<p>საქართველოს ჩემპიონატის 2015/16 წლების სეზონში ყველაზე გვიან მეორე ლიგის ცენტრალური ზონის გათამაშება დასრულდა <br> ისე მოხდა, რომ საქართველოს ჩემპიონატის 2015/16 წლების სეზონში ყველაზე გვიან მეორე ლიგის ცენტრალური ზონის გათამაშება დასრულდა. ამ ზონაში გამარჯვებული ბოლო ტურში გაირკვა: თბილისის "მარკ სტარმა" დასძლია "რეალ ვარკეთილის" კონკურენცია და პირველი ლიგის საგზური მოიპოვა...</p><p>შეგახსენებთ, რომ მეორიდან პირველ ლიგაში მანამდე ვანის "სულორი" (დასავლეთი ზონა) და "გარდაბანი" (აღმოსავლეთი ზონა) აღზევდნენ; უფრო ზუსტად, სხვადასხვახნიანი პაუზის მერე დაბრუნდნენ პირველ ლიგაში; აი, დედაქალაქური "მარკ სტარი" კი პირველად იასპარეზებს ამ ტურნირში.</p><p>"მარკ სტარის" ისტორია მხოლოდ ოთხ წელიწადს ითვლის და მეორე ლიგაში პირველად 2013/14 წლების სეზონში გამოჩნდა, როცა ძალიან ცოტა დააკლდა სენსაციურ შედეგამდე: მეორე ადგილზე გავიდა და მხოლოდ 1 ქულით ჩამორჩა "ბორჯომს".</p><p>მომდევნო სეზონში "მარკ სტარი" თავის ზონაში VI ადგილზე გავიდა, 2015/16 წლების სეზონის დაწყების წინ კი ცენტრალურ ზონაში ერთ-ერთ უმთავრეს ფავორიტად მიიჩნეოდა ("ალაზანთან", "არაგვთან" და "რეალ ვარკეთილთან" ერთად) და საბოლოოდ, ეს სტატუსი გაამართლა კიდეც.</p><p>აღსანიშნავია, რომ თავდაპირველად, "მარკ სტარში" ლეგიონერები (ძირითადად, ნიგერიელები) ჭარბობდნენ, წინა სეზონიდან მოყოლებული კი გუნდი ქართველი ფეხბურთელებით არის დაკომპლექტებული. ამათგან ზოგიერთს სხვადასხვა დროს საქართველოს ჩემპიონატის უმაღლესი თუ პირველი ლიგის გუნდებში უთამაშია: 30 წლის <strong>ჯაბა ბერიანიძეს</strong>, 24 წლის <strong>ალექსანდრე ქორჩილავას</strong>, 25 წლის <strong>ჯინო რეჭიას</strong>, 24 წლის <strong>გიორგი ჭაავას</strong> და სხვებს.</p><p>"მარკ სტარში" ბევრი პერსპექტიული ახალგაზრდაა და ასევე ახალგაზრდა გახლავთ გუნდის მთავარი მწვრთნელი, 33 წლის <strong>თენგიზ სულაქველიძე-უმცროსი</strong>, ლეგენდარული ფეხბურთელის, <strong>თენგიზ სულაქველიძის</strong> ვაჟი.</p><p>ახლა კი რამდენიმე სიტყვა "რეალ ვარკეთილზეც" უნდა ვთქვათ, მით უფრო, რომ ეს გუნდი შარშან ზაფხულს ჩამოყალიბდა და სულ ცოტა დააკლდა, რომ სადებიუტო სეზონშივე მოეპოვებინა პირველი ლიგის საგზური.</p><p>ახალგაზრდა სპეციალისტის, 30 წლის <strong>დავით მაჩიტიძის</strong> ხელმძღვანელობით მოასპარეზე "რეალ ვარკეთილმა" ჩემპიონატი 22-მატჩიანი წაუგებელი სერიით დაამთავრა, მაგრამ პირველი ადგილის დასაკავებლად ეს სერია საკმარისი არ აღმოჩნდა, ისევე, როგორც "რეალ ვარკეთილის" მართლაც სუპერშედეგიანი თამაში - გუნდს მეტოქეთა კარში საშუალოდ ოთხ გოლზე მეტი გაჰქონდა.</p><p>აღარაფერს ვამბობთ 2015/16 წლების საქართველოს ჩემპიონატის (ყველა ლიგის გათვალისწინებით) სარეკორდო მოგებაზე: 27 ოქტომბერს "რეალ ვარკეთილმა" დიღომში, "ავაზას" სტადიონზე ნინოწმინდის "ფარავანს" უმასპინძლა და ასტრონომიული ანგარიშით დაამარცხა - 18:0!</p><p>ამ მატჩში "რეალ ვარკეთილის" ორმა ფეხბურთელმა ჩინებული ინდივიდუალური შედეგი უჩვენა: 23 წლის თავდამსხმელმა <strong>გიორგი ნარსიამ</strong> მეტოქის კარში 5 გოლი გაიტანა, 27 წლის ნახევარმცველმა <strong>თამაზ ჩარგეიშვილმა</strong> კი - 8 (აქედან 3 - პენალტით).</p><p>ჩარგეიშვილი გარკვეული პერიოდი ლიტვასა და პოლონეთში ასპარეზობდა, მანამდე კი საქართველოს ჩემპიონატის უმაღლეს ლიგაში "გაგრას" ღირსებას იცავდა, ისევე, როგორც <strong>მიხეილ კობერიძე</strong> და <strong>ირაკლი შალიკაშვილი</strong>.</p><p>"რეალ ვარკეთილის" ყველაზე ცნობადი სახე კი 32 წლის ნახევარმცველი ლაშა ქებაძე გახლდათ, რომელსაც უმაღლეს ლიგაში არაერთი სეზონი გაუტარებია.</p><p><span style="color: #3366ff;"><strong>ცენტრალური ზონა</strong></span></p><p><span style="text-decoration: underline;">ბოლო ტური</span></p><p>ფარავანი-მარკ სტარი 0:5</p><p>აბული-იბერია 5:1</p><p>35-ე სკოლა-ჰერეთი 7:1</p><p>არაგვი-ივერია 3:1</p><p>დურუჯი-საქ.უნ. 2:4</p><p>ლიახვი (აჩ)-მეტალურგი 3:0 (ტ.შ)</p><p>ალაზანი-ლიახვი 2 (ცხ) 3:0</p><p><strong></p><p>სატურნირო ცხრილი</strong></p><p>ა გ თ მ ფ წ ბ ქ</p><p>1. მარკ სტარი 28 24 3 1 89-13 75</p><p>2. რეალ ვარკეთ. 28 24 2 2 119-16 74</p><p>3. არაგვი 28 22 0 6 97-36 66</p><p>4. ალაზანი 28 18 3 7 91-34 57</p><p>5. ივერია 28 17 3 8 58-39 54</p><p>6. საქ. უნივერ. 28 16 5 7 92-68 53</p><p>7. ლიახვი (აჩ) 28 15 3 10 83-44 48</p><p>8. 35-ე სკოლა 28 15 1 12 80-49 46</p><p>9. დურუჯი 28 10 2 16 56-79 32</p><p>10. აბული 28 9 4 15 33-60 31</p><p>11. ლიახვი 2 (ცხ) 28 9 2 17 49-83 29</p><p>12. ჰერეთი 28 6 1 21 28-86 19</p><p>13. იბერია 28 3 3 22 39-114 12</p><p>14. ფარავანი 28 3 1 24 27-141 10</p><p>15. მეტალურგი 28 2 1 25 19-98 7</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
levani
რა წელში გაღუნულები დგანან, ფეხბურთელები არიან თუ ძველი ბიჭები?
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა