<p>"გოლდენ სტეიტსა" და "ოკლაჰომას" მეშვიდე მატჩი ელოდება <br> სერიის მეექვსე მატჩში 11 სამქულიანის ჩაგდებით და 41 ქულის დაგროვებით, კლეი ტომპსონმა სეზონი გადაურჩინა "გოლდენ სტეიტს". თუ ხვალ ჩემპიონი მოიგებს მეშვიდე შეხვედრას და გახდება მხოლოდ მეათე გუნდი NBA-ის ისტორიაში, რომელიც 1:3-დან გაიმარჯვებს პლეი ოფის სერიაში, ამაში ყველაზე დიდი წვლილი სწორედ ტომპსონს ექნება.</p><p>"მეომრების" მცველმა ყველაზე მეტად ბოლო მეოთხედში მოინდომა, რომელშიც 19 ქულა დააგროვა. თუმცა მისი პირველი მინი-გმირობა მეორე მეოთხედში იყო, როცა "ოკლაჰომა" 13 ქულით დავიდა წინ და ამას ტომპსონმა ზედიზედ ორი ზუსტი სამქულიანით უპასუხა.</p><p>უნდა აღვნიშნოთ "გოლდენ სტეიტის" მთავარი მწვრთნელის სტივ კერის მნიშვნელოვანი გადაწყვეტილება - მან კევინ დურანტს მეურვედ ანდრე იგუოდალა მიუჩინა და ამ სვლამ გაამართლა. თითქოს დურანტის მიერ დაგროვებული 29 ქულა ცოტა არ არის, მაგრამ მან 31-დან 21 ტყორცნა ააცილა, მათ შორის, რვიდან შვიდი სამქულიანი.</p><p>სამქულიანების შესრულების მხრივ, პრობლემები ჰქონდათ რასელ უესტბრუკსაც (5-დან 0) და სერჟ იბაკასაც (6-დან 1), გარდა ამისა, მასპინძლების რეზერვისტებმა მხოლოდ 11 ქულა დააგროვეს. მიუხედავად ამისა, ბოლო მეოთხედის წინ, "ოკლაჰომა" რვა ქულით იყო წინ. და მაინც, "თანდერმა" ბოლო 12-წუთეულში ვეღარ გაუძრო ტომპსონის, იგუოდალასა და სტივენ კარის ზეწოლას, რომელსაც ერთი შედეგიანი პასი დააკლდა სამმაგ დუბლამდე.</p><p>მასპინძელთა გუნდი შეცდომებმა დაღუპა. ბოლო 2.55 წუთში "ოკლაჰომას" ექვსი შეცდომა ჰქონდა, უესტბრუკმა კი ბოლო 55 წამში სამჯერ აჩუქა ბურთი მეტოქეს. სწორედ ამის წყალობით გახდა შესაძლებელი "გოლდენ სტეიტის" 12:2 სპურტი.</p><p><strong><em>გ. სტეიტი-ოკლაჰომა 120:111</p><p></em></strong>25:21, 33:29, 23:27, 39:34</p><p>გ-ს: კარი (31+7 მოხსნა+6 პასი+5 ჩაჭრა), ტომპსონი (27+5 მოხსნა), ბოგუტი (15+14 მოხსნა+2 დაფარება), სპეიტსი (14), გრინი (11+13 მოხსნა+4 დაფარება+4 პასი), იგუოდალა (8+8 პასი), ბარნსი (6), ლივინგსტონი (6), ეზელი (2).</p><p>ო: დურანტი (40+7 მოხსნა+4 პასი), უესტბრუკი (31+8 პასი+7 მოხსნა+5 ჩაჭრა), იბაკა (13+8 მოხსნა+3 პასი), მოროუ (10), ადამსი (8+10 მოხსნა), რობერსონი (6+6 მოხსნა+3 პასი), ფოიე (2), კანტერი (1), უეიტერსი (0+4 პასი).</p><p>რეალიზაციის პროცენტი: თამაშიდან (47.1/42.9), სამქულიანები (37.5/43.3), საჯარიმოები (91.2/83.3).</p><p><strong><em>ოკლაჰომა-გ. სტეიტი 101:108</p><p></em></strong>23:20, 30:28, 30:27, 18:33</p><p>ო: დურანტი (29+7 მოხსნა+3 დაფარება+3 პასი), უესტბრუკი (28+11 პასი+9 მოხსნა+4 ჩაჭრა), იბაკა (13+9 მოხსნა+3 დაფარება), რობერსონი (11+8 მოხსნა+3 დაფარება), ადამსი (9+9 მოხსნა), კანტერი (8), უეიტერსი (3).</p><p>გ-ს: ტომპსონი (41), კარი (29+10 მოხსნა+9 პასი), გრინი (14+12 მოხსნა+6 პასი+3 ჩაჭრა), ბარნსი (9), იგუოდალა (8+7 მოხსნა+3 ჩაჭრა), ბოგუტი (5+5 მოხსნა+4 პასი+2 დაფარება), ეზელი (2).</p><p>რეალიზაციის პროცენტი: თამაშიდან (42.2/41.4), სამქულიანები (13/47.7), საჯარიმოები (68.8/62.5).</p><p>სერია: 3-3</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">* * *</span></strong></div></p> "ტორონტომ" ვეღარ შეძლო მესამედ საკუთარ მოედანზე "კლივლენდის" დამარცხება და სერიის მეშვიდე მატჩში გადაყვანა. მასპინძლებმა თავიდანვე მისცეს მეტოქეს ინიციატივა, როცა პირველი მეოთხედში შუაში 0:10 სპურტი გამოეპარათ. "კლივლენდმა" დიდი შესვენებისთვის პირველ ტაიმში მაქსიმალური უპირატესობა - "+14" დააფიქსირა, რომელიც მეორე ტაიმის დასაწყისში 21-მდე გაიზარდა.</p><p>კაილ ლოურის რამდენიმე ურთულესი ტყორცნის შემდეგ, "ტორონტომ" შეძლო მეოთხე მეოთხედში სხვაობის 10 ქულამდე შემცირება, მაგრამ ლოური და დემარ დეროზანი ყოველთვის ვერ ჩააგდებდნენ, ხოლო მათმა ვერც ერთმა პარტნიორმა ვერ შეძლო 10-ქულიანი ზღვარის გადალახვა. შესაბამისად, "კლივლენდმა" ძალიან მალე დაიბრუნა 20-ქულიანი უპირატესობა და ფინალურ სერიაში დაბრუნდა. ბრწყინვალე ლებრონ ჯეიმსი კი მერვე კალათბურთელი გახდა ისტორიაში (და პირველი 60-იანი წლების ლეგენდარული "ბოსტონის" წარმომადგენლების შემდეგ), ვინც ზედიზედ მეექვსედ ითამაშებს NBA-ის ფინალურ სერიაში.</p><p><strong><em>ტორონტო-კლივლენდი 87:113</em></strong></p><p>25:31, 16:24, 33:31, 13:27</p><p>ტ: ლოური (35+3 პასი), დეროზანი (20+3 პასი), პატერსონი (9), კეროლი (7+6 მოხსნა), ვალანჩუნასი (6+8 მოხსნა), ბიიომბო (4+9 მოხსნა), ჯოზეფი (2), ჯონსონი (2), პაუელი (2).</p><p>კ: ჯეიმსი (33+11 მოხსნა+6 პასი+3 დაფარება), ირვინგი (30+9 პასი+3 ჩაჭრა), ლავი (20+12 მოხსნა+4 პასი), სმიტი (15), ფრაი (6), დელავედოვა (4), ჯეფერსონი (3), ტომპსონი (2+5 მოხსნა).</p><p>რეალიზაციის პროცენტი: თამაშიდან (41.8/54.1), სამქულიანები (32/54.8), საჯარიმოები (76.5/76.2).</p><p>სერია: 2-4</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">დღის ციფრები</span></strong></div></p> - "გოლდენ სტეიტის" შემტევმა მცველმა კლეი ტომპსონმა 18-დან 11 სამქულიანი გამოიყენა, რითაც პლეი ოფის ყველა დროის რეკორდი დაამყარა ერთ მატჩში ზუსტი შორეული ტყორცნების რაოდენობით. წინა რეკორდს (9 ზუსტი სამქულიანი) ოთხი კალათბურთელი ფლობდა: რექს ჩეპმენი (1996-97), ვინს კარტერი (2000-01), რეი ალენი (ორჯერ - 2000-01 და 2008-09) და ჯეისონ ტერი (2010-11).</p><p>- პირველად მიმდინარე პლეი ოფში, "გოლდენ სტეიტის" გამთამაშებელმა სტივენ კარიმ ვერ შეძლო პირველ მეოთხედში ქულის აღება.</p><p>- კარიმ გუშინდელ მატჩში ექვსი სამქულიანი ჩააგდო, რითაც პლეი ოფში 203 ზუსტი შორეული ტყორცნა დაუგროვდა. სტეფმა საერთო სიაში მაიკლ ფინლისა და სკოტი პიპენს გაუსწრო და მე-12 ადგილზე გადავიდა. ახლა, კარის უახლოესი სამიზნეა ჯეისონ ტერი 207 სამქულიანით.</p><p>- "გოლდენ სტეიტი" 31-ე გუნდი გახდა პლეი ოფის ისტორიაში, რომელმაც 1:3-დან შეძლო სერიაში ანგარიშის გათანაბრება. 1:3-დან კონფერენციის ფინალის მოგება მხოლოდ სამმა გუნდმა შეძლო: ორჯერ "ბოსტონმა" 1967-68 და 1980-81 წლების სეზონებში, აგრეთვე "ვაშინგტონმა" 1978-79 წლების სეზონში. ამასთან, "ბოსტონი" ორივე შემთხვევაში ჩემპიონი გახდა.</p><p>ეროვნულმა საკალათბურთო ასოციაციას საბოლოოდ შეაჯამა 2015-16 წლების რეგულარული ჩემპიონატის შედეგები. 129 ადამიანის გამოკითხვის შედეგად, გამოვლინდა სამი სიმბოლური ნაკრების შემადგენლობა.</p><p><strong>I სიმბოლური</p><p></strong>ლებრონ ჯეიმსი (კლივლენდი) 637</p><p>კავაი ლეონარდი (სან ანტონიო) 575</p><p>დეანდრე ჯორდანი (კლიპერსი) 317</p><p>სტივენ კარი (გ. სტეიტი) 645</p><p>რასელ უესტბრუკი (ოკლაჰომა) 627</p><p><strong>II სიმბოლური</p><p></strong>კევინ დურანტი (ოკლაჰომა) 452</p><p>დრეიმონდ გრინი (გ. სტეიტი) 431</p><p>დემარკუს კაზინსი (საკრამენტო) 277</p><p>კრის პოლი (კლიპერსი) 353</p><p>დამიენ ლილარდი (პორტლენდი) 217</p><p><strong>III სიმბოლური</p><p></strong>პოლ ჯორჯი (ინდიანა) 157</p><p>ლამარკუს ოლდრიჯი (სან ანტონიო) 103</p><p>ანდრე დრამონდი (დეტროიტი) 173</p><p>კლეი ტომპსონი (გ. სტეიტი) 164</p><p>კაილ ლოური (ტორონტო) 155</p><p><strong>ყოველდღიური სპორტული გაზეთი "ლელო"</strong></p>
Stephen
გივი, Stephen ერთადერთი სახელია ინგლისურში რომელიც ძაან განსხვავებულად იკითხება და გამოითქმის როგორც სტივენ
გივი
Stephen ჰქვია და steph შემოკლებით და არა სტივენი გაიგეთ რა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
ბუცები, ბურთები და ბუკინისტები – აპრილი, სპორტი და წიგნები
[VIDEO] ლებრონისთვის და ლუკასთვის სეზონი დასრულებულია - "ლეიკერსი" "მინესოტასთან" დამარცხდა და პლეი-ოფს გამოეთიშა
კარის 27 ქულა და სამმაგი დუბლი "მემფისის" დასამარცხებლად საკმარისი არ აღმოჩნდა [VIDEO]
დონჩიჩმა დაბადების დღე გამარჯვებით აღნიშნა - "ლეიკერსმა" კალიფორნიულ დერბიში "კლიპერსი" დაამარცხა [VIDEO]
გამარჯვების მომტანი სამქულიანი საკუთარი ნახევრიდან - საოცარი მატჩი NBA-ში [VIDEO]
ძალიან დიდი რიცხვები - ტომპსონმა მძიმე ტრავმის შემდეგ უფრო მეტი გამოიმუშავა, ვიდრე მთლიანად 7 წელში
თითქმის 2-წლიანი პაუზის შემდეგ კლეი ტომპსონი მოედანს დაუბრუნდა, თანაც, როგორ?! [VIDEO]
40 წლის ლებრონ ჯეიმსმა "ლოს ანჯელეს ლეიკერსს" ბოლო წამზე მოაგებინა [VIDEO]
"გოლდენ სტეიტის" ტრიოს შესანიშნავი თამაში და მე-3 გამარჯვება "დენვერთან" [VIDEO]
ტომპსონმა დონჩიჩს აჯობა - "გოლდენ სტეიტი" NBA-ს სუპერფინალშია [VIDEO]
"სელტიკსმა" "უორიორსს" ჯოჯოხეთი მოუწყო - "ბოსტონი" სერიაში კიდევ ერთხელ დაწინაურდა [VIDEO]
დონჩიჩი ყოფილ გუნდს პირველად დაუპირისპირდა - სლოვენიელმა სამმაგი დუბლი შეასრულა [VIDEO]