<p><p>ბრიტანული გუნდის ძირითადი პილოტი ლუის ჰემილტონი გულშემატკივრებს ისევ აგრესიულ სტილს ჰპირდება</p> <br> <p>"მაკლარენმა" ფავორიტთაგან ყველაზე ბოლოს წარადგინა 2011 წლის სეზონისთვის განკუთვნილი ბოლიდი. ბრიტანულმა საჯინიბომ პრეზენტაციისთვის მეტად ორიგინალური ხერხი აირჩია. ონლაინ პრეზენტაცია ვიდეორგოლით დაიწყო - რამდენიმე "რიგითი ბერლინელი" შოუს ადგილისკენ მეტროთი, საკუთარი ავტომობილებით ან ფეხით მიემართებოდნენ და თან "მაკლარენის" ბოლიდის ესა თუ ის დეტალი მიჰქონდათ: საჭე, სავარძელი, საბურავი ან აეროდინამიკური დეტალი.</p><p>შემდეგ კამერამ აჩვენა ბერლინის მოედანი, სადაც ხალხმრავალი პუბლიკა იყო შეკრებილი. ამ დროს მექანიკოსებმა ნახევრად დაშლილი მანქანა გამოაგორეს. ვიდეორგოლის გმირებმა ბოლიდთან მიიტანეს დეტალები და მაყურებლის თვალწინ აიწყო და დასრულებული სახე მიიღო MP4-26-მა. სამუშაო დასასრულისკენ მიდიოდა, როცა მოედანზე გამოჩნდნენ "მაკლარენის" ძირითადი პილოტები - ლუის ჰემილტონი და ჯენსონ ბატონი.</p><p>"მაკლარენის" ახალ მანქანაზე რამდენიმე ტექნიკური სიახლე იპყრობს ყურადღებას: უცნაური ფორმის გვერდითი პონტონები, რთული წინა ფრთა... რაც მთავარია, ბრიტანელები არ აყვნენ მოდას და მათი მანქანის ცხვირი აწეული არ არის, როგორც ეს სხვა გუნდების ახალ ბოლიდებზეა.</p> <p> </p> <p>საერთო ჯამში, ახალი "მაკლარენი" საკმაოდ საინტერესო მანქანაა, მაგრამ ყველა სიახლე ჯერ არ გვინახავს. უბრალოდ, ბრიტანელებს ჯერ არ სურთ ყველა საიდუმლოს ვადაზე ადრე გამხელა.</p> <p> </p> <p>"ყველაფერი არ გვიჩვენებია, რაც ახალი სეზონისთვის შევქმენით. დიახ, მიმდინარე ვერსია უკვე შეიცავს რამდენიმე საინტერესო გადაწყვეტილებას, მაგრამ რაღაცები დავუმალეთ კონკურენტებს", - აღნიშნა გუნდის შეფმა მარტინ უიტმარშმა.</p> <p></p><p>პრეზენტაციის შემდეგ პილოტებმა ჟურნალისტების შეკითხვებს უპასუხეს. რამდენიმე საინტერესო მოსაზრება წარმოადგინა ლუის ჰემილტონმა. ბრიტანელის აზრით, მომავალ სეზონში ეტაპების სანახაობრივი მხარე ამაღლდება.</p><p>"იმათ გამოკლებით, ვინც KERS-ის სისტემას ვერ გამოიყენებს, ყველა პილოტი თანაბარ პირობებში იქნება. გუნდები ცდილობენ გაუმარტივონ თავიანთ პილოტებს ცხოვრება, მაგრამ სინამდვილეში ეს ყოველთვის ასე არ გამოდის. მომავალი სეზონის დადებით მხარედ უნდა მივიჩნიოთ პიტ-სტოპების რაოდენობის გაზრდა, რაც "პირელის" ახალი საბურავების სწრაფ ცვეთასთან არის დაკავშირებული. ახლა რბოლები უფრო საინტერესო გახდება, რადგან გასწერებების რიცხვი გაიზრდება", - ამბობს მსოფლიოს ყოფილი ჩემპიონი.</p> <p></p><p>ბრიტანელმა ისიც განაცხადა, რომ უახლოეს სეზონში არ აპირებს ბოლიდის მართვის სტილის შეცვლას და კვლავაც აგრესიულ მანერას აირჩევს. ლუისს სჯერა, რომ შეუძლია მსოფლიოს ორგზის ჩემპიონი გახდეს: "თუ განვლილ წლებს გადავხედავთ, მივხვდებით, რომ ვერ გავხდებოდი წარმატებული მრბოლელი საკუთარი პრინციპებისთვის რომ მეღალატა. მართვის სტილის შეცვლას არ ვაპირებ. მინდა დავარწმუნო გულშემატკივრები: არ შევიცვლები და ნებისმიერ სიტუაციაში ბოლომდე ვიბრძოლებ. მიყვარს აგრესიული სტილი იმ შემთხვევაშიც, როცა ტრასა ნელია. ბოლო ვიქნები იმათგან, ვინც მუხრუჭს დააჭერს ფეხს. სწორედ საქმისადმი ამგავარმა მიდგომამ მომცა ჩემპიონის ტიტულის მოპოვების საშუალება. წელს ვაპირებ წარმატების გამეორებას."</p><p>ლუის ჰემილტონი მიიჩნევს, რომ მსოფლიოს შვიდგზის ჩემპიონი მიხაელ შუმახერი ვერ შეძლებს ძველ დონეზე გასვლას. ბრიტანელის თქმით, ის არ მიიჩნევს გერმანელს თავის კონკურენტად.</p><p>"შუმახერი მსოფლიოს შვიდგზის ჩემპიონია და ამ ფაქტს ანგარიში უნდა გავუწიოთ, მაგრამ ჩემი აზით, ის, ალბათ, ვერ მოახერხებს ძველი დონის დაბრუნებას. დრო იცვლება და მანქანაც ისეთი არ ჰყავს, როგორც ძველად. შუმახერისადმი დიდი პატივისცემის მიუხედავად, მას არ მივიჩნევ ტიტულის პრეტენდენტად. თუმცა მისი წარმატება ნებისმიერ შემთხვევაში გამეხარდება", - აცხადებს ჰემილტონი.</p> <p> </p> <p> </p> <p> </p> <p> </p> <p>.</p></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
გვარდიოლამ გაამხილა, როდის იფიქრებს მწვრთნელის კარიერის დასრულებაზე