<p>ჩინელები ყალბი დოკუმენტების წარდგენაში ამხილეს <br> სერია A-ს მიმდინარე გათამაშებაში "მილანმა" მესამე მატჩი მოიგო და 5 ტურის შემდეგ, 9 ქულას მოუყარა თავი.</p><p>ვინჩენცო მონტელამ წინამორბედებზე უკეთესად დაიწყო და გულშემატკივრებსაც იმედი გაუჩნდათ, რომ ხანგრძლივი პაუზის შემდეგ, გუნდი წარმატებით იასპარეზებს და ჩემპიონთა ლიგის საგზურს მოიპოვებს.</p><p>მით უმეტეს, ზამთარში კლუბის მესვეურები სატრანსფერო ბაზარზე აქტიურობას და რამდენიმე მაღალი კლასის ფეხბურთელის დამატებას აპირებენ. იქამდე, "მილანი" მეტწილად იმ ფეხბურთელებით ცდილობს ფონს გასვლას, რომლებმაც უკვე მოინელეს არაერთი მწვრთნელი: ფილიპო ინძაგი, სინიშა მიხაილოვიჩი და კრისტიან ბროკი, იქამდე კი კლარენს ზეედორფსაც მოეცარა ხელი, თუმცა საყოველთაო მოსაზრებით, მის განკარგულებაში უკეთესი შემადგენლობა იყო. მოკლედ, მონტელას უკეთ გამოსდის საქმე, ვიდრე წინამორბედებს და საინტერესოა, რა გაგრძელება ექნება ამ ისტორიას...</p><p><p><div style="text-align: center;"><strong style="font-size: 12.16px;"><span style="color: #ff0000;">სეზონის საუკეთესო მატჩი</span></strong></div></p> სერია A-ს მე-5 ტურში "მილანმა" "ლაციოს" უმასპინძლა და ორი უპასუხო გოლი გაუტანა მეტოქეს. პირველი კარლოს ბაკას ანგარიშზეა, რომელიც იურაი კუცკას შესანიშნავი გადაცემის შემდეგ მეკარესთან პირისპირ დარჩა და ბურთის კარში გადაგზავნა აღარ გასჭირვებია. მეორე გოლი მბაიე ნიანგის ანგარიშზეა, რომელმაც თერთმეტმეტრიანი დარტყმით გამოიჩინა თავი. "მილანს" კიდევ ჰქონდა მომენტები, თუმცა არც "ლაციო" იყო სტატისტის როლში და ჯანლუიჯი დონარუმას არაერთხელ მოუხდა შესაძლებლობების დემონსტრირება.</p><p>მთლიანობაში, "მილანმა" კარგი მატჩი ჩაატარა და პირველად დაიმსახურა სპორტული მედიის ქება. ბრწყინვალე მატჩი ჩაატარეს დავიდე კალაბრიამ დაცვის მარჯვენა ფლანგზე და ალესიო რომანიოლიმ ცენტრში, იურაი კუცკამ მოედნის შუა გულში და, რა თქმა უნდა, კარლოს ბაკამ, რომელიც ჩემპიონატის ბომბარდირთა დავაში მეწინავეა. მთლიანობაში, "მილანი" კარგი იყო და სრულიად დამსახურებულად გაიმარჯვა.</p><p><p><div style="text-align: center;"><strong style="font-size: 12.16px;"><span style="color: #ff0000;">იტალიური მილანი</span></strong></div></p> სანამ სილვიო ბერლუსკონი "მილანის" აქციების გაყიდვას გადაწყვეტდა, განაცხადა, რომ მისი მიზანი ისეთი გუნდის გაკეთება იყო, რომელშიც ძირითად ბირთვს იტალიელი ფეხბურთელები წარმოადგენდნენ. ბერლუსკონი მიდის და სწორედ ასეთ "მილანს" გვიტოვებს - "ლაციოსთან" შეხვედრაში, "როსონერის" ძირითად შემადგენლობაში 7 იტალიელი ფეხბურთელი იყო და მას შემდეგ, რაც სუსო ლოკატელიმ შეცვალა, მათი რიცხვი 8-მდე გაიზარდა. თანამედროვე ფეხბურთში მეტად იშვიათი ამბავია, რომ ევროპულ გრანდში, თუნდაც მას საუკეთესო დროება არ ედგას, ასე ცოტა ლეგიონერი იყოს.</p><p>აღსანიშნავია, რომ "მილანის" იტალიელი ფეხბურთელების უმრავლესობა ახალგაზრდაა და სწორედ მათ გარშემო უნდა აშენდეს ახალი გუნდი. მეკარე ჯანლუიჯი დონარუმა მხოლოდ 17 წლისაა და უახლოეს დღეებში, ახალ ხანგრძლივვადიან ხელშეკრულებას მიიღებს მკვეთრად გაუმჯობესებული პირობებით. მარჯვენა მცველი დავიდე კალაბრია 19 წლისაა და მას უდიდეს მომავალს უწინასწარმეტყველებენ.</p><p>დაცვის ბურჯი, ალესიო რომანიოლი მხოლოდ 21 წლისაა და ის იტალიის ეროვნული ნაკრების წევრია. მხოლოდ 23 წლისაა მატია დე შილიო, რომელიც მარცხენა ფრთას ამაგრებს, ევროპის ჩემპიონატზე კი იტალიის ნაკრებში ბრწყინვალე შთაბეჭდილება დატოვა. 18 წლისაა მანუელ ლოკატელი, რომელიც ნახევარდაცვაში თამაშობს და დონარუმასა და კალაბრიას მსგავსად, მასაც უდიდეს მომავალს უწინასწარმეტყველებენ.</p><p>ლოკატელი ფიზიკურად ძლიერია და ამასთან ძალიან ტექნიკური, მოედნის შესანიშნავი ხედვით და კარგი პასით. ჯერ კიდევ წინ აქვთ ყველაფერი ჯაკომო ბონავენტურას და ანდრეა ბერტოლაჩის. მოკლედ, "მილანში" ახალგაზრდა და ნიჭიერი იტალიელი ფეხბურთელების დიდი ჯგუფია შეკრებილი, რომლებსაც ამ გუნდისთვის ძველი დიდების დაბრუნება შეუძლიათ. ამ თემაზე, საინტერესო კომენტარი გააკეთა "მილანის" ლეგენდარულმა მწვრთნელმა არიგო საკიმ.</p><p>არიგო საკი: "როდესაც "მილანის" ახალგაზრდა იტალიელ ფეხბურთელებს ვუყურებ. იმედით ვივსები და მახსენდება ძველი დრო, როდესაც გუნდის მწვრთნელი ვიყავი და მაშინაც, ასეთი ტალანტები მოდიოდნენ. დაუმატეთ ამ ბიჭებს შეტევაში ფრანკ რაიკაარდი, რუდ გულიტი, მარკო ვან ბასტენი და უდიდეს წარმატებებს მიაღწევენ. ვფიქრობ, არის კარგი რესურსი და თუ კლუბის მესვეურებმა საქმე სწორად წაიყვანეს, დიდი გუნდის გაკეთება შეიძლება".</p><p>ვინჩენცო მონტელა: "ბევრს ვშრომობთ იმისთვის, რომ ხარვეზები აღმოვფხვრათ და უკეთესი თამაში ვაჩვენოთ. შედეგი სახეზეა და ვფიქრობ, რომ "მილანი" დღეს გაცილებით ძლიერია, ვიდრე სეზონის სტარტზე. "ლაციო" კარგი გუნდია და თამაში ორმხრივ იერიშებში წარიმართა, თუმცა გამარჯვება უფრო ძლიერს დარჩა. იყო მონაკვეთები, როდესაც მეტოქე ფლობდა უპირატესობას, ჩვენ კი შეცდომებს ვუშვებდით, რაც არასტაბილურობის ბრალია. მაქსიმალურად კონცენტრირებულები უნდა ვიყოთ მთელი 90 წუთის განმავლობაში. ჩემპიონთა ლიგა? - დღეს, ამაზე ლაპარაკი ნაადრევია".</p><p>რიკარდო მონტოლივო (მილანის კაპიტანი): "ჩემი აზრით, სეზონის საუკეთესო მატჩი ჩავატარეთ და დამსახურებულად გავიმარჯვეთ. ჩვენი მიზანი სამეულში მოხვედრაა და საამისოდ ყველაფერს გავაკეთებთ. "მილანს" მომთხოვნი და მაქსიმალისტი გულშემატკივრები ჰყავს, რომლებიც უკეთეს გუნდს იმსახურებენ და ვეცდებით, რომ ეს დიდი ჩავარდნა დავძლიოთ. ქომაგთა ერთ ნაწილს არ ვუყვარვარ იმ დღიდან, რაც გუნდში მოვედი და მათი გული ვერაფრით მოვიგე - ალბათ, ვერც მოვიგებ და ვცდილობ, რომ ამაზე არ ვინერვიულო. მთავარია, გუნდმა მოიგოს და მე ამისთვის ყველაფერს გავაკეთებ".</p><p><p><div style="text-align: center;"><strong style="font-size: 12.16px;"><span style="color: #ff0000;">ჩინელებმა ყალბი დოკუმენტები წარადგინეს?</span></strong></div></p> ამასობაში, სკანდალურ ინფორმაციას ავრცელებს "გაძეტა დელო სპორტი", რომლის მიხედვითაც, გართულდა ვითარება "მილანის" საკონტროლო პაკეტის გაყიდავასთან დაკავშირებით და შესაძლოა, პროცესი კიდევ გაიწელოს, ან საერთოდ ჩაიშალოს. შეგახსენებთ, რომ სილვიო ბერლუსკონის კომპანიამ წინასწარ შეთანხმებას მიაღწია ჩინურ კონსორციუმთან, რომლის თანახმადაც, აზიელები 740 მილიონ ევროს გადაიხდიან ნომებერში და მაქსიმუმ იანვარში კლუბი ოფიციალურად გადავა მათ მფლობელობაში.</p><p>ავტორიტეტული გამოცემის მტკიცებით, "ფინინვესტის" იურისტებმა აღმოაჩინეს, რომ ჩინური კონსორციუმისგან თანხის გადამხდელუნარიანობის ყალბი დოკუმენტები მიიღეს და პროცესი გართულებულია.</p><p>თუ დადასტურდა, რომ აზიელებმა სილვიო ბერლუსკონის კომპანიას ყალბი დოკუმენტები წარუდგინეს, შეთანხმება ალბათ ჩაიშლება და "მილანი" ძველ მფლობელს დარჩება. ამისთვის, საჭირო იქნება, რომ ბერლუსკონიმ ჩინელებს ის 85 მილიონი ევრო დაუბრუნოს, რომელიც სულ ახლახანს მიიღო ზამთრის ტრანსფერებისთვის. თუმცა, შესაძლოა ასე საგანგაშოდ არ იყოს საქმე და ვითარება მარტივად დარეგულირდეს - ჯერჯერობით, არც ერთი მხარე კომენტარს არ აკეთებს.</p><p><strong>ყოველდღიური სპორტული გაზეთი "ლელო"</strong></p>
46 წლის რონალდინიომ 11-წლიანი პაუზის შემდეგ ითამაშა
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
დე ბრუინი "ნაპოლის" დატოვებას აპირებს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
პულიშიჩმა "მილანთან" კონტრაქტი გააგრძელა
"ვილიარეალმა" კარლოს ბაკას ტრანსფერი დაადასტურა
დონარუმას გამო ტრაფორდმა "მანჩესტერ სიტის" დატოვება გადაწყვიტა
ბრწყინვალე მორეირა, მიჯრით მე-8 წაუგებელი დერბი და ზედიზედ მე-4 გამარჯვება - მილანი კვლავ შავ-წითელია!
"მონცას" ფეხბურთელებმა ბერლუსკონის მეძავებით სავსე ავტობუსი მოსთხოვეს
მონტელა თურქეთის ნაკრებს ემოციური წერილით დაემშვიდობა
[VIDEO] ჩაკვეტაძის სრული მატჩი - "უდინეზე" ვარდნას აგრძელებს
"მილანს" კარლოს ბაკას გაშვება უნდა, მაგრამ კოლუმბიელი არავის მიჰყავს
"ბერლუსკონიმ მითხრა, რომ პოზიცია უნდა შემეცვალა, რაზეც "მილანის" მაშინდელ მწვრთნელს მოვუყევი და მიპასუხა, რომ..."' - პატომ "როსონერის" ყოფილ პრეზიდენტზე ისტორია მოჰყვა
ერთა ლიგაზე ცუდმა სტარტმა შესაძლოა, სანიოლის შემდეგ მონტელას სკამიც იმსხვერპლოს
[PHOTO] იყო თუ არა დონარუმას საქციელი არაადეკვატური და რა მოხდა პენალტების სერიისას?
"მადლობა, პრეზიდენტო!" - კალაძე ბერლუსკონის გარდაცვალებას ეხმაურება
"ვილიარეალმა" უარი თქვა - კარლოს ბაკა "მილანში" დაბრუნდება
"მილანს" ახალი სპორტული დირექტორი ჰყავს
თურქეთის ნაკრებს ახალი მთავარი მწვრთნელი ჰყავს
ბერლუსკონი ფეხბურთელებს მეძავებით სავსე ავტობუსს დაჰპირდა
გრანდების ინტერესის მიუხედავად - ტრესოლდი სეზონს "ბრიუგეში" ჩაამთავრებს
ზედიზედ ოთხი მარცხის შემდეგ - თურქებმა მონტელა დაითხოვეს
ვინ შეუტევს "მილანისთვის"? - გატუზო კანდიდატებს არჩევს
ტრაფორდის შემცვლელი - მანჩესტერ "სიტიმ" მეკარე დაიმატა
"ამან ძალიან გამაკვირვა" - დონარუმამ მესისთან თანაგუნდელობის პერიოდზე ისაუბრა
მუნდიალიდან გავარდნის შემდეგ: კუმანი გადადგა, თურქეთმა მონტელა არ გაუშვა
"მილანმა" კიდევ ერთი გაცვლა დაასრულა - "როსონერიმ" მორიგი ნახევარმცველი დაიმატა
ზაფხულში "მილანი" ნიკოლა კალინიჩს გაასხვისებს
Virgilio Sport: ნუთუ ლუის ენრიკე კვარადონას ზუსტად ისევე ჩამოწერს, როგორც დონარუმას?
"ფეხბურთში ყველაფერი სწრაფად იცვლება" - ენრიკემ საფონოვის პროგრესსა და ძირითადი მეკარის სტატუსზე ისაუბრა
თურქეთის ნაკრები შესაძლოა, არდა თურანს ჩააბარონ
მარიო ბალოტელი იტალიაში ყოფილ გუნდში დაბრუნდება
ქებას ნახვა სჯობიაო - კარდინალდემ ზამთარში "მილანის" გაძლიერების პირობა დადო
"მონცამ" "იუვეს" ისევ მოუგო - ბერლუსკონიმ ფეხბურთელებს მეძავები უნდა დაახვედროს