პრემიერლიგა. XIII ტური: რა დროს ტიტულია?! დახედეთ ცხრილს!.. [VIDEO]

"მანჩესტერ იუნაიტედმა" "ოლდ ტრაფორდზე" ვერც "ვესტ ჰემი" დაამარცხა * ლივერპულის შემტევმა ფილიპე კოუტინიომ სერიოზული ტრავმა მიიღო და შესაძლოა, მინიმუმ ახალ წლამდე ვერ ითამაშოს* "ტოტენჰემმა" მიმდინარე პრემიერლიგაში პირველი მარცხი იწვნია...* "ლივერპული" აგრძელებს წაუგებელ სერიას, რომელიც უკვე 11 მატჩს ითვლის...* "მანჩესტერ იუნაიტედმა" ზედიზედ მესამე საშინაო ფრე ითამაშა და პირველადგილოსან "ჩელსის" 11 ქულით ჩამორჩა...* ჟოზე მოურინიო ამ სეზონში მეორედ გააძევეს...<div style="text-align: center;">თქვენც, "მამლებო"?!</div> მაშ ასე, პრემიერლიგაში დაუმარცხებელი აღარავინ დარჩა. "ტოტენჰემი" დიდხანს ინარჩუნებდა ამ სტატუსს და საკუთარი 25-წლიანი რეკორდიც გააუმჯობესა, მაგრამ მუდმივი ამ ქვეყნად არაფერია. საერთოდ, ამ ბოლო დღეებში მაურისიო პოჩეტინოს გუნდს უიღბლობამ დარია ხელი - რამდენიმე დღის წინ ჩემპიონთა ლიგიდან გავარდა, შაბათს კი შინაურ ფრონტზეც დაუცდა ფეხი...ძველებურად შთამბეჭდავი ვეღარ იყო "ჩელსიც" და არც ეს არის გასაკვირი. ყოველთვის ერთ დონეზე ვერ ითამაშებ და სადღაც ანტონიო კონტეს მანქანაც დაამუხრუჭებს, თუმცა ჯერჯერობით, ყველაფერი რიგზეა და მინიმუმ ერთი კვირით ინარჩუნებს ლიდერობას.ისე კი, "ტოტენჰემი" რომ ვერაფერს გამორჩა "სტემფორდ ბრიჯზე", შეიძლება ამის მიზეზი ისტორიაშიც მოვძებნოთ - უკვე 30 მატჩია, "მამლებმა" ამ სტადიონს ტაბუ ვერ მოხსნეს. არადა, პირველ ტაიმში მათი უპირატესობა თვალსაჩინო იყო. ბურთის კონტროლი, მოედნის ცენტრი - აქ სადავეები პოჩეტინოს ბიჭებს ეპყრათ ხელთ და ამას ლოგიკურადაც მოჰყვა კრისტიან ერიქსენის შორეული საგოლე დარტყმა, რომელიც ტიბო კურტუამ ახლო კუთხეში გაუშვა.უხეირო თამაშის ფონზე პირველი ტაიმის მიწურულს პედროს ბრწყინვალე გოლმა მაშველი რგოლის როლი ითამაშა, მეორე ნახევრის სტარტზე კი "ჩელსიში" მეორედ "დაბადებულმა" ვიქტორ მოზესმა ზუსტად შეარჩია ის ადგილი, საიდანაც კიდევ ერთხელ შეირხა სტუმართა კარის ბადე, თუმცა ბურთი გზად ჯერ მეკარეს, ხოლო მერე კარის ხაზზე მდგომ მცველს შეეხო."დასანანია, რომ ასეთი თამაში წავაგეთ. თუ მატჩს თავიდან ბოლომდე გავაანალიზებთ, დავრწმუნდებით, რომ ჩვენ უკეთ ვითამაშეთ, განსაკუთრებით - პირველ ტაიმში. თუმცა საწყენია, რომ მატჩის ამ მონაკვეთში უპირატესობა ვერ შევინარჩუნეთ, მეორე ნახევარში კი ძალიან მალე გავუშვით მეორე გოლი... მოკლედ, თამაშის ხარისხით კმაყოფილი ვარ, მაგრამ შედეგმა ყველას გული დაგვწყვიტა", - თქვა პოჩეტინომ.მისმა ვიზავიმ კი ასე შეაჯამა თამაში: "ძალიან მომეწონა ის, თუ როგორი რეაქცია ჰქონდა ჩემს გუნდს გაშვებული გოლის შემდეგ. პრემიერლიგაში არ არის ადვილი, აგებდე და მერე მოიგო, მით უმეტეს, ასეთ ძლიერ ოპონენტთან... ჩემპიონობა? ჯერ ძალიან ადრეა ამაზე ლაპარაკი. დახედეთ ცხრილს და ნახავთ, რომ 6-7 გუნდს შეუძლია ტიტულის მოგება... ახლა მთავარი ის არის, რომ გავაგრძელოთ მუშაობა ისე, როგორც აქამდე ვაკეთებდით, ქულები კი ბოლოს დავითვალოთ".<div style="text-align: center;">იხილეთ ვიდეო <a href="/mtavari/video.html?view=video&video=8612" target="_blank" style="font-size: x-small; text-align: center;"><img src="pictures/artimages/image16/e71f8c35d4ec674dc268b37fd63fbb88.jpg" border="0" alt="Sportall.Ge" title="პრემიერლიგა. XIII ტური: ლონდონური დერბი "ჩელსიმ" მოიგო [VIDEO]" /></a></div><div style="text-align: center;">ზოგი ჭირის ამბავი</div> "ჩელსის" არ იყოს, "ლივერპულიც" ვეღარ არის ისეთი, სანაკრებო პაუზამდე რომ იყო და ქვას ქვაზე არ ტოვებდა. თითქოს, გუნდმა რიტმი დაკარგა, მაგრამ ერთი პოზიტივი მაინც გამოჩნდა - ზედიზედ მეორე მატჩია, "წითლები" გოლს არ უშვებენ და ეს იურგენ კლოპმაც აღნიშნა მატჩის შემდეგ.თუმცა გერმანელს ახლა სხვა საფიქრალი გაუჩნდა - ფილიპე კოუტინიოს სერიოზული ტრავმა, რაც "სანდერლენდის" ნახევარმცველ დიდიე ნდონგის კისერზეა. ბრაზილიელი შემტევი, რომელიც ამ სეზონში "ლივერპულის" სული და გულია (5 გოლი და 6 საგოლე პასი), 34-ე წუთზე შესაცვლელი გახდა. დღეს კოუტინიოს კოჭზე სკანირება ჩაუტარდება. არსებობს ვარაუდი, რომ ის მინიმუმ ახალ წლამდე დაისვენებს.მაგრამ ნათქვამია - ზოგი ჭირი მარგებელიაო და, კოუტინიოს ნაცვლად შესულმა დივოკ ორიგიმ, რომელმაც "ლივერპულის" მაისურით გატანილი 6 გოლიდან 5 შეცვლაზე მიითვალა, არც ამჯერად უღალატა ტრადიციას და 75-ე წუთზე საჯარიმოს გვერდითი ხაზიდან შორეულ კუთხეში გაახვია ბურთი. ოღონდ, რამდენად იქნება 21 წლის ნიჭიერი ბელგიელი კოუტინიოს სრულფასოვანი შემცვლელი, ამაზე ახლა თავს ვერავინ დადებს.<div style="text-align: center;">იხილეთ ვიდეო <a href="/mtavari/video.html?view=video&video=8611" target="_blank" style="font-size: x-small; text-align: center;"><img src="pictures/artimages/image16/5237abd40398478b7c496034151e7e66.jpg" border="0" alt="Sportall.Ge" title="პრემიერლიგა. XIII ტური: ლონდონური დერბი "ჩელსიმ" მოიგო [VIDEO]" /></a></div><div style="text-align: center;">გვარდიოლამ ჯერ უნდა ისწავლოს...</div> ბარნლიში მძიმე ბრძოლა გადახდა "მანჩესტერ სიტის", სადაც მასპინძელი თამაშის დასაწყისშივე დაწინაურდა დინ მერნის შორეული დარტყმით. მაგრამ თავისი სიტყვა თქვა სერხიო აგუერომ, ვისი გოლებიც, ამჯერად, არ ყოფილა ამ საქმის დიდოსტატის შესაფერისი, თუმცა აქ მთავარი სხვა რამ არის - "კუნი" ყოველთვის საჭირო დროსა და საჭირო ადგილას ჩნდება...საინტერესო იყო პეპ გვარდიოლას მატჩისშემდგომი კომენტარი: "მე ჯერ კიდევ უნდა ვისწავლო, როგორ ვაკონტროლოთ "მეორე ბურთი", რადგან ესპანეთსა და გერმანიაში გრძელი პასებით იშვიათად თამაშობენ... მეორე საკითხი, რაც ასევე კარგად უნდა შევისწავლო, მსაჯობაა. არ მინდა კონკრეტულ შემთხვევებზე ლაპარაკი, მაგრამ ერთი და იგივე ტიპის დარღვევაზე ხან ინიშნება ჯარიმა, ხან - არა. არ მესმის, ეს როგორ ხდება. ინგლისში მართლაც სრულიად განსხვავებული მსაჯობაა... საერთო ჯამში, კმაყოფილი ვარ ჩემი ფეხბურთელებით. მათ დღეს ხასიათის სიმტკიცე გამოავლინეს, მით უფრო, რომ გასული კვირა ჩვენთვის ძალიან მნიშვნელოვანი იყო".<div style="text-align: center;">იხილეთ ვიდეო <a href="/mtavari/video.html?view=video&video=8609" target="_blank" style="font-size: x-small; text-align: center;"><img src="pictures/artimages/image16/492420ccf0881a84f6d6a711c3174d5e.jpg" border="0" alt="Sportall.Ge" title="პრემიერლიგა. XIII ტური: ლონდონური დერბი "ჩელსიმ" მოიგო [VIDEO]" /></a></div> <div style="text-align: center;">ბილიჩის ჩაქუჩი</div> რა არ სცადა "მანჩესტერმა" "ვესტ ჰემთან" საშინაო მატჩში, თითქმის ყველა შემტევი გამოიყენა, მომენტებიც შექმნა, მაგრამ ქულის მეტს ვერ ეწია - 1:1. ეს კი არა, თამაშის მიწურულს იერიშებში გართულებს კინაღამ სლავენ ბილიჩის "ჩაქუჩი" მოხვდათ და სირცხვილი მერე გენახათ!..ჟოზე მოურინიო კი ერთხელაც გააძევეს ამ სეზონში. მან არბიტრის გადაწყვეტილება გააპროტესტა (იმ არბიტრის, რომელმაც "მანჩესტერის" კარში პენალტი არ დანიშნა აშკარად ხელით თამაშის გამო), წიხლები ჰყარა, იყვირა და იმდენი ქნა, ჯონ მოსმა ტრიბუნებისკენ მიუთითა.<div style="text-align: center;">იხილეთ ვიდეო<a href="/mtavari/video.html?view=video&video=8623" target="_blank"><img src="pictures/artimages/image16/6a89611aff7d66d66ac705c048c17b3c.jpg" border="0" alt="Sportall.Ge" title="პრემიერლიგა. XIII ტური: რა დროს ტიტულია?! დახედეთ ცხრილს!.. [VIDEO]" /></a></div><div style="text-align: center;">"ლიბერთის" დრამა</div> ბობ ბრედლის ხელმძღვანელობით, "სუონსიმ" პირველი მატჩი მოიგო და თან - რა მატჩი! "ლიბერთიზე" 9(!) გოლი ვიხილეთ და აქედან 7 - მეორე ტაიმში. თამაში ოთხჯერ გადავიდა ხელიდან ხელში. "კრისტალ პალასი", რომელსაც მანამდე ზედიზედ 5 წაგება ჰქონდა, 1:3-ზეც არ დანებდა, 9-წუთიან ინტერვალში 3 გოლი გაიტანა და 4:3 წაიყვანა...და თითქოს, ალან პარდიუს "არწივებს", ბოლოს და ბოლოს, უნდა შეეწყვიტათ წარუმატებელი სერია საგმირო გამარჯვებით, მაგრამ... ბრედლის "გედები" უფრო ყოჩაღები გამოდგნენ - ერთ დროს "ბილბაოს" მეგოლე ფერნანდო ლორენტემ დამატებულ წუთებზე ორჯერ წაჰკრა ბურთს ფეხი და - 5:4! შეიძლება ეს მარცხი პარდიუს სამსახურის დაკარგვად დაუჯდეს."ლესტერი" ორი პენალტის წყალობით გადაურჩა "მიდლსბროსთან" საშინაო მარცხს. ის კვლავაც მოქმედი ჩემპიონია და ამ სტატუსს ჯერ ვერავინ წაართმევს. თუმცა უკვე უხერხულია "მელიების" ამ რეგალიით მოხსენიება, რადგან საქმეს ისეთი პირი უჩანს, კლაუდიო რანიერის პრემიერლიგაში ადგილის შენარჩუნებისთვის მოუწევს ძალისხმევა.ისე, არ დაგავიწყდეთ - იტალიელი ამ საქმის სპეციალისტიცაა, იმავე "ლესტერის" მაგალითს თუ გავიხსენებთ, ოღონდ... კოკა ყოველთვის ვერ მოიტანს წყალსო, უთქვამს ბრძენ ხალხს.<div style="text-align: center;">იხილეთ ვიდეო <a href="/mtavari/video.html?view=video&video=8610" target="_blank" style="font-size: x-small; text-align: center;"><img src="pictures/artimages/image16/e72b74dd414317ddd6f8a6e4a361ba2b.jpg" border="0" alt="Sportall.Ge" title="პრემიერლიგა. XIII ტური: ლონდონური დერბი "ჩელსიმ" მოიგო [VIDEO]" /></a></div>კვირას ალექსის სანჩესის დუბლის წყალობით "არსენალმა" დამაჯერებლად სძლია "ბორნმუთს".<div style="text-align: center;">იხილეთ ვიდეო<a href="/mtavari/video.html?view=video&video=8622" target="_blank"><img src="pictures/artimages/image16/c0cf32711f296daca26f595367da28a6.jpg" border="0" alt="Sportall.Ge" title="პრემიერლიგა. XIII ტური: რა დროს ტიტულია?! დახედეთ ცხრილს!.. [VIDEO]" /></a></div>ხოლო "საუთჰემპტონისა" და "ევერტონის" მატჩში 41-ე წამზე მასპინძელთა ფორვარდ ჩარლი ოსტინის მიერ გატანილი გოლი ერთადერთი აღმოჩნდა "სენტ მერის" დაპირისპირებაში.XIII ტურიბარნლი-მანჩ. სიტი 1:2გოლები: 1:0 მერნი (14), 1:1 აგუერო (37), 1:2 აგუერო (60)ბარნლი (4-4-1-1): რობინსონი - ლოუტონი, კინი, მი, ს. უარდი - გუდმუნდსონი (43. ტარკოვსკი), მერნი (40. არფილდი), დეფური (80. ბარნსი), ბოიდი - ჰენდრიკი - ვოუკსი.სიტი (4-2-3-1): ბრავო - სანია, ოტამენდი, კოლაროვი, კლიში - ფერნანდინიო, ფერნანდო - სტერლინგი (60. სანე), ტურე, ნოლიტო (78. დე ბრუინი) - აგუერო (89. ნავასი).გაფრთხილება: 2-3; კუთხური: 5-8; ჯარიმა: 8-15; თამაშგარე: 4-3; კარში დარტყმა: 10-21 (5-5); ბურთის ფლობა: 33%-67%; მაყურებელი: 21 794ჰალი-ვესტ ბრომვიჩი 1:1გოლები: 0:1 მაკოული (34), 1:1 მ. დოუსონი (72)ჰალი (4-4-1-1): მარშალი - ელმოჰამადი, მ. დოუსონი, კ. დევისი, ტაიმონი (90. რობერტსონი) - სნოდგრასი, ლივერმორი, მეისონი (46. დიომანდი), კლუკასი - ჰენრიკსენი (88. მეილერი) - მბოკანი.ვესტ ბრომვიჩი (4-2-3-1): ბ. ფოსტერი - კ. დოუსონი, მაკოული, ჯ. ევანსი, ნიომი - დ. ფლეტჩერი (64. მაკკლინი), იაკობი - ბრენტი, მორისონი (79. ჩადლი), ფილიპსი (83. რობსონ-კანუ) - რონდონი.გაფრთხილება: 3-2; კუთხური: 2-6; ჯარიმა: 7-10; თამაშგარე: 1-0; კარში დარტყმა: 10-10 (4-2); ბურთის ფლობა: 53%-47%; მაყურებელი: 18 086ლესტერი-მიდლსბრო 2:2გოლები: 0:1 ნეგრედო (13), 1:1 მაჰრეზი (34-პენ), 1:2 ნეგრედო (72), 2:2 სლიმანი (90-პენ)ლესტერი (4-4-2): ცილერი - სიმპსონი, მორგანი, ჰუთი, ფუხსი - მაჰრეზი (68. მუსა), კინგი, ემეტრი, ოლბრაიტონი - ოკაზაკი (76. დ. გრეი), ვარდი (66. სლიმანი).მიდლსბრო (4-5-1): ვალდესი - ბარაგანი, ჩემბერსი, გიბსონი, ფაბიო - ტრაორე (79. სტუანი), დე როონი, კლეიტონი, ფორშოუ, რამირესი (88. ფიშერი) - ნეგრედო.გაფრთხილება: 4-4; კუთხური: 2-3; ჯარიმა: 15-12; თამაშგარე: 3-1; კარში დარტყმა: 11-6 (3-2); ბურთის ფლობა: 41%-59%; მაყურებელი: 32 058ლივერპული-სანდერლენდი 2:0გოლები: 1:0 ორიგი (75), 2:0 მილნერი (90-პენ)ლივერპული (4-3-3): კარიუსი - კლაინი, მატიპი, ლოვრენი, მილნერი - ვინალდუმი (90. ვუდბერნი), ჰენდერსონი, ჩანი - მანე, კოუტინიო (34. ორიგი), ფირმინო (87. ლუკას ლეივა).სანდერლენდი (4-3-3): პიკფორდი - ბ. ჯოუნსი, კონე, ოში, ვან აანჰოლტი - ნდონგი, დენაიერი, პიენაარი (79. გუჩი) - უოტმორი (79. იანუზაი), ანიჩებე, დეფო.გაფრთხილება: 1-3; კუთხური: 9-4; ჯარიმა: 5-9; თამაშგარე: 0-1; კარში დარტყმა: 27-6 (7-1); ბურთის ფლობა: 77%-23%; მაყურებელი: 53 167სუონსი-კრ. პალასი 5:4გოლები: 0:1 ზაჰა (19), 1:1 სიგურდსონი (36), 2:1 ფერი (66), 3:1 ფერი (68), 3:2 ტომკინსი (75), 3:3 კორკი (82-საკ. კარში), 3:4 კ. ბენტეკე (84), 4:4 ფერნანდო ლორენტე (90+1), 5:4 ფერნანდო ლორენტე (90+3)სუონსი (4-3-3): ფაბიანსკი - ნაფტონი (86. მორენო), ფერნანდესი, ამატი, ტეილორი - კორკი, ფულტონი, ფერი - რუტლიჯი (66. ფერნანდო ლორენტე), ბეროუ (80. რანხელი), სიგურდსონი.კრ. პალასი (4-4-2): ჰენესი - ჯ. უარდი, დანი, ტომკინსი, კელი (75. ფრაიერსი) - ზაჰა, კაბაი, მაკარტური (82. საკო), პუნჩეონი - უიქჰემი (52. თაუნსენდი), კ. ბენტეკე.გაფრთხილება: 4-5; კუთხური: 10-6; ჯარიმა: 12-25; თამაშგარე: 2-1; კარში დარტყმა: 15-12 (8-4); ბურთის ფლობა: 57%-43%; მაყურებელი: 20 245ჩელსი-ტოტენჰემი 2:1გოლები: 0:1 ერიქსენი (11), 1:1 პედრო (45), 2:1 მოზესი (51)ჩელსი (3-4-3): კურტუა - ასპილიკუეტა, დავიდ ლუიზი, კეჰილი - მოზესი (80. ივანოვიჩი), კანტე, მატიჩი, ალონსო - პედრო (83. ოსკარი), აზარი (77. ვილიანი), დიეგო კოშტა.ტოტენჰემი (3-4-2-1): ლორისი - დაიერი, ვიმერი, ვერტონგენი - უოლკერი, ვანიამა, დემბელე (83. იანსენი), სონი (65. უინქსი) - ერიქსენი, ალი (73. ნკუდუ) - კეინი.გაფრთხილება: 2-1; კუთხური: 3-8; ჯარიმა: 13-16; თამაშგარე: 3-3; კარში დარტყმა: 9-12 (5-6); ბურთის ფლობა: 47%-53%; მაყურებელი: 41 513უოტფორდი-სტოკი 0:1გოლი: 0:1 გომეში (29-საკ. კარში)უოტფორდი (3-4-3): გომეში - ქაბული (21. კაბასელე), პრიოდლი, ბრიტოსი - იანმაატი, ბეჰრამი, კაპუ, ჰოლებასი (56. იგალო) - ამრაბატი (78. ოკაკა), პერეირა, დინი.სტოკი (4-2-3-1): გრანტი - ჯონსონი, მარტინს ინდი, მუნიესა, პიტერსი - ადამი, იმბულა - დიუფი, შაქირი, არნაუტოვიჩი (82. კრაუჩი) - უოლტერსი.გაძევება: ბრიტოსი (90. უოტფორდი)გაფრთხილება: 5-0; კუთხური: 3-3; ჯარიმა: 24-14; თამაშგარე: 1-6; კარში დარტყმა: 11-14 (2-1); ბურთის ფლობა: 50%-50%; მაყურებელი: 20 058არსენალი-ბორნმუთი 3:1გოლები: 1:0 სანჩესი (12), 1:1 უილსონი (23-პენ), 2:1 უოლკოტი (53), 3:1 სანჩესი (90)არსენალი (4-2-3-1): ჩეხი - დებიუში (16. გაბრიელი), მუსტაფი, კოსიელნი, მონრეალი - ელნენი, ჯაკა - უოლკოტი (76. ჟირუ), ოქსლეიდ-ჩემბერლენი (75. რემზი), იოზილი - სანჩესი.ბორნმუთი (4-2-3-1): ფედერიჩი - ფრენსისი, კუკი, აკე, სმიტი (81. მუსე) - გოსლინგი, არტერი - სმიტი, ჯ. კინგი, სტანისლასი (71. იბე) - უილსონი (63. აფობე).გაფრთხილება: 3-5; კუთხური: 3-10; ჯარიმა: 12-13; თამაშგარე: 1-4; კარში დარტყმა: 16-9 (3-3); ბურთის ფლობა: 52%-48%; მაყურებელი: 59 978მანჩესტერი-ვესტ ჰემი 1:1გოლები: 0:1 სახო (2), 1:1 იბრაჰიმოვიჩი (22)მანჩესტერი (4-2-3-1): დე ხეა - ა. ვალენსია, ფ. ჯოუნსი, როხო, დარმიანი - ერერა, პოგბა - ლინგარდი (85. ფელაინი), მატა (65. მხითარიანი), რაშფორდი (65. რუნი) - იბრაჰიმოვიჩი.ვესტ ჰემი (3-4-2-1): რენდოლფი - კუიატე, კოლინზი, ოგბონა - ანტონიო, ობიანგი, ნოუბლი, კრისუელი - ლანძინი (74. აიუ), პაიე (90. ფეგული) - სახო (66. ე. ფლეტჩერი).გაფრთხილება: 3-1; კუთხური: 8-4; ჯარიმა: 16-16; თამაშგარე: 4-2; კარში დარტყმა: 17-6 (8-2); ბურთის ფლობა: 68%-320%; მაყურებელი: 75 313საუთჰემპტონი-ევერტონი 1:0გოლი: 1:0 ოსტინი (1)საუთჰემპტონი (4-3-3): ფ. ფოსტერი - სედრიკი, ფონტე, ვან დიიკი, ბერტრანდი - ჰოიბერგი, უარდ-პროუსი, რომეუ - სიმსი (84. მაკქუინი), რედმონდი (79. კლასი), ოსტინი (89. ლონგი).ევერტონი (4-2-3-1): სტეკელენბურგი - კოულმენი, იაგიელკა, ე. უილიამსი, ბეინსი (83. ე. ვალენსია) - გუეიე, ბერი - ლენონი (65. დეულოფეუ), ბარკლი (71. მირალასი), ბოლასი - ლუკაკუ.გაფრთხილება: 0-1; კუთხური: 5-2; ჯარიმა: 11-15; თამაშგარე: 0-0; კარში დარტყმა: 17-13 (7-1); ბურთის ფლობა: 53%-47%; მაყურებელი: 31 132ბომბარდირები10 დიეგო კოშტა (ჩელსი)სერხიო აგუერო (სიტი)8 ალექსის სანჩესი (არსენალი)7 რომელუ ლუკაკუ (ევერტონი)ედენ აზარი (ჩელსი)ჯერმეინ დეფო (სანდერლენდი)ზლატან იბრაჰიმოვიჩი (მანჩესტერი)მომდევნო ტური3 დეკემბერი:მანჩესტერ სიტი-ჩელსი, კრისტალ პალასი-საუთჰემპტონი, სტოკი-ბარნლი, სანდერლენდი-ლესტერი, ტოტენჰემი-სუონსი, ვესტ ბრომვიჩი-უოტფორდი, ვესტ ჰემი-არსენალი;4 დეკემბერი:ბორნმუთი-ლივერპული, ევერტონი-მანჩესტერი;5 დეკემბერი:მიდლსბრო-ჰალი.ყოველდღიური სპორტული გაზეთი "ლელო"

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში

პრემიერ ლიგის მოგებიდან 10 წლის შემდეგ - "ლესტერი" ინგლისის მესამე დივიზიონში გავარდა

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა

"რატომ გავაუმჯობესეთ თამაში?" - გვარდიოლამ პრესკონფერენციაზე ჟურნალისტები გაახალისა

"მანჩესტერ იუნაიტედი" სანდრო ტონალის ტრანსფერზე მუშაობს

"არსენალი" მზადაა "ლესტერის" ფეხბურთელის სანაცვლოდ 52 მლნ ევრო და გრანიტ ჯაკა გაიღოს

"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს

"მონაკომ" იჯარით "ლესტერის" თავდამსხმელი აიყვანა

მამარდაშვილის ტრავმის ფონზე - ალისონის დაბრუნების სავარაუდო თარიღი დასახელდა

სალაჰის ყოველი საგოლე მოქმედება "ლივერპულს" 1.85 მილიონი უჯდება

ალისონი უკვე "ლივერპულის" სერიოზული პრობლემაა - ბოლოს და ბოლოს მიდის თუ რჩება?

[VIDEO] მოდი და ნუ გაიქცევი - ჟოაო პედროს კუკურეიას დაცვა, კინაღამ ძვირად დაუჯდა

"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა

"ბარსადან" უთქმელი სიტყვებით გამომაგდეს - ბრაზილიელი მცველი

"გადაცემის შემდეგ ჩემს ნომერს გამოგიგზავნი" - ტიერი ანრიმ ვიქტორ იოკერეშს მიმართა

"სწორედ ამიტომ, შერკი იამალზე უკეთესი ფეხბურთელია" - მიქაუტაძემ თავისი მოსაზრება ახსნა

"ეს მამარდაშვილისთვის მისაღები არ იქნება" - This Is Anfield-ი განმარტავს, რა უშლის ალისონის "იუვენტუსში" გადასვლას ხელს

"ჩელსის" ლიამ როსენიორი ჩაიბარებს

"სიტი" თუ "არსენალი"? - ვენგერმა პრემიერლიგის გამარჯვებული იწინასწარმეტყველა

სიაში "მანჩესტერ იუნაიტედის" ორი ფეხბურთელია - ვინ გამოიმუშავებს პრემიერლიგაში ყველაზე მეტს?

"10 წლის წინ, სწორი გადაწყვეტილება მიმიღია" - გვარდიოლა აღშფოთებულია

[VIDEO] 5 ყვითელი და 2 წითელი ბარათი - "ლივერპულმა" "ტოტენჰემი" გაჭირვებით დაამარცხა

"თუ გორდონი 100 მილიონი ღირს, მაშინ ჩემი ფასი 200 მილიონი იქნებოდა"- ანდრეი არშავინი

როგორია მამარდაშვილის პერსპექტივა. "იუვენტუსს" ალისონის მუქთად წაყვანა სურს - "ლივერპული" გაღიზიანებულია

"მსოფლიოში ერთ-ერთი საუკეთესო ვარ" - ჰარი მაგუაიერი

Breaking: პეპ გვარდიოლა მზადაა იტალიის ნაკრები გაწვრთნას

"მომთხოვნი და პირდაპირი ვარ" - "ჩელსის" ახალმა მწვრთნელმა საკუთარი თავი დაახასიათა

"მანჩესტერ სიტი" პრემიერლიგას ვერ მოიგებს" - მაიკლ ოუენი

"არსენალის" შემდეგ ხვიჩა კიდევ ერთი ინგლისური გრანდის მთავარი სამიზნეა - ისინი კვარაცხელიას წარმომადგენლებს მალე დაუკავშირდებიან

"ამდენი რამ კარიერაში იმიტომ გავაკეთე, რომ ახალგაზრდა ფეხბურთელებმა მიმითითონ, დავარტყა თუ არა?!"

"პორტოს" "არსენალის" მცველების დამატება სურს - რას ითხოვენ "მეთოფეები"?

მაჰრეზის ყოფილმა მეუღლემ ქორწინების დასრულების მიზეზად "მანჩესტერ სიტი" დაასახელა

"მანჩესტერ სიტი" მზად არის, საკუთარი სატრანსფერო რეკორდი გააუმჯობესოს

"არსენალს" პრემიერლიგაში საუკეთესო შემადგენლობა ჰყავს, მაგრამ მნიშვნელოვან დროს, არტეტა უკან იხევს" - კარაგერმა "მეთოფეების" მთავარი მწვრთნელი გააკრიტიკა

კონტე ლონდონში საკუთარი სიით მიდის

ტონალის გრანდების რიგი უდგას - დაბრუნება იტალიაში თუ პრემიერ ლიგის სხვა კლუბში გადასვლა

რატომ გააქტიურდა "ტოტენჰემი" ხვიჩას ტრანსფერზე - მიზეზი ერთი ადამიანია...

"ლესტერის" მცველი შესაძლოა "ჩელსიში" ზაფხულში გადავიდეს

როსენიორის პირველი მოთხოვნა - "ჩელსის" "ბაიერნის" მცველის დამატება სურს

"მეორე ადგილისთვის პრიზს არ აძლევენ" - გალასმა "არსენალი" გააკრიტიკა

[PHOTO] რა ქნას, დარდს იქარწყლებს... - მუდრიკი "სამაგალითოდ" მოქცევას აგრძელებს

[VIDEO] ჰავერტცმა ყოფილ გუნდს გაუტანა - "არსენალი" ინგლისის თასის ფინალში ითამაშებს