ევრო 2016-ის ამბები: არამხოლოდ ბეილი VS რონალდო

<p>საინტერესო ამბები ევრო 2016-დან <br> <strong> <p><div style="text-align: center;"><strong><span style="color: #ff0000;">ბეილი: ეს არ არის ჩემი და რონალდოს მატჩ</span><span style="color: #ff0000;">ი</span></strong></div></p> </strong>უელსის ნაკრების ლიდერმა გარეთ ბეილმა კომენტარი გააკეთა პორტუგალიასთან გასამართი ევროპის ჩემპიონატის ნახევარფინალური მატჩის წინ. "ეს არ იქნება მხოლოდ ჩემი და რონალდოს დაპირისპირება. ჩვენ არ ვართ კონცენტრირებულნი კონკრეტულ ფეხბურთელებზე. ჩვენ კონცენტრირებულნი ვართ გუნდზე. გვინდა, გავიდეთ მინდორზე და მოვიგოთ.</p><p>მე არ ვიცი, რას გრძნობს ამჟამად რონალდო, მაგრამ მე ფანტასტიკურად ვარ. რატომ ვივარჯიშე ინდივიდუალურად? მცირე პრობლემები მქონდა, ისეთი არაფერია", - თქვა ბეილმა.</p><p><p><div style="text-align: center;"><strong><span style="color: #ff0000;">ერიქსონი და რიცოლი იმსაჯებენ</span></strong></div></p> ევროპის ჩემპიონატის ნახევარფინალურ შეხვედრაზე პორტუგალიისა და უელსის ნაკრებებს შორის შვედი არბიტრი იონას ერიქსონი იმსაჯებს. რაც შეეხება მეორე ნახევარფინალს, რომელშიც ერთმანეთს გერმანიისა და საფრანგეთის ნაკრებები დაუპირისპირდებიან, ევროპული ფეხბურთის მმართველმა ორგანომ ის იტალიელ ნიკოლა რიცოლის ანდო.</p><p><p><div style="text-align: center;"><strong><span style="color: #ff0000;">კოულმენს უელსის სჯერა</span></strong></div></p> პორტუგალიასთან ევროპის ჩემპიონატის ნახევარფინალური მატჩის წინ კომენტარი გააკეთა უელსის ნაკრების მთავარმა მწვრთნელმა კრის კოულმენმა. "ვიცი, რომ შესანიშნავი გუნდი მყავს. უბრალოდ, მინდა, რომ ბიჭები გამოვიდნენ მინდორზე და აჩვენონ ყველაფერი ის, რისი ჩვენებაც მათ შეუძლიათ. თუ ვიფიქრებთ, რომ ძალიან შორს წავედით, ეს დამღუპველი იქნება - საკუთარი გამოცდილებიდან ვიცი.</p><p>პორტუგალიასთან რემზი და დევისი არ ითამაშებენ. გუნდი აქ იმისათვის არის, რომ ისინი შეცვალონ. მჯერა, ეს ნაკრებს ერთ მუშტად შეკრავს და ამ ორი ლიდერის არყოფნა გუნდზე სასიკეთოდ იმოქმედებს", - თქვა კოულმენმა.</p><p><p><div style="text-align: center;"><strong><span style="color: #ff0000;">ვილმოტსს ვან გაალი შეცვლის?</span></strong></div></p> "მანჩესტერ იუნაიტედის" ყოფილმა მთავარმა მწვრთნელმა ლუი ვან გაალმა შესაძლოა, ბელგიის ეროვნული ნაკრები ჩაიბაროს. ვან გაალი, ვინც პორტუგალიაში ისვენებდა, დროს უქმად არ კარგავდა და ბელგიელთა თამაშის ანალიზით იყო დაკავებული. გავრცელებული ინფორმაციით, ბელგიური ფეხბურთის მამები მარკ ვილმოტსის მუშაობით უკმაყოფილონი არიან და მის მემკვიდრედ ვან გაალი სურთ.</p><p>ბელგია ევროპის ჩემპიონატის მეოთხედფინალამდე მივიდა, სადაც უელსთან დამარცხდა. ამბობენ, რომ ვილმოტსის მუშაობით ნაკრების რამდენიმე ლიდერი უკმაყოფილოა.</p><p><p><div style="text-align: center;"><strong><span style="color: #ff0000;">პეპე ნახევარფინალს გამოტოვებს?</span></strong></div></p> პორტუგალიის ნაკრების დაცვის ბურჯმა პეპემ შესაძლოა, ევროპის ჩემპიონატის ნახევარფინალური შეხვედრა გამოტოვოს უელსთან. პეპეს ქუსლის პრობლემები აქვს და ჯერ ბოლომდე უცნობია, შეძლებს თუ არა იგი მინდორზე გასვლას ბრიტანელებთან შეხვედრაში. არადა, მის გარეშე პორტუგალიელთა დაცვას უელსელ შემტევებთან გამკლავება ძალიან გაუჭირდება.</p><p><p><div style="text-align: center;"><strong><span style="color: #ff0000;">ბეილმა ინდივიდუალურად ივარჯიშა</span></strong></div></p> უელსის ნაკრების თავდამსხმელმა დევიდ კოტერილმა გუნდის უკანასკნელი ვარჯიში გამოტოვა. რაც შეეხება გარეთ ბეილსა და დევიდ ედვარდსს, მათ ინდივიდუალური პროგრამით ივარჯიშეს. გავრცელებული ინფორმაციის თანახმად, პორტუგალიასთან გასამართ ნახევარფინალში მადრიდის "რეალის" ვარსკვლავი მინდორზე მაინც გავა.</p><p><p><div style="text-align: center;"><strong><span style="color: #ff0000;">ლიოვმა ხედირა დაადასტურა, გომესი ოფსაიდში</span></strong></div></p> გერმანიის ნაკრების მთავარმა მწვრთნელმა იოახიმ ლიოვმა დაადასტურა, რომ სამი ხედირა საფრანგეთის წინააღმდეგ შეხვედრაში ვერ ითამაშებს. ხედირამ ტრავმა იტალიასთან მატჩში მიიღო.</p><p>"იტალიასთან შეხვედრამ თავისი კვალი დატოვა. მარიო გომესისათვის ევროპის ჩემპიონატი დასრულებულია. ნახევარფინალში ვერც ხედირა ითამაშებს. რაც შეეხება შვაინშტაიგერს, ჩვენი ექიმები ყველაფერს აკეთებენ, რომ მან მინდორზე გასვლა შეძლოს", - აღნიშნა ლიოვმა.</p><p><p><div style="text-align: center;"><strong><span style="color: #ff0000;">რობსონ-კანუ: მთელ მსოფლიოს ვუნდივარ!</span></strong></div></p> უელსის ნაკრების ფორვარდმა ჰალ რობსონ-კანუმ განაცხადა, რომ მას მთელი მსოფლიოს მასშტაბით ჰყავს მსურველები. "გადავწყვიტე, "რედინგთან" აღარ გამეგრძელებინა კონტრაქტი. არადა, მთელი 12 წელი გავატარე ამ გუნდში. მინდა, ძალა უფრო მაღალ დონეზე მოვსინჯო. ევროპის ჩემპიონატამდეც იყო წინადადებები, მაგრამ ახლა მთელი მსოფლიოს კლუბებს სურთ ჩემი გადაბირება", - თქვა ბელგიასთან მატჩის ერთ-ერთმა გმირმა.</p><p><p><div style="text-align: center;"><strong><span style="color: #ff0000;">პუიოლს სჯეროდა</span></strong></div></p> ესპანური ფეხბურთის ცოცხალმა ლეგენდამ, კარლეს პუიოლმა ეროვნული გუნდის ევროფორუმზე ასპარეზობა შეაფასა. "ჩვენ ყველას დიდი იმედი გვქონდა, რომ გუნდი ზედიზედ მესამედ მოიგებდა ევროპის ჩემპიონატს, მაგრამ ეს ასე არ მოხდა. ჩვენ კარგი სტარტი ავიღეთ, მაგრამ მერე წავაგეთ ხორვატიასთან. მერვედფინალში იტალიამ პირველ ტაიმში აშკარად გვაჯობა, მაგრამ მეორე ნახევარში გუნდმა თამაში გამოასწორა. ეს საკმარისი არ აღმოჩნდა. ჩვენ ძალიან ძლიერ გუნდთან წავაგეთ", - თქვა პუიოლმა.</p><p><p><div style="text-align: center;"><strong><span style="color: #ff0000;">კანმა შოლს უპასუხა</span></strong></div></p> ლეგენდარულმა გერმანელმა მეკარემ, ოლივერ კანმა მეჰმედ შოლის კრიტიკას უპასუხა იოახიმ ლიოვის მისამართით. "დღეს ისე აღარ ხდება, რომ ყველა გუნდმა ყველა თამაში ერთნაირად ითამაშოს. ზოგჯერ ტაქტიკური მონახაზი იცვლება. ასე რომ, ნაკრების კრიტიკა მე სწორად არ მიმაჩნია", - თქვა კანმა.</p><p><p><div style="text-align: center;"><strong><span style="color: #ff0000;">გმირებს რეიკიავიკში დახვდნენ</span></strong></div></p> ათიათასობით ისლანდიელი რეიკიავიკში, როგორც გმირებს, ისე დახვდა ისლანდიის ნაკრების ფეხბურთელებს. ფანები გმირებს მოედანზე საომარი შეძახილებით შეეგებნენ, რომლებიც კარგად ისმოდა ევრო 2016-ზე ისლანდიის ნაკრების გამოსვლისასაც. შეგახსენებთ, რომ ისლანდიის ნაკრებმა ნამდვილი სასწაული მოახდინა და დებიუტანტი გუნდი ევროპის ჩემპიონატის მეოთხედფინალში გავიდა, სადაც მასპინძელ საფრანგეთთან დამარცხდა.</p><p><p><div style="text-align: center;"><strong><span style="color: #ff0000;">ინგლისელი ისლანდიის ქომაგობისთვის დაჭრეს</span></strong></div></p> "ლე პარიზიენის" ცნობით, საფრანგეთი-ისლანდიის მატჩის (5:2) მერე პარიზის ქუჩაში ინგლისელი დაჭრეს. 25 წლის მამაკაცი პოლიციელია, რომელიც პარიზში ოჯახთან ერთად ისვენებს. მან, თავისდა საუბედუროდ, გადაწყვიტა ისლანდიის ნაკრებისთვის ექომაგა, რისთვისაც მუცელში დანით ორი დარტყმა მიიღო.</p><p><p><div style="text-align: center;"><strong><span style="color: #ff0000;">უფასო ლუდი თითოეულ უელსელს</span></strong></div></p> "ბუდვაიზერი" უელსის მცხოვრებლებს სასიამოვნო სიურპრიზს სთავაზობს: უელსი-პორტუგალიის მატჩის წინ ეს კომპანია უფასოდ დაალევინებს ლუდს უელსის ნებისმიერ მოქალაქეს, მთავარია, ის სრულწლოვანი იყოს. ასე "ბუდვაიზერი" აღნიშნავს უელსის ნაკრების სუპერწარმატებულ თამაშს ევრო 2016-ზე.</p><p><p><div style="text-align: center;"><strong><span style="color: #ff0000;">რამდენი წლისაა სინამდვილეში სანჩესი?</span></strong></div></p> ცნობილმა ფრანგმა სპეციალისტმა გი რუმ ეჭვი გამოთქვა, რომ პორტუგალიის ნაკრების ნახევარმცველი რენატო სანჩესი მართლა 18 წლისაა. მისი აზრით, სანჩესი, რომელიც "ბაიერნის" ახალწვეულია, სულ მცირე, 23-24 წლის უნდა იყოს და მას ასაკი აქვს გადაკეთებული. "თუმცა ის მართლაც კარგი ფეხბურთელია. რაც შეეხება პორტუგალიის ნაკრებს, რონალდოს გარეშე ის ჩვეულებრივი გუნდია", - განაცხადა გი რუმ.</p><p><p><div style="text-align: center;"><strong><span style="color: #ff0000;">პორტუგალიელები დასაჯეს</span></strong></div></p> უეფას ეთიკის კომისიამ პორტუგალიის ფეხბურთის ფედერაცია 7 ათასი ევროთი დააჯარიმა. პორტუგალიელები პიროტექნიკის გამოყენებისთვის და მოედანზე ფანის შეჭრისთვის დაისაჯნენ. შეგახსენებთ, რომ პოლონეთთან მატჩში ერთ-ერთი პორტუგალიელი ფანი კრიშტიანო რონალდოსთან მიჭრას ცდილობდა, მაგრამ ის სტიუარდებმა შეაჩერეს.</p><p><strong>ყოველდღიური სპორტული გაზეთი "ლელო"</strong></p>

.........

უელსი მაინც უელსია, როგორც ისლანდია და ძალიანაც ნუ გამოიდებთ თავს მათ ძლიერებაზე. საფრანგეთთან ან გერმანიასთან კი ბატონო მაგრამ ამ საშუალო დონის ნაკრებთან ნამდვილად არ გავარდება პორტუგალია. ,,,,ა ინგლისმა თუ თამაში შემოუტრიალა პორტუგალიასთან შანსიც კი არ ექნებათ.

ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!

ერევნის ტურნირზე საქართველოს ნაკრებმა მოლდოვას დიდი ანგარიშით სძლია

"რომა" "იუვენტუსს" სწორედ ამიტომ ვარჩიე" - გასპერინი

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

ლუის ენრიკემ "პარიზთან" მატჩში შემადგენლობა დაასახელა

მამარდაშვილი "ბარნსლისთან" მატჩის სასტარტოშია

"რეალმა" ჩაბი ალონსო გადააყენა და მის ნაცვლად არბელოა დანიშნა

"შავი ლომი" | ფინალი "ძებრესთან" ჯგუფიდან გასასვლელად - შაბათს "მიხეილ მესხზე"

"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი

"დინამო თბილისი" 8 ფეხბურთელს დაემშვიდობა

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

იუნაიტედი FA თასზე მესამე წრიდან გამოვარდა

იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა

ნინო ბაციაშვილი სწრაფ ჭადრაკში ევროპის ჩემპიონი გახდა!

ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ

"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია

[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა

სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს

"არსენალს" რეკორდსმენი აუტების მწვრთნელი ეყოლება

გარეთ ბეილმა 33 წლის ასაკში საფეხბურთო კარიერა დაასრულა

დიმიტრი პაიე: შვილებს კრიშტიანო რონალდოს სახელის ხსენება ავუკრძალე

იტალიისა და გერმანიის ნაკრებებმა მილანში ამხანაგური მატჩი დაგეგმეს

BMV - "რეალის" შეტევას ახალი ზედმეტსახელი აქვს

ბეილი: ჩემპიონთა ლიგის ფინალი 5:0 დასრულდება

"ბარსელონას" და მსოფლიოს ვაფრთხილებ" - ბეილის განცხადება

რონალდოს რეკორდი დამხობასთან ერთ ნაბიჯშია - მბაპე კრიშტიანოს გაუთანაბრდა

მარსელ კოლერი: საქართველოს ნაკრებს ბევრი კარგი ფეხბურთელი ჰყავს

პირველად ბოლო 17 წელიწადში - კრიშტიანო რონალდოს გენიალური სერია შეწყდა

[VIDEO] რონალდოს ლამაზი საგოლე პასი და ფელიქსის ბრწყინვალე გოლი

"არადა, ხალხს ის ნორმალურ ადამიანად მიაჩნდა" - მარსელომ ყველაზე რთული მეტოქე დაასახელა

ჟურნალმა GQ Italy-მ ევროპის ულამაზეს გულშემატკივრად შვეიცარიელი ფეხბურთელის ცოლი დაასახელა [PHOTO]

მარსელ კოლერი ავსტრიის ნაკრების სათბილისო შემადგენლობას ხუთშაბათს დაასახელებს

მსოფლიოს 2022 წლის ჩემპიონატის ყველაზე ცუდი ფეხბურთელებისგან შემდგარი თერთმეტეული დასახელდა, სადაც ბეილი და კვარაცხელიას თანაგუნდელიც მოხვდნენ

"ფეხბურთელები არაფერს იკლებენ, მე კი გაკოტრების მეშინოდა და სხვაგვარად მოვიქეცი" - გარეთ ბეილი

ინგლისის ნაკრები: სათადარიგო გეგმა არ იყო

"ერთხელ იცით, რონალდო რის გამო ატირა?" - მოდრიჩმა მოურინიოზე ისტორია გაიხსენა

[VIDEO] რონალდოს დუბლი და "ალ ნასრის" გამარჯვება პორტუგალიურად