რონალდინიო ბრუნდება, ერთი თამაშით თუ?

ფეხბურთი ღიმილს დაიბრუნებს თანამედროვე ფეხბურთი ნაკლებად იღიმის. დღეს ორი დიდი ვარსკვლავის დოღია. დღეს ავანსცენაზე მესი და რონალდო არიან. სულ ასე არ იყო. რამდენიმე წლის წინათ რონალდინიო ბრწყინავდა. ბრაზილიელი თავისი განუმეორებელი ღიმილით, ფინტებითა და ფეხბურთით.რონალდინიო დღეს 35 წლისაა. ბოლოს ის "ფლუმინენსეში" თამაშობდა, ახლა კი ინდოეთშია, ერთ-ერთ ტურნირს ადევნებს თვალს. ინდოეთში ბრაზილიელს ისე დახვდნენ, როგორც ლეგენდას. ის მართლა ლეგენდაა. ლეგენდა, რომელიც ფეხბურთში ბრუნდება.ისე ჩანს, რომ ბრაზილიელს მოენატრა დიდი ფეხბურთი. ის ერთი თამაშით შეეკრა ეკვადორულ "ბარსელონას". ყველას აინტერესებს, რა იქნება იმ ერთი მატჩის შემდეგ. უნდა ვივარაუდოთ, რომ დაბრუნდება რონალდინიო და ფეხბურთს პეწი შეემატება, ოღონდ...აქ არის ერთი მთავარი პირობა. რონალდინიოსთან ერთად მისი განუმეორებელი, მხოლოდ გაუჩოსათვის დამახასიათებელი ღიმილი უნდა დაბრუნდეს. პარადოქსია, მაგრამ ფაქტია - სამხრეთამერიკელმა ვარსკვლავმა მაშინ შეწყვიტა მაღალ დონეზე ფეხბურთის თამაში, როცა მის სახეზე ღიმილი გაქრა.ამბობენ, რონალდინიოს ინგლისური გუნდები ეპატიჟებიანო. ვინ იცის, ეს პრემიერლიგის სიოც იყოს. პრემიერლიგას მართლაც ძალიან მოუხდებოდა ბრაზილიელი და ბრაზილიელსაც მოუხდებოდა "ნისლიანი ალბიონის" საფეხბურთო სიგიჟეები. მით უმეტეს, რონალდინიოს იქ ადრე არასოდეს უთამაშია."მე მომენატრა ფეხბურთი", - თქვა რონალდინიომ და მისი ამ განცხადებით ზოგადად ფეხბურთმა უნდა მოიგოს. უნდა მოიგოს, რადგან მას ძალიან აკლია სამხრეთამერიკელის ჯადოსნური ღიმილი.რა შეუძლია რონალდინიოს? ამ საკითხზე საფუძვლიანი მსჯელობა ახლა ძალიან რთულია. რა თქმა უნდა, ბოლო წლებში გაუჩოს თამაში ვერანაირ კრიტიკას ვერ უძლებდა. აქ არის ერთი ძალიან საინტერესო მომენტი.ბოლო დროს ბრაზილიელი ვარსკვლავი ფეხბურთს, ძირითადად, გასართობად თამაშობდა. რა იქნება იმ შემთხვევაში, თუ ის ნორმალური დონის ევროპულ კლუბში მოხვდება? მაშინ ის უბრალოდ ვალდებული იქნება, რეჟიმი დაიცვას და საქმეს მთელი სერიოზულობით მოეკიდოს.რა თქმა უნდა, 35 წელი სოლიდური საფეხბურთო ასაკია, მაგრამ იქნებ გაუჩომ თუნდაც ერთი ან ორი წლის განმავლობაში კიდევ გვაჩუქოს ის შედევრები, რასაც ის გვჩუქნიდა წლების წინ, როცა მსოფლიოს საფეხბურთო მინდვრებზე მას ბადალი არ ჰყავდა.რა თქმა უნდა, მსოფლიოში არის ბევრი კლუბი, რომელსაც გაუჩოსთან თანამშრომლობა სურს, მაგრამ სანამ არჩევანს გააკეთებს, რონალდინიო ძალიან ფრთხილად, ყურადღებით უნდა მოეკიდოს ამ მეტად სათუთ საკითხს.მაინც რა იგულისხმება ამაში? უპირველეს ყოვლისა, ის, რომ ძალიან ბევრი ხანშიშესული ვარსკვლავი საკლუბო არჩევანს ძალიან ხშირად ფულის გამო აკეთებს. რონალდინიო ასე არამც და არამც არ უნდა მოიქცეს.მას შეუძლია კიდევ გაგვახაროს თავისი ფეხბურთით. უმჯობესი იქნება, თუ ის შედარებით ღარიბ, მაგრამ ძალიან ამბიციურ გუნდს აირჩევს. მაგალითად, რატომ არა "ლესტერი"? ეს იმ შემთხვევაში, თუ კლუბის ხელმძღვანელობა საჭიროდ ჩათვლის ბრაზილიელის აყვანას.კარგი იქნებოდა გაუჩოს ხილვა ისეთ კლუბში, რომელიც ტიტულის მოსაპოვებლად იბრძვის. ეს დამატებითი ინტრიგა იქნებოდა და პლუს ამას, შანსი ბრაზილიელისათვის, რომ უმაღლესი დონის ფეხბურთი ითამაშოს უმაღლესი დონის ჩემპიონატში.გვაიმედებს ერთი გარემოება: რონალდინიოს არასოდეს უთამაშია ფულისათვის. მისთვის ფეხბურთი ბედნიერების წყარო იყო, ეს იყო საშუალება, სიამოვნება მიენიჭებინა მილიონობით გულშემატკივრისათვის. ახლაც ასე უნდა იყოს, გაუჩომ ჭეშმარიტი გზიდან არ უნდა გადაუხვიოს.როგორც ჩანს, რონალდინიოს უნდა, რომ ფეხბურთს ნაღდ პროფესიონალად დაუბრუნდეს. რა თქმა უნდა, დიდი ალბათობით, ის ვერ მიაღწევს ძველებურ სიმაღლეებს, მაგრამ თვით მისი სრულფასოვანი დაბრუნებაც კი უმნიშვნელოვანესი მოვლენა იქნება მსოფლიო ფეხბურთისათვის.რონალდინიოს სხვადასხვა დროს მოუგია ბევრი გუნდური და ინდივიდუალური ტიტული. მათ შორის, უმაღლესი ჯილდოებიც, მაგრამ ყველაზე დიდი აღიარება ბრაზილიელისათვის ყოველთვის იყო, არის და იქნება ხალხის დიდზე დიდი სიყვარული."მე არასოდეს მითამაშია ფეხბურთი ფულისათვის. მე ფეხბურთს ჩემი სიამოვნებისათვის, ხალხის ტაშისათვის ვთამაშობდი და ვთამაშობ. მინდა, რომ სანამ შემიძლია, ადამიანებს ბედნიერება მოვუტანო საკუთარი გარჯით.დღეს ხშირად საუბრობენ, რომ ფეხბურთი დიდი ბიზნესი ხდება. სიმართლე გითხრათ, ეს ძალიან მწყინს. მინდა, დავრჩე უბრალო ადამიანად და ხალხს სიხარული მოვუტანო. ეს არის ჩემთვის ყველაზე დიდი ჯილდო, ყველაზე დიდი აღიარება.ფეხბურთმა მე ყველაფერი მომცა და მეც ვალდებული ვარ, რომ მას ვალი ბოლომდე დავუბრუნო. მიმაჩნია, რომ სპორტის ამ სახეობას სჭირდება მეტი პოზიტივი. საერთოდ, მე ფეხბურთს ვუყურებ არა როგორც მხოლოდ სპორტის სახეობას, არამედ როგორც მოვლენას, რომელიც მილიონობით ადამიანს აერთიანებს", - არცთუ დიდი ხნის წინათ თქვა ჩვენი წერილის გმირმა.ჩვენ განსაკუთრებულად ველით გაუჩოს დაბრუნებას დიდ ფეხბურთში. ნაღდ, ევროპულ დაბრუნებას. ჩვენ გვინდა, რომ ის ძალიან ხშირად ვნახოთ. თუნდაც - რამდენჯერმე კვირაში. ფეხბურთს ის სჭირდება. ფეხბურთმა ძველი, ალალი ღიმილი უნდა დაიბრუნოს.ყოველდღიური სპორტული გაზეთი "ლელო"

chicharito

მართლა კარგი იქნება თუ დაბრუნდება

გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?

"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა

[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

მესი: ამ ორმა ადამიანმა "ბარსელონაში" ჩემზე დიდი გავლენა მოახდინა

"ამ ორი ბრაზილიელი ფეხბურთელის დიდი ფანი ვარ" - კვარაცხელია "ფლამენგოსთან" მატჩის წინ

"ის ჩემთვის მსოფლიოში საუკეთესოა" - რონალდინიო

"მან ჩემზე უფრო დიდი შთაბეჭდილება მოახდინა, ვიდრე მესიმ და რონალდომ" - ვენსან კომპანი

რონალდინიო 44 წლის ასაკში ბაბუა გახდება

რონალდინიოს ურთიერთობა 72 წლის მსახიობთან აქვს და აბაზანაში შიშველს ფოტო მან გადაუღო? - ქალბატონმა გრასიელამ ამ ჭორებს პასუხი გასცა [PHOTO]