ფავორიტები უპრობლემოდ იგებენ

როჯერ ფედერერმა და ნოვაკ ჯოკოვიჩმა ავსტრალიის ღია პირველობის შემდეგ პირველი მატჩები დუბაის ტურნირზე გამართეს ამ კვირას მიმდინარე საჩოგბურთო ტურნირების მორიგი დღის მიმოხილვა დუბაით უნდა დავიწყოთ, რადგან აქ ავსტრალიის ღია პირველობის შემდეგ პირველი მატჩები ჩაატარეს რეიტინგის პირველ სამეულში შემავალმა ჩოგბურთელებმა - როჯერ ფედერერმა და ნოვაკ ჯოკოვიჩმა.ფედერერმა, რომელიც მელბურნში ნახევარფინალურ ეტაპზე დამარცხდა, იოლ გამარჯვებას მიაღწია ინდოელ სომდევ დევარმანთან მატჩში. შვეიცარიელს 75 წუთი დასჭირდა შემდეგ წრეში გასასვლელად. როჯერის მეტოქეს ერთხელაც არ ჰქონია ბრეიკის აღების შანსი. შეგახსენებთ, რომ დუბაიში პირველ ნომრად განთესილ ფედერერს ეს ტურნირი ოთხჯერ აქვს მოგებული.უფრო სერიოზული მეტოქე ჰყავდა შარშანდელ ჩემპიონ ნოვაკ ჯოკოვიჩს - ფრანგი მიკაელ ლოდრა, მაგრამ აქაც ყველაფერი ორ სეტში გადაწყდა. სერბს საქმე იმან გაუადვილა, რომ ლოდრამ ჯამში მხოლოდ ერთი ეისი ჩააწოდა, არადა, ეს ჩოგბურთელი ცნობილია ძლიერი და ზუსტი მოწოდებებით. ფრანგს სამი ბრეიკ-პოინტი ჰქონდა, მაგრამ ვერც ერთი შანსი ვერ გამოიყენა.ჯოკოვიჩი დუბაიში ჰეთ-თრიკის შესრულებას შეეცდება - მან აქ ბოლო ორ სეზონში დაისაკუთრა მთავარი პრიზი. ნოვაკს საკუთარი სპორტული ფორმა აძლევს ოპტიმიზმის საფუძველს - ავსტრალიის ღია პირველობის ჩემპიონს მიმდინარე სეზონში ჯერ არც ერთი მატჩი არ აქვს წაგებული.ფსიქოლოგიური თვალსაზრისით მნიშვნელოვანი გამარჯვება მოიპოვა ფრანგმა ჟილ სიმონმა. აქამდე მას ზედიზედ შვიდი მატჩი ჰქონდა წაგებული რუს მიხაელ იუჟნისთან და სწორედ დუბაის ტურნირის პირველ წრეში გატეხა ნავსი. ამისთვის მას საათნახევარი და რვა ეისი დასჭირდა. თუმცა ფრანგის თამაშში ერთი წუნი მაინც შეინიშნებოდა - პირველი მოწოდების სიზუსტე მხოლოდ 44 პროცენტს შეადგენდა.დუბაის ტურნირს გამოეთიშა განთესილი კვიპროსელი მარკოს ბაღდატისი. მის მეტოქეს ანდრეი გოლუბევს იოლი მატჩი გამოუვიდა. ბაღდატისმა 25 წუთში ოთხი გეიმი წააგო და ტრავმის გამო უარი თქვა ბრძოლის გაგრძელებაზე.გადავიდეთ დელრეი ბიჩში, სადაც ერთი ღირსშესანიშნავი მოვლენა მოხდა - მსოფლიოს ყოფილმა მეოთხე ჩოგანმა, 22 წლის არგენტინელმა ხუან მარტინ დელ პოტრომ კარიერაში 150-ე გამარჯვება იზეიმა. ეს ლიტველი რიკარდას ბერანკისთან მატჩში მოხდა, რომელშიც აშშ-ის ღია პირველობის ყოფილმა ჩემპიონმა ორ სეტში - 6:4, 6:1 გაიმარჯვა. შეგახსენებთ, რომ დელ პოტრომ პროფესიონალის სტატუსი 2005 წელს მიიღო.შარშანდელი სეზონის გამოტოვების შემდეგ, არგენტინელი წლის ბოლოს რეიტინგში 485-ე პოზიციამდე დაქვეითდა, მაგრამ ბოლო ორ კვირას სან ხოსესა და მემფისის ტურნირების ნახევარფინალში თამაშმა 166-ე ადგილი მოუტანა ATP-ის კლასიფიკაციაში.* * *რამდენიმე მოულოდნელი შედეგი დაფიქსირდა ქალებს შორის პრემიერ კატეგორიის ტურნირში, რომელსაც ყატარის დედაქალაქი დოჰა მასპინძლობს. რუსმა სვეტლანა კუზნეცოვამ გასულ კვირას დუბაიში ფინალში გააღწია, მაგრამ ამ წარმატებას, როგორც ჩანს, დიდი ძალები შეალია და ამჯერად პირველივე წრეში თითქმის უბრძოლველად დამარცხდა ისრაელელ შაარ პეერთან. მატჩი 80 წუთი გაგრძელდა და რუსმა განსაკუთრებით წარუმატებლად მეორე მოწოდებისას ითამაშა. პეერი კი მატჩის ყველა მნიშვნელოვან მომენტში უშეცდომოდ მოქმედებდა და დამსახურებულად გავიდა მეორე წრეში.მოულოდნელი იყო ტურნირის მეექვსე ნომრის, ბელარუსი ვიქტორია აზარენკას წაგება სლოვაკ დანიელა ჰანტუხოვასთან. ეს უკანასკნელი მაქსიმალურად მოტივირებული იყო და ცხრა ეისი ჩაუწოდა მეტოქეს.ბელარუსი 78 პროცენტის სიზუსტით ასრულებდა პირველ მოწოდებას, მაგრამ ამას საჭირო ეფექტურობა არ მოჰყოლია. თანაც, მეორე მოწოდების შემდეგ მოგებული ქულების რაოდენობა კრიტიკულად დაბალი იყო. შესაბამისად, სლოვაკმა ზედიზედ მესამედ დაამარცხა მსოფლიო რეიტინგის პირველი ათეულის წარმომადგენელი. შეგახსენებთ, რომ ორი კვირის წინ ჰანტუხოვამ სამწლინახევრიანი შესვენების შემდეგ პირველი ტიტული მოიგო (ტაილანდის ქალაქ პატაიაში).ყველაზე იოლი გასეირნება გამოუვიდა ელენა იანკოვიჩს, რომელმაც ძალების ყოველგვარი დაძაბვის გარეშე დაამარცხა ომანელი ფატმა ელ-ნაბანი. მეხუთე ასეულის ჩოგბურთელმა, რომელმაც ამ ტურნირზე გამოსვლის უფლება უაილდ-ქარდის მეშვეობით მოიპოვა, მსოფლიოს ყოფილ პირველ ჩოგანს ვერანაირი წინააღმდეგობა ვერ გაუწია.დუბაი (საემიროები). ჰარდისაპრიზო ფონდი: 1 619 500 დოლარიფელისიანო ლოპესი (ესპ)-იენ ჰსუნ ლუ (ტაივ) 5:0, უარი; სერგეი სტახოვსკი (უკრ)-ომარ ევედჰი (საემ) 6:4, 6:2; როჯერ ფედერერი (შვეიც, 1)-სომდევ დევარმანი (ინდ) 6:3, 6:3; ჟილ სიმონი (საფ)-მიხაილ იუჟნი (რუს, 4) 6:3, 7:5; ნოვაკ ჯოკოვიჩი (სერ, 2)-მიკაელ ლოდრა (საფ) 6:3, 6:3; მარსელ გრანოლერსი (ესპ)-დმიტრი ტურსუნოვი (რუს) 6:1, 6:3; ანდრეი გოლუბევი (ყაზ)-მარკო ბაღდატისი (კვიპ, 7) 4:0 უარი; ფილიპ კოლშრაიბერი (გერ)-ვიქტორ ტროიცკი (სერ, 6) 6:1, 7:6; ნიკოლაი დავიდენკო (რუს)-გილერმო გარსია ლოპესი (ესპ) 6:2, 6:0.აკაპულკო (მექსიკა). გრუნტისაპრიზო ფონდი: 995 000 დოლარიალბერტ მონტანიესი (ესპ, 5)-დანიელ ხიმენო-ტრავერი (ესპ) 6:2, 6:1; ნიკოლას ალმაგრო (ესპ, 3)-ვიქტორ ჰანესკუ (რუმ) 6:3, 6:2; ხუან მონაკო (არგ, 7)-ორასიო სებალიოსი (არგ) 7:5, 7:6; ფაბიო ფონინი (იტა)-მაქსიმო გონსალესი (არგ) 6:3, 6:4; პაბლო კუევასი (ურუ)-პოტიტო სტარაჩე (იტა) 6:4, 6:4; სტანისლას ვავრინკა (შვეიც, 4)-პაბლო ანდუხარი (ესპ) 7:6, 3:6, 6:0; ტომაშ ბელუჩი (ბრა)-ფერნანდო ვერდასკო (ესპ, 2) 6:2, 4:6, 6:3; ედუარდო შვანკი (არგ)-ხუან იგნასიო ჩელა (არგ, 8) 3:6, 6:5, უარი.დელრეი ბიჩი (აშშ). ჰარდისაპრიზო ფონდი: 442 5000 დოლარიხუან მარტინ დელ პოტრო (არგ)-რიკარდას ბერანკისი (ლიტ) 6:4, 6:1; იანკო ტიპსარევიჩი (სერ, 6)-ივო კარლოვიჩი (ხორ) 7:6, 7:6; მარდი ფიში (აშშ, 2)-ბიორნ ფაუ (გერ) 5:0, უარი; კეი ნიშიკორი (იაპ)-ბრიან დაბული (არგ) 6:2, 7:6.დოჰა (კატარი). ჰარდისაპრიზო ფონდი: 721 000 დოლარიფლავია პენეტა (იტა)-ჟიე ჟენგი (ჩინ) 6:2, 6:2; შაარ პეერი (ისრ, 8)-სვეტლანა კუზნეცოვა (რუს) 6:2, 6:4; ელენა იანკოვიჩი (სერ, 5)-ფატმა ალ-ნაბანი (ომან) 6:1, 6:3; დანიელა ჰანტუხოვა (სლოვაკ)-ვიქტორია აზარენკა (ბლრ, 6) 4:6, 6:1, 6:2.აკაპულკო (მექსიკა). გრუნტისაპრიზო ფონდი: 220 000 დოლარიგრეტა არნი (უნგ, 3)-ედინა გალოვიტცი (რუმ) 6:4, 6:4; კარლა სუარეს ნავარო (ესპ, 7)-სანდრა ზახვალოვა (ჩეხ) 6:4, 6:1; რენატა ვორაკოვა (ჩეხ)-რომინა ოპრანდი (იტა) 6:4, 4:6, 6:4; მატილდა იოჰანსონი (საფ)-ოლგა გოვორცოვა (ბლრ, 8) 6:2, 7:6; ლურდეს დომინგეს ლინო (ესპ)-პოლინა ჰერხოგი (სლოვენ, 2) 6:3, 4:6, 6:3; ლაურა პოუს ტიო (ესპ)-სიმონა ჰალეპი (რუმ, 5) 6:3, 6:7, 6:3; იუჰანა ლარსონი (შვედე)-ივონ მოისბურგერი (ავსტრია) 6:1, 3:6, 6:0; ანაბელ მედინა გარიგესი (ესპ)-კაროინა პლიშკოვა (ჩეხ) 6:2, 6:1..

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

ოფიციალურად: როჯერ ფედერერი მილიარდერი გახდა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!