<p>ლარსონის "ჰელსინგბორგი" გავარდა, ფანებმა კი შური ლარსონის ვაჟზე იძიეს <br> უსიამოვნებაში გაეხვა ლეგენდარული ფორვარდი ჰენრიკ ლარსონი. ყოფილი ფორვარდი, რომელიც ჰელსინგბორგშია დაბადებული, მშობლიური ქალაქის გუნდს წვრთნის და სეზონი მისთვის წარუმატებელი გამოდგა.</p><p>45 წლის სპეციალისტმა მდგომარეობა უეკთესობისკენ ვერ შეცვალა და კლუბმა ლიგაში დასარჩენ გადათამაშებაში მიიღო მონაწილეობა "ჰალმშტადტის" წინააღმდეგ.</p><p>ორმატჩიან დაპირისპირებაში ნამდვილი ტრაგედია დატრიალდა, "ჰელსინგბორგი" პირველ შეხვედრას გასვლაზე იგებდა და ბოლოსკენ 10-კაციანი მეტოქისგან მაინც გაუშვა - 1:1. საპასუხო მატჩში კი 82-ე წუთზე დაწინაურდა, თანაც ჰენრიკ ლარსონის ვაჟის, ჯორდანის გოლით, მაგრამ…</p><p>"ჰალმშტადტის" რიგებში 20 წლის მცველმა მარკუს მატიისენმა გაიბრწყინა - 87-ე წუთზე პენალტით გაათანაბრა, ხოლო 90-ეზე სულაც მოაგებინა სტუმრებს. "ჰელსინგბორგი" 23 წლის განმავლობაში პირველად დაემშვიდობა "ალსვენსკას" და ქვედა ლიგაში ჩაინაცვლა.</p><p>საფინალო სასტვენის მერე დავიდარაბა, ჩხუბი, გარჩევა და აყალმაყალი იყო. მთავარი კი ის გახლდათ, რომ რამდენიმე ნიღბიანი ხულიგანი მინდორზე შეიჭრა და ისინი 19 წლის ჯორდანს მაისურის გახდას უპირებდნენ და ეჩხუბებოდნენ, იქამდე მას ტრიბუნებიდან სხვადასხვა საგანს ესროდნენ. მათთან მივიდა თავად ჰენრიკი და კინკლაობა უფროს ლარსონთან გაგრძელდა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=8581" target="_blank"><img src="pictures/artimages/image16/d00aeca6386a8f04290a69bf36da93d1.jpg" border="0" alt="Sportall.Ge" title="მამა, შვილის ფარი: ჰენრიკ ლარსონი კლუბის ხულიგან ფანებს დაუპირისპირდა [VIDEO]" /></a></p><p></strong></span></span></div></p></p><p>სიტუაცია დაძაბული იყო სტადიონის სიახლოვესაც, მოხდა შეტაკებები ფანებსა და სამართალდამცველებს შორის და ასევე, "ჰელსინგბორგისა" და "ჰალმშტადტის" გულშემატკივრებს შორის.</p><p>ლარსონი კი გულგატეხილი დარჩა და უკვე იმასაც ამბობენ, მარტო კლუბი კი არა, შეიძლება მთლიანად ქალაქი დატოვოსო. თუმცა მატჩის მერე ლარსონმა სხვა სახის განცხადება გააკეთა:</p><p>"მესმის მათი გრძნობები და ეს წარუმატებლობა მართლაც ძნელად გადასატანია. ამიტომაც მივედი იმ ფანებთან. თუმცა ეს, ალბათ, ყველაზე ჭკვიანური ნაბიჯი არ გახლდათ და ჯობდა, თავი შემეკავებინა. მეორე მხრივ, მე არ დამინახავს, რომ ისინი ჯორდანს ესხმოდნენ თავს.</p><p>ამ ქალქში დავიბადე, აქ ვცხოვრობ და ვმუშაობ. მშვიდად და თავისუფლად ცხოვრება მინდა და იმედია, ეს გამოხტომა და მუქარები, ცხელ გულზე ჩადენილი მცდარი საქციელი იყო და ისინი ამას გაიაზრებენ. ხოლო თუ ხულიგნები სახლში მოვლენ, მოვიდნენ… - ჩვენ ბევრი ძაღლი გვყავს" - განაცხადა ჰენრიკმა.</p><p>უმცროსი ლარსონი საბოლოოდ, დაცვის ესკორტით გაიყვანეს მინდვრიდან, უფროსი კი მუშტმოღერებული ელოდა რამდენიმე მოჩხუბარს, რომლებიც მისკენ იქაჩებოდნენ, მაგრამ მათი შეკავება მოახერხეს.</p><p>"ჰელსინგბორგის" სპორტულმა დირექტორმა მატს-ოლა შულცემ კი აღნიშნა, რომ კლუბი ყველანაირად გმობს და ემიჯნება ხულიგნების საქციელს და ასეთ ვაიფანებს "ჰელსინგბორგთან" არანაირი კავშირი არ აქვთ.</p><p><strong>ყოველდღიური სპორტული გაზეთი "ლელო"</strong></p>
"ცრუ ცხრიანით თამაშობდა, მაშინ როცა სხვებმა არც კი იცოდნენ ეს რა იყო" - "ლიდსის" მწვრთნელმა გვარდიოლასადმი კომპლიმენტები არ დაიშურა
"იუვენტუსის" კარში გატანილი გოლი მის გამო არ აღვნიშნე" - ოსიმენის დასაფასებელი ჟესტი
[VIDEO] ნეიმარის დუბლი და ცეკვა ვინისიუსის სტილში - "სანტოსმა" "ვასკო და გამა" დაამარცხა
პირველი ტაიმის შემდეგ საქართველოს ნაკრები დანიას 39:32 ამარცხებს
20 წ. | აფრიკასთან ბრძოლაში დავმარცხდით
შენგელიამ ნაკრებთან თამაშის დღეს ივარჯიშა | ჯიკიჩმა მატჩისთვის 12 მოთამაშე შეარჩია
ლიპარტელიანი და გადელია ბრინჯაოს მედლებისთვის იბრძოლებენ - ტაშკენტის გრანდ სლემის პირველი საშეჯიბრო დღე
როლანდ გელოვანის ხსოვნის ტრადიციულ ტურნირს ვერის ბაღის დარბაზმა უმასპინძლა
ევროპა ლიგაზე პლეი-ოფიდან 1/8-ფინალში გასული გუნდები გაირკვა
კონფერენს ლიგა: მორჩილაძის "რიეკა" მერვედფინალში გავიდა, სიგუას "ლოზანა" - ვერა
17-წლამდელებმა თებერვლის შეკრება გამარჯვებით დაასრულეს
კვარაცხელია ჩემპიონთა ლიგის კვირის სიმბოლურში
"არსენალი" კვლავ ჩემპიონთა ლიგის მოგების ფავორიტია - პსჟ მეხუთე პოზიციაზეა
"გალათასარაის" 1/8-ფინალში გასვლა ერდოღანმა მიულოცა
"რომელი გირჩევნიათ მერვედფინალში მეტოქედ, "ჩელსი" თუ "ბარსელონა"? - კვარაცხელიამ კითხვაზე უპასუხა
20 წ. | სამხრეთ აფრიკასთან მეორე მატჩისთვის 23 მორაგბე შეირჩა
"მესიმ ხელი არ ჩამომართვა" - ლაპორტამ არგენტინელთან მომხდარი ინციდენტი გაიხსენა
"ყველამ ვიცით, 1/8 ფინალში ვინც შეგვხვდება" - ტიბო კურტუა
"ამაზე კითხვებიც კი არ ყოფილა" - სპალეტის მომავალი გაირკვა
"შეგვიძლია თუ არა გასული სეზონის პსჟ გავხდეთ?" - ენრიკემ შეკითხვას უპასუხა
"ვიცოდი, რომ "იუვენტუსი" ჩვენს ცხოვრებას კოშმარად გადააქცევდა
[VIDEO] შენგელიას კარგი მატჩი ყოფილ გუნდთან - კაპიტანი ნაკრებში მარცხით მოდის
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია