<p>ფეხბურთი სამშაბათი <br></p><p>სერგეი ლიტოვჩენკო</p><p>ქართველების ცხელი სისხლი ყველგან</p><p>იგრძნობა</p><p>"ზუგდიდის" მეკარე სერგეი ლიტოვჩენკომ უკრაინელ გამოცემა "ფუტბოლთან" საქართველოში ჩამოსვლის მიზეზზე, ახალ გუნდზე, ჩვენებურ ფეხბურთსა და მის დონეზე ილაპარაკა.</p><p>"უკრაინის ჩემპიონატის დაწყებამდე ხუთი დღით ადრე, ისრაელიდან, კერძოდ, აშქელონის "ჰაპოელიდან" ოფიციალური შეთავაზება მივიღე. ეს "ოლიმპიკის" პრეზიდენტს ვუთხარი და კონტრაქტის გაწყვეტაზე დათანხმდა. ისრაელის კლუბს სლოვაკეთში ერთკვირიან შეკრებაზე გავყევი. ორი თამაში ჩავატარე და მწვრთნელმა მითხრა, რომ კონტრაქტის გაფორმება სურდა. უკრაინაში იურიდიული საკითხების მოსაგვარებლად დავბრუნდი. მაგრამ ერთ კვირაში შევიტყვე, რომ აშქელონელებმა ისრაელის მოქალაქეობის მქონე მეკარე მწვრთნელთან შეუთანხმებლად დაიმატეს და აღარ წავედი. "ზუგდიდის" ხელმძღვანელობა სწორედ ამ დროს დამიკავშირდა", - ამბობს ლიტოვჩენკო.</p><p>უკრაინელმა მეკარემ ქართულ კლუბთან კონტრაქტი გარდამავალი ჩემპიონატის დასრულებამდე, მხოლოდ ოთხი თვით გააფორმა და ამის მიზეზიც დაასახელა:</p><p>"რატომ ასეთი მოკლევადიანი კონტრაქტი? ჩემთვის, ეს პირველი უცხოური გამოცდილებაა და ჯერ უნდა გავიგო, ამ ქვეყანაში თავს კომფორტულად ვიგრძნობ თუ არა. ჩემპიონატის დასრულების შემდეგ კიდევ ერთხელ დავფიქრდები, სად მირჩევნია კარიერის გაგრძელება. ახლა ჩემი მთავარი მიზანია, მაქსიმალურად დავეხმარო გუნდს და საუკეთესო თვისებები გამოვავლინო".</p><p>ლიტოვჩენკომ "ზუგდიდთან" და მისთვის უცხო ქალაქთან ადაპტაციაზეც ილაპარაკა:</p><p>"კლუბში კარგად მიმიღეს, რაიმე დისკომფორტი არ მიგრძვნია. რა თქმა უნდა, ადაპტაციაში უკრაინელი ლეგიონერები და მწვრთნელები დამეხმარნენ, განსაკუთრებით - დიმა ზოზულია. პირველი სეზონი არ არის, რაც ის საქართველოში თამაშობს. რამდენად რთულია, საზღვარგარეთ გადასვლა? ცხოვრებაში რაღაცას თუ გადავწყვეტ, მაშინ ბარიერი არ გამაჩნია. ერთ დღეში ჩავალაგე ჩანთა და საქართველოში გავფრინდი. რაც შეეხება მეუღლესა და ქალიშვილს, ისინი უკვე ჩამოვიყვანე, ისინი ყოველთვის ჩემთან არიან... ბევრი უცხოური კლუბი უზრუნველყოფს მოთამაშეებს მანქანითა და ბინით. "ზუგდიდმა" ქალაქის ცენტრში ლამაზი ბინა მიქირავა, მანქანა კი, პრინციპში, საჭირო არ არის, რადგან ზუგდიდი პატარა ქალაქია და შეგიძლიათ, ფეხით მოიაროთ. სამწუხაროდ, პირველ ტურებში გუნდი ისეთი წარმატებით ვერ თამაშობს, როგორც გვსურს. ამის მიზეზი ის არის, რომ ბევრი ახალი მოთამაშეა. იმისთვის, რომ სრულ ურთიერთგაგებას მივაღწიოთ, გარკვეული დრო გვჭირდება".</p><p>ლიტოვჩენკომ ქართული ფეხბურთის პრობლემებიც ახსენა:</p><p>"ამ ეტაპზე, ქართული ფეხბურთის სუსტი წერტილი ინფრასტრუქტურა და მოედნების ხარისხია. აშკარაა, რომ ამ სფეროს დიდი ხნის განმავლობაში საკმარის ყურადღებას არ აქცევდნენ. მაგრამ ახლა ზუგდიდში ევროპული დონის სტადიონს აშენებენ. ქალაქისა და კლუბის ახალი მმართველები სერიოზულ განვითარებასა და ინფრასტრუქტურის მოწყობაზე ფიქრობენ... ქართველები უკრაინელებზე უფრო ტემპერამენტიანი ხალხია და "ცხელი სისხლი" ყველგან იგრძნობა - მოედანზეც და ტრიბუნებზეც. საქართველოში ფეხბურთი ძალიან უყვართ. მათ და უკრაინის ჩემპიონატებს თუ შევადარებთ, ვფიქრობ, ფუნდამენტურად განსხვავებული დონეა. მიუხედავად იმისა, რომ საქართველოს ჩემპიონატზე სრული წარმოდგენა ჯერ არ მაქვს, შემიძლია ვთქვა, რომ ძირითადი განსხვავება ესაა - უკრაინაში უფრო პრაგმატულ ფეხბურთს თამაშობენ, დაცვიდან და დისციპლინით, საქართველოში კი ბევრი ტექნიკური მოთამაშეა, უფრო ლაღები არიან და ინდივიდუალური თამაში მოსწონთ".</p><p>მერაბ მამულაშვილი</p><p>000000000000000</p><p>00000000000000</p><p>0000000000000000000</p><p>00000000000000000000000</p><p>00000000000000000000000</p><p>00000000000000000000000</p><p>000000000000</p><p>0000000000000000</p><p>000000000</p><p>000000000000000000</p>
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
მამარდაშვილი: ჩვენი საუკეთესო თამაში უნდა ვაჩვენოთ, რომ დასახულ მიზანს მივაღწიოთ
დე ლა ფუენტემ ტრავმირებული ჰიუსენის ნაცვლად ლაპორტს უხმო
22 ნოემბერს საქართველოს რაგბის ეროვნული ნაკრები თბილისში იაპონიას დაუპირისპირდება!
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
ლატვია V საქართველო - ახალგაზრდულმა რიგაში სრული შემადგენლობით ივარჯიშა
ოფიციალურად - კონსეისაო "ალ-იტიჰადს" ჩაუდგა სათავეში
"ბორჯღალოსნები" | აშშ-ს შემდეგ კანადაც ბათუმში
მორიგი სასიხარულო ამბავი ესპანეთის ნაკრებიდან - ჰუისენი საქართველოსთან ვერ ითამაშებს
კონტრაქტი იგივე რჩება, ხელფასი მნიშვნელოვნად გაიზრდება - რაიამ საწადელს მიაღწია
ტერზიჩმა უარი თქვა, კონსეისაო საუდის არაბეთში წავიდა - "მონაკოს" ორი კანდიდატი დარჩა
სერჟიო კონსეისაო "მილანიდან" წასვლის შემდეგ საუდის არაბეთში დასაქმდა
ნაკრების მზადება ოქტომბრის მატჩებისთვის | ესპანური შეკრების პირველი ვარჯიში
ფანტასტიკური ფინალი საქართველოს სუპერთასის ფინალში - თსუ-მ "ქუთაისი" მესამე ოვერტაიმში დაამარცხა
ევროპული კალათბურთის მომავალი ნისლშია – NBA ახალ დივიზიონს ამზადებს
კასილასს პათოლოგიური სიმთვრალე ჰქონია - ესპანელი ჟურნალისტი ლეგენდარულ მეკარეზე ისტორიას იხსენებს
ტერ შტეგენი პრემიერლიგის გრანდების სამიზნეა - სად გააგრძელებს კარიერას გერმანელი?
"დე ბრუინის მთავარი პრობლემა ისაა, რაშიც კვარაცხელია საუკეთესო იყო" - ფედელეს ქართველი შემტევი ენატრება
ფიბა-მ ქართველი მსაჯები და კომისარი მატჩებით დატვირთა
ტიაგო მოტამ შესაძლოა, საფრანგეთის ლიგა 1-ის გუნდი ჩაიბაროს
ლორენცო ინსინიე შესაძლოა, იტალიის სერია A-ს დაუბრუნდეს
ენდრიკს ალონსო არ ათამაშებს და ბრაზილიელს პრემიერ ლიგის ვარიანტი გამოუჩნდა
"მინდა გვარდიოლამ ესპანეთის ნაკრები ჩაიბაროს" - დავიდ სილვა