- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კაკალაძემ "თავისუფლების" შვიდეული შეავსო
<p>ნაკრების თავკაცმა ზაზა თურმანიძემ 29-30 მარტს დორტმუნდში, ევროპის ჩემპიონატზე წასაყვანი შემადგენლობა დაასახელა <br> საქართველოს თავისუფალი სტილით მოჭიდავეთა ნაკრების თავკაცმა ზაზა თურმანიძემ ოფიციალურად დაასახელა 29-30 მარტს დორტმუნდში, ევროპის ჩემპიონატზე წასაყვანი შემადგენლობა.</p><p>თუმცა ეს დამალული არც აქამდე იყო - წინასწარი შეპირებით, ევროპაზე ქვეყნის ჩემპიონები იჭიდავებენ. გაურკვეველი მხოლოდ 66 კილოგრამი იყო. აქ საქართველოს ჩემპიონი გორელი ცოტნე ბარამიძე გახდა, მაგრამ ფილას მიერ მოქალაქეობის შეცვლის შესახებ მიღებული ახალი წესით, ჩვენი სახელით გამოსვლის ნება აღარ აქვს. ამ წესით მოქალაქეობის შეცვლა მხოლოდ ერთხელ შეიძლება. ამდენად, ამიერიდან ის მხოლოდ ყაზახეთის სახელით თუ იჭიდავებს, თურმანიძეს კი მისი შემცვლელის ძებნა ქვეყნის პრიზიორებს შორის მოუხდა.</p><p>კანდიდატი ისევ გორელი ვიცე-ჩემპიონი ილია ხუციშვილი და ბათუმელი მესამე პრიზიორი, იმავდროულად ევროპის ვიცე-ჩემპიონი კობა კაკალაძე იყვნენ (მან მეორე ბრინჯაოს მფლობელი, მიხეილ ზარქუა დაამარცხა და მთავარი მესამე ნომერი გახდა. ზარქუა ამიტომ არ იყო კანდიდატთა შორის). თურმანიძემ 10 დღის წინ ორივე სტამბოლში გამოსცადა იაშარ დოგუს სახელობის საერთაშორისო ტურნირში, სადაც უფრო უკეთ კაკალაძე გამოვიდა - ბრინჯაოსთვის იჭიდავა, თუმცა წააგო და მეხუთეზე დარჩა.</p><p>ამის მიუხედავად, მთელ რიგ შეხვედრებში კაკალაძემ მაინც დაიმსახურა მწვრთნელთა მოწონება და ვაკანსიაც მის ხარჯზე შეავსეს, სხვა წონებში კი დორტმუნდში საქართველოს ჩემპიონები გამოვლენ: ვლადიმერ ხინჩეგაშვილი (55), მალხაზ ზარქუა (60), დავით ხუციშვილი (74), დავით მარსაგიშვილი (84), ბელდუხ გავაშელიშვილი (96), დავით მოძმანაშვილი (120). ჩვენი ნაკრები გერმანიაში 27 მარტს გაემგზავრება, ჩემპიონატი კი 29-ში დაიწყება. იმ დღეს 60, 74 და 96-ის ფალავნები იჭიდავებენ, დანარჩენები კი 30-ში შეეცდებიან წარმატების მოპოვებას.</p><p>ევროპის ჩემპიონატამდე ჩვენს "თავისუფლებს" კიდევ ორი შეჯიბრება ელოდებათ - 4-5 მარტს მინსკში ალექსანდრ მედვედის სახელობის საერთაშორისო ტურნირია, 19-20 მარტს კი მახაჩყალაში მსოფლიოს თასი იმართება, ოღონდ ორივეგან სათადარიგოები წავლენ. ნაკრების ხელმძღვანელთა გადაწყვეტილებით, ლიდერებს მეტი საშეჯიბრო პრაქტიკა არ სჭირდებათ, რადგან ნოემბერში საქართველოს პირველობაც იჭიდავეს. თან, უკვე ევროპამდე ბევრი დროც არ რჩება და ამ პერიოდში შეჯიბრებაზე წასვლა მართლაც არაა მიზანშეწონილი.</p><p>მინსკში საქართველოს ნაკრები ასეთი შემადგენლობით გამოვა: გიორგი ედიშერაშვილი, გივი დავიდოვი, ლაშა ლომთაძე (სამივე - 55), დავით ბერძნიშვილი, გიორგი ბალიაშვილი (60), ილია ხუციშვილი (66), არჩილ ქიტიაშვილი, ირაკლი მარსაგიშვილი (84), ლერი ქეთიშვილი (96), გიორგი საკანდელიძე (120). მახაჩყალაში ბესარიონ გოჩაშვილი (55), მალხაზ ქურდიანი (60), შალვა მუზიაშვილი (66), გელა საღირაშვილი (74), ბექა ჭელიძე (84), დავით ქერაშვილი (96), გიორგი საკანდელიძე, ლევან ბერიანიძე (120) იჭიდავებენ.</p><p>მინსკის ტურნირი ჩვეულებრივი ფორმატით ტარდება და ამიტომ აგზავნიან იქ გაფართოებულ შემადგენლობას, დაღესტანში კი გუნდური შეჯიბრებაა, სადაც მონაწილეთა რაოდენობა შეზღუდულია. შემადგენლობაც ამან განაპირობა. წინასწარი მონაცემებით, მახაჩყალაში ძალიან ძლიერი შეჯიბრება იქნება. რუსეთში და კონკრეტულად - ჩრდილო კავკასიაში ახლა რომ სპორტის ბუმია, არაერთხელ დაგვიწერია, მათთვის ტრადიციულ თავისუფალ ჭიდაობაში კი ეს ორმაგად თვალშისაცემი პროცესია - იქაურებისთვის რაღა ჭიდაობა და რაღა რელიგია! ამიტომ ყოველ შეჯიბრებას უდიდესი ინტერესით ეკიდებიან და იქაურმა საჭიდაო ტურნირებმა საპრიზო ფონდებით უკვე რეკორდები მოხსნა - ჩეჩნეთის პრეზიდენტმა რამზან კადიროვმა შარშან პირველად ჩაატარა თავისი სახელობის შეჯიბრება და გამარჯვებულებს მანქანებთან ერთად ჯილდოდ 20 ათასი დოლარი მისცა.</p><p>თუმცა ჩეჩნები უკვე ჭიდაობასაც გასცდნენ და მშობლიური "ტერეკის" საფეხბურთო კლუბის მწვრთნელად სახელოვანი ჰოლანდიელი რუუდ გულიტი ხომ მიიწვიეს, აგერ, ახლა ბრაზილიასთან გაჯიბრებაც მოინდომეს და გროზნოში რა დონის ვარსკლავებს ეპატიჟებიან! მართალია, რეგიონის სხვა ქვეყნები მთლად ასე შორს ჯერ არ წასულან, მაგრამ სპორტს ისინიც დიდ ყურადღებას უთმობენ, მოჭიდავეთა ზემოაღნიშნული მსოფლიოს თასის საორგანიზაციო კომიტეტს კი სათავეში დაღესტანის პრეზიდენტი მაგომედსალამ მაგომედოვი უდგას. ის და რესპუბლიკის სპორტის მინისტრი არსენალი მურთაზალიევი იანვრიდან მოყოლებული, როცა მახაჩყალამ ოფიციალურად მიიღო ტურნირის გამართვის უფლება. ყოველდღიურად მკაცრად აკონტროლებენ მზადების პროცესს. შეჯიბრების საპრიზო ფონდი 150 ათასი დოლარია.</p><p>როგორც ვხედავთ, საკანდელიძე ორივე შემადგენლობაშია - მინსკშიც იჭიდავებს და მახაჩყალაშიც. მწვრთნელები ენდნენ მას, როგორც ახალგაზრდა სპორტსმენს და მიაჩნიათ, რომ ეს მისთვის დაუძლეველი დატვირთვა არ იქნება. კაცმა რომ თქვას, ეს კითხვა რუსეთში, ჩრდილო კავკასიაში და კიდევ ბევრ ქვეყანაში არც დაისმებოდა, მაგრამ ჩვენთან მიუჩვეველები არიან მსგავს დატვირთვებს, რაც აუცილებლად უნდა გამოსწორდეს.</p><p>ალბათ, შეამჩნევდით იმასაც, რომ მინსკში წასაყვან შემადგენლობაში 74-ში მონაწილე არ გვეყოლება - აქ თითქოს გიორგი მარსაგიშვილის დაყენებას აპირებდნენ, მაგრამ ის მერე ინდოეთში გაუშვეს შეჯიბრებაზე. მოგეხსენებათ, ინდოეთში ქართველი მწვრთნელი ვლადიმერ მესტვირიშვილი მუშაობს (სწორედ მის ხელში გახდნენ რენე და სუშილ კუმარები მსოფლიოს ჩემპიონი და ოლიმპიური პრიზიორი). ინდოელები ამ დღეებში ზედიზედ ატარებენ ორ ტურნირს და ჩვენებისთვის სამი მოჭიდავის გაშვება უთხოვიათ. რაკი ყველანაირ ხარჯს ისინი იღებდნენ, არც ამათ უთქვამთ უარი და მარსაგიშვილთან ერთად მიხეილ ზარქუა და მძიმეწონოსანი გიორგი ნიკურაძე გაუშვეს.</p><p>დასასრულს იმასაც გეტყვით, რომ "თავისუფალთა" ნაკრები დუშეთშია შეკრებაზე, რომელსაც 4 მარტს დაამთავრებს, მერე კი იქაურობას ამავე სტილის ახალგაზრდები დაიკავებენ. მინსკში გუნდი 3 მარტს გაფრინდება დავით ოთიაშვილისა და ალექსანდრე კახნიაშვილის ხელმძღვანელობით.</p>
U23. მსოფლიოს ჩემპიონატზე სულეიმანიშვილმა ვერცხლის მედალი მოიპოვა
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს
დე ლაურენტისი: კონტეში ეჭვი გეპარებოდათ?
ხვიჩა მწვრთნელს უსმენს - იმიჯის გამყარება და ის, რაზეც სამუშაოა...