ფედერერის 755-ე გამარჯვება

დუბაის ტურნირზე ორ დღეში ორ-ორი მოგება იზეიმეს შვეიცარიელმა როჯერ ფედერერმა და სერბმა ნოვაკ ჯოკოვიჩმა მორიგი სათამაშო დღის მიმოხილვა დოჰას ქალთა ტურნირით დავიწყოთ, სადაც პირველი ჩოგანის რანგში მერვედფინალიდან ჩაება ბრძოლაში დანიელი კაროლინ ვოზნიაცკი."კაროს" სერიოზული მეტოქე ჰყავდა რუსი ნადეჟდა პეტროვას სახით, რომელიც ძველებურად ძლიერი ვეღარ არის, მაგრამ ნებისმიერ დროს ანგარიშგასაწევი ძალაა. თუმცა ამჯერად რუსი ჩოგბურთელისგან არანაირ წინააღმდეგობას ადგილი არ ჰქონია. ვოზნიაცკის 11 ბრეიკ-პოინტი ჰქონდა და აქედან ოთხი გამოიყენა. პეტროვამ ეს მარცხი, პირველ რიგში, საკუთარ თავს უნდა დააბრალოს, რადგან საათსა და 15 წუთში 35 უნებლიე შეცდომა დააგროვა, იმ დროს, როცა დანიელის წუნი მხოლოდ 8 შეცდომას შეადგენდა. სხვათა შორის, ეს ჩოგბურთელები მეხუთედ ხვდებოდნენ ერთმანეთს და კაროლინმა ზედიზედ მეოთხე გამარჯვებას მიაღწია.რუსი ჩოგბურთელების მტრად იქცა ამ ტურნირზე სლოვაკი დანიელა ჰანტუხოვა. პირველ წრეში მან სვეტლანა კუზნეცოვა დაამარცხა, ამჯერად კი ვერა დუშევინა გამოთიშა ბრძოლას. აღსანიშნავია, რომ მეოთხედფინალში სლოვაკს ასევე რუსი მეტოქე ეყოლება - მსოფლიოს მესამე ჩოგანი ვერა ზვონარევა. სხვათა შორის, ბოლო ორი მატჩი ჰანტუხოვამ მოუგო რუსების პირველ ნომერს, თანაც უკანასკნელი შეხვედრა სულ რაღაც ორი კვირის წინ პატაიაში გაიმართა. ასე რომ, ზვონარევას რევანშზე ფიქრი მართებს.ტურნირი დატოვეს მესამე და მეოთხე ნომრად განთესილებმა. როლან გაროსის ჩემპიონი ფრანჩესკა სკიავონე ჩინელ შუაი პენგს ხვდებოდა, რომელიც ძირითად ბადეში კვალიფიკაციის გავლით მოხვდა. აზიელმა კარგად დაიწყო და 4:1 დაწინაურდა, მაგრამ იტალიელმა ანგარიში გაათანაბრა. 5:5-ზე ფრანჩესკას მორიგი ჩავარდნა დაეწყო - ზედიზედ ოთხი გეიმი წააგო და სიტუაციის გამოსწორება ვეღარ შეძლო. პენგმა კარიერაში მეათედ დაამარცხა რეიტინგის პირველი ათეულის წევრი.სამაგიეროდ არ გაუმართლა მეორე ჩინელს, მეოთხე ნომრად განთესილ ნა ლის, რომელიც ზუსტად ერთ საათში გაანადგურა ჩეხმა კლარა ზაკოპალოვამ. არადა, ამ ჩოგბურთელმა კვალიფიკაცია წააგო და ძირითად ბადეში ერთ-ერთი მოთამაშის ტრავმის გამო მოხვდა.ასევე ზუსტად ერთ საათში ჩაეტია ელენა იანკოვიჩი - მან გზად მეოთხედფინალამდე კიდევ უფრო დამაჯერებლად დაამარცხა სანია მირზა - მთელი მატჩის განმავლობაში სერბმა ინდოელს მხოლოდ ერთი გეიმი დაუთმო და ოთხიდან არც ერთი ბრეიკ-პოინტის რეალიზების საშუალება არ მისცა მეტოქეს.ასეთივე დამაჯერებელი იყო მარიონ ბარტოლი შაარ პეერის წინააღმდეგ. აქაც დამარცხებულმა მხოლოდ ერთი გეიმის აღება შეძლო. ისრაელის პირველ ნომერს ერთი ბრეიკ-პოინტიც არ ჰქონია.* * *დუბაიში ორ დღეში ორ გამარჯვებას მიღწიეს როჯერ ფედერერმა და ნოვაკ ჯოკოვიჩმა, თუმცა ამ უკანასკნელს დიდი ბრძოლა მოუწია ესპანელი ფელისიანო ლოპესის წინააღმდეგ. მეტოქეებმა სამ-სამი ბრეიკი გააკეთეს, თუმცა ლოპესმა ამ წარმატებას მეორე სეტში მიაღწია, პირველ და მესამე პარტიებში კი უკეთ ჯოკოვიჩი გამოიყურებოდა. ეს სერბის მე-11 გამარჯვება იყო ამ სეზონში. ამასთან, ავსტრალიის ღია პირველობის ჩემპიონს ჯერ ერთი მატჩიც არ აქვს წაგებული.მნიშვნელოვანი დღე ჰქონდა ფედერერს. მას არ გასჭირვებია ესპანელი მარსელ გრანოლერსის დამარცხება. მსოფლიოს მეორე ჩოგანს ამისთვის ძალების მინიმალური დაძაბვა მოუწია - თითო სეტში თითო ბრეიკი აიღო და ესეც საკმარისი აღმოჩნდა მეოთხედფინალის საგზურის მოსაპოვებლად. მნიშვნელოვანი კი ეს დღე იმით იყო, რომ ფედერერმა კარიერაში 755-ე მატჩი მოიგო და გაუთანაბრდა ლეგენდარულ რუმინელ ილიე ნასტასეს - ახლა ეს ჩოგბურთელები მერვე ადგილს იყოფენ შესაბამის სიაში, ლიდერი კი ამერიკელი ჯიმი კონორსია, რომელსაც თავის აქტივში 1242 გამარჯვება აქვს.როგორც ჩანს, ნიკოლაი დავიდენკოს კომპლექსი მოიხსნა ჩეხმა ტომაშ ბერდიხმა. უიმბლდონის ფინალისტმა ორ სეტში მოუგო რუსს, არადა, მანამდე ათ მატჩში ბერდიხს მხოლოდ ერთი ჰქონდა მოგებული.დუბაი (საემიროები). ჰარდისაპრიზო ფონდი: 1 619 500 დოლარი1/8 ფინალირიშარ გასკე (საფ)-სერგეი ბუბკა (უკრ) 6:2, 7:5; ფლორიან მაიერი (გერ)-ანდრეი გოლუბევი (ყაზ) 6:3, 6:4; სერგეი სტახოვსკი (უკრ)-ერნესტ გულბისი (ლატ, 8) 6:3, 5:7, 6:1; ფილიპ პეტცშნერი (გერ)-ფილიპ კოლშრაიბერი (გერ) 6:0, 4:6, 6:2; ტომაშ ბერდიხი (ჩეხ, 3)-ნიკოლაი დავიდენკო (რუს) 6:3, 7:6; ჟილ სიმონი (საფ)-ლუკაშ როლოსი (ჩეხ) 6:2, 6:3; ნოვაკ ჯოკოვიჩი (სერ, 2)-ფელისიანო ლოპესი (ესპ) 6:3, 2:6, 6:4; როჯერ ფედერერი (შვეიც, 1)-მარსელ გრანოლერსი (ესპ) 6:3, 6:4.1/4 ფინალიფედერერი (1)-სტახოვსკი; გასკე-სიმონი; ბერდიხი (3)-პეტცშნერი; ჯოკოვიჩი (2)-ფ. მაიერი.აკაპულკო (მექსიკა). გრუნტისაპრიზო ფონდი: 995 000 დოლარი1/8 ფინალილუკაშ კუბოტი (პოლ)-ედუარდო შვანკი (არგ) 6:7, 6:4, 6:4; სანტიაგო ხირალდო (კოლ)-ალბერტ მონტანიესი (ესპ, 5) 6:3, 6:4; სტანისლას ვავრინკა (შვეიც, 4)-ფაბიო ფონინი (იტა) 5:7, 6:3, 7:5; ალექსანდრ დოლგოპოლოვი (უკრ, 6)-კარლოს ბერლოკი (არგ) 6:4, 6:1; ნიკოლას ალმაგრო (ესპ, 3)-ფილიპო ვოლანდრი (იტა) 6:2, 6:2; ხუან მონაკო (არგ, 7)-პაბლო კუევასი (ურუ) 6:3, 6:4; ტომაშ ბელუჩი (ბრა)-ივან ნავარო (ესპ) 1:6, 6:4, 6:3; დავიდ ფერერი (ესპ, 1)-სანტიაგო გონსალესი (მექ) 6:2, 6:2.1/4 ფინალიფერერი (1)-მონაკო (7); ვავრინკა (4)-დოლგოპოლოვი (6); ალმაგრო (3)-ხირალდო; კუბოტი-ბელუჩი.დელრეი ბიჩი (აშშ). ჰარდისაპრიზო ფონდი: 442 5000 დოლარი1/8 ფინალირაიან სვიტინგი (აშშ)-სემ კუერი (აშშ, 3) 7:6, 6:4; ივან დოდიგი (ხორ)-დუდი სელა (ისრ) 2:6, 6:3, 6:2; კეი ნიშიკორი (იაპ)-ჯეიმს ბლეიკი (აშშ) 6:3, 6:4; იანკო ტიპსარევიჩი (სერ, 6)-ბლაჟ კავჩიჩი (სლოვენ) 6:2, 6:7, 6:3.დოჰა (კატარი). ჰარდისაპრიზო ფონდი: 721 000 დოლარი1/8 ფინალიშუაი პენგი (ჩინ)-ფრანჩესკა სკიავონე (იტა, 3) 7:5, 6:3; მარიონ ბარტოლი (საფ)-შაარ პეერი (ისრ, 8) 6:1, 6:0; დანიელა ჰანტუხოვა (სლოვაკ)-ვერა დუშევინა (რუს) 4:6, 6:2, 6:4; კლარა ზაკოპალოვა (ჩეხ)-ნა ლი (ჩინ, 4) 6:2, 6:1; ფლავია პენეტა (იტა)-ლუსი საფაროვა (ჩეხ) 4:6, 6:3, 6:4; ელენა იანკოვიჩი (სერ, 5)-სანია მირზა (ინდ) 6:0, 6:1; კაროლინ ვოზნიაცკი (დან, 1)-ნადეჟდა პეტროვა (რუს) 6:3, 6:2; ვერა ზვონარევა (რუს, 2)-დომინიკა ციბულკოვა (სლოვაკ) 6:1, 6:2.1/4 ფინალივოზნიაცკი (1)-პენეტა; პენგი-ბარტოლი; იანკოვიჩი (5)-ზაკოპალოვა; ზვონარევა (2)-ჰანტუხოვა.აკაპულკო (მექსიკა). გრუნტისაპრიზო ფონდი: 220 000 დოლარი1/8 ფინალილაურა პოუს ტიო (ესპ)-სორანა კირსტეა (რუმ) 6:2, 6:1; ხისელა დულკო (არგ)-სილვია სოლერ ესპინოსა (ესპ) 6:1, 6:1; ლურდეს დომინგეს ლინო (ესპ)-პოლინ პარმენტიე (საფ) 6:1, 6:1; ანაბელ მედინა გარიგესი (ესპ)-ჯულია გორჯესი (გერ, 1) 6:4, 7:6; გრეტა არნი (უნგ, 3)-რენატა ვორაკოვა (ჩეხ) 6:3, 2:6, 6:4; არანჩა პარა-სანტონხა (ესპ, 6)-ლესია ცურენკო (უკრ) 6:3, 1:0 უარი; კარლა სუარეს ნავარო (ესპ, 7)-მადალინა გოჟნია (რუმ) 6:4, 6:3; იუჰანა ლარსონი (შვედ)-მატილდა იოჰანსონი (საფ) 2:6, 6:2, 6:3.1/4 ფინალიმედინა გარიგესი-სუარეს ნავარო (7); დულკო-პოუს ტიო; ლარსონი-არნი (3); პარა-სანტონხა (6)-დომინგეს ლინო.

zevs_90

დუბაი ფედერერისაა

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

ოფიციალურად: როჯერ ფედერერი მილიარდერი გახდა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!