<p>"დორტმუნდმა" იმარჯვა, "ჰერტამ" კი წააგო <br> <strong>* დორტმუნდის "ბორუსიას" საშინაო მატჩმა ამ სეზონში პირველად ჩაიარა ობამეიანგის გოლის გარეშე (გაბონელს არც უთამაშია).</p><p>* "შტუტგარტმა" ზედიზედ მეხუთე შეხვედრა მოიგო და 7-მატჩიანი წაუგებელი სერია აქვს.</p><p>* "ბაიერნს" ჰოლგერ ბადშტუბერიც დაუშავდა და დაცვაში კადრების მხრივ უკვე საგანგაშო მდგომარეობა აქვს.</strong></p><p>მიუნხენის "ბაიერნს" დაცვაში სერიოზული საკადრო პრობლემები რომ აქვს, ამის შესახებ გეცოდინებათ. ახლა კი ისედაც პრობლემურ მდგომარეობას კიდევ ერთი კოშმარი დაემატა:</p><p>"აუგსბურგთან" მატჩის წინ, ერთ-ერთ ვარჯიშზე ჰოლგერ ბადშტუბერიც დაშავდა, თან საკმაოდ სერიოზულად. თუ იმას გავითვალისწინებთ, რომ ჟერომ ბოატენგიც ლაზარეთშია (ამ სეზონში, სავარაუდოდ, ვეღარც ითამაშებს) და ხავი მარტინესიც, რომელსაც პეპ გვარდიოლა ხშირად სწორედ დაცვაში იყენებს ხოლმე, "ბაიერნის" დაცვის ხაზის პრობლემას უკვე სავალალო ეთქმის. არადა, წინ, ჩემპიონთა ლიგაში, "იუვენტუსთან" უმნიშვნელოვანესი დუელებია.</p><p>კიდევ კარგი, რომ მოსკოვის "სპარტაკიდან" სახელდახელოდ გადაბირებული სერდარ ტასკი გამოჯანმრთელდა, თორემ "ბაიერნს" არც ერთი ნომინალური ცენტრალური მცველი აღარ ეყოლებოდა. აქვე ისიც უნდა ვთქვათ, რომ იდეაში, ახალგაზრდა და გამოუცდელი ჯოშუა კიმიხი საყრდენი ნახევარმცველი უფროა, თუმცა ბოლოდროინდელი პრობლემების გამო გვარდიოლა მასაც დაცვაში ათამაშებს.</p><p>ზემოთ ტასკი ვახსენეთ და ბარემ ისიც დავამატოთ, რომ ეს 28 წლის მცველი ციდან ვარსკვლავებს ვერ მოწყვეტს. რა ალტერნატივა რჩება გვარდიოლას? ისევ კიმიხი, ტასკი, მეჰდი ბენატია (ახლახან მომჯობინდა), ანაც ჩაბი ალონსო, რომელსაც, უკიდურეს შემთხვევაში, ასევე შეუძლია დაცვაში თამაში. აქედან ყველაზე ხეირიანი მცველი ბენატიაა, თუმცა 28 წლის მაროკოელს დეკემბრის მერე აღარ უთამაშია.</p><p>გუშინ, "აუგსბურგთან" შეხვედრაში გვარდიოლამ გუნდი 4 მცველით ათამაშა, ცენტრალური მცველები კი კიმიხი და ალაბა იყვნენ - ორივე ტანდაბალია და არც ერთი არ არის ნომინალური ცენტრალური მცველი. თუმცა "აუგსბურგისთვის" ესეც საკმარისი აღმოჩნდა - მიუნხენელებმა დამაჯერებლად, 3:1 მოიგეს და "დორტმუნდთან" 8-ქულიანი უპირატესობა შეინარჩუნეს.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=6959" target="_blank"><img src="pictures/artimages/image16/284e40fdb89db50ed3bb927ba4442424.jpg" border="0" alt="Sportall.Ge" title="ბუნდესლიგა. XXI ტური: "ბაიერნი" მცველების გარეშეც იგებს! [VIDEO]" /></a></p><p></strong></span></span></div></p></p><p><p><div style="text-align: center;"><strong><span style="color: #ff0000;">"დორტმუნდს" მხითარიანმა მოაგებინა!</span></strong></div></p> ვერ ვიტყვით, რომ დორტმუნდის "ბორუსიას" თავისი თამაშის მოგება გაუჭირდა, მაგრამ ფაქტია, რომ დორტმუნდელმა გულშემატკივრებმა უსუსურ "ჰანოვერთან" საშინაო მატჩში ძალიან დიდხანს, თითქმის 1 საათი ინერვიულეს.</p><p>პიერ-ემერიკ ობამეიანგის არყოფნაში, თომას ტუხელმა ცენტრფორვარდის პოზიციაზე მარკო როისი გაამწესა და ამ უკანასკნელსაც რამდენიმე რეალური საგოლე მომენტი ჰქონდა, მაგრამ ხან ჰანოვერელთა მეკარე ცილერი თამაშობდა კარგად, ხანაც როისის დარტყმულს ძელი ისხლიტავდა. გამარჯვების გოლი კი "ბორუსიას" სომეხი ათიანის, ჰენრიხ მხითარიანის ანგარიშზეა - თანაც, ამ უკანასკნელს ძალიან ლამაზი და ჭკვიანური გოლი გამოუვიდა.</p><p>მხითარიანმა კონტრშეტევაზე, მოედნის ცენტრიდან წაიღო ბურთი, მარცხნივ შმელცერი გაეხსნა, სომეხმაც სწორედ მას გახედა და ამ დროს "ჰანოვერის" ორმა მცველმა გადაიტანა ყურადღება შმელცერზე, მაგრამ მხითარიანი მისთვის პასის მიცემას არც აპირებდა, მარჯვნივ შეიწია და თავისუფლად დაარტყა 18 მეტრიდან - ეს მისი მე-8 გოლია ამ სეზონში. საინტერესო ფაქტი: "დორტმუნდმა" ბუნდესლიგის მიმდინარე სეზონში 53-ე ბურთი გაიტანა და ეს იყო საჯარიმოს გარედან გატანილი პირველი გოლი!</p><p>საბოლოოდ - 1:0, მაგრამ ეს გამარჯვება აბსოლუტურად დამსახურებულია, რადგან დორტმუნდელები უდიდეს უპირატესობას ფლობდნენ. თუმცა თომას შააფის გუნდის სასახელოდ უნდა ითქვას, რომ მათ მედგრად იბრძოლეს და არც ის უნდა დაგვავიწყდეს, რომ "ჰანოვერს" შულცი, ალმეიდა და სალაი, სამი წამყვანი ფეხბურთელი აკლდა. დორტმუნდელებს კი, რაკი ობამეიანგი არ ჰყავდათ, "ბორუსიას" საშინაო მატჩმა ამ სეზონში პირველად ჩაიარა გაბონელის გოლის გარეშე - მანამდე, 10 საშინაო შეხვედრაში ობამეიანგს, მინიმუმ, ერთი ბურთი მაინც გაჰქონდა.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/mtavari/video.html?view=video&video=6942" target="_blank" style="font-size: x-small; line-height: 15.808px; text-align: center;"><img src="pictures/artimages/image16/fc5c6b0d692404a946c375fd7a3322d9.jpg" border="0" alt="Sportall.Ge" title="ბუნდესლიგა. XXI ტური: "დორტმუნდი" სომხური გასროლით იგებს [VIDEO]" /></a></div></p></p><p><p><div style="text-align: center;"><strong><span style="color: #ff0000;">ეს ის "შტუტგარტი" აღარ არის...</span></strong></div></p> დიახ, ეს ის "შტუტგარტი" აღარ არის, პირველ წრეში ძალიან საცოდავად რომ გამოიყურებოდა და ყველა მეორე ბუნდესლიგაში დაქვეითებას რომ უწინასწარმეტყველებდა. მეორე წრე შვაბებმა გადასარევად დაიწყეს და აი, გასულ შაბათს უკვე ზედიზედ მეხუთე შეხვედრა მოიგეს - თანაც, ამჯერად ამ ტურამდე მესამე ადგილზე მყოფი "ჰერტა" დაამარცხეს. საერთო ჯამში კი, "შტუტგარტს" იურგენ კრამნის ხელში უკვე 7-მატჩიანი წაუგებელი სერია აქვს - ბრავო, 44 წლის სპეციალისტს!</p><p>განსაკუთრებით ლამაზი გამოდგა საყრდენი ნახევარმცველის, სერე დიეს გოლი, რომელმაც 15 მეტრიდან უძლიერესი დარტყმით გახსნა ანგარიში. აღსანიშნავია, რომ ბერლინელებს თავიანთი ტოპ-გოლეადორი სალომონ კალუ (10 გოლი ამ სეზონში) აკლდათ, თუმცა არც "შტუტგარტს" ჰყავდა თავისი ლიდერი დანიელ დიდავი (9 გოლი). ამრიგად, ბერლინელთა 6-მატჩიანი წაუგებელი სერია შეწყდა და ბარემ ისიც ვთქვათ, რომ "ჰერტას" 2016 წელს ჯერ არც ერთი შეხვედრა არ მოუგია.</p><p>ამიტომაც აღიარა ბერლინელთა თავკაცმა პალ დარდაიმ: "შტუტგარტმა" დღეს ჩვენზე უკეთ ითამაშა და დამსახურებულად მოგვიგო".</p><p>"ჰერტას" მორიგი წაფორხილებით "ლევერკუზენმა" ისარგებლა - "ფარმაცევტებმა" "დარშმადტთან" თამაში მეორე ტაიმში შეატრიალეს და, მართალია, ბერლინელებს ქულებით ვერ გაასწრეს, მაგრამ ბურთების უკეთესი შეფარდების გამო სჯობნიან - ამიტომაც ახლა მესამე ადგილზე სწორედ ”ლევერკუზენია”. "შალკემ" კი მესამე ადგილზე აღზევების ბრწყინვალე შანსი გაუშვა ხელიდან - პარასკევს გელზენკირხენელები მაინცში დამარცხდნენ - 1:2.</p><p><strong><span style="color: #3366ff;">XXI ტური</p><p></span></strong><span style="text-decoration: underline;">12 თებერვალი</p><p></span><strong><em>მაინცი-შალკე 2:1</p><p></em></strong>გოლები: 1:0 ბუსმანი (33), 1:1 ბელჰანდა (46), 2:1 ბაუმგარტლინგერი (79)</p><p>მაინცი (4-2-3-1): კარიუსი - დონატი, ბალოგუნი, ბელი, ბუსმანი - ბაუმგარტლინგერი, ლატცა - კლემენსი, მალი (88. ფ. ფრაი), ჟაირო (83. დე ბლასისი) - კორდობა (94. ბუნგერტი).</p><p>შალკე (4-2-3-1): ფერმანი - ჟუნიორ კაისარა (66. რიტერი), ჯ. მატიპი, ნოიშტედტერი, კოლაშინაცი - გაისი (80. შიოპფი), გორეტცკა - ლ. სანე (84. დი სანტო), მ. მაიერი, ბელჰანდა - ჰუნტელაარი.</p><p>გაფრთხილება: ლატცა, დონატი, ბალოგუნი - ჟუნიორ კაისარა</p><p>კუთხური: 5-7; ჯარიმა: 7-17; თამაშგარე: 1-5; კარში დარტყმა: 11(4)-14(3); ბურთის ფლობა: 42%-58%.</p><p>მაყურებელი: 32 107</p><p><span style="text-decoration: underline;">13 თებერვალი</p><p></span><strong><em>დორტმუნდი-ჰანოვერი 1:0</p><p></em></strong>გოლი: 1:0 მხითარიანი (57)</p><p>დორტმუნდი (4-1-4-1): ბიურკი - პიშჩეკი, სუბოტიჩი, ჰუმელსი, შმელცერი - გინტერი (75. ვაიგლი) - მხითარიანი (75. დურმი), გიუნდოგანი, კაგავა, კასტრო (64. პულიშიჩი) - როისი.</p><p>ჰანოვერი (4-1-4-1): ცილერი - ჰ. საკაი, გიულზელამი, მილოშევიჩი, ალბორნოსი - ჰოფმანი - ქარამანი, ს. სანე, პრიბი (72. სენ-მაქსიმი), ბეხი - ა. ზობიეხი.</p><p>გაფრთხილება: კაგავა - პრიბი</p><p>კუთხური: 10-3; ჯარიმა: 13-9; თამაშგარე: 6-4; კარში დარტყმა: 14(7)-4(1); ბურთის ფლობა: 71%-29%.</p><p>მაყურებელი: 80 900</p><p><strong><em>ვოლფსბურგი-ინგოლშტადტი 2:0</p><p></em></strong>გოლები: 1:0 დრაქსლერი (29), 2:0 კნოხე (39)</p><p>ვოლფსბურგი (4-2-3-1): კასტეელსი - ს. იუნგი, ნალდო, კნოხე, მ. შეფერი - ტრეში (76. არნოლდი), ლუის გუსტავო - ვიეირინია (69. შიურლე), დრაქსლერი (89. პუტარო), დ. კალიჯური - კრუზე.</p><p>ინგოლშტადტი (4-1-2-2-1): იოზჩანი - და კოშტა, მ. მატიპი, ბ. ჰიუბნერი, ბაუერი - როჯერი - პ. გროსი, კრისტიანსენი (46. კოენი) - ჰარტმანი (81. მორალესი), ლეკიე (22. მულტჰაუპი) - ლესკანო.</p><p>გაფრთხილება: 0-0; კუთხური: 6-7; ჯარიმა: 19-17; თამაშგარე: 3-2; კარში დარტყმა: 8(5)-11(2); ბურთის ფლობა: 50%-50%.</p><p>მაყურებელი: 26 884</p><p><strong><em>შტუტგარტი-ჰერტა 2:0</p><p></em></strong>გოლები: 1:0 სერე დიე (51), 2:0 კოსტიჩი (84)</p><p>შტუტგარტი (4-1-4-1): ტიტონი - გროსკროიტცი, შვააბი, ნიდერმაიერი, ინსუა - სერე დიე (86. კლაინი) - რუპი, მაქსიმი (79. ჰარნიკი), გენტნერი, კოსტიჩი - ვერნერი (72. კრავეცი).</p><p>ჰერტა (4-2-3-1): იარშტაინი - პეკარიკი, ს. ლანგკამპი, ბრუკსი, პლატენჰარდტი - სკიელბრედი, ლუსტენბერგერი (60. შიბერი) - ჰარაგუჩი, დარიდა, ჩიგერჩი (72. ვან დერ ბერგი) - იბიშევიჩი.</p><p>გაფრთხილება: ინსუა, მაქსიმი, გროსკროიტცი - სკიელბრედი, ბრუკსი, ჰარაგუჩი</p><p>კუთხური: 10-1; ჯარიმა: 12-12; თამაშგარე: 2-7; კარში დარტყმა: 15(6)-7(3); ბურთის ფლობა: 49%-51%.</p><p>მაყურებელი: 45 465</p><p><strong><em>ვერდერი-ჰოფენჰაიმი 1:1</p><p></em></strong>გოლები: 0:1 კრამარიჩი (10), 1:1 ჯილობოჯი (13)</p><p>ვერდერი (4-2-2-2): ვიდვალდი - გებრე სელასიე, გალვესი (46. იოზთუნალი), ჯილობოჯი, ს. გარსია - ვესტერგაარდი, ფრიტცი - გრილიჩი, ბარტელსი (73. იუნუზოვიჩი) - პისარო, უჯა.</p><p>ჰოფენჰაიმი (3-5-2): ბაუმანი - ბიჩაქჩიჩი, შერი, ზიულე - ფოლანდი, რუდი (66. ჰამადი), შტრობლი, ამირი (81. პოლანსკი), ოხსი (73. შმიდი) - ვარგასი, კრამარიჩი.</p><p>გაძევება: კრამარიჩი (77. ჰოფენჰაიმი)</p><p>გაფრთხილება: ს. გარსია - ფოლანდი, შმიდი, ვარგასი</p><p>კუთხური: 6-2; ჯარიმა: 13-19; თამაშგარე: 6-2; კარში დარტყმა: 17(10)-11(4); ბურთის ფლობა: 49%-51%.</p><p>მაყურებელი: 38 454</p><p><strong><em>დარმშტადტი-ლევერკუზენი 1:2</p><p></em></strong>გოლები: 1:0 ვაგნერი (28), 1:1 სულუ (62-საკ. კარში), 1:2 ბრანდტი (77)</p><p>დარმშტადტი (4-2-3-1): მათენია - იუნგვირთი, სულუ, რაიკოვიჩი, კალდიროლა - ნიმაიერი, გონდორფი (80. პლატე) - ჰელერი, როზენტალი (69. ვრანჩიჩი), კემპე (87. რაუში) - ვაგნერი.</p><p>ლევერკუზენი (4-2-3-1): ლენო - იედვაი, თაა, თოფრაქი, ვენდელი - ფ. ფრაი (57. ჩალჰანოღლუ), კამპლი - ბელარაბი (80. პაპადოპულოსი), ბრანდტი (80. რამალიო), მეჰმედი - კისლინგი.</p><p>გაფრთხილება: გონდორფი, როზენტალი, სულუ, ჰელერი, ნიმაიერი, რაუში - ვენდელი, რამალიო, ჩალჰანოღლუ</p><p>კუთხური: 3-6; ჯარიმა: 20-16; თამაშგარე: 2-3; კარში დარტყმა: 12(6)-14(3); ბურთის ფლობა: 38%-62%.</p><p>მაყურებელი: 16 800</p><p><strong><em>კიოლნი-აინტრახტი 3:1</p><p></em></strong>გოლები: 0:1 ალექს მაიერი (24), 1:1 გერჰარდტი (29), 2:1 ჰაინტცი (57), 3:1 მოდესტე (72)</p><p>კიოლნი (3-4-3): ჰორნი - მარო, მავრაი, ჰაინტცი - გერჰარდტი, რისსე, მლადენოვიჩი (77. ფოგტი), ჰექტორი - ცოლერი (13. მ. ლემანი), მოდესტე, ბიტენკური (82. სიორენსენი).</p><p>აინტრახტი (4-1-4-1): ჰრადეცკი - რეგეზელი, რუსი, აბრაამი, ოჩიპკა - ჰასებე (60. სეფეროვიჩი) - აიგნერი, შტენდერა, ფაბიანი (73. ბენ-ჰატირა), ჰუსტი - ალექს მაიერი.</p><p>გაფრთხილება: რისსე, მოდესტე - ფაბიანი, რეგეზელი, ჰასებე, შტენდერა, რუსი, ოჩიპკა</p><p>კუთხური: 4-8; ჯარიმა: 16-18; თამაშგარე: 4-2; კარში დარტყმა: 11(7)-14(4); ბურთის ფლობა: 44%-56%.</p><p>მაყურებელი: 49 200</p><p><span style="text-decoration: underline;">14 თებერვალი</p><p></span><strong><em>ჰამბურგი-გლადბახი 3:2</p><p></em></strong>გოლები: 0:1 ფ. ჯონსონი (14), 1:1 ჰინტერეგერი (38-საკ. კარში), 2:1 რუდნევსი (41), 3:1 ილიჩევიჩი (80), 3:2 რაფაელი (88)</p><p>ჰამბურგი (4-2-3-1): ადლერი - გ. საკაი, კლებერი, სპაჰიჩი, ოსტრჟოლეკი - იუნგი, ჰოლტბი - ნ. მიულერი (66. ილიჩევიჩი), ჰანტი (90. კაჩარი), დრმიჩი - რუდნევსი (79. დიკმაიერი).</p><p>გლადბახი (4-2-3-1): ზომერი - ნორდტვეიტი, ა. კრისტენსენი, ჰინტერეგერი (88. ჰრგოტა), ვენდტი - ჯაკა, დაჰუდი (57. ტრაორე) - აზარი (82. ჰოფმანი), ფ. ჯონსონი, შტინდლი - რაფაელი.</p><p>გაფრთხილება: კლებერი, დრმიჩი, იუნგი - ნორდტვეიტი</p><p>კუთხური: 3-6; ჯარიმა: 15-9; თამაშგარე: 3-4; კარში დარტყმა: 17(9)-10(4); ბურთის ფლობა: 42%-58%.</p><p>მაყურებელი: 56 706</p><p><strong><em>აუგსბურგი-ბაიერნი 1:3</p><p></em></strong>გოლები: 0:1 ლევანდოვსკი (15), 0:2 ლევანდოვსკი (62), 0:3 თ. მიულერი (78), 1:3 ბობადილია (86)</p><p>აუგსბურგი (4-2-3-1): ჰიტცი - ვერჰეგი, ჰონგი (71. იანკერი), კლავანი, მაქსი - კორი, გუველეუვი - კოო (55. ესვაინი), ტროხოვსკი (55. მორავეკი), კაიუბი - ბობადილია.</p><p>ბაიერნი (4-1-2-3): ნოიერი - ლამი (82. როდე), კიმიხი, ალაბა, ბერნატი - ვიდალი (57. რაფინია) - თ. მიულერი, ტიაგო ალკანტარა - რობენი, ლევანდოვსკი, დუგლას კოშტა (82. კომანი).</p><p>გაფრთხილება: თ. მიულერი</p><p>კუთხური: 2-5; ჯარიმა: 11-9; თამაშგარე: 1-0; კარში დარტყმა: 7(2)-24(10); ბურთის ფლობა: 31%-69%.</p><p>მაყურებელი: 30 660</p><p><strong>ბომბარდირები</strong>: 21 - რობერტ ლევანდოვსკი (ბაიერნი); 20 - პიერ-ემერიკ ობამეიანგი (დორტმუნდი); 15 - თომას მიულერი (ბაიერნი); 13 - ჩიჩარიტო (ლევერკუზენი); 12 - ალექსანდერ მაიერი (აინტრახტი).</p><p><strong><span style="color: #ff0000;">მომდევნო ტური</p><p></span></strong><span style="text-decoration: underline;">19 თებერვალი:</p><p></span>აინტრახტი-ჰამბურგი</p><p><span style="text-decoration: underline;">20 თებერვალი:</p><p></span>ბაიერნი-დარმშტადტი, გლადბახი-კიოლნი, ჰერტა-ვოლფსბურგი, ჰოფენჰაიმი-მაინცი, ინგოლშტადტი-ვერდერი</p><p><span style="text-decoration: underline;">21 თებერვალი:</p><p></span>ლევერკუზენი-დორტმუნდი, შალკე-შტუტგარტი, ჰანოვერი-აუგსბურგი.</p><p><strong>ყოველდღიური სპორტული გაზეთი "ლელო"</strong></p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
[PHOTO] არდა გიულერის ემოციები ესპანეთთან განადგურების შემდეგ
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ჩემპიონთა ლიგა. 1/8 ფინალი: "მანჩესტერ სიტიმ" "შალკე" და გერმანია შეარცხვინა VIDEO]
"ვინც მე მენდო, ტიტულებით დაამთავრა" - ტენ ჰაგი "ლევერკუზენიდან" გათავისუფლებას გამოეხმაურა
"ტოტენჰემი" 50 მილიონ ევროდ "ვოლფსბურგის" მცველს იმატებს
ჩემპიონთა ლიგა. 1/8-ფინალი: "რეალმა" "ატლეტიკოს" მოუგო - "არსენალმა" და "ასტონ ვილამ" მეოთხედფინალისკენ დიდი ნაბიჯი გადადგეს [VIDEO]
ნური შაჰინი გადაყენების ზღვარზე - "დორტმუნდს" "მანჩესტერის" ყოფილი მწვრთნელი ჩაიბარებს?
"ლევერკუზენმა" ბომბა შეიძინა
"ბაიერნმა" კაცნაკლული "ვერდერი" სახლში დაამარცხა [VIDEO]
მილოტ რაშიცა: გაზაფხულზე კოსოვოელები ისტორიას შევქმნით
"ბაიერნი" "დორტმუნდს" 4 ქულით გაექცა და თითქმის ჩემპიონია [VIDEO]
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
"გეი ნაგავს ხელს არ მოვაწერ... კევინ, მოკეტე!" - "ვოლფსბურგის" ფანები თავის ფეხბურთელს LGBTQ თემის საწინააღმდეგო განცხადების გამო დაუპირისპირდნენ
"ბაიერნი" თასის ფინალში გავიდა, მაგრამ თავისი გულშემატკივრების ნერვებზე თამაშობს [VIDEO]
[VIDEO] მუსიალას საშინელი ტრავმა და დონარუმას ცრემლები
ზივზივაძის "ჰაიდენჰაიმს" ახალი მეკარე ჰყავს
"რეალმა" "დორტმუნდს" სძლია და ნახევარფინალში პსჟ-ს შეხვდება
ჩემპიონთა ლიგა. VII ტური: "ბარსელონას" ფანტასტიკური ქამბექი ლისაბონში - "ლივერპულმა" ისევ მოიგო [VIDEO]
ჩემპიონთა ლიგა. 1/8-ფინალი: "დორტმუნდმა" "ლილის" ბარიერი გადალახა
პოსტეკოღლუმ შესაძლოა, "ლევერკუზენში" ტენ ჰაგი შეცვალოს
უარი "შტუტგარტის" მოთხოვნებზე - "რეალი" შტილერს აღარ შეიძენს
"შალკემ" "ბარსელონას" მცველი ორწლიანი იჯარით აიყვანა
ჩემპიონთა ლიგაზე წყვილები გაირკვა - პსჟ პირველ მატჩს სახლში ჩაატარებს
"ჯერ არაფერი დასრულებულა" - ალონსო "ბაიერნთან" მატჩის შემდეგ
ოფიციალურად: იურგენ კლინსმანი ბუნდესლიგას დაუბრუნდა
სუპერუიღბლო ბუნდესლიგიდან - "ვერდერის" მცველს არ გაუმართლა [VIDEO]
პსჟ-მა "შტუტგარტი" გაანადგურა - ხვიჩა პლეი-ოფში ითამაშებს
პსჟ გერმანიის ნაკრების მცველის შეძენას აპირებს
"მანჩესტერ სიტისთან" დამარცხების შემდეგ "შალკეს" მწვრთნელი გადააყენეს
სამაგალითო სოლიდარობა: "ჰერტას" ახალგაზრდულმა გუნმა თამაში რასიზმის გამო შეწყვიტა
ბუნდესლიგა. XXXIII ტურის წინ: საჩემპიონო ინტრიგას თუ გამოვიგონებთ...
ზივზივაძის "ჰაიდენჰაიმმა" ბუნდესლიგა სახლში მარცხით დაიწყო
მისი აგენტი "ბარსელონას" თავად დაუკავშირდა - ნიკო უილიამსი "ბლაუგრანას" უახლოვდება
"ტოტენჰემმა" 50 მილიონი ევროს სანაცვლოდ მცველი შეიძინა
"ჰერტა" სუპერკლუბობას ლამობს - ჯაკას, გიოტცეს და დრაქსლერის შეძენას შეეცდება
ბუნდესლიგა. XXXI ტურის წინ: სასწორზე ბევრია - დერბი და ჩემპიონობა!
"არსენალს" სანეს უფასოდ დამატება სურს
Kicker: ნიკო კოვაჩი მომავალი სეზონიდან კვლავ ბუნდესლიგაში იმუშავებს
"ბაიერნის" მოულოდნელი მარცხი და შანსი "დორტმუნდს"
ბუნდესლიგა. XXX ტურის წინ: ვისი მუსიკა დაუკრავს მიუნხენში?
"ნიუკასლის" ახალი რეკორდი - "კაჭკაჭებმა" ვოლტემადე შეიძინეს
ბუდუმ ტრავმა მიიღო - "ჰაიდენჰაიმმა" ისევ გაიმარჯვა
ალფონსო დევისი "რეალში" აღარ გადავა
მორიგი შეცვლილი გადაწყვეტილება - დიდი ალბათობით, ტუხელი "ბაიერნს" აღარ დატოვებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"რა განსხვავებაა ბუნდესლიგასა და პრემიერლიგას შორის?" - ვირცმა ჩემპიონატები ერთმანეთს შეადარა
ორკაცნაკლული "დორტმუნდი" რურულ დერბიში დამარცხდა [VIDEO]
"ჰერტამ" ჯაკას სანაცვლოდ "არსენალს" კარგი თანხა შესთავაზა, ლონდონელები 5 მილიონით მეტს ითხოვენ
კშიშტოპ პიონტეკი "ჰერტაში" გადადის - ის უკვე ბერლინშია
ახლაც რონალდო იყო პრობლემა? - "ლევერკუზენმა" ტენ ჰაგი 2 ტურის შემდეგ დაითხოვა