<p><p>მსოფლიოს სამგზის ჩემპიონმა გერმანული "ბილდისთვის" მიცემულ ინტერვიუში კუბიცას ავარიის შესახებ თავისი აზრი გამოთქვა</p> <br> <p>მსოფლიოს სამგზის ჩემპიონი ნიკი ლაუდა გერმანული "ბილდისთვის" მიცემულ ინტერვიუში თავის აზრს გამოთქვამს რობერტ კუბიცას ავარიის შესახებ. გარდა ამისა, ლეგენდარულმა ავსტრიელმა მოკლედ შეაჯამა პირველი ტესტების შედეგები.</p> <p></p><p><strong>- ნიკი, რა კომენტარს გაუკეთებთ რობერტ კუბიცას ავარიას?</p><p></strong>- ის, რაც რობერტ კუბიცას შეემთხვა - ნამდვილი ტრაგედიაა. პირადად მე პოლონელი ახალი თაობის ყველაზე ნიჭიერ წარმომადგენლად მიმაჩნია. მაგრამ რალიში გამოსვლით მას არ უნდა დაეყენებინა თავისი კარიერა ასეთი რისკის ქვეშ. თავადაც მქონდა ასეთი სულელური სიტუაცია, როცა ტრაქტორის საჭესთან დავჯექი და რამდენიმე ნეკნი გავიტეხე. ეს არ უნდა მომხდარიყო, მაგრამ მოხდა.</p><p><strong>- თქვენ მიგაჩნიათ, რომ კუბიცას რალიში გამოსვლა გაუმართლებელი იყო?</p><p></strong>- რა თქმა უნდა. ის თავისი საქმით უნდა იყოს დაკავებული, მისი საქმე კი ფორმულა 1-ია. ამიტომაც თავად არის დამნაშავე მომხდარში.</p><p><strong>- კუბიცა ამბობდა, რომ შეზღუდული ტესტების პირობებში რალი ფორმის შენარჩუნების საშუალებას აძლევდა...</p><p></strong>- ეს ნონსენსია! რალის არაფერი აქვს საერთო ფორმულა 1-თან. ეს სხვადასხვა დისციპლინებია.</p><p><strong>- მოდით დავუბრუნდეთ ფორმულა 1-ში არსებულ სიტუაციას. უკან დარჩა პირველი ტესტები. თქვენი აზრით, ვის აქვს უპირატესობა მეტოქეებზე?</p><p></strong>- ახლა ლიდერებს შორის "რედ ბული" და "ფერარი" არიან. ეს გუნდები ტესტების დასაწყისიდანვე ძალიან სწრაფები იყვნენ - ეს იმის ნიშანია, რომ წინ კარგი სეზონი გველის. უჩვეულოდ გამოიყურება "მაკლარენის" მანქანა - მასში ბევრი საინტერესო იდეაა გამოყენებული და ის კარგ შთაბეჭდლებას ტოვებს. "მერსედესმა" ორი ნაბიჯი უნდა გადადგას წინ ამ სამი გუნდის დონესთან გასათანაბრებლად. ჯერ რთული სათქმელია, შეძლებს თუ არა ის ამის გაკეთებას.</p><p><strong>- რას იტყვით მიხაელ შუმახერზე?</p><p></strong>- მიხაელი ძველებურად ძლიერია - ჩვენ ამაში გასული წლის ბოლოს დავრწმუნდით. ამ სეზონში ის უფრო აგრესიული იქნება. დანარჩენი მანქანაზე იქნება დამოკიდებული.</p> <p> </p></p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია