<p>საქართველოს ეროვნული ოლიმპიური კომიტეტის აღმასკომის განცხადება <br> საქართველოს ეროვნული ოლიმპიური კომიტეტი გულისყურით აკვირდებოდა დოპინგის გამოყენებაში ეჭვმიტანილ ქართველ მოჭიდავეებთან დაკავშირებულ ამბებს, მაგრამ ამ საგანგაშო ინფორმაციის საბოლოო დადასტურებამდე, გასაგები მიზეზების გამო, თავს ვიკავებდით რაიმე სახის ნაჩქარევი კომენტარისგან.</p><p>დღეს უკვე უტყუარად არის გამოკვლეული და დადგენილი ექვსი ქართველი სპორტსმენის ბრალეულობა აკრძალული პრეპარატის გამოყენებაში. ამის თაობაზე სეოკ-ის აღმასკომის 2016 წლის 29 მარტის სხდომაზე საბოლოო ოფიციალური ინფორმაცია წარმოადგინა საქართველოს ანტიდოპინგურმა სააგენტომ, რომელიც მოქმედებს მსოფლიო ანტიდოპინგური კოდექსის შესაბამისად.</p><p>მართალია, დოპინგის გამოყენებაში მხილებულთა შორის არ არიან ჩვენი ოლიმპიური ლიცენზიანტები, მაგრამ ეს ფაქტი არამც და არამც არ ცვლის საერთო სურათს, რომელიც უკიდურესად შემაშფოთებელია.</p><p>საქართველოს ეროვნული ოლიმპიური კომიტეტი ყოველთვის განსაკუთრებული პასუხისმგებლობით ეკიდება სპორტში დოპინგის გამოყენებასთან დაკავშირებულ პრობლემატიკას. ამის დასტურია მთელი რიგი პრევენციული ღონისძიებები, საჯარო გამაფრთხილებელი განცხადებები (მათ შორის - სეოკ-ის ყოველწლიურ სესიებზე), რეგულარული სემინარები და ტრენინგები, თემატური საუბრები სპორტულ ფედერაციებთან, მწვრთნელებთან, სპორტსმენებთან, გახშირებული დოპინგტესტები, სამედიცინო პერსონალის და დოპინგთან ბრძოლაში ჩართული ჯგუფების მხარდამჭერი პროგრამები, აქტიური მონაწილეობა საერთაშორისო ანტიდოპინგურ ღონისძიებებში.</p><p>ჩვენ ვაღიარებთ და ვმოქმედებთ საერთაშორისო ოლიმპიური კომიტეტისა და საერთაშორისო ანტიდოპინგური სააგენტოს რეკომენდაციებისა და წესების შესაბამისად. ვცდილობთ, მკაცრად დავიცვათ ამ სფეროში მოქმედი რეგულაციები და პროცედურები, ღიად ვუპირისპირდებით აკრძალული და ყოვლად უღირსი მეთოდებით სპორტში წარმატების მიღწევის მსურველებს და მათ წამქეზებლებს, რომლებსაც, როგორც ჩანს, ბოლომდე გააზრებული არა აქვთ ამგვარი ქმედების საბოლოო კატასტროფული შედეგები.</p><p>სპორტი პატიოსანი ბრძოლის ასპარეზია და ამიტომაც ჰყავს მილიონობით მიმდევარი და გულშემატკივარი და როცა რომელიმე სპორტსმენი დანაშაულებრივ გზაზე დგება, ამით დარტყმის ქვეშ აყენებს არა მხოლოდ პირად სპორტულ კარიერას, ჯანმრთელობას და რეპუტაციას, არამედ - ლახავს მთელი ჩვენი სპორტის იმიჯს და ღირსებას, სახელს უტეხს იმ ადამიანებს, რომლებიც უანგაროდ და პატიოსნად ემსახურებიან საყვარელ საქმეს.</p><p>ჩვენ ვგმობთ დოპინგის გამოყენებაში მხილებულთა ყოვლად მიუღებელ საქციელს, კატეგორიულად ვემიჯნებით იმ ადამიანებს და ორგანიზაციებს, რომლებიც, ნებსით თუ უნებლიეთ, ახალისებენ ან ხელს აფარებენ ამგვარი ქმედებების ჩამდენთ.</p><p>აუცილებელია, რომ დეტალურად იქნას გამოძიებული ამ სკანდალური საქმის ყველა გარემოება და გამოვლინდნენ ის პირები, რომლებიც სხვადასხვა ფორმით უშუალოდ იყვნენ ჩართულნი დანაშაულებრივ პროცესში. ველოდებით ასევე, რომ მათ მიმართ გამოყენებული იქნება უმკაცრესი სანქციები.</p><p>დოპინგის გამოყენების ფაქტების მზარდი და უაღრესად საგანგაშო სტატისტიკის გათვალისწინებით, მოსალოდნელი უფრო მძიმე შედეგების თავიდან ასაცილებლად, რათა არ დავდგეთ რეალური სისტემური ხასიათის პრობლემების წინაშე, რაც, შესაძლოა, კატასტროფული შედეგის მომტანი გამოდგეს ჩვენი სპორტისთვის (კითხვის ნიშნის ქვეშ დადგეს არა მარტო ცალკეული სპორტსმენების, არამედ ნაკრები გუნდების მონაწილეობა დიდ საერთაშორისო შეჯიბრებებში), საქართველოს ეროვნული ოლიმპიური კომიტეტი გამოდის ინიციატივით, ახლო მომავალში მოწვეულ იქნას წარმომადგენლობითი ანტიდოპინგური ფორუმი ხელისუფლების, სპორტული და საზოგადოებრივი ორგანიზაციების, უცხოელი და ადგილობრივი კვალიფიციური ექსპერტების, ფართო საზოგადოებრიობის მონაწილეობით.</p><p>ასევე ვაცხადებთ, რომ სეოკ-ის აღმასკომმა მიიღო გადაწყვეტილება, ყოველგვარი გაუგებრობის თავიდან ასაცილებლად, ზაფხულის 31-ე ოლიმპიური თამაშების დაწყებამდე ერთი თვით ადრე დოპინგტესტზე შეამოწმოს თითოეული ოლიმპიელი, რომელიც ჩვენი ქვეყნის სახელით გამოვა რიო დე ჟანეიროში, ზაფხულის ოლიმპიურ თამაშებზე.</p><p><span style="color: #888888;"><strong>საქართველოს ეროვნული ოლიმპიური კომიტეტი</strong></span></p>
"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს
ჰარი კეინმა ბუნდესლიგის ყველა დროის რეკორდი დაამყარა
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
ლატვია V საქართველო - ახალგაზრდულმა რიგაში სრული შემადგენლობით ივარჯიშა
ოფიციალურად - კონსეისაო "ალ-იტიჰადს" ჩაუდგა სათავეში
"ბორჯღალოსნები" | აშშ-ს შემდეგ კანადაც ბათუმში
მორიგი სასიხარულო ამბავი ესპანეთის ნაკრებიდან - ჰუისენი საქართველოსთან ვერ ითამაშებს
კონტრაქტი იგივე რჩება, ხელფასი მნიშვნელოვნად გაიზრდება - რაიამ საწადელს მიაღწია
ტერზიჩმა უარი თქვა, კონსეისაო საუდის არაბეთში წავიდა - "მონაკოს" ორი კანდიდატი დარჩა
სერჟიო კონსეისაო "მილანიდან" წასვლის შემდეგ საუდის არაბეთში დასაქმდა
ნაკრების მზადება ოქტომბრის მატჩებისთვის | ესპანური შეკრების პირველი ვარჯიში
ფანტასტიკური ფინალი საქართველოს სუპერთასის ფინალში - თსუ-მ "ქუთაისი" მესამე ოვერტაიმში დაამარცხა
ევროპული კალათბურთის მომავალი ნისლშია – NBA ახალ დივიზიონს ამზადებს
კასილასს პათოლოგიური სიმთვრალე ჰქონია - ესპანელი ჟურნალისტი ლეგენდარულ მეკარეზე ისტორიას იხსენებს
ტერ შტეგენი პრემიერლიგის გრანდების სამიზნეა - სად გააგრძელებს კარიერას გერმანელი?
"დე ბრუინის მთავარი პრობლემა ისაა, რაშიც კვარაცხელია საუკეთესო იყო" - ფედელეს ქართველი შემტევი ენატრება
ფიბა-მ ქართველი მსაჯები და კომისარი მატჩებით დატვირთა
ტიაგო მოტამ შესაძლოა, საფრანგეთის ლიგა 1-ის გუნდი ჩაიბაროს
ლორენცო ინსინიე შესაძლოა, იტალიის სერია A-ს დაუბრუნდეს
ენდრიკს ალონსო არ ათამაშებს და ბრაზილიელს პრემიერ ლიგის ვარიანტი გამოუჩნდა
"ნაპოლი" "მანჩესტერ იუნაიტედის" კიდევ ერთი ფორვარდის დამატებას გეგმავს
"მინდა გვარდიოლამ ესპანეთის ნაკრები ჩაიბაროს" - დავიდ სილვა
PORSCHE AG-მა, Nike-მა და Tag Heuer-მა მარია შარაპოვას ზურგი აქციეს
ემუქრება თუ არა საფრთხე მსოფლიოს ჩემპიონ ლაშა ტალახაძის ოქროს მედალს
ოლიმპიური სასამართლო - სკანდალი, რომელმაც შეაზანზარა ქართული სპორტი
ირაკლი მეძმარიაშვილთან დახურულ შეხვედრას ჟურნალისტი გამჭვირვალედ აფასებს
სასამართლომ სეოკ-ის საარჩევნო ყრილობის შედეგები გააბათილა
ლაშა ტალახაძე: ამდენი წელი რკინასთან ჭიდილი ღირდა ამდენი ხალხის გასახარებლად
ჭიდაობა. მეტოქე: მელდონიუმმა რუსი მოჭიდავეებიც ჩააგდო
ხატები, ჩურჩხელები და "ჯადოსნური" სიტყვები - ქართველი სპორტსმენები და ფსიქოლოგია
ვენიდან სამი ქართველი მოჭიდავის განმეორებით დოპინგ-ტესტზეც დადებითი პასუხი მოვიდა
ლერი ხაბელოვი: ყველა ამ ბრალდებას და ცილისწამებას მალე გაეცემა პასუხი
დღეს სეოკ-ი არჩევანს აკეთებს - ლერი ხაბელოვი თუ ირაკლი მეძმარიაშვილი?
საქალაქო სასამართლო სეოკ-ის პრეზიდენტის არჩევის საქმესთან დაკავშირებით განცხადებას ავრცელებს
სარეკორდო ოლიმპიადა - საქართველოსთვის წარმატებული, მაგრამ...
WADA: 1-ელ მარტამდე აღებულ დოპინგ-სინჯში 1 მკგ-მდე მელდონიუმი დასაშვებია
ლადო ხინჩეგაშვილი: მომავალ მსოფლიოზე მხოლოდ ოქროსთვის ვიბრძოლებ
დოპინგის მიღებაში ეჭვმიტანილ ექვსივე ქართველ მოჭიდავეს დისკვალიფიკაცია მოეხსნა
ბრიფინგი სეოკ-ში - არჩევნების შედეგები კანონიერია!
ლაშა ტალახაძე: რიოს ოლიმპიადაზე იმდენი არ მინერვიულია...