<p>საქართველოს XXVIII ჩემპიონატი. უმაღლესი ლიგა. VIII ტური. "წითელი ჯგუფი" <br> ფოთის "პარკი არენა", სადაც "კოლხეთი" საშინაო შეხვედრებს ატარებს, ამ უქმეებზე შვიდკაცა რაგბიში საქართველოს ჩემპიონატს მასპინძლობდა და ამის გამო ეს მატჩი ქობულეთის "ჩელე არენაზე" გაიმართა.</p><p>სატურნირო მდგომარეობიდან გამომდინარე, მეგრული დერბი ორივე გუნდისთვის ძალიან მნიშვნელოვანი იყო. კარგი სტარტის შემდეგ ფოთელებს ბოლო ოთხ შეხვედრაში მხოლოდ 3 ქულა ჰქონდათ მოპოვებული და "წითელ ჯგუფში" დაკარგული პოზიციების დასაბრუნებლად მხოლოდ მოგებისთვის უნდა ებრძოლათ.</p><p>კიდევ უფრო პრინციპული იყო გუშინდელი შეხვედრა "ზუგდიდისთვის". ვლადიმირ ლიუტის შეგირდები აუტსაიდერობიდან თავის დაღწევას ცდილობენ და ბუნებრივია, 3 ქულის მოსაპოვებლად ყველაფერს გააკეთებდნენ. თანაც, ზუგდიდელებს პირველ წრეში საკუთარ არენაზე მარცხის (0:1) გამო რევანშიც სწყუროდათ.</p><p>შეხვედრის საწყისი 20 წუთის განმავლობაში ზუგდიდელები გაცილებით მწვავედ თამაშობდნენ და საგოლე მომენტებსაც ქმნიდნენ. შეტევებში კარგად ერთვებოდა მათი ცენტრალური მცველი რაფაელ ჩუკვურა, რომელმაც დებიუტში საჯარიმო დარტყმით შექმნა ხიფათი, თუმცა გაბრიელ თებიძე საიმედოდ გაისარჯა და ბურთი მოიგერია.</p><p>ჩვეულად აქტიური იყო გურამ სამუშია, რომელმაც ზედიზედ სამჯერ აანერვიულა ფოთელები. ჯერ იყო და, მისი დარტყმის შემდეგ "კოლხეთის" ერთ-ერთმა მცველმა კარისკენ მიმავალი ბურთი ნახტომში თავით მოიგერია, მერე მოედნის ცენტრიდან ჩუკვურას კარგი გადაცემის შემდეგ მან საჯარიმოსკენ წაიღო ბურთი და კარშიც დაარტყა (სუსტად გამოუვიდა და თებიძეს არ გასჭირვებია ბურთის მოგერიება), ხოლო შემდეგ იერიშის ბოლო ფაზაში მეკარე მოატყუა და უნდა გაეტანა კიდეც, მაგრამ დააყოვნა და საბოლოოდ ბურთი მცველებმა გამოიტანეს.</p><p>ტაიმის შუაწელიდან თამაშის სადავეები მთლიანად "კოლხეთის" ხელში გადავიდა. გელა სანაიას შეგირდების აქტიურმა პრესინგმა შედეგი გამოიღო. გიორგი ნიქაბაძისა და შოთა კერძევაძის აქტიურობის შედეგად ფოთელები მეტოქის საჯარიმოსთან ახლოს ბურთს დაეუფლნენ და უსწრაფესი კომბინაცია გაითამაშეს - ნიქაბაძის გადაცემა იგორ ოზარკივიმ ახლო მანძილიდან საგოლე დარტყმით დააგვირგვინა.</p><p>გაშვებულმა გოლმა "ზუგდიდზე" უარყოფითად იმოქმედა. ლიუტის გუნდი ძალიან ბევრ შეცდომას უშვებდა და ფოთელებს პირველ ტაიმშივე შეეძლოთ მატჩის ბედის გადაწყვეტა, მაგრამ დამაგვირგვინებელ ფაზაში საოცრად უზუსტოდ თამაშობდნენ, ხანაც ზუგდიდელთა უკრაინელი კიპერი სერგეი ლიტოვჩენკო იყო მოწოდების სიმაღლეზე. ლიტოვჩენკომ ჯერ მასთან პირისპირ გასულ ვლადიმირ კორობკას აჯობა, შემდეგ კი ნიქაბაძეს შეუზღუდა დასარტყმელი სივრცე და ფოთელთა ფორვარდმაც მეკარესთან პირისპირ გასვლა ვერ გამოიყენა - ბურთი ხარიხას გადააცილა.</p><p>მატჩის მეორე ნახევარში ლიუტიმ მდგომარეობის გამოსწორება შეცვლებით სცადა, ნიკა ნარმანია და ალექსანდრ ერმაჩენკო თამაშში აქტიურად ჩაერთვნენ, მაგრამ ზუგდიდელებს საგოლე შეტევების განხორციელება უჭირდათ.</p><p>"ზუგდიდს" დასაკარგი არაფერი ჰქონდა - ბოლო წუთებზე ვა-ბანკზე წავიდა და ზურგი მთლიანად მოაშიშვლა. ლიუტის შეგირდები ამით მხოლოდ რამდენიმე სახიფათო ჩაწოდებას გამორჩნენ, სამაგიეროდ, "კოლხეთმა" მსაჯის მიერ დამატებულ ბოლო წუთზე მეტოქე კონტრშეტევაზე დაიჭირა და ლაშა ჯღამაიამ, გიორგი კილასონიას ჩაწოდების შემდეგ, ულამაზესი გოლი გაიტანა - 2:0.</p><p><span style="color: #3366ff;"><strong>უმაღლესი ლიგა. VIII ტური. "წითელი ჯგუფი"</strong></span></p><p>02.10. ქობულეთი. "ჩელე არენა"</p><p><em><strong>კოლხეთი-ზუგდიდი 2:0</strong></em></p><p>გოლები: 1:0 ოზარკივი (24. ნიქაბაძის პასით), 2:0 ჯღამაია (90. კილასონიას პასით)</p><p><span style="text-decoration: underline;">კოლხეთი:</span> თებიძე, ჟიშკარიანი, რამალდანოვი, გოგონაია, კილასონია, კერძევაძე, ბოლქვაძე, კორობკა, ლუკავა (62. ივანკო), ოზარკივი (81. ჩაკვეტაძე), ნიქაბაძე (72. ჯღამაია).</p><p>სათადარიგოები: ძაგანია, ნ. ტუღუში, კაკულია, შალიკაშვილი</p><p>მწვრთნელი: გელა სანაია</p><p><span style="text-decoration: underline;">ზუგდიდი:</span> ლიტოვჩენკო, იოსელიანი, აფაქიძე, ჩუკვურა, სუხომლინოვი, ბეჭვაია, ტყემალაძე, ზოზულია, სამუშია (59. ერმაჩენკო), შეველი (46. ნარმანია), აქუბარდია (59. ჭანტურია).</p><p>სათადარიგოები: ზარქუა, მაჩაიაძე, სიხარულია, ერმაჩენკო, ჭანტურია, ქანთარია, ნარმანია</p><p>მწვრთნელი: ვლადიმირ ლიუტი</p><p><span style="text-decoration: underline;">გაფრთხილება:</span> აქუბარდია (48), ჩუკვურა (63), იოსელიანი (85)</p><p><span style="text-decoration: underline;">არბიტრი:</span> ბ. ნინუა</p><p><span style="color: #3366ff;"><strong>მომტევნო ტური</strong></span></p><p><strong>"თეთრი ჯგუფი"</strong></p><p><span style="text-decoration: underline;">15 ოქტომბერი</span></p><p>ჩიხურა-შუქურა</p><p>გურია-დინამო (თბ)</p><p>ტორპედო-ლოკომოტივი</p><p><strong>"წითელი ჯგუფი"</strong></p><p><span style="text-decoration: underline;">15 ოქტომბერი</span></p><p>სიონი-სამტრედია</p><p>დინამო (ბთ)-კოლხეთი</p><p><span style="text-decoration: underline;">16 ოქტომბერი</span></p><p>ზუგდიდი-დილა</p><p><span style="color: #3366ff;"><strong>ბომბარდირები:</strong></span></p><p>ჯ. დვალი (ცხინვალი) 7</p><p>ს. ლობჟანიძე (ჩიხურა) 6</p><p>თ. შონია (დინამო, ბთ) 5</p><p>ზივზივაძე (სამტრედია) 5.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
ერლინგ ჰოლანმა შესაძლოა, ზაფხულში "სიტი" დატოვოს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
[VIDEO] დიდი ფეხბურთი მადრიდში - ინგლისმა ესპანეთს დრამატულ მატჩში სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
[VIDEO] 46 წლის რონალდინიომ 11-წლიანი პაუზის შემდეგ ითამაშა
სობოსლაი: ახლოს ვიყავი იმასთან, რომ საქართველოსთან არ მეთამაშა
უმაღლესი ლიგა. IX ტური: თერჯოლის "საპოვნელამ" "მერანი" დაამარცხა
ეროვნული ლიგა 2. VII ტური: "ქამბექი", რომელიც "მანჩესტერ იუნატედსაც" შეშურდებოდა
ეროვნული ლიგა. V ტური. "კოლხეთი" - "გაგრა" [LIVE]
ქობულეთის "შუქურამ" ფოთის "კოლხეთს" ამხანაგურ მატჩში უმასპინძლა და დაუზავდა
სტუმრების დღე: "სამგურალმა" და "გარეჯმა" მოიგეს
"სამტედიამ" მელქისედეკ ცვალე დაიმატა
ეროვნული ლიგა 2. V ტური. "მერანმა" ლიდერობა შეინარჩუნა, "შუქურამ" "ზუგდიდს" სძლია
ოფიციალურად - "არსენალმა" ბართიშვილთან კონტრაქტის გაფორმება გამოაცხადა
ეროვნული ლიგა. I ტური. "სამგურალი" - "კოლხეთი" [LIVE]
მერანი-მონტანა 1:1 - ზავი ბულგარელებთან
საბურთალო-მერანი 4:2 - ლუიჯან, ერთი ჩვენებური! [VIDEO]
მოისწრაფიშვილმა "სპარტაკთან" კონტრაქტი გააფორმა
ფოთის "კოლხეთი": ლეგიონერები და არამხოლოდ...
"მეცი" აბუაშვილს კონტრაქტს გაუფორმებს
კოლხეთი-სამტრედია 1:3 - იმერული ფინალი გარანტირებულია!
ეროვნული ლიგა 2. III ტური: ორი მატჩი და ორი ფრე
ეროვნული ლიგა 2. IX ტური: "თელავმა" "ზუგდიდს" მოუგო და ლიდერ "მერანს" 2 ქულით ჩამორჩება
ფოთის ცენტრალურ სტადიონზე შვიდი წლის შემდეგ პირველი მატჩი ჩატარდა