- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვარშავაშიც ვერ ვივარგეთ
<p>მართალია ვარშავის მსოფლიოს თასზე საქართველოს ძიუდოისტთა ნაკრები სათადარიგოებით წარსდგა, მაგრამ მაინც უფრო მეტს ველოდით <br> ამ უქმეებზე ქართველმა ძიუდოისტებმა მსოფლიოს თასზე იჭიდავეს - ვაჟებმა - ვარშავაში, ქალებმა - პრაღაში. ვარშავის ტურნირის შედეგი ყველაზე უფრო ცუდია წლევანდელ შეჯიბრებათა შორის - 8-კაციანი გუნდიდან ორი შეხვედრის მოგება მხოლოდ ორმა ფალავანმა მოახერხა. სანუგეშო წრემდე ჩვენებს საკმაოდ ბევრი დააკლდათ.</p><p>წინა შეჯიბრებაზე - დიუსელდორფის "დიდ პრიზზე" ორი მეხუთე ადგილი მაინც იყო, ახლანდელი შედეგი ბევრად უარესია. თუმცა ამას ახსნაც აქვს - მწვრთნელებმა ამჯერად შანსი სათადარიგოებს მისცეს, თუმცა მათაც ცოტა მეტი მოეთხოვებათ, ვიდრე ვარშავაში აჩვენეს. მით უფრო, შეჯიბრება არც იმდენად ძლიერი გამოდგა - 48 ნაკრები გამოდიოდა, რაც მასშტაბური ციფრი სულაც არ არის. რაც მთავარია, გუნდების დიდი ნაწილიც სათადარიგოებით გამოდიოდა.</p><p>დავით ასუმბანი (60) და გიორგი შოშიაშვილი (66) პირველივე შეხვედრაში დამარცხდნენ. ასუმბანმა იუკოთი წააგო გერმანელ რობერტ კოპისკესთან, შოშიაშვილი კი 23-წლიანებში ევროპის ვიცე-ჩემპიონმა და ვარშავული შეჯიბრების მომავალმა ბრინჯაოს პრიზიორმა, რუსთა დაღესტნელმა კამალ-ხან-მაგომედოვმა დააიპონა.</p><p>73-ში ორი მონაწილე გვყავდა და ორივემ მეტ-ნაკლებად დამაკმაყოფილებლად იჭიდავა. თბილისის ტურნირის ჩემპიონი ამბაკო ავალიანი ერთ-ერთია იმ დუეტიდან, ვინც ორი ბრძოლის მოგება მოახერხა. პირველ შეხვედრაში მან წლეულს უკვე მეორედ სძლია საქართველოდან წასულ ებრაელ იოსებ ფალელაშვილს, რომელსაც თბილისშიც მოუგო. მეორე წრეში ჩვენებურმა ჩინელი ვეი ლიუ დაამარცხა - ორივე მეტოქეს ვაზარით აჯობა, მერვედფინალში კი მომავალ ბრინჯაოს მედალოსანთან, რუმინელ კოსტელ დანცულეასთან წმინდად წააგო. ამავე წონაში საქართველოს ჩემპიონმა თენგიზ პაპოშვილმა საკმაოდ ძლიერი თურქი სეზერ ჰიუზუსი კი ჩამოიცილა გზიდან, მაგრამ მერე ფრანგ იორდან ამოროსთან იპონზე დაეცა და გამოვარდა.</p><p>ერთი შეხვედრა მოიგო საქართველოს ვიცე-ჩემპიონმა პაატა ღვინიაშვილმაც (81) - უკრაინელ ევგენი კატაიევთან. ჩვენებურმა ყველაფერში დაჩაგრა მეტოქე და იუკო-ვაზარით გამოხატული უპირატესობა საბოლოოდ იპონში გარდასახა. ასეთმა დასაწყისმა კარგი გაგრძელების იმედი მოგვცა, მაგრამ ის მალევე გადაგვეწურა - ღვინიაშვილი მომდევნო შეხვედრაში უნგრელ მილან ბურგესთან უკვე თვითონ დამარცხდა სუფთად.</p><p>ვარშავაში ლამის იდენტურად გამოვიდა საქართველოს ბრინჯაოს პრიზიორი გიორგი ცოციაშვილიც (90) - პირველივე შეხვედრა მანაც იპონით მოიგო (მექსიკელ კარდენას ისაოსთან), მერე კი ისიც მომდევნო ორთაბრძოლაში დამარცხდა, თან იპონით და თან უნგრელთან - გაბორ ვერთან.</p><p>ავალიანთან ერთად, ამ ტურნირზე ჩვენი გუნდის მეტ-ნაკლებად დადებითი წერტილი დავით ლორიაშვილი (100) აღმოჩნდა - მანაც ორი შეხვედრა მოიგო. მისი წაყვანა კითხვის ნიშნის ქვეშ იდგა და მხოლოდ ბოლო დღეებში გადაწყდა, ვარშავაში კი საკუთარი სპორტული მონაგარი მორიგი ტიტულოვანი ათლეტის წაქცევით გაიმდიდრა. პირველ წრეში მან ახალგაზრდა აზერბაიჯანელი საინ მამადოვი დაამარცხა, თუმცა საკმაოდ გაუჭირდა - გაფრთხილებებით მოუგო. აი, მეორეში კი წონის ერთ-ერთი ანგარიშგასაწევი ფალავანი, უნგრელი ევროპის ჩემპიონი და მსოფლიოს ბრინჯაოს პრიზიორი დანიელ ჰადფი ერგო მეტოქედ.</p><p>ფალავნებმა ორ-ორი გაფრთხილება მიიღეს, მაგრამ ჩვენებურმა ვაზარიც მოიპოვა და მომდევნო წრეშიც გავიდა, თუმცა ფეხმტკივანი და გვარიანად დემორალიზებული. არადა, მეტოქე არც ისე ძლიერი იყო - რუსთა ახალგაზრდა ოსი დავიდ ბიტიევი, თუმცა ლორიაშვილი დაღლითაც დაიღალა (მოსამზადებელ პერიოდში მან გარკვეული დრო მკურნალობას დაუთმო და ვარჯიშები გაუცდა) და კოჭთან გადახვეული ფეხიც იმდენად აწუხებდა, მეორე ნახევარი კოჭლობაში გაატარა. ერთ მომენტში ყვრიმალიც დაუზიანდა და ტატამზე გუნდის ექიმ ზურაბ კახაბრიშვილსაც გამოუძახეს, რის შემდეგაც ქართველს ნახვევები უკვე სახეზეც გაუჩნდა. მსაჯმა ის ორი გაფრთხილებით დასაჯა, რაც, უნდა ვაღიაროთ, დაუმსახურებელი არ იყო. ჩამორჩენამ ლორიაშვილი გამოაცოცხლა და იერიშებს უმატა, მაგრამ ოსიც კარგად იცავდა თავს და საქმე გამარჯვებამდეც მიიყვანა.</p><p>ცოტა მეტს ველოდით ადამ ოქრუაშვილისგან (+100), მაგრამ პირველივე შეხვედრა იპონით დათმო ისლანდიელ ტორმოდურ იონსონთან. ეს კუნძულელი ლამის რისხვად გვექცეს - ზვიად ხანჯალიაშვილიც დაუმარცხებია რამდენჯერმე.</p><p>რაც შეეხება ჩეხეთის ტურნირს, იქ ქართველ ქალთა სამეული ჭიდაობდა: შორენა შარაძე (63), ნინო ოძელაშვილი (70) და ირინა ლეონიძე (+78). "ქართული სამაია" პრაღაში წარუმატებელი აღმოჩნდა - ესენიც პირველივე ბარიერთან დაეცნენ, მაგრამ ოძელაშვილმა მედგარი ბრძოლა გაუმართა ყაზახ ზანარ ზანზუნოვას - ვაზარზე დააგდო, მაგრამ მერე გაფრთხილებებით წააგო. ახალგაზრდა სამბისტთა შორის მსოფლიოს ჩემპიონი ოძელაშვილი ამ გუნდის უმთავრესი იმედი და ლონდონის ოლიმპიადის ლიცენზიის მოპოვების უპირველესი პრეტენდენტია. ადრინდელთან შედარებით მისი პროგრესი აშკარაცაა. შარაძე ორი ვაზარით წმინდად დამარცხდა მომავალ ჩემპიონთან, ჩინელ იუჰუა ხუსთან, ლეონიძემ კი გაფრთხილებებით წააგო თურქ გულსაჰ კოცათურქთან.</p><p><strong>ვარშავა. კვარცხლბეკი. ვაჟები. </strong></p><p>60 კგ. 1. ეშლი მაკენზი (დიდი ბრიტანეთი), 2. ჰოვანეს დავთიანი (სომხეთი), 3. არტიომ არშანსკი (ისრაელი), იუნლონგ ჰე (ჩინეთი).</p><p>66 კგ. 1. არმენ ნაზარიანი (სომხეთი), 2. პაველ ზაგროდნიკი (პოლონეთი), 3. კამალ ხან-მაგომედოვი (რუსეთი), დავიდ ლაროსე (საფრანგეთი).</p><p>73 კგ. 1. ბენჯამინ დარბელე (საფრანგეთი), 2. კრშიშტოფ ვილკომირსკი (პოლონეთი), 3. კოსტელ დანცულეა (რუმინეთი), კიოში უემაცუ (ესპანეთი).</p><p>81 კგ. 1. ლოის პიეტრი (საფრანგეთი), 2. იანიკ გუჩე (გერმანია), 3. იოახიმ ბოტიე (ბელგია), ალაინ შმიტი (საფრანგეთი).</p><p>90 კგ. 1. რობერტო მელონი (იტალია), 2. ვიქტორ ფიშმანი (ისრაელი), 3. კამილ მაგომედოვი (რუსეთი), მილან რანდლი (სლოვაკეთი).</p><p>100 კგ. 1. სირილ მარე (საფრანგეთი), 2. ბალინტ ფარკაში (უნგრეთი), 3. დავიდ ბიტიევი, რომან პოლოსინი (ორივე - რუსეთი).</p><p>+100 კგ. 1. სტანისლავ ბონდარენკო (უკრაინა), 2. ადრიან პინი (საფრანგეთი), 3. რაფაელ სილვა (ბრაზილია), ანდრეი ვოლკოვი (რუსეთი).</p><p>.</p>
U23. ქართველმა ძიუდოისტებმა ევროპის ჩემპიონატი ზედიზე მეორედ მოიგეს
გიორგი ჯაბნიაშვილმა ევროპის ახალგაზრდულ ჩემპიონატზე ოქროს მედალი მოიპოვა!
იაპონიაში 13 ძიუდოისტით - ტოკიოს გრანდ სლემისთვის საქართველოს ნაკრების შემადგენლობა ცნობილია
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
მამარდაშვილის კიდევ ერთი შანსი. როდის დაბრუნდება ალისონი? - სლოტმა კომენტარი გააკეთა
"ბორჯღალოსნები" | ქოქრილმა "არწივებისთვის" 23 შეარჩია
"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
მბაპეს აღარ შეეცილებიან - "რეალში" პენალტების შემსრულებელი ფრანგი იქნება