკაცია: არავინ</p><p>ტრავმა: ანდრეასენი, კიიოტაკე, ბენშოპი</p><p>ურთიერთშეხვედრები</p><p>სულ 1 მატჩი: +0=1-0 (2-2)</p><p>ბოლო 6 მატჩი</p><p>+1=0-5 +1=2-3</p><p><strong>ჰერტა-აუგსბურგი 18:30</p><p></strong>დისკვალიფიკაცია: არავინ</p><p>ტრავმა: ალაგუი, შიბერი - კალსენ-ბრაკერი, კოო, ს. პარკერი, ტობიას ვერნერი</p><p>ურთიერთშეხვედრები</p><p>სულ 7 მატჩი: +2=3-2 (4-6)</p><p>ბოლო 6 მატჩი</p><p>+5=0-1 +4=1-1</p><p><strong>ჰოფენჰაიმი-ლევერკუზენი 18:30</p><p></strong>დისკვალიფიკაცია: არავინ</p><p>ტრავმა: ელიუნუსი, ჰერდლინგი, შვეგლერი - ბიონიში, ჰილბერტი, არანგისი, ლ. ბენდერი</p><p>ურთიერთშეხვედრები</p><p>სულ 15 მატჩი: +1=1-13 (12-36)</p><p>ბოლო 6 მატჩი</p><p>+1=3-2 +3=1-2</p><p><strong>ინგოლშტადტი-მაინცი 18:30</p><p></strong>დისკვალიფიკაცია: არავინ</p><p>ტრავმა: ლეველსი, ზუტნერი, პეკჰარტი - სოტო</p><p>ურთიერთშეხვედრები</p><p>სულ 1 მატჩი: +1=0-0 (1-0)</p><p>ბოლო 6 მატჩი</p><p>+1=2-3 +3=2-1</p><p><strong>გლადბახი-დორტმუნდი 21:30</p><p></strong>დისკვალიფიკაცია: ჯაკა</p><p>ტრავმა: ალვარო დომინგესი, იანტჩკე, ჰერმანი, ნ. შულცი, ჰანი - დურმი, შმელცერი, ს. ბენდერი, შაჰინი</p><p>ურთიერთშეხვედრები</p><p>სულ 87 მატჩი: +29=28-30 (144-143)</p><p>ბოლო 6 მატჩი</p><p>+3=2-1 +4=0-2</p><p><span style="text-decoration: underline;">კვირა. 24 იანვარი</p><p></span><strong>აინტრახტი-ვოლფსბურგი 18:30</p><p></strong>დისკვალიფიკაცია: არავინ</p><p>ტრავმა: ანდერსონი, ფლუმი, კიტელი, რაინარტცი, კასტაინოსი - არნოლდი, დოსტი</p><p>ურთიერთშეხვედრები</p><p>სულ 27 მატჩი: +4=10-13 (34-43)</p><p>ბოლო 6 მატჩი</p><p>+1=1-4 +1=2-3</p><p><strong>შალკე-ვერდერი 20:30</p><p></strong>დისკვალიფიკაცია: არავინ</p><p>ტრავმა: გიფერი, ჰიოვედესი, ნასტასიჩი, უჩიდა, ჰიოგერი - ვოლფი, შტერნბერგი, იოჰანსონი</p><p>ურთიერთშეხვედრები</p><p>სულ 93 მატჩი: +35=20-38 (114-130)</p><p>ბოლო 6 მატჩი</p><p>+2=1-3 +1=2-3</p><p><strong>ბომბარდირები</strong>: 18 - პიერ-ემერიკ ობამეიანგი (დორტმუნდი); 15 - რობერტ ლევანდოვსკი (ბაიერნი); 14 - თომას მიულერი (ბაიერნი); 11 - ხავიერ ერნანდესი (ლევერკუზენი); 9 - სალომონ კალუ (ჰერტა).</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ჩემპიონთა ლიგა. 1/8 ფინალი: "მანჩესტერ სიტიმ" "შალკე" და გერმანია შეარცხვინა VIDEO]
[VIDEO] მიქაუტაძის დებიუტი ჩემპიონთა ლიგაზე - "ვილიარეალის" მარცხი, "რეალის" და "ყარაბაღის" გამარჯვებები და რვაგოლიანი მატჩი ტურინში
"ბაიერნმა" კაცნაკლული "ვერდერი" სახლში დაამარცხა [VIDEO]
"კეინის "ტოტენჰემში" დაბრუნება?" - "დეზების" მწვრთნელი ამ აზრს მიესალმება
მილოტ რაშიცა: გაზაფხულზე კოსოვოელები ისტორიას შევქმნით
"ბაიერნი" "დორტმუნდს" 4 ქულით გაექცა და თითქმის ჩემპიონია [VIDEO]
"ბაიერნი" თასის ფინალში გავიდა, მაგრამ თავისი გულშემატკივრების ნერვებზე თამაშობს [VIDEO]
[VIDEO] მუსიალას საშინელი ტრავმა და დონარუმას ცრემლები
ზივზივაძის "ჰაიდენჰაიმს" ახალი მეკარე ჰყავს
"რეალმა" "დორტმუნდს" სძლია და ნახევარფინალში პსჟ-ს შეხვდება
"შალკემ" "ბარსელონას" მცველი ორწლიანი იჯარით აიყვანა
"ჯერ არაფერი დასრულებულა" - ალონსო "ბაიერნთან" მატჩის შემდეგ
სუპერუიღბლო ბუნდესლიგიდან - "ვერდერის" მცველს არ გაუმართლა [VIDEO]
პსჟ გერმანიის ნაკრების მცველის შეძენას აპირებს
"მანჩესტერ სიტისთან" დამარცხების შემდეგ "შალკეს" მწვრთნელი გადააყენეს
ბუნდესლიგა. XXXIII ტურის წინ: საჩემპიონო ინტრიგას თუ გამოვიგონებთ...
[VIDEO] ზივზივაძე "დორტმუნდთან" მატჩში გააძევეს
[VIDEO] ბუდუს პირველი წითელი ბარათი კარიერაში - "ჰაიდენჰაიმი" "დორტმუნდთან" დამარცხდა
მისი აგენტი "ბარსელონას" თავად დაუკავშირდა - ნიკო უილიამსი "ბლაუგრანას" უახლოვდება
ბუნდესლიგა. XXXI ტურის წინ: სასწორზე ბევრია - დერბი და ჩემპიონობა!
"არსენალს" სანეს უფასოდ დამატება სურს
ბუნდესლიგა. XXX ტურის წინ: ვისი მუსიკა დაუკრავს მიუნხენში?
მორიგი შეცვლილი გადაწყვეტილება - დიდი ალბათობით, ტუხელი "ბაიერნს" აღარ დატოვებს
ორკაცნაკლული "დორტმუნდი" რურულ დერბიში დამარცხდა [VIDEO]