არგენტინის ნაკრები: კრიზისი არგენტინულად და მესი, როგორც მხსნელი

ედგარდო ბაუსა - მწვრთნელი, რომელიც "ალბისელესტეს" დონეს არ შეესაბამება არგენტინის ნაკრები მსოფლიოს ჩემპიონატის შესარჩევ ციკლში ძალიან არათანაბრად ასპარეზობს. ამ დროისათვის გუნდს მეხუთე ადგილი უჭირავს. ეს ის ადგილია, რომელიც მუნდიალზე პირდაპირ გასვლის საშუალებას არ იძლევა.არგენტინის ნაკრებისათვის ზემტკივნეული იყო მარცხი ბრაზილიასთან. მარცხსაც ხომ გააჩნია - "მტერმა" არგენტინას საერთოდ არ მისცა შანსი. მესი და მისი მეგობრები ერთხელაც მოხვდნენ კრიტიკის ქარცეცხლში.ბრაზილიასთან მატჩის შემდეგ იყო შეხვედრა კოლუმბიის ძლიერ ნაკრებთან. არგენტინაში ეს შეხვედრა იმთავითვე მოინათლა სიკვდილ-სიცოცხლის მატჩად. "მესი - მხსნელი" - ჩვენ ეს სიტყვები თავისუფლად შეგვიძლია დავწეროთ. ლიონელმა გოლი შეაგდო და ორი საგოლე გადაცემა გააკეთა. ეს დიდებული სპექტაკლი იყო ერთი კაცისა, თუმცა ეს არ შეიძლება, დაუსრულებლად გაგრძელდეს. ბოლოს და ბოლოს, მესი ღმერთი არ არის და ის სულ ასე ვერ ითამაშებს.არგენტინას ჰყავს ისეთი შემადგენლობა, რომ ერთ კაცზე არ იყოს დამოკიდებული. არადა, ნაკრებში სწორედ ასეა. სხვა ვარსკვლავები ლიონელის ჩაუქობას ელოდებიან და თამაშს ამის შემდეგღა იწყებენ. თუ მესი დუმს, სხვებიც სამარისებურად დუმან.რატომ არის არგენტინის ნაკრები მუნდიალზე გასვლა-არგასვლის მიჯნაზე? გვინდა გვჯეროდეს, რომ ეს საკითხი საბოლოო ჯამში მაინც დადებითად გადაწყდება და "ალბისელესტე" 2018 წლის მუნდიალზე აუცილებლად ითამაშებს, მაგრამ ფაქტია, საკითხი დღეს სწორედ ასე დგას.არგენტინულ ფეხბურთში ყველაფერი რიგზე რომ არ არის, ამას ბოლოდროინდელი მოვლენებიც ცხადყოფენ. ბოლო და დიდი სკანდალი სულ ცინცხალია: ეროვნული გუნდის ფეხბურთელებმა ბოიკოტი გამოუცხადეს პრესას, რადგან ერთ-ერთმა ჟურნალისტმა საზოგადოებას სკანდალი ამცნო: ესეკიელ ლავეციმ ნაკრების ბაზაზე მარიხუანა მოწიაო.ალბათ, არგენტინის ნაკრები და ჩვენი იქაური კოლეგები შერიგდებიან. მანამდე ეროვნული გუნდის კრიტიკა მთავარი მწვრთნელით უნდა დავიწყოთ. თუ თქვენ ბრაზილიის ჩემპიონატს ყურადღებით ადევნებდით თვალს, აუცილებლად გეცოდინებათ ეს მწვრთნელი - ედგარდო ბაუსა. ცოტა ხნის წინ ცოტა ხნით ის "სან პაულოს" ხელმძღვანელობდა.უმუშავია არაერთ ქვეყანასა და კლუბში, მაგრამ არგენტინის ნაკრები? ეს ხომ სხვა განზომილებაა? ეს ხომ ეროვნული სიამაყეა? არგენტინას არ უკვირს სუსტი მწვრთნელები. ბოლოს და ბოლოს, ამ ქვეყნის მთავარი გუნდის სათავეში დიეგო მარადონა იდგა, მაგრამ ის მარადონა იყო, ეს კი...არგენტინაში ძალიან ბევრი აკრიტიკებს ბაუსას არასწორად შერჩეული შემადგენლობის გამო. გამარჯვებულებს არ ასამართლებენ. კოლუმბიასთან მატჩში ლუკას პრატომ გოლი გაიტანა, თუმცა პრატოს წარმოდგენა შეტევის ფორპოსტზე მაინც ცოტა რთულია.ეს არის ფეხბურთელი, რომელიც ბრაზილიის ჩემპიონატშიც კი ბევრით ვერაფრით გამოირჩევა. ბოლოს და ბოლოს, მას ევროპაში დამკვიდრების მცდელობა უკვე ჰქონდა და ამ საქმიდან არაფერი გამოვიდა. "ჯენოაში" პრატომ ვერაფრით გამოიჩინა თავი.შეცვლაზე შეუშვა გონსალო იგუაინი და საერთოდ არ ათამაშო სერხიო აგუერო - ამას განსაკუთრებული გამბედაობა სჭირდება. მეტიც, ეს ჰგავს სიჯიუტეს, რაც თავისნათქვამა კაცის ახირებაა. არ შეიძლება, პრატო "პიპიტასა" და კუნზე უკეთესი იყოს.როცა შენ ორ ასეთ ფორვარდს ტოვებ სათადარიგოთა სკამზე, ნებსით თუ უნებლიეთ, აღიარებ, რომ შენ მათ ვერ იყენებ ისე, როგორც საჭიროა. ეს განსაკუთრებით აგუეროზე ითქმის. კარგი, დავუშვათ, იგუაინს ბაუსა ბრაზილიაში ნათამაშები "მშრალი" მატჩის გამო გაუბრაზდა. საინტერესოა, რომ აგუერო ბრაზილიურ მატჩში სათადარიგოთა სკამიდან ჩაერთო.რა გამოდის, რისთვის იფრინა "მანჩესტერ სიტისა" და ევროპული საკლუბო ფეხბურთის ერთ-ერთმა კაშკაშა ვარსკვლავმა ათასობით კილომეტრი? მხოლოდ იმისათვის, რომ ერთ შეხვედრაში მიეღო მონაწილეობა და ისიც - შეცვლაზე?ან რატომ არ შეიძლება, რომ იგუაინი და აგუერო ერთად გამოჩნდნენ მინდორზე? ასეთი თავდასხმა, რომელსაც ზურგს უკნიდან მესი გაუმაგრებს, ნებისმიერ მოწინააღმდეგეს შიშის ზარს დასცემს.გასაგებია მწვრთნელის ტაქტიკური ჩანაფიქრებისა და სქემების მნიშვნელობა, მაგრამ ისიც ცხადია, რომ მსოფლიოს არც ერთ გუნდსა თუ ნაკრებს არ აქვს იმის ფუფუნება, რომ აგუეროსა და იგუაინის დონის ფეხბურთელები სათადარიგოთა სკამზე გააჩეროს.ერთიც: არგენტინის ნაკრებში მრავლად არიან მაღალი დონის ფეხბურთელები, მაგრამ მათი მეტი წილი შეტევის ხაზზე მოდის. მსოფლიოს ერთ-ერთი უძლიერესი ნაკრების შემადგენლობაში თამაშობენ ისეთი ფეხბურთელები, როგორებიც არიან რომერო, მერკადო, მასი, პრატო და სხვები. მათ უმაღლესი დონის შემსრულებლებს ნამდვილად ვერ მივაკუთვნებთ.ვთქვათ, გერმანიისა თუ ესპანეთის ნაკრებებს ერთ ადგილზე ორი თანაბარი დონის ფეხბურთელი ჰყავთ. არგენტინის ნაკრებში ეს ასე არ არის, თუმცა ამ გუნდს მსოფლიოს ჩემპიონატზე გასვლის პრობლემა არ უნდა ჰქონდეს.არგენტინა აუცილებლად უნდა გათავისუფლდეს "მესის სინდრომისაგან". რა თქმა უნდა, ლიონელი პირველია, მაგრამ არგენტინას ჰყავს ფეხბურთელები, რომლებსაც შეუძლიათ, პირველი ნაბიჯი თავად გადადგან და ყოველთვის გენიოსს არ დაელოდონ.დღეს კი ფეხბურთის ყველა გულშემატკივარი არგენტინას ქომაგობს. "ალბისელესტეს" გარეშე მსოფლიოს ჩემპიონატი ხიბლს დაკარგავს და ის ჩვენ ამისთვის არ გვემეტება.ყოველდღიური სპორტული გაზეთი "ლელო"

ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!

ერევნის ტურნირზე საქართველოს ნაკრებმა მოლდოვას დიდი ანგარიშით სძლია

"რომა" "იუვენტუსს" სწორედ ამიტომ ვარჩიე" - გასპერინი

ტერ შტეგენი გუნდს გამოიცვლის, თუმცა კატალონიაში დარჩება

[VIDEO] "არსენალმა" "ასტონ ვილა" დაშალა - ემერი "ემირეითსზე" შეაჩერეს...

სერხიო რამოსი შეიძლება საფრანგეთში დაბრუნდეს

სასაჩუქრე ნაკრებები მამაკაცისთვის - PSP-ში საახალწლო ფასდაკლება გელოდებათ

"ლიგის ფინალიდან რამდენიმე თვის შემდეგაც ამ მატჩზე ფიქრობდა" - ვისენსმა გავრდიოლასთან მუშაობის პერიოდი გაიხსენა

"ფლორენტინო პერესმა საფეხბურთო სამყარო შეცვალა" - რონალდომ "რეალის" პრეზიდენტის მიმართ უდიდესი პატივისცემა გამოხატა

ერთ ნაბიჯში "სიტისთან" - დღეს სემენიო "ბორნმუთში" სავარაუდოდ, ბოლო მატჩს ჩაატარებს

"ეს ძალიან რთული დრო იყო, ერთი გუნდი არ ვიყავით" - ვიტინიამ პსჟ-ში მძიმე პერიოდი გაიხსენა

"რომამ" მარტივად მოიგო და მე-4 ადგილზე გადავიდა

[VIDEO] ულამაზესი კადრები - ასე აღნიშნეს პსჟ-ის ფანებმა წარმატებული 2025 წელი

[VIDEO] ჩაკვეტაძის "უოტფორდმა" კვლავ იმარჯვა და უკვე პლეი-ოფის ზონაშია

საქართველოს ნაკრებმა სეზონის ბოლო მატჩში საუდის არაბეთთან ფრედ ითამაშა

[VIDEO] მატჩისას მეკარე იძულებული გახდა ჩაი დაელია

სპერციანი სერია A-ში - "ინტერში" სომხური დუეტი იქნება?

7-კაცა | გიორგი ნოზაძე - შეიყვარე და გამოგვყევი

საქმე სერიოზულადაა. წიტაიშვილს რიგი დაუდგა - ბუნდესლიგის კლუბი წინადადებას ამზადებს

"შახტარს" აზაროვი და კიდევ შვიდი ფეხბურთელი დატოვებს

სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა

ხორდი კრუიფი "აიაქსის" სპორტულ დირექტორად დაინიშნა

"გერმანია და ბრაზილია ტოპ 5-ში არ არიან" - კროოსმა მსოფლიო ჩემპიონატის ფავორიტები დაასახელა

საუდის არაბეთის ნაკრების მწვრთნელად ბაუსა დაინიშნა

მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]

დი მარიამ სანაკრებო კარიერა დაასრულა

"გუნდი არ ვიყავით, ყველა თავისთვის თამაშობდა" - ვიტინიამ მესი-ნეიმართან ერთად თამაშის პერიოდი გაიხსენა

არგენტინის ნაკრები: ედგარდო ბაუსა უკვე წარსულია

მესიმ კარიერაში ყველაზე სწრაფი გოლი გაიტანა - არგენტინამ გაიმარჯვა

"როცა მსოფლიო ჩემპიონატის ფინალი წავაგეთ, არავინ მელაპარაკებოდა. იცით, მესიმ რა გააკეთა?" - გონსალო იგუაინი

ბაუსამ, არგენტინის ნაკრების ზოგიერთი ფეხბურთელი ზეწოლას ვერ უძლებსო

მესის მორიგი ტიტული - მაიამის "ინტერი" ისტორიაში პირველად MLS-ის ჩემპიონია

ლეგენდარული მენოტი გარდაიცვალა - მან თბილისის "დინამოს" ევროპის უძლიერესი გუნდი უწოდა

ემირატების ნაკრებს ალბერტო ძაკერონი ჩაიბარებს

"რეალის" ყოფილი მცველი მესისთან ერთად "ინტერ მაიამიში" ითამაშებს

არგენტინის ნაკრები: ვინ შეცვლის ლიონელ მესის

არგენტინის ნაკრები: მაურო იკარდი ისევ გარიყულია

[VIDEO] მესი, ჩემზე დაქორწინდები? - არგენტინელის პასუხმა ასაკოვანი გულშემატკივარი გაახარა

ვან გაალი: არგენტინის მსოფლიო ჩემპიონობა დაგეგმილი იყო

საგიჟეთი, 83 წუთის დაგვიანებით დაწყებული მატჩი, ტრავმის გამო ატირებული მესი და ლაუტაროს გამარჯვების გოლი [VIDEO]