<p>უშედეგო სუპერგოლი, შვეიცარიას ფეხქვეშ გრანიტი ჩაეშალა <br> <strong><span style="font-size: x-small;">* ევრო 2016-ზე პენალტების სერია პლეი ოფის პირველსავე მატჩში დაინიშნა.</p><p>* ორივე ნაკრები პირველად თამაშობდა ევროპის ჩემპიონატის პლეი-ოფში. ასე რომ, პოლონეთის ნაკრები მეოთხედფინალში პირველად გავიდა.</p><p>* რობერტ ლევანდოვსკის უკვე 7 თამაშია, ეროვნული ნაკრების მაისურით გოლი არ გაუტანია.</p><p>* იაკუბ ბლაშჩიკოვსკიმ 18 გოლი გაიტანა ნაკრების მაისურით. როცა მას გოლი გააქვს, პოლონეთის ნაკრები არასოდეს აგებს.</p><p>* 30 ივნისს პოლონეთის ნაკრები ხორვატიას დაუპირისპირდება.</p><p></span></strong></p><p>თუ რომელიმე მერვედფინალურ წყვილზე ითქმის, თანაბარი წყვილიაო, შვეიცარიისა და პოლონეთის ნაკრებებზე. შემთხვევითი არ არის, რომ სპეციალისტები იმთავითვე თანაბრად აფასებდნენ ორივე გუნდის შანსებს. მცირე უპირატესობა პოლონეთს ენიჭებოდა. მიზეზი, ცხადია, "ბაიერნის" სუპერფორვარდი რობერტ ლევანდოვსკი იყო.</p><p><p><div style="text-align: center;"><strong><span style="color: #ff0000;">ტაქტიკა და სასტარტო შემადგენლობები</span></strong></div></p> არავითარი ექსპერიმენტი. პოლონეთის ნაკრების მთავარმა მწვრთნელმა ადამ ნავალკამ და შვეიცარიის უპირველესი გუნდის დამრიგებელმა ვლადიმირ პეტკოვიჩმა ის სათამაშო სქემა აირჩიეს, რომელსაც ისინი მთელი ჯგუფური ეტაპის განმავლობაში ეყრდნობოდნენ.</p><p>ცხადი იყო, შვეიცარიელთა მთავარი კოზირი ისევ ფლანგური შეტევები და ლონდონის "არსენალის" ნახევარმცველი გრანიტ ჯაკა იქნებოდა. პოლონეთს საქმე გაურთულა დისკვალიფიკაციამ და ტრავმამ. ამ მიზეზით იუქმეს კაპუსტკამ და, რაც ყველაზე მთავარია, გუნდის ძირითადმა მეკარემ, ვოიცეხ შჩესნიმ.</p><p>შჩესნი ლუკაშ ფაბიანსკიმ შეცვალა. რაც შეეხება პოლონელთა სასტარტო განლაგებას, ეს იყო კლასიკური 4-4-2 სათამაშო სქემა. შვეიცარიელებმა კი პოლონელთა კარზე ერთადერთი ფორვარდი მიუშვეს. რა თქმა უნდა, ჰარის სეფეროვიჩს უკეთ გარჯა მართებდა.</p><p>მიუხედავად იმისა, რომ ჯგუფური ეტაპის მატჩებში სეფეროვიჩმა უამრავი შენსი გაატანა ქარს, პეტკოვიჩი მას მაინც ენდო. მოკლედ, თავიდანვე სანახაობრივი, დაძაბული თამაშის საცქერად განვეწყვეთ.</p><p><p><div style="text-align: center;"><strong><span style="color: #ff0000;">გოლები</span></strong></div></p> 0:1 - პოლონეთის სწრაფი შეტევა გოლით დასრულდა. კამილ გროსიცკიმ, რომელმაც თამაში უმაღლეს დონეზე ჩაატარა, შესანიშნავი პასი უბოძა კუბა ბლაშჩიკოვსკის, ვინც აუღელვებლად შეაგდო.</p><p>1:1 - გოლი-სასწაული: ჯერდან შაქირის არნახული "მაკრატელა". თუ სასწაული არ მოხდა, ეს გოლი ევროფორუმზე საუკეთესო უნდა გახდეს. ამ გოლის აღწერა არ შეიძლება, ის უნდა ნახოთ.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/euro2016video.html?view=video&video=7794" target="_blank" style="font-size: x-small; line-height: 15.808px; text-align: center;"><img src="pictures/artimages/image16/4cb5f468141a3a1be874fb4e20b0a550.jpg" border="0" alt="Sportall.Ge" title="ევრო 2016. 1/8-ფინალი. პოლონეთმა 1/4-ფინალის საგზური პენალტებით მოიპოვა! [VIDEO]" /></a></div></p></p><p><p><div style="text-align: center;"><strong><span style="color: #ff0000;">მატჩის შემდეგ</span></strong></div></p> <strong>ადამ ნავალკა</strong> (პოლონეთი): "ჩვენი დღევანდელი გამარჯვება არის ისტორიული. ჩვენ ვეთამაშეთ მეტოქეს, რომელიც მსოფლიო კლასის ფეხბურთელებითაა დაკომპლექტებული. დიდებული შეხვედრა გამოვიდა, რომელიც შეიძლებოდა, ნებისმიერ შედეგით დასრულებულიყო. ჩვენ მთელი მატჩის განმავლობაში ძალიან კონცენტრირებულნი ვიყავით. რაც შეეხება ლევანდოვსკის, არ მესმის, როგორ შეიძლება მისი კრიტიკა. რობერტმა დიდებულად ითამაშა. მან ფენომენალური სამუშაო გასწია".</p><p><strong>იან ზომერი</strong> (შვეიცარია): "ეს უსამართლობაა. შვეიცარიის ნაკრები იმსახურებდა მეოთხედფინალში გასვლას და ამაში ყველა დამეთანხმება. ჩემი აზრით, დღეს ჩვენ ბედმა ზურგი გვაქცია. თამაშის უდიდესი ნაწილი ჩვენ უკეთესები ვიყავით და უნდა მოგვეგო. ყველანი ძალიან ვართ იმედგაცრუებულები. შვეიცარიამ ვერ მიიღო ამ ჩემპიონატში ის, რასაც იმსახურებდა".</p><p>ვლადიმირ პეტკოვიჩი (შვეიცარია): "ძალიან მოწყენილი ვარ. დღეს შვეიცარიამ კარგად ითამაშა და მარცხს არ იმსახურებდა. თავიდან ცოტა ვინერვიულეთ, მაგრამ მერე დავლაგდით. რაც შეეხება შაქირის გოლს, მე მას შესვენებაზე ვუთხარი, რომ ხშირად შეეცვალა პოზიციები. საერთოდ, როცა პენალტების სერიამდე მიდის თამაში, იქ იღბალი გჭირდება. დღეს ჩვენ ყველანი ჯაკას გვერდით ვართ".</p><p><p><div style="text-align: center;"><strong><span style="color: #ff0000;">ანალიზი</span></strong></div></p> ძალიან დაძაბული თამაში იყო. ჩვენ მიმდინარე ევროპის ჩემპიონატზე პირველად ვნახეთ დამატებითი დრო და თერთმეტმეტრიანების სერია. არ ვიცით, ვინ როგორ ფიქრობს, მაგრამ პირადად მე მგონია: საფეხბურთო ფორტუნამ მაინც უმართებულოდ განსაჯა ლატარიაში. თუ ვინმეს ეკუთვნოდა მეოთხედფინალის საგზური, ეს შვეიცარიის ნაკრები იყო.</p><p>არადა, პირველი ტაიმის განმავლობაში პოლონეთი სჯობდა მეტოქეს. პოლონელებმა ჯილდოდ გოლი მიიღეს და ამის შემდეგ ძალიან დაიხიეს უკან. ყოველივე ამას თან დაერთო შვეიცარიის ნაკრების სამწვრთნელო შტაბის მიერ განხორციელებული გონივრული შეცვლები.</p><p>მთელი მეორე ტაიმი და დამატებითი დრო შვეიცარიის კარნახით მიდიოდა. მათ ბევრი საგოლე მომენტი გაატანეს ქარს. განსაკუთრებით აღსანიშნავია შეცვლაზე შესული ერენ დერდიოკის მიერ გაფლანგული ორი საგოლე შანსი.</p><p>რომ არა დერდიოკის ფატალური უიღბლობა და ლუკაშ ფაბიანსკის დიდებული თამაში, პოლონეთი მეოთხედფინალში ვერაფრით გავიდოდა. გაამართლა შვეიცარიელთა სამწვრთნელო შტაბის მიერ გაკეთებულმა შეცვლებმაც, თუმცა ყველაფერი მაინც თერთმეტმეტრიანების სერიაში გადაწყდა.</p><p>როგორც ჩანს, პენალტების სერიაში ორივე გუნდმა მაგრად ივარჯიშა. თუ არ ჩავთვლით არსენალელი გრანიტ ჯაკას აცილებულს, ყველა დარტყმული ზუსტი იყო. საბოლოოდ მოიგო იმან, ვინც ერთი შეცდომაც კი არ დაუშვა.</p><p><p><div style="text-align: center;"><strong><span style="color: #ff0000;">მატჩის გმირი</span></strong></div></p> ამ შემთხვევაში უეფას ოფიციალურ საიტს თან უნდა დავეთანხმოთ და თან არა. მისი ვერსიით, მატჩის საუკეთესო მოთამაშე შვეიცარიის ნაკრების ლიდერი ჯერდან შაქირი გახდა. შაქირიმ დიდებულად ითამაშა, მისი გოლი კი ენითაუწერელი სილამაზისა იყო, მაგრამ პოლონეთმა გაიმარჯვა და ამ გამარჯვების მთავარი შემოქმედი გახლდათ ნაკრების მეორე მეკარე ლუკაშ ფაბიანსკი, ვინც დიდებულად შეცვალა ტრავმირებული ვოიცეხ შჩესნი.</p><p>ალბათ, მკითხველი არ გვიწყენს, თუ გმირის მანტიას ორივე ფეხბურთელს თანაბრად მოვასხამთ. მით უმეტეს, ამას ორივე ალალად იმსახურებს.</p><p><p><div style="text-align: center;"><strong><span style="color: #ff0000;">მსაჯი</span></strong></div></p> 41 წლის გამოცდილმა ინგლისელმა არბიტრმა მარკ კლატენბურგმა შესანიშნავი შეხვედრა ჩაატარა. მას წამითაც არ გაქცევია ხელიდან თამაშის სადავეები. მის კომპეტენტურობაზე ისიც მეტყველებს, რომ არბიტრის გადაწყვეტილებებს ფეხბურთელები ყოველგვარი კამათის გარეშე ხვდებოდნენ.</p><p>სამართლიანობა მოითხოვს აღინიშნოს, რომ ეს თამაში არც იყო განსაკუთრებით რთული სამსაჯო, მაგრამ მატჩს მაინც ახლდა თან საპლეიოფო მღელვარება.</p><p><p><div style="text-align: center;"><strong><span style="color: #ff0000;">დასკვნა</span></strong></div></p> სანამ არსებობს ასეთი ფორმატი, სულ ვისაუბრებთ იღბალსა და უიღბლობაზე. ამ შემთხვევაში ფორტუნამ პოლონელთა მხარე დაიჭირა. ცოტა უსამართლოდ, მაგრამ მაინც. ისე, პენალტების სერიის ნაცვლად ვინმე რამეს რომ მოიფიქრებდეს, ცუდი არ იქნებოდა.</p><p><p><div style="text-align: center;"><strong><span style="color: #ff0000;">whoscored.com-ის ტოპ-5</span></strong></div></p> იაკუბ ბლაშჩიკოვსკი პოლ. 9,0</p><p>ჯერდან შაქირი შვე. 8,6</p><p>რიკარდო როდრიგესი შვე. 8,3</p><p>ჰარის სეფეროვიჩი შვე. 7,5</p><p>ფაბიან შერი შვე. 7,4</p><p><span style="text-decoration: underline;">25 ივნისი. სენტ ეტიენი. "სტად ჟოფრუა გიშარი"</span></p><p><strong><em>შვეიცარია - პოლონეთი 1:1 (4:5,პენ)</p><p></em></strong>გოლები: 0:1 ბლაშჩიკოვსკი (39. გროსიცკი), 1:1 შაქირი (82. დერდიოკი)</p><p>შვეიცარია (4-2-3-1): ზომერი - ლიხტშტაინერი, შერი, ჯურუ, როდრიგესი - ბეჰრამი (77. ფერნანდეში), ჯაკა - შაქირი, ჯემაილი (58. ემბოლო), მეჰმედი (70. დერდიოკი) - სეფეროვიჩი</p><p>პოლონეთი (4-4-2): ფაბიანსკი - პიშჩეკი, გლიკი, პაზდანი, იენჯეიჩიკი - ბლაშჩიკოვსკი, კრიხოვიაკი, მონჩინსკი (101. იოდლოვიეცი), გროსიცკი (104. პეშკო)- მილიკი, ლევანდოვსკი</p><p>გაფრთხილება: შაქირი, ჯურუ - იენჯეიჩიკი, პაზდანი</p><p>კარში დარტყმა: 10 (7)-12 (5); კუთხური: 13-5; ჯარიმა:16-14; თამაშგარე: 2-2; ბურთის ფლობა: 55%-45%</p><p>მაყურებელი: 38 842</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
Football Insider: მიქაუტაძის სასწრაფოდ შეძენის სერიოზული სურვილი პრემიერლიგის ორ კლუბს აქვს
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
დორტმუნდის "ბორუსია": მატს ჰუმელსი ისევ დაშავდა!
ლევანდოვსკი VS ბლაშჩიკოვსკი - დაპირისპირება პოლონეთის ნაკრებში
სანიოლი შეიძლება ევროპულ ნაკრებს ჩაუდგეს სათავეში
[VIDEO] არაშთამბეჭდავმა არგენტინამ ისევ ბეწვის ხიდზე გაიარა - კაცნაკლული შვეიცარია დამატებით დროში დაამარცხა
"დღეს ფეხბურთს არ გაუმარჯვია" - შვეიცარიის ნაკრების მწვრთნელი არგენტინასთან მარცხის შემდეგ
მარადონას და ფოლკლენდის კუნძულების გამო შურისძიების დრო დადგა. "ვინც არ ხტუნავს - ინგლისელია" - არგენტინამ გამარჯვება იზეიმა
რონალდომ პორტუგალიას მოაგებინა, მოდრიჩმა - ხორვატიას [VIDEO]
არგენტინელთა მცველი: ტანჯვის გარეშე მოგება არ შეგვიძლია
ევრო 2016. C ჯგუფი. III ტური: პოლონეთის ნაკრებმა ჯგუფი მეორე ადგილზე დაასრულა [VIDEO]
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
ინგლისის ნაკრები: სათადარიგო გეგმა არ იყო
სერია A. ბოლო დღის ტრანსფერები: დედლაინამდე წუთით ადრე
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
იაკუბ ბლაშჩიკოვსკი: მე დავინახე, როგორ მოკლა მამამ დედა, მაგრამ ამან უფრო გამაძლიერა!
[VIDEO] შვეიცარიამ პენალტების სერიაში კოლუმბიას სძლია და მეოთხედფინალში არგენტინას დაუპირისპირდება
ფრანგები უპირობო ფავორიტები და კვლავ მესის მაგიის იმედად? - 1/4-ფინალების PREVIEW
იტალიისა და გერმანიის ნაკრებებმა მილანში ამხანაგური მატჩი დაგეგმეს
პოლონეთის ნაკრების თავკაცმა საქართველოსთან მატჩისთვის გუნდის 18-კაციანი სია გამოაცხადა
დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]
ერთა ლიგა. რონალდოს მე-900 და "ნაპოლის" ფეხბურთელების გოლები [VIDEO]
ავსტრია D ჯგუფში პირველია - საფრანგეთი მეორე [VIDEO]
პოლონეთის ნაკრების მწვრთნელს არ გადააყენებენ
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს