უიმბლდონი: ხუთსეტიანი ფედერერი და მარეი

უიმბლდონზე ნახევარფინალების დროა ლეგენდარულმა როჯერ ფედერერმა თავის კარიერაში ერთ-ერთი ურთულესი მატჩი მოიგო. შვეიცარიელმა 0:2-დან შემოაბრუნა მარინ ჩილიჩთან შეხვედრა, თან გზად სამი მატჩბოლი მოიგერია.ფედერერისთვის კარიერაში ეს მეათე შემთხვევაა, როცა ორი სეტის წაგების შემდეგ შეძლო მოგება. ჩილიჩი პირველ ორ სეტში თითქმის იდეალურად აწვდიდა - პირველი მოწოდებით ქულების 87 პროცენტი აიღო და მეტოქეს მხოლოდ სამი ბრეიკ-პოინტის შანსი მისცა, რომელიც როჯერმა ვერ გამოიყენა.გარდამტეხი მომენტი მესამე სეტის მეშვიდე გეიმში იყო, როცა 3:3-ზე ფედერერი აწვდიდა და 0:40 ჩამორჩა. ამ კრიტიკულ მომენტში როჯერმა ზედიზედ ხუთი ქულა აიღო და გეიმი გადაარჩინა, მომდევნო გეიმში კი ჩილიჩმა ბრეიკ-პოინტზე ორმაგი შეცდომა დაუშვა და ფედერერმა მატჩში პირველი ბრეიკი შეასრულა.მეოთხე სეტში შვეიცარიელმა უფრო დამაჯერებლად იგრძნო თავი, თუმცა ჩილიჩიც კარგად გამოიყურებოდა. როჯერს მხოლოდ ერთ გეიმში ჰქონდა ბრეიკ-პოინტები, ხორვატს კი სამში. ორჯერ - 5:5-ზე და 6:6-ზე, ფედერერის მოწოდებისას, ორი მატჩბოლიც გამოიმუშავა, მაგრამ საქმე ბოლომდე ვერ მიიყვანა. შემდეგ კი იყო დრამატული ტაი-ბრეიკი, რომელშიც ჩილიჩმა კიდევ ერთი მატჩბოლი ვერ გამოიყენა, ფედერერმა კი ოთხი სეტბოლი გაანიავა, თუმცა მეხუთე ცდაზე მაინც მოახერხა სეტებში ანგარიშის გათანაბრება.მეხუთე სეტში ჩილიჩი აშკარად დემორალიზებული ჩანდა და მთელი პარტიის განმავლობაში ბრეიკ-პოინტი არ ჰქონია, როჯერმა კი 4:3-ზე შეძლო მეტოქის მოწოდების აღება და კარიერაში მეთერთმეტედ გავიდა უიმბლდონის ნახევარფინალში.ამ ეტაპზე ფედერერი მილოშ რაონიჩს შეხვდება, რომელმაც ნოვაკ ჯოკოვიჩის მძლეველ სემ კუერის ოთხ სეტში მოუგო - 6:4, 7:5, 5:7, 6:4. ამ მატჩში მინიმალური რაოდენობით იყო ბრეიკები: რაონიჩმა ხუთიდან სამი შანსი გამოიყენა, კუერიმ - ორიდან ერთი. რაონიჩსა და ფედერერს შორის ურთიერთშეხვედრათა ანგარიშია - 9:2 შვეიცარიელის სასარგებლოდ, თუმცა ბოლო მატჩი კანადელს აქვს მოგებული - წელს, იანვარში ბრისბენის ტურნირზე.* * *მეორე ნახევარფინალური წყვილი დააკომპლექტეს ტომაშ ბერდიხმა და ენდი მარეიმ.ბერდიხი მესამე ჩეხი გახდა ისტორიაში იან კოდეშისა და ივან ლენდლის შემდეგ, ვინც მეორედ გავიდა უიმბლდონის ნახევარფინალში. მან უშანსოდ დატოვა ფრანგი ლუკა პუიე - 7:6(4), 6:3, 6:2. განსაკუთრებით კარგად ჩეხს პირველი მოწოდება გამოსდიოდა - მხოლოდ შვიდი ქულა წააგო, "ვინერსებიც" გაცილებით მეტი ჰქონდა, ვიდრე უნებლიე შეცდომები. რა თქმა უნდა, ბერდიხს გამოცდილებაში უდიდესი უპირატესობა გააჩნდა - ის "დიდი სლემის" ტურნირებზე მეთოთხმეტედ თამაშობდა მეოთხედფინალში, პუიე კი პირველად.ბერდიხის მეტოქე დღის ბოლო მატჩში გამოვლინდა, რომელშიც ენდი მარეიმ ანერვიულა ადგილობრივი პუბლიკა. მსოფლიოს მეორე ჩოგანი ფრანგ ჟო-ვილფრიდ ცონგას ხვდებოდა და იოლად მოგების ბევრი შანსი გაუშვა ხელიდან. მაგალითად, პირველ სეტში ბრეიკით იგებდა, მაგრამ მეტოქეს ანგარიში გაათანაბრებინა, ტაი-ბრეიკზე კი ჩამორჩა და სამი სეტბოლის მოგერიება მოუწია. თავად კი მეოთხე ცდაზე აიღო მე-13 გეიმი. სამაგიეროდ, მეორე პარტია ისე მოიგო, რომ ცონგას ერთი ბრეიკ-პოინტის შანსიც არ მისცა.ორი სეტის მოგების შემდეგ, მარეი მოდუნდა და მესამე სეტი ისე დათმო, რომ მოწინააღმდეგის მოწოდების აღების ერთი შანსიც არ ჰქონდა. მასპინძელს შეეძლო მეოთხე სეტში მოემთავრებინა ყველაფერი, როცა მეექვსე გეიმში ბრეიკით დაწინაურდა, მაგრამ ამას ორი საკუთარი გეიმის წაგება მოჰყვა და ჩოგბურთელებს მეხუთე სეტის თამაში მოუწიათ.როგორც ჩანს, ცონგამ მთელი ძალები 0:2-დან თამაშის შემობრუნებას შეალია და გადმწყვეტ პარტიაში წინააღმდეგობის გაწევა ვეღარ შეძლო. ფრანგმა პირველი გეიმი მაშინ აიღო, როცა 0:5 იყო ჩამორჩენილი. მარეიმ მატჩზე "მშრალი" ანგარიშით ჩააწოდა და ზუსტად ოთხსაათიანი მარათონი თავის სასარგებლოდ დაასრულა - 7:6(10), 6:1, 3:6, 4:6, 6:1.კაცები1/4 ფინალირაონიჩი (კან, 6)-კუერი (აშშ, 28) 6:4, 7:5, 5:7, 6:4ფედერერი (შვეიც, 3)-ჩილიჩი (ხორ, 9) 6:7(4), 4:6, 6:3, 7:6(9), 6:3ბერდიხი (ჩეხ, 10)-პუიე (საფ, 32) 7:6(4), 6:3, 6:2მარეი (ბრიტ, 2)-ცონგა (საფ, 12) 7:6(10), 6:1, 3:6, 4:6, 6:11/2 ფინალირაიონიჩი (კან, 6)-ფედერერი (შვეიც, 3)ბერდიხი (ჩეხ, 10)-მარეი (ბრიტ, 2)ყოველდღიური სპორტული გაზეთი "ლელო"

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა

ფრანგული კლუბის ექს-პრეზიდენტი დედის დაკრძალვაზე მოკლეს

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

"ამ ქმედების გამო, ფეხბურთელებთან ურთიერთობა თავიდანვე ცუდად დაიწყო" - რას წერს ფაბრიციო რომანო ჩაბი ალონსოზე?

[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა

"არსენალს" რეკორდსმენი აუტების მწვრთნელი ეყოლება

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ

ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა

"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა

ოფიციალურად: როჯერ ფედერერი მილიარდერი გახდა