<p>საქართველოს XXVIII ჩემპიონატი. უმაღლესი ლიგა. X ტური. "წითელი ჯგუფი" <br> ბათუმის "დინამო" ერთობ მშვიდობისმოყვარე გუნდად ჩამოყალიბდა, რადგან უმაღლესი ლიგის უკანასკნელი 5 შეხვედრიდან უკვე მე-4 დაასრულა ფრედ.</p><p>სამაგიეროდ, "დილამ", რომელსაც განვლილი 7 მატჩიდან ქულები თანაბრად არავისთვის გაეყო, პირველად გაუნაწილა მეტოქეს. სხვათა შორის, ნულოვანი საზავო (0:0) პირობებით მაინცდამაინც უკმაყოფილო არავინ ჩანდა, მით უფრო, რომ 100-პროცენტიანი საგოლე მომენტი არცერთი გუნდის კართან არ შექმნილა.</p><p>"დილას", რომელიც, სეზონის სტარტიდან მოყოლებული, ტრავმირებული ფეხბურთელების სიმრავლით ლაზარეთს ჰგავდა, ვერაფრით გამოუჯანმრთელდა ძირითადი შემადგენლობის მოთამაშეები. ამას დაემატა გუნდის მთავარი მეგოლის, ირაკლი მოდებაძის დისკვალიფიკაციაც.</p><p>თამაშს ბევრი საპატიო ესწრებოდა - ფეხბურთის ფედერაციის მაღალჩინოსნები, ნაკრების თავკაცი ვლადიმირ ვაისი... აქვე იყო გიორგი დარასელიაც - გორელთა ოდინდელი თავკაცი, ვისაც ისრაელში დიდხანს უთამაშია და უმუშავია. შესაძლოა, მას კლუბის ამჟამინდელ ებრაელ მეპატრონეებთანაც კარგი ურთიერთობა აქვს... მეტოქის დასაზვერად გორში ჩამოვიდა "სიონის" დირექტორი და ერთ-ერთი მწვრთნელი ლადო ბურდულიც (მომდევნო ტურში "დილა" სწორედ "სიონს" ხვდება).</p><p>არავინ იცის, ვაისმა, ბურდულმა ან სხვებმა რა ჩაინიშნეს ან დაინახეს, მაგრამ, სანახაობის თვალსაზრისით, პუბლიკას სახარბიელო ნამდვილად არაფერი უნახავს...</p><p>ამ შეხვედრაში გორს მოწინააღმდეგის რანგში დაუბრუნდა მიხაილ გორელიშვილი, რომელიც, მართალია, არ პასიურობდა და ცდილობდა ყოფილი თანაგუნდელების შეწუხებას, მაგრამ მის მცდელობებს შედეგი არ გამოუღია. ზღვისპირელები კონტრშეტევებზე იყვნენ ორიენტირებულნი, თუმცა თავს კარგად იცავდნენ მასპინძელთა უკანახაზელები, რომელთა შორის, ისევე, როგორც ზოგადად გუნდში, იმატა აფრიკელი ლეგიონერების რაოდენობამ.</p><p>არცერთ მეკარეს, მეტადრე პირველ ტაიმში, დიდი ჯაფა არ დასდგომია. შესვენებამდე მასპინძელთაგან ყველაზე მწვავე ალექსანდრე გამცემლიძის მიერ საშუალო დისტანციიდან სახიფათოდ დარტყმული იყო, რომელიც კარში ეშვებოდა, მაგრამ მეკარემ მოიგერია. სტუმრებმა კი ყველაზე აშკარა ხიფათი მაშინ შექმნეს, თეიმურაზ შონია "დილას" გოლკიპერს თითქმის პირისპირ რომ შეატოვეს, მაგრამ "დინამოს" კაპიტანი ბურთს ვერ შესწვდა.</p><p>მეორე ტაიმში უჩა სოსიაშვილმა შუა ხაზში რატი ცაცკრიალაშვილი შეუშვა. ამან გამწვავება სცადა, რამდენჯერმე საშუალო დისტანციიდან დარტყმითაც მოსინჯა შანსები, თუმცა - უშედეგოდ. ბათუმელები მოწინააღმდეგის შეტევებს საკმაოდ უკან, საკუთარ ნახევარზე ხვდებოდნენ და მასპინძლებს რამდენჯერმე ზღვისპირელთა კართან სახიფათო დისტანციაზე მიახლოების საშუალებაც მიეცა, მაგრამ გორელები კომბინაციის დამაგვირგვინებელ ფაზაში გადაწყვეტილების მიღებას ხშირად აგვიანებდნენ, რაც მათი გარჯის ნაყოფიერებას ამცირებდა.</p><p>თავის მხრივ, "დინამო" შეტევაში უფრო მეტად გრძელი ფლანგური ჩაწოდებით ცდილობდა წარმატების მიღწევას, ოღონდ ნაყოფი არც ამას გამოუღია. ურიგოდ არ ჩართულა თამაშში შეცვლაზე შესული ელგუჯა ლობჯანიძე, რომელმაც თავადაც შეაწუხა "დილას" მეკარე სახიფათო დარტყმით და ერთხელ კარგ პოზიციაში მყოფ გორელიშვილსაც ზუსტად აწვდიდა ბურთს, მაგრამ მიხეილ მუჯრიშვილმა დროული რეაქციით განმუხტა მომენტი.</p><p><span style="text-decoration: underline;"></p><p></span><span style="color: #0000ff;"><strong>საქართველოს XXVIII ჩემპიონატი. უმაღლესი ლიგა. X ტური. წითელი ჯგუფი</strong></span></p><p><span style="text-decoration: underline;">22.10. გორი. "თენგიზ ბურჯანაძე"</span></p><p><em><strong>დილა-დინამო (ბთ) 0:0</strong></em></p><p>დილა: მუჯრიშვილი, ღონღაძე, სალუქვაძე, კოფი, რომარიკი, სამხარაძე, ლომიძე, ნონიკაშვილი, წიქარიძე (46. ცაცკრიალაშვილი), გამცემლიძე (68. ბიასადილა), ერისთავი (87. ჩახვაშვილი).</p><p>სათადარიგოები: ბეგაშვილი, კაკულია, პაპავა, კაპანაძე</p><p>მწვრთნელი: უჩა სოსიაშვილი</p><p>დინამო: ტიმოფეევი, ტვილიდიანი, მგელაძე, სუხიაშვილი, გეგეჭკორი, ქავთარაძე, შონია, ფონიავა (58. თევდორაძე), გორელიშვილი (79. ჭკუასელი), კვანტალიანი (65. ლობჯანიძე).</p><p>სათადარიგოები: ტაკიძე, ვარშანიძე, ქორიძე, მარიანოვიჩი</p><p>მწვრთნელი: ლევან ხომერიკი</p><p>გაფრთხილება: გორელიშვილი (69), ქავთარაძე (70), ჭკუასელი (87)</p><p>არბიტრი: ბ. ნინუა</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მკითხველი
სტატიის ავტორი ან ძალიან არაკომპეტენტურია ან კიდე თამაში საერთოდ არ უნახავს...
ქომაგი
რეპორტაჟის ავტორი თამაშზე არ ყოფილა ალბათ... მაგრამ რას გაძლევთ ეს ან რას გმატებთ, ვის უმალავთ?!
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
კონტემ განმარტა, რატომ დატოვა "ინტერი" საჩემპიონო სეზონის შემდეგ
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
"დილამ" 19 წლის ბურკინა ფასოელი მცველი დაიმატა
ბრუნდება თუ არა საქართველოში - ბათუმის "დინამოს" სპორტულმა დირექტორმა ჯოვინო ფლამარიონის შესაძლო ტრანსფერზე ისაუბრა
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
ლევან შენგელია ბათუმის "დინამოს" ფეხბურთელია
ჩხუბი მწვრთნელსა და ფეხბურთელს შორის - "იბერიამ" ღუდუშაური მთავარი გუნდიდან მოკვეთა
მაურიდეს როკე ჯუნიორს ფინეთში წარმატებული ოპერაცია ჩაუტარდა
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
ჩემპიონატის ფინიში გაწერილია - საჩემპიონო ფინალი 3 და 11 დეკემბერს
უმაღლესი ლიგა. XIII ტური: "ტორპედო" მესამე ადგილზე გადავიდა [VIDEO]
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
უმაღლესი ლიგა. XI ტური: ბათუმის "დინამომ" "ზუგდიდი" გაანადგურა
კოლხეთი-სიონი 1:0 [VIDEO]
"დილამ" კვლავ მოიგო, "დინამო თბილისი"-"სამგურალი" ფრედ დასრულდა
სამტრედია-საბურთალო 3:0 - დამაჯერებელი ლიდერი, წარუმატებელი დაბრუნება
იაჰია კალეი ბათუმის "დინამოს" ფეხბურთელია
ენეს მაჰმუტოვიჩი ბათუმის "დინამოს" ფეხბურთელია
უმაღლესი ლიგა. XIV ტური: პირველ ლიგაში კიდევ ერთი გუნდი დაქვეითდა