<p><br> <p>გერმანიის გრან-პრი ვალენტინო როსის დაბრუნებით იყო გამორჩეული.გერმანიის გრან-პრი ვალენტინო როსის დაბრუნებით იყო გამორჩეული. იტალიური ეტაპის დროს მიღებული ტრავმის შემდეგ არავის ეგონა, თუ მსოფლიოს მოქმედი ჩემპიონი ასე მალე დადგებოდა ფეხზე. მაგრამ ექიმებმა სასწაული მოახდინეს და ვალენტინო ნაოპერაციები ფეხით ტრასაზე გაუშვეს. რბოლის წინ როსი მოკრძალებულად აფასებდა თავის შესაძლებლობებს და აცხადებდა, რომ მისი პოდიუმზე ასვლა თითქმის გამორიცხული იყო. იტალიელმა გამოიცნო, თუმცა ისიც უნდა აღინიშნოს, რომ მას სულ ცოტა დააკლდა მესამე ადგილზე გასასვლელად.</p><p>გუშინდელი რბოლა ორ ნაწილად გაიყო - მეცხრე წრეზე ტრასაზე წითელი დროშები გამოფინეს. ამაში ფრანგი რენდი დე პუნიე იყო დამნაშავე, რომელიც ერთ-ერთ მოსახვევში შეცდა, შემდეგ კი მის მოტოციკლს ესპარგარო და ბაუტისტა დაეჯახნენ. სამწუხაროდ, საერთო ჩართვის საუკეთესო ექვსეულში შემავალი ფრანგი საკაცით წაიყვანეს. მოგვიანებით გაირკვა, რომ მას ფეხი რამდენიმე ადგილას ჰქონდა მოტეხილი.</p><p>ამ მომენტისთვის ლიდერი ხორხე ლორენსო იყო. დისტანციის პირველ მეტრებზე მან პირველი ადგილი დანი პედროსას დაუთმო, რომელსაც კვლავ ბრწყინვალე სტარტი გამოუვიდა, მაგრამ ჩემპიონატის ლიდერმა პირველივე წრეზე დაიბრუნა ლიდერობა. დაწინაურებულები ერთმანეთს არ შორდებოდნენ, მალე მათ დოვიციოზო და სტოუნერი შეუერთდნენ. ასე გაგრძელდა რამდენიმე წრე, მაგრამ შემდეგ დოვიციოზომ ტემპი დაკარგა. თავიდან სტოუნერი გაუშვა წინ, შემდეგ კი მას ვალენტინო როსიც წამოეწია, რომელმაც სტარტის შემდეგ ერთი პოზიცია დაკარგა. როცა ვალენტინო მაქსიმალურად მიუხლოვდა დოვიციოზოს და შეტევისთვის მოემზადა, სწორედ ამ დროს დაეცა დე პუნიე და რბოლა შეჩერდა.</p><p>იყო კიდევ ორი რბოლელი, რომელთა აღნიშვნა შეიძლება რბოლის პირველ ნაწილში. ბარბერას ძალიან წარმატებული სტარტი ჰქონდა - მეექვსედან მესამე პოზიციაზე გადავიდა, თუმცა მაღალი ტემპის შენარჩუნება ვერ შეძლო და მოგვიანებით რამდენიმე პილოტი გაატარა. ნიკი ჰეიდენმა კი პელოტონის ბოლოდან მეექვსე პოზიციამდე გაიკვლია გზა.</p><p>ხელმეორე სტარტი ისევ პედროსამ მოიგო და ამჯერადაც მისმა ლიდერობამ ერთი წრეც ვერ გასტანა - ლორენსომ ისევ იყოჩაღა. რესტარტისას დოვიციოზომ სტოუნერს გაუსწრო, მაგრამ კვლავ შეანელა ტემპი, რასაც სტოუნერისა და როსის გასწრება მოყვა. ვალენტინო კეისის გამოეკიდა, ამ მომენტში კი მისმა თანაგუნდელმა ლორენსომ პირველი ადგილისთვის ბრძოლა წააგო პედროსასთან. დანიელი დიდი ხანი უტევდა ლიდერს და ბოლოს მისმა მონდომებამ შედეგი გამოიღო.</p><p>მესამე ადგილისთვის ბრძოლა ბოლო წრის ბოლო მოსახვევამდე მიდიოდა. სტოუნერი და როსი მუდმივად იცვლიდნენ პოზიციებს, ფინალური შეტევა ავსტრალიელს გამოუვიდა. საერთოდ, ამ დუელში ორივე პილოტმა გაიმარჯვა - სტოუნერმა პოდიუმზე დაკავებული ადგილით გაიხარა, როსიმ რთული დაბრუნების შემდეგ მაღალი ადგილით.</p><p><strong>გერმანიის გრან-პრი</strong></p><p>1. დანიელ პედროსა (ესპ, "ჰონდა") - 28.50,476; 2. ხორხე ლორენსო (ესპ, "იამაჰა") - +3,355; 3. კეისი სტოუნერი (ავსტრა, "დუკატი") - +5,257; 4. ვალენტინო როსი (იტა, "იამაჰა") - +5,623; 5. ანდრეა დოვიციოზო (იტა, "ჰონდა") - +17,158; 6. მარკო სიმონჩელი (იტა, "ჰონდა") - +17,757...</p><p>საერთო ჩათვლა</p><p>1. ხორხე ლორენსო (ესპ, "იამაჰა") - 185 ქულა; 2. დანიელ პედროსა (ესპ, "ჰონდა") - 138; 3. ანდრეა დოვიციოზო (იტა, "ჰონდა") - 102; 4. კეისი სტოუნერი (ავსტრა, "დუკატი") - 83; 5. ნიკი ჰეიდენი (აშშ, "დუკატი") - 78; 6. ვალენტინო როსი (იტა, "იამაჰა") - 74...</p></p>
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა