<p>აზარი დაბრუნდა, ბელგია გავიდა! <br> <strong><span style="font-size: x-small;">* ბელგიის ნაკრები მეოთხედფინალში უელსს შეხვდება.</p><p>* ბელგიის ნაკრებს ასეთი სხვაობით არასოდეს მოუგია დიდ ტურნირებზე.</p><p>* ბელგიის ნაკრები პირველი გუნდია, რომელმაც ევრო 2016-ზე ოთხი გოლი გაიტანა.</p><p></span></strong></p><p>მას შემდეგ, რაც კვირის ორი მერვედფინალი ფავორიტთა დომინაციით ჩათამაშდა, ყველა დიდი ინტერესით ველოდით ბელგიისა და უნგრეთის ნაკრებების დაპირისპირებას. აქეთ ფავორიტი ბელგია და იქით ტურნირის ერთ-ერთი მთავარი აღმოჩენა უნგრეთი. წყვილს მართლაც არ აკლდა ინტრიგა.</p><p>ამ მატჩს უნდა გაეცა პასუხი მეტად საინტერესო კითხვაზე - რამდენად წონადი იყო უნგრელთა ამბიციები და ბოლოს და ბოლოს, შეძლებდა თუ არა ბელგიის ნაკრები ისეთი თამაშის ჩვენებას, როგორიც ტურნირის ერთ-ერთ მთავარ ფავორიტს შეეფერება.</p><p><p><div style="text-align: center;"><strong><span style="color: #ff0000;">ტაქტიკა და სასტარტო შემადგენლობები</span></strong></div></p> უნგრეთის ნაკრების მთავარმა მწვრთნელმა ბერნდ შტორკმა ნაცადი გზა არ დააგდო. მან აარჩია ტაქტიკა, რომელმაც უნგრეთს აქამდე წარმატებები მოუტანა.</p><p>დატვირთული მინდვრის ცენტრი, აქტიური ფლანგები და ერთადერთი ფორვარდი, გამოცდილი ადამ სალაი - ეს იყო მადიართა მთავარი კოზირები.</p><p>შტორკი დანაკლისს ვერ ასცდა. უნგრეთის ნაკრებმა ტრავმის გამო მოისაკლისა აქტიური ფლანგელი მცველი ფიოლა. რაც მთავარია, თავიდან ძირითად შემადგენლობაში კლაინჰაისლერი ეწერა, მაგრამ ბოლო წამს მან სათადარიგოთა სკამზე გადაინაცვლა. საფიქრებელია, რომ ტრავმის გამო. სასტარტოში კი პინტერი დადგა. უნგრეთის შემადგენლობაში მთავარი კაცი ბალაჟ ჯუჯაკი უნდა ყოფილიყო, რომელიც აქამდე შეუჩერებელი გახლდათ ფრანგულ ევროფორუმზე.</p><p>ბელგიის ნაკრების მთავარმა მწვრთნელმა მარკ ვილმოტსმა რამდენიმე მნიშვნელოვანი და სარისკო გადაწყვეტილება მიიღო. მან სათადარიგოთა სკამზე დატოვა იანიკ ფერეირა-კარასკო და მარუან ფელაინი. ერთგვარი სიურპრიზი იყო ბელგიელთა შემადგენლობაში დრის მერტენსის გამოჩენა.</p><p>ვფიქრობთ, ეს ორი რამის გამო გააკეთა ვილმოტსმა. ჯერ ერთი, უსწრაფეს მერტენსს მეტი მობილურობა უნდა შეეტანა ბელგიელთა თამაშში და მეორეც - გუნდის ერთ-ერთ ლიდერს, კევინ დე ბრიუნს უფრო მეტად მინდვრის ცენტრში უნდა ემოქმედა.</p><p><p><div style="text-align: center;"><strong><span style="color: #ff0000;">გოლები</span></strong></div></p> 0:1 - კევინ დე ბრუინის რბილი, გამოზომილი პასი სტანდარტიდან. რომელუ ლუკაკუ ბურთს ვერ შესწვდა, მაგრამ შეტევაში ჩართულმა ტობი ალდერვეირელდმა უმძლავრესი თავურით აიღო გაბორ კირაის კარი.</p><p>0:2 - ედენ აზარმა დიდებულად იმოქმედა ფლანგზე; გამჭოლი, უზუსტესი პასით მონახა მინდორზე იმ წუთს შემოსული მიში ბატშუაი და "მარსელის" შემტევმაც შანსი ხელიდან არ გაუშვა.</p><p>0:3 - ბურთი ედენ აზარმა მოიგდო, შეიწია ცენტრისკენ და კირაის შანსი არ დაუტოვა.</p><p>0:4 - ბელგიელთა მორიგი "მკვლელი" კონტრშეტევა. რაჯა ნაინგოლანი საგოლედ იანიკ ფერეირა-კარასკოს აწვდის.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/euro2016video.html?view=video&video=7801" target="_blank" style="font-size: x-small; line-height: 15.808px; text-align: center;"><img src="pictures/artimages/image16/300473c5b342f06e80f986ed0931657b.jpg" border="0" alt="Sportall.Ge" title="ევრო 2016. 1/8 ფინალი: აზარმა და კომპანიამ უნგრეთი შინ გაუშვა [VIDEO]" /></a></div></p></p><p><p><div style="text-align: center;"><strong><span style="color: #ff0000;">მატჩის შემდეგ</span></strong></div></p> <strong>ედენ აზარი</strong> (ბელგია): "ეს დიდი გამარჯვებაა. დღეს ვითამაშეთ ის ფეხბურთი, რომელსაც გულშემატკივარი ჩვენგან ელის. კომპლიმენტები უნგრეთს - ძალიან კარგად ითამაშეს. მეოთხედფინალს ლილში ვთამაშობთ და ეს ძალიან მიხარია. ამ ქალაქთან უამრავი რამ მაკავშირებს. ეს ჩემთვის სახლია, მაგრამ ეგაა, ახალი სტადიონი კარგად არ ვიცი".</p><p><strong>მარკ ვილმოტსი</strong> (ბელგია): "დღეს აზარი დიდებული იყო. ასე უნდა ითამაშოს გუნდის კაპიტანმა. დღეს მისი სათქმელი მისმა ფეხებმა თქვეს. ძალიან ძლიერი გუნდი დავამარცხეთ. ჩვენს მომავალს ევროფორუმზე იმედით ვუყურებ.</p><p>ერთადერთი იმან შემაწუხა, რომ არაერთი საგოლე მომენტი ვერ გამოვიყენეთ. უფრო ზუსტნი რომ ვყოფილიყავით, პირველი ნახევრის მერე 3:0 უნდა წაგვეყვანა ანგარიში".</p><p><strong>ბერნდ შტორკი</strong> (უნგრეთი): "ვულოცავ ბელგიას დამსახურებულ გამარჯვებას. ჩვენ ყველაფერი გავაკეთეთ, რომ თამაშის ბედი შემოგვეტრიალებინა, განსაკუთრებით, მეორე ტაიმში, მაგრამ არ გამოვიდა. ძალიან ოპტიმისტურად განმაწყო ევროპის ჩემპიონატზე ჩვენმა ასპარეზობამ".</p><p><p><div style="text-align: center;"><strong><span style="color: #ff0000;">ანალიზი</span></strong></div></p> ბელგიის ნაკრებმა, როგორც იქნა, თავისი რეალური ძალა გვიჩვენა. არ მოგატყუოთ ბურთის ფლობაში უნგრელთა უპირატესობამ. მთელი შეხვედრა ბენილუქსელთა უპირატესობით მიმდინარეობდა.</p><p>ვფიქრობთ, ეს იყო ერთ-ერთი საუკეთესო მატჩი მარკ ვილმოტსის კარიერაში. ბელგიელთა ახალგაზრდა თავკაცმა შეძლო და თავისი თამაში მოახვია თავს უნგრეთის ნაკრებს. უსწრაფეს კონტრშეტევებში დღეს ბელგიას მსოფლიოში ძნელად თუ მოეძებნება ბადალი.</p><p>როგორც იქნა, შესაძლებლობების ზღვარზე ითამაშეს ბელგიელთა ლიდერებმა. განსაკუთრებით, ეს ედენ აზარზე ითქმის, თუმცა ამაზე ქვემოთ. რაც მთავარია, ბელგიამ დაიწყო იმ უამრავი სახიფათო მომენტის ნაწილობრივ მაინც გამოყენება, რომელსაც ქმნის მოწინააღმდეგეთა კართან.</p><p>ჩვენ ჯერ კიდევ ზუსტად არ ვიცით, რამხელა რესურსი აქვს მარკ ვილმოტსს სათადარიგოთა სკამზე. ბედნიერია ის გუნდი, რომლის მწვრთნელიც თავს უფლებას აძლევს, სათადარიგოთა სკამზე დატოვოს ბატშუაისა და კარასკოს დონის ფეხბურთელები.</p><p>უნგრეთის ნაკრებს, ანგარიშის მიუხედავად, თავი არ შეურცხვენია. როგორც ჩანს, უნგრელებისათვის რთულად გადასატანი აღმოჩნდა ლიდერის, კლაინჰაისლერის ტრავმა. ის სასტარტო შემადგენლობაში ეწერა, მაგრამ მინდორზე საერთოდ არ გამოჩენილა.</p><p>ბელგიამ კოლექტიური ქმედებებით გაანეიტრალა უნგრელთა ლიდერები,მეტადრე - ბალაჟ ჯუჯაკი, ვინც სასურველი სივრცე ვერაფრით იპოვა.</p><p><p><div style="text-align: center;"><strong><span style="color: #ff0000;">მატჩის გმირი</span></strong></div></p> ამ სტრიქონების ავტორის სუბიექტური აზრით, ედენ აზარმა ისე ითამაშა, როგორც არავის უთამაშია ამ ევროფორუმზე. სასწაული - ბელგიელთა ლიდერის მიერ მინდორზე გაწეული სამუშაო და გაკეთებული საქმეები სწორედ ასე უნდა შეფასდეს.</p><p>გოლი და საგოლე პასი მხოლოდ სტატისტიკაა. ედენმა არაერთხელ შეუქმნა პარტნიორებს ხელსაყრელი სიტუაცია. პირდაპირ საკვირველია, როგორ ახერხებდა იგი ასეთი სიხშირით მოწინააღმდეგის კართან სიტუაციის გამწვავებას.</p><p>შეიძლება ითქვას, რომ დასრულებული, ჩაგდებული სეზონის შემდეგ ბელგიელი ვარსკვლავი სრულფასოვნად დაბრუნდა და ეს მთლიანად ფეხბურთისათვის არის კარგი.</p><p><p><div style="text-align: center;"><strong><span style="color: #ff0000;">მსაჯი</span></strong></div></p> ნორმალური - ასე შეიძლება შეფასდეს 43 წლის სერბი არბიტრის, მილორად მაჟიჩის გარჯა ამ შეხვედრაში. მსაჯს შეეძლო, რამდენიმე ჯარიმა აქეთაც მიეცა და იქითაც. თამაშის სადავეები ხელიდან მაინც არ გაუშვია. ამისთვის მან ბლომად აფრიალა ყვითელი ბარათები.</p><p><p><div style="text-align: center;"><strong><span style="color: #ff0000;">დასკვნა</span></strong></div></p> ბელგია დამსახურებულად გავიდა ნახევარფინალში. ისე ჩანს, რომ ტურნირი ხურდება, მარკ ვილმოტსის ძალიან საშიში გუნდი კი თანდათან უმატებს. ბელგიას მეოთხედფინალში გარეთ ბეილის უელსი ელის. ბეილს და კომპანიას ძალიან უნდა გაუჭირდეთ.</p><p><p><div style="text-align: center;"><strong><span style="color: #ff0000;">whoscored.com-ის ტოპ-5</span></strong></div></p> ედენ აზარი ბელ. 10,0</p><p>კევინ დე ბრუინი ბელ. 8,8</p><p>გაბორ კირაი უნგ. 8,0</p><p>ტობი ალდერვეირელდი ბელ. 8,0</p><p>ტიბო კურტუა ბელ. 7,8</p><p><span style="text-decoration: underline;">26 ივნისი. ტულუზი. "სტადიუმ მუნისიპალი"</p><p></span><strong><em>უნგრეთი - ბელგია 0:4</p><p></em></strong>გოლები: 0:1 ალდერვეირელდი (10. დე ბრუინი), 0:2 ბატშუაი (78. აზარი), 0:3 აზარი (79), 4:0 ფერეირა - კარასკო (90. ნაინგოლანი)</p><p>უნგრეთი (4-2-3-1): კირაი - კადარი, გუზმიჩი, იუჰასი (80. ბოდე), ლანგი - ნადი, გერა (46. ელეკი) - ლოვრენჩიჩი, პინტერი (75. ნიკოლიჩი), ჯუჯაკი - სალაი</p><p>ბელგია (4-2-3-1): კურტუა - მუნიე, ალდერვეირელდი, ვერმალენი, ვერტონგენი - ნაინგოლანი, ვიტსელი - მერტენსი (70. ფერეირა-კარასკო), დე ბრუინი, აზარი (81. ფელაინი) - ლუკაკუ (76. ბატშუაი)</p><p>გაფრთხილება: კადარი, ლანგი, ელეკი, სალაი - ვერმალენი, ბატშუაი, ფელაინი</p><p>კარში დარტყმა: 7 (6)- 8 (14); კუთხური: 6-8; ჯარიმა: 12-10; თამაშგარე: 0-3; ბურთის ფლობა: 54%-46%</p><p>მაყურებელი: 38 921</p><p><strong>ყოველდღიური სპორტული გაზეთი "ლელო"</strong></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
სპალეტის იტალიამ პარიზში საფრანგეთს მოუგო [VIDEO]
უნგრელი ფეხბურთელი მძიმე ტრავმის შემდეგ სამშობლოში დაბრუნდა
"ჩემი თანაგუნდელი მესისა და რონალდოს დონეზე თამაშობდა" - ჯონ ტერი
"მბაპესი ძალიან, ძალიან მეშინია" - ვერტონგენმა საფრანგეთთან მოახლოებულ დაპირისპირებაზე ისაუბრა
მარსელ კოლერი: საქართველოს ნაკრებს ბევრი კარგი ფეხბურთელი ჰყავს
ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]
საფრანგეთმა ბელგიას, იტალიამ კი ისრაელს მოუგო [VIDEO]
ინგლისის ნაკრები: სათადარიგო გეგმა არ იყო
თურქეთმა უნგრეთს მოუგო - ისევ ესპანეთთან თამაში მოგვიწევს? [VIDEO]
დიმიტრი პაიე: შვილებს კრიშტიანო რონალდოს სახელის ხსენება ავუკრძალე
რონალდო ბოლო ადგილზე - შირერმა პრემიერლიგის ისტორიაში 5 საუკეთესო გარემარბი დაასახელა
უნგრელთა მწვრთნელი: ჩვენ ან საქართველო ისევე უნდა ვიყოთ დაცულები როგორც გერმანია, ინგლისი და იტალია
"ნაპოლიდან" გათავისუფლებული მწვრთნელი ბელგიის ნაკრებს ჩაიბარებს
საქართველოს ნაკრებში რომ არ ეთამაშა - ანტალ იააკობიშვილს უნგრეთის ეროვნულ გუნდში უხმეს
სპალეტის იტალიამ ბელგიას სძლია და 17 ნოემბერს საფრანგეთს უმასპინძლებს
გერმანია შვეიცარიასთან წაგებას გადაურჩა - უნგრეთმა 90+10-ე წუთზე გატანილი გოლით შოტლანდიას მოუგო [VIDEO]
იტალიისა და გერმანიის ნაკრებებმა მილანში ამხანაგური მატჩი დაგეგმეს
"რატომ დავასრულე კარიერა 32 წლის ასაკში?" - აზარმა განმარტა
"ლილში" დაბრუნებაზე სერიოზულად ვფიქრობდი, მაგრამ..." - აზარმა გაამხილა, რატომ თქვა უარი ფეხბურთში დაბრუნებაზე
საფრანგეთმა ბელგიას კოლო მუანის რიკოშეტით გატანილი გოლით მოუგო [VIDEO]
"აი, ამიტომ ვთქვი უარი კარიერის გაგრძელებაზე" - ედენ აზარი
სანიოლის აუხდენელი სურვილი - საქართველოს ნაკრები კვლავ ესპანეთს შეხვდება [VIDEO]
"ვაპირებ თუ არა მწვრთნელობას?" - რა თქვა აზარმა
მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს