<p>საქართველოს XXVIII ჩემპიონატი. უმაღლესი ლიგა. XII ტური. "წითელი ჯგუფი" <br> ზედიზედ მეორე ტურია, "დილა" უგოლო ფრით ამთავრებს საშინაო მატჩებს, ანუ ვერც გააქვს და არც უშვებს. ეს ზედიზედ დასრულებულ ფრეებზე ვამბობთ, თორემ ისე გორელებს სექტემბრის მერე არ გაუტანიათ და სტადიონზე მისული მათი გულშემატკივარი, ამჯერადაც დიდი იმედით რომ ელოდა ნავსიანი პერიოდის გატეხვას, ისევ უკმაყოფილო დაბრუნდა შინ. თუმცა ისიც მნიშვნელოვანია, რომ ბოლოსწინა ტურში 6 გოლის გამტანმა "საბურთალომაც" ვერ აიღო მასპინძელთა კარი. შედეგად, სატურნირო ცხრილში ერთმანეთის მეზობლად მყოფი ეს გუნდები ისევ მეზობლებად დარჩნენ.</p><p>"დილას" ძირითადი შემადგენლობის არაერთი ფეხბურთელი ჰყავს ტრავმირებული. უჩა სოსიაშვილს განსაკუთრებით თავდასხმაში უჭირს. ამ ამპლუის ფეხბურთელების არყოფნა "საბურთალოსთანაც" ცხადად გამოჩნდა. გამოკვეთილ შემტევად გამწესებულ კონგოელ ლეგიონერ არსი ბიასადილას სტუმარი მცველები ხიფათის შექმნის საშუალებას არ აძლევდნენ.</p><p>თუმცა საბურთალოელები არა მხოლოდ მას, მასპინძელთა ყველა ფეხბურთელს, რომელიც ბურთს მიიღებდა, საკმაოდ მჭიდროდ ეთამაშებოდნენ, მარწუხებში აქცევდნენ და ამ გზით შეცდომებსაც აშვებინებდნენ. მათი პრესინგი მთელ მოედანზე ორივე ტაიმში შესამჩნევი იყო, რაც, რასაკვირველია, კარგ ფიზიკურ მომზადებას მოითხოვდა.</p><p>გია ჭიაბრიშვილის გუნდი შეტევაში კონტრიერიშებს ანიჭებდა უპირატესობას, ოღონდ, გორელების დარად, არც მათი კონტრშეტევები ყოფილა თვალშისაცემად სახიფათო, რაც ხშირად საჯარიმოში ჩაწოდებით მთავრდებოდა, იქ კი მასპინძელი მცველები დომინირებდნენ.</p><p>აღსანიშნავია, რომ "დილას" უკანა ხაზი მწყობრში დაბრუნებულმა ლექსო კვახაძემ და საყრდენმა ლუკა რაზმაძემ გააძლიერეს, თუმცა გორელი ფეხბურთელების თითქმის ნახევარი ისევ ლაზარეთშია და ძირითადი შემადგენლობის შერჩევისას, სოსიაშვილს ვარირების საშუალება ნაკლებად აქვს.</p><p>შესვენებამდე სტუმრებს ყველაზე კარგი შანსი 26-ე წუთზე შეექმნათ, როცა ცოტნე ნადარაიას ჩაწოდებული სანტიაგო ხარამ კარის სიახლოვიდან მიზანში ვერ გაგზავნა. მასპინძლები კი ლევან ნონიკაშვილის მიერ საშუალო დისტანციიდან დარტყმულზე შეწუხდნენ უფრო მეტად.</p><p>მეორე ტაიმის დასაწყისიდან ათიოდ წუთში ორივე მწვრთნელმა განახორციელა ორ-ორი ცვლილება, რაც ჭიაბრიშვილმა შუა ხაზის, ხოლო სოსიაშვილმა შეტევის გასაძლიერებლად გამოიყენა, თუმცა ამ ცვლილებებს თამაშზე თვალშისაცემი ზეგავლენა არ მოუხდენია.</p><p>48-ე წუთზე მსაჯმა გორელების საჯარიმო მოედნის შიგნით თავისუფალი დარტყმა დანიშნა, თუმცა სტუმრებმა მეტად სახიფათო "სტანდარტი" ნაყოფიერად ვერ გამოიყენეს. უშედეგოდ მთავრდებოდა გორელთა საგოლე მცდელობებიც. "საბურთალოს" თავდაცვითი ზღუდეების გარღვევა რომ ვერ ხერხდებოდა, გახშირდა პასები უკან და ამით ტემპი უფრო დავარდა.</p><p>66-ე წუთზე დავით კაპანაძემ და ალექსანდრე გამცემლიძემ ზედიზედ დაარტყეს მოწინააღმდეგის კარისკენ, მაგრამ მცველებმა ბურთი მეკარემდე არ მიუშვეს. ერთ ეპიზოდში, შეტევაში ჩართული რაზმაძე დაუსხლტათ თბილისელ მცველებს, თუმცა კარიდან ხუთიოდ მეტრში მყოფმა გორელმა თანაგუნდელის ჩაწოდებულს თავი ვეღარ დაუხვედრა.</p><p>თავისას ცდილობდა "საბურთალოც". ტაიმის შუაწელში სანტიაგო ხარას მიერ ახლო მანძილიდან დარტყმულს სიზუსტე დააკლდა. 73-ე წუთზე კი გიორგი ხარაიშვილის მიერ შესრულებული "სტანდარტული" ხარიხას მცირე მანძილით გადაევლო.</p><p>შეხვედრის მიწურულს 3 ქულის მოსაპოვებლად ვა-ბანკზე არცერთი გუნდი არ წასულა, რადგან გატანის სურვილს საკუთარი კარის უსაფრთხოებამ გადასძალა. ამიტომ ციფრებმა, რომელიც გორის სტადიონის ტაბლოზე მატჩის ბოლომდე უცვლელი დარჩა, ზუსტად ასახა მინდორზე განვითარებული მოვლენები.</p><p><span style="color: #3366ff;"><strong>უმაღლესი ლიგა. XII ტური. წითელი ჯგუფი</strong></span></p><p>05.11. "თენგიზ ბურჯანაძე"</p><p><em><strong>დილა-საბურთალო 0:0</strong></em></p><p><span style="text-decoration: underline;">დილა:</span> მუჯრიშვილი, ღონღაძე, სალუქვაძე, კვახაძე, რომარიკი, რაზმაძე, სამხარაძე (77. ცაცკრიალაშვილი), წიქარიძე, ნონიკაშვილი (58. ჩახვაშვილი), გამცემლიძე, ბიასადილა (58. კაპანაძე).</p><p>სათადარიგოები: ბეგაშვილი, ლომიძე, ელიაური, პაპავა</p><p>მწვრთნელი: უჩა სოსიაშვილი</p><p><span style="text-decoration: underline;">საბურთალო:</span> გოშაძე, იაშვილი, მარგველაშვილი, გრიგალაშვილი, ნადარაია, მამუჩაშვილი, ტერა (46. ჩაბრაძე), ხარაიშვილი, ვაგნერი (51. კოხრეიძე), სანტიაგო ხარა (76. ბუხაიძე), ფანცულაია.</p><p>სათადარიგოები: ქურდაძე, კარასკო, სოფრომაძე, გარსია</p><p>მწვრთნელი: გია ჭიაბრიშვილი</p><p><span style="text-decoration: underline;">გაფრთხილება:</span> სამხარაძე (16), რაზმაძე (60), ტერა (14)</p><p><span style="text-decoration: underline;">არბიტრი:</span> გ. ყრუაშვილი.</p><p><span style="color: #3366ff;"><strong>მომდევნო, XIII ტური</strong></span></p><p><span style="text-decoration: underline;">18 ნოემბერი</span></p><p>დინამო (თბ)-ლოკომოტივი</p><p>გურია-ჩიხურა</p><p>ცხინვალი-ტორპედო</p><p><span style="text-decoration: underline;">19 ნოემბერი</span></p><p>სიონი-დინამო (ბთ)</p><p>საბურთალო-ზუგდიდი</p><p>სამტრედია-დილა</p><p><span style="color: #3366ff;"><strong>ბომბარდირები</strong></span></p><p>ზივზივაძე (სამტრედია) 9</p><p>ს. ლობჟანიძე (ჩიხურა) 8</p><p>დვალი (ცხინვალი) 7.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"დილამ" 19 წლის ბურკინა ფასოელი მცველი დაიმატა
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
"სამგურალის" მწვრთნელად უჩა სოსიაშვილი დანიშნეს
ექსკლუზივი: ცხადაძე "დინამოდან" წავიდა, მას ჭიაბრიშვილი ცვლის? - "ლოკომოტივის" ყოფილი მწვრთნელი პირველ კომენტარს Sportall-თან აკეთებს
სეზონის დაწყებიდან ეროვნული ლიგის გუნდი მეორე მწვრთნელმა დატოვა
"სიონის" მწვრთნელად სოსიაშვილი დანიშნეს
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
10-ბალიანი სისტემა - "საბურთალოს" ფეხბურთელების შეფასება ზაგრების "დინამოსთან" მატჩში
ჭიაბრიშვილი: ძალიან მოტივიერებულები ვართ და ვალდებულნი ვართ, "პაიდეს" ბარიერი გავიაროთ
"მე და ჩემმა ოჯახმა საკმაოდ რთული პერიოდი გავიარეთ" - გიორგი ჭიაბრიშვილი გულზე ჩატარებული ოპერაციის შემდეგ სამუშაო პროცესს დაუბრუნდა
"ორი მატჩის შემდეგ ნული ქულა გვაქვსო, მაგრამ იცით, რა არის მთავარი შედეგი?!" - გია ჭიაბრიშვილი ეროვნულ ნაკრებზე საუბრობს
"რუსთავში" რევაზ ძოძუაშვილი იმუშავებს
"შუქურა" უჩა სოსიაშვილმა დატოვა
ჩხუბი მწვრთნელსა და ფეხბურთელს შორის - "იბერიამ" ღუდუშაური მთავარი გუნდიდან მოკვეთა
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
"ბოდიში! ასე არ შეიძლება... ვიღებ პასუხისმგებლობას..." - ჭიაბრიშვილი "პაიდესთან" მარცხის შემდეგ
"პირველ მატჩში გარკვეული წნეხით ვითამაშეთ..." - რა თქვა ჭიაბრიშვილმა "პაიდესთან" განმეორებითი მატჩის წინ
უმაღლესი ლიგა. V ტური: ნიკოლოზ გელაშვილი კარში
"დილამ" კვლავ მოიგო, "დინამო თბილისი"-"სამგურალი" ფრედ დასრულდა
"სიონი" გიორგი ჭელიძემ ჩაიბარა